26 მაისი 2023 წელი
სიახლეები
26 მაისი 2023 წელი
20 მაისი 2023 წელი
დღეს წმინდა ნინოს სახელობის სკოლაში გაიმართა პოეტ მანანა ჩიტიშვილის შემოქმედებითი საღამო. ეს იყო პოეზიის დღესასწაული, მართალი, გულში ჩამწვდომი სიტყვის, სულიერების, დიდსულოვნების, ცხოვრების ქარტეხილებთან შეჭიდების და მარადიულ ფასეულობებთან თვალის გასწორების გულწრფელი ეპიზოდები. ქართული ენისა და ლიტერატურის პედაგოგებმა ირინე კვანჭიანმა და ლეილა თვალაბეიშვილმა მე-6 და მე-4 კალსის მოსწავლეებს ისეთი შთაგონება და პოეზიის სიყვარული შთაუნერგეს, რომ სხვაგვარად შეუძლებელი იყო. პოეტის რჩეული პატრიოტული ლექსები მოსწავლეებმა წაიკითხეს საოცარი დეკლამაციით, გულიდან გაჟღერებული სტრიქონებით. გრძნობებისა და ემოციების ტალღა არამხოლოდ პატარა მსახიობებს, მთელ დარბაზსს მაგიურად მოედო და მონუსხულ პუბლიკას გულწრფელი ცრემლები აღვრევინა. ცოტა მოგვიანებით, ქალბატონმა მანანამ დიდი ემოციით აღნიშნა:,, დასამახსოვრებელი, მართლა საოცარი ბავშვები და პედაგოგები, სკოლის დირექცია_ყველა ერთსულოვანი, მაღალი სულიერებით აღბეჭდილი, ერთად შეკრული... მთხრობლადაც საინტერესონი და მსმენელადაც საუკეთესონი, თვალებში არეკლილი ცრემლებით და მძაფრი ემოციებით....და იყო პოეზია... იყო სულის ზეიმი. იყო საქართველო ტკივილიანი სიყვარულით...ასეთი ბავშვები, ამგვარი განცდა, ასეთ უტკბილეს ხმებში შესრულებული საგალობლები..._ვერც გაოცებას ვმალავდი, ვერც სიხარულს. ეს ის ჟამი იყო, უნებლიედ რომ აღმოგხდება: ,,როგორი მშვენიერია ზოგჯერ მოდგომა ცრემლისა". ასე ერთიანი სულისკვეთებით შეკრული საუცხოო პედაგოგიური კოლექტივი, ამნაირად სულხორციანად "მწერლობით შეპყრობილი" ქართულის მასწავლებლები, ერთად არც მინახავს’’. ირინე კვანჭიანი კი ემოციურად აღნიშნავდა ,, ქალბატონი მანანას პოეზიის ყველა სიტყვა, ყველა -ფრაზა, ყველა- ბგერა, იმდენად დიდია და საქართველოს სიყვარულით გაჯერებული, ვთვლი, რომ ამ შემოქმედების ბავშვებამდე მიტანით ნახევარი აგურით მეც შევეწიე ჩემს ქვეყანას . დიდი მადლობა თქვენ, ქალბატონო მანანა,მადლობა რომ თქვენი პოეზია მაძლევს ძალას და იმედს იმისას,რომ საქართველოს ისტორიას დავიწყება არ უწერია!,,რა იქნებოდა, რომ ჩვენთა დედათსულიცა თქვენი გამოჰყოლოდათ?!ვინღა ჰყავს გულის შემატკივარიმამულს ასული ახლა თქვენგვარი?ქარმან ჩ რ დ ი ლ ო ს მ ა ნყველაზედ პირველგარდაუცვალა მათ გული ცხოველ!" სკოლის დირექტორმა ლალი მელივამ მოწვეული სტუმრის და მოსწავლეების მიმართ სიკეთით და მადლიერებით სავსე სიტყვები წარმოსთქვა. პოეზიის საღამოს მუსიკალური რედაქტორი გახლდათ ნინო ბიბილური, აქტიური მხარდამჭერი და ორგანიზატორი ირმა კვანჭიანი, დარბაზი მხატვრულად გააფორმა მარი მჟავიამ.
სრულად
18 მაისი 2023 წელი
საქართველოს საპატრიარქოს წმინდა ნინოს სახელობის სკოლაში მოსწავლეთა განვითარებასა და მომავალ წარმატებაზე პროფესიონალი პედაგოგები ზრუნავენ. ამჯერად , მე-6ა კლასის მოსწავლეებმა დავალება - "ჩემი უბანი თბილისში" შეასრულეს. მათ შესაძლებლობები გამოავლინეს, დრო ნაყოფიერად გაატარეს და არაჩვეულებრივი ნამუშევრები მოამზადეს. განხორციელებულ აქტივობაზე პედაგოგი სოფო გორგილაძე გვიყვება. "ეს ის თაობაა, რომელიც გულწრფელად და დაუფარავად გამოხატავს საკუთარ ემოციებს - სიყვარულს, სიხარულს, პატივისცემას, გაბრაზებას, აღტაცებას და რაც მთავარია, შემოქმედებითი აზროვნების დიდი ნიჭი აქვთ. "ჩემი უბანი თბილისში" ეს ერთ-ერთი რიგითი დავალება იყო მე-6ა კლასის მოსწავლეებისთვის. ზოგმა თავი არ დაზოგა - ქაღალდის საინფორმაციო ველი ვერ იტევდა მოძიებულ მასალას. ზოგმა ფანქრით მოხატა და ზოგმაც საწერი კალმით, უმეტესმა დახატა და რაც მთავარია, ქარლდზე გადატანილი ინფორმაცია ისე საინტერესოდ წარმოადგინეს, რომ აღტაცებული ვუსმენდი. წაკითხულის გააზრება, თხრობა, აუდიტორიის წინაშე ინფორმაციის საინტერესოდ წარდგენა, ისე მოახერხეს, რომ ერთი წუთთ არ გამნელებია ინტერესი. მახარებს თქვენი მონდომება და შემართება, წარმატებებს გისურვებთ, ჩემო ჭკვიანო ბავშვებო - ნანუკა, მარიამ, თუთა, თორნიკე, ლიზი, ანასტასია, ელენე, გიორგი, თემო, ტასო, მარიამ, მარი და ნია - მადლობელი ვარ ასეთი ფაქიზი დამოკიდებულებისთვის", წერს პედაგოგი სოფო გორგილაძე.
სრულად
19 მაისი 2023 წელი
ბოლო ზარი წმინდა ნინოს სახელობის სკოლაში.წარმატება ჩვენს მოსწავლეებს პირად და საზოგადოებრივ საქმიანობაში.
სრულად
15 მაისი 2023 წელი
ტელესკოლის მიერ ორგანიზებულ ოლიმპიადაში წელს სულ 3225 მოსწავლე მონაწილეობდა. წმინდა ნინოს სახელობის სკოლის VI კლასის მოსწავლე თეკლა კვანჭიანი კონკურსის 4 ტურის შემდეგ 108 ნახევარფინალისტის ოცეულში იყო, გუშინ ამ ნიჭიერ მოსწავლეებს #სეუ-მ უმასპინძლა. 2 საათში 15 ამოცანა უნდა ამოეხსნათ, მათგან საუკეთესო შედეგის მქონე 30 მონაწილე გადადიოდა ფინალში, აღმოჩნდა, რომ თეკლამ საუკეთესო ფინალისტების ათეულში გადაინაცვლა! წმინდა ნინოს სახელობის სკოლა ულოცავს თეკლას ღირსეულ გამარჯვებას, მან ურთულესი გზა ღირსეულად გაიარა და მომავალშიც მრავალი მწვერვალი დაეპყროს.
სრულად
04 მაისი 2023 წელი
ფეხბურთი რომ გუნდური თამაშია ეს საყოველთაოდ აღიარებული თემაა. სპორტის ამ სახეობაში ქართველებს საამაყო ბევრი გვაქვს და... მოდით, დღეს კარგზე ვისაუბროთ. ჩვენი მოსწავლეები ფეხბურთის მიმართ დიდ ინტერესს იჩენენ. ამის დადასტურება სკოლაში ყოველწლიურად გამართული ჩემპიონატებია. წელსაც დიდი მოლოდინით ჩატარდა საფეხბურთო კვირეული, სადაც სხვადასხვა ასაკობრივი ჯგუფები მონაწილეობნენ. არ ცხრებოდა გულშემატკივართა სკანდირება, ყველას თავისი ფავორიტი ჰყავდა. საბოლოო გამარჯვება XI ბ კლასის გუნდს ხვდა წილად. კაპიტანმა ლუკა ინაშვილმა გუნდში პოზიციების სწორად გადანაწილებით საბოლოო გამარჯვება მოიპოვა. საბა კირკიტაძე, დათი დაშნიანი, ლუკა რივკინი, საბა გოგოლაშვილი და ლუკა მაჭავარიანი ოსტატურად ახერხებსნენ ღირსეულ მოწინააღმდეგესთან გამარჯვებისთვის ბრძოლას. II ადგილზე გავიდა X კლასი, III ადგილი კი VII ა კლასს ხვდა წილად. სკოლის დირექტორმა ლალი მელივამ და სპორტის პედაგოგებმა გამარჯვების თასით და მედლებით დააჯილდოვეს სამივე გუნდი. ვულოცავთ ჩვენს ნიჭიერ მოსწავლეებს გამარჯვებას, სულ გამარჯვებით გევლოთ.
სრულად
03 მაისი 2023 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში განსაკუთრებული ყურადღება ექცევა სახელოვნებო დარგის მიმართულებებს. სახვითი ხელოვნების პედაგოგები უდიდეს ძალისხმევას იჩენენ შემოქმედებითი აზროვნების მოსწავლეების მიმართ - შედეგიც უნიკალურია - ისინი არაერთი კონკურსის გამარჯვებულები და მედალოსნები არიან. ამ მიმართულებით გამოირჩევიან მოსწავლეები, რომლებსაც სახვითი ხელოვნება თითქმის პროფესიონალის დონაზე აქვთ ათვისებული. ტექნიკის სრულყოფაში კი მათი პედაგოგები მარიამ მჟავია და მარი დავითიძე უწევენ კონსულტაციებს. დღეს, საპატრიარქოსთან არსებულ ახალგაზრდობის სულიერი და ინტელექტუალური განვითარების ცენტრის დარბაზში გაიმართა კონკურსი: ,,ნახატები ბიბლიურ თემებზე". კონკურსანტებს წაუკითხეს ამონარიდები წმინდა წერილიდან (ძველი და ახალი აღთქმა), რომლის მიხედვითაც ადგილზე დახატეს ბიბლიური პასაჟები. საქართველოს საპატრიარქოს წმინდა ნინოს სახელობის სკოლის მოსწავლეებმა:ნინი ქარელიძემ, ანასტასია ციცქიშვილმა, მარიამ მეტრეველმა, კესო თორდიამ, ელისაბედ ჩხაიძემ და ყველაზე უმცროსმა, მესამე კლასელმა, თეკლა ჩარგეიშვილმა დიდი წარმატებით გაიარეს მეტად საპასუხისმგებლო შემოქმედებითი ტური და შესანიშნავი ნახატები წარმოადგინეს.
სრულად
01 მაისი 2023 წელი
სპორტი რომ ჯანსაღი ცხოვრების მთავარი გარანტია ეს კარგად იცის საქართველოს საპატრიარქოს წმინდა ნინოს სახელობის მართლმადიდებლური სკოლა -ის თითოეულმა მოსწავლემ. მოტივაციას კი სასკოლო გარემოში კვალიფიციური, პრაქტიკოსი პედაგოგები ქმნიან. დღეს დაიწყო საფეხბურთო ჩემპიონატის კვირეული, რომელშიც მონაწილეობენ VII - XI კლასის მოსწავლეები. დილიდან სტადიონზე მობილიზდნენ გულშემატკივრები და მხარდამჭერი პლაკატებით გულმხურვალედ ამხნევებდნენ რჩეულ გუნდებს. წარმატებებს ვუსურვებთ თითოეულ გუნდს და მათ გულშემატკივრებს.წინ კიდევ ბევრი საიტერესო თამაში გველის.
სრულად
28 აპრილი 2023 წელი
სახალისო და ადვილად დასამახსოვრებელია უცხო ენის ლექსიკური ერთეულების შესწავლა-დამახსოვრება პრაქტიკული სამუშაოს შესრულებისას. კერძოდ, ტკბილეულისა და სხვა ტიპის საკვების მოსამზადებელი რეცეპტები უცხო ენის შესწავლის კონტექსტში შესანიშნავი საშუალებაა. ფრანგული ენის შესწავლისას ამგვარ პრაქტიკას ხშირად იყენებს პედაგოგი რუსა კილაძე. ლექსიკის გაკვეთილის თემა იყო: საკვები და გრამატიკაში- I ჯგუფის ზმნები. კრეპის ფრანგულენოვანმა, რეცეპტმა კი საშუალება მოგვცა მარტივად გვემუშავა მოცემულ თემებზე. ძალიან საინტერესო და სახალისო იყო, როგორც რეცეპტის მიხედვით კრეპების მომზადების, ასევე ამ რეცეპტის პლაკატზე თვალსაჩინოდ გადატანის პროცესიც.
სრულად
30 აპრილი 2023 წელი