15 ნოემბერი 2022 წელი
სიახლეები
15 ნოემბერი 2022 წელი
03 ნოემბერი 2022 წელი
საქართველოს საპატრიარქოს წმინდა ნინოს სახელობის მართლმადიდებლური სკოლის მე- 4ბ კლასის მოსწავლეებმა გამართეს ლიტერატურული საღამო ,,უკანასკნელი ფოთოლი" . წარმოდგენილი იყო ქართული პოეზიის შედევრები და ო. ჰენრის გენიალური მოთხრობის ადაპტირებული ვერსია .
სრულად
12 ოქტომბერი 2022 წელი
შემაჯამებელი გაკვეთილი "წელიწადის დროები" მე-4ა კლასი. მასწავლებელი - ლეილა თვალაბეიშვილი. დავასრულეთ თავი ,,წელიწადის დროები" .დღეს გვქონდა შემაჯამებელი გაკვეთილი.ვიმსჯელეთ ზოგადად თითოეულ დროზე , თუ როგორ ფერად ხალიჩას უფენს შემოდგომა ზამთარს, მიძინებულ ბუნებას როგორ აღვიძებს კეკლუცი გაზაფხული და როგორ ყველასათვის საყვარელია ზაფხული არდადეგების გამო .შემდეგ კი ამ თავში შესულ თითოეულ ტექსტზე ვიმსჯელეთ.დიდი მადლობა ამ საოცარ ბავშვებს. ლეილა თვალაბეიშვილი
სრულად
27 სექტემბერი 2022 წელი
დღეს სოხუმის დაცემიდან 29 მძიმე წელი გავიდა... შეუძლებელია მივიწყებას მიეცეს ან ოდნავ განელდეს ეს ტრაგიკული დღე... წმინდა ნინოს სკოლაში მე-11ა და მე-6ბ კლასელებმა გაგვაცნეს ქუთაისელი მეომრის დათო ზივზივაძის ჩანაწერები ,,ტყვიით გაწყვეტილი დღიურები... 27/09/1993". ეს დღიურები შიშველი სიმართლეა, საქართველოს ტკივილიანი უახლესი წარსულია, ბავშვებმა გულწრფელი ემოციით გადმოსცეს გმირი დათო ზივზივაძის ჩანაწერები, რომელიც ბრძოლის ველზეა შექმნილი... დათო ზივზივაძე დაიღუპა სოხუმის დაცემისას, 1993 წლის 25 სექტემბერს. გვახსოვდეს გმირები!
სრულად
06 სექტემბერი 2022 წელი
ძვირფასო პირველკლასელებო და მშობლებო გილოცავთ ახალი სასწავლო წლის დაწყებას. გაცნობებთ, რომ ა/წ13 სექტემბერს, დილის 10:00 საათზე წმინდა ნინოს სახელობის სკოლაში გაიმართება ღია კარის დღე პირველკლასელთათვის.შეხვედრაზე მოსწავლეები დაათვალიერებენ სკოლის შენობას, გაეცნობიან პედაგოგებს. ასევე გაგაცნობთ სკოლის შინაგანაწესს და ბავშვებს საჩუქრად გადავცემთ #დედაენას, გიპასუხებთ თქვენთვის საინტერესო შეკითხვებზე. პატივისცემით სკოლის ადმინისტრაცია .
სრულად
10 ივნისი 2022 წელი
წმინდა ნინოს სახელობის მართლამდიდებლურ სკოლაში გაიმართა ინტელექტუალური თამაში რა? სად? როდის? მე-4 კლასის მოსწავლეების მონაწილეობით. შიდასასკოლო შეჯიბრი გაიმართა ქართული ენის და ლიტერატურის პედაგოგის მარი თაბაგარის ინიციატივით.მონაწილეობდა 5 გუნდი: ტვინიკოსები გონებამახვილები მოაზროვნეები ინტელექტუალები სწავლულები შეჯიბრის მსვლელობას აფასებდა სპეციალური ჟიური: ლალი მელივას, ირინე კვანჭიანის, ლეილა თვალაბეიშვილის, ნატა ფიცხელაურის, ნინო ბიბილურის და სოფიო გორგილაძის შემადგენლობით. მოსწავლეებმა გამოავლინეს არნახული სისწრაფე და გონიერება.გამოვლინდა გამარჯვებული გუნდი - ტვინიკოსები. ყველა მონაწილეს გადაეცა სერთიფიკატი, ხოლო გამარჯვებულებს სპეციალური დიპლომები და თასი.
სრულად
27 მაისი 2022 წელი
დღეს უმნიშვნელოვანესი დღეა. სევდანარევი სიხარულით სავსე...ყველა და ყველაფერი ისეთი ლამაზი და კაშკაშაა, რომ შეუძლებელია არ დატკბე ამ შესანიშნავი თაობის ცქერით..დღეს არის უკანასკნელი დღე - მერხებთან, მასწავლებლებთან, თანაკლასელებთან.ახლა და აქ ბავშვობასთან გამოთხოვების გარდაუვალი მომენტია, მაგრამ იწყება უფრო საინტერესო გზის , სანუკვარ მიზნების და ოცნებების განხორციელების ოქროს ხანა.თითოეული მოსწავლე პირველ კლასში შემოსვლისას ბოლო ზარზე ოცნებობს.აი, დადგა ეს მომენტი. მაგრამ იქამდე იყო სკოლის დაარსების დღე და ეს თარიღი განსაკუთრებულად აღსანიშნია, რადგან თქვენ ხართ პირველები, ვისთვისაც ჩვენს სკოლაში პირველი ზარი დაირეკა და პირველი გაკვეთილი ჩატარდა. იმ დღიდან მოყოლებული მაცოცხლებელი ძალით აახმაურეთ ეს კედლები, სული ჩაუდგით ყველაზე წმინდა კერას, რასაც საქართველოს საპატრიარქოს წმინდა ნინოს სახელობის მართლმადიდებლურ სკოლა ჰქვია. იყო ბევრი სიხარული, იმედგაცრუება, ხალისიანი და სევდიანი დღეები... ყველაფერი იყო, მაგრამ ამ სევდანარევ მოგონებებს აერთიანებს უდიდესი რამ, რასაც სიყვარული და ურთიერთპატივისცემა ჰქვია. სამწლიანმა დისტანციამ, ეპიდემიურმა განწყობებმა და დაძაბულობამ ვერ ჩააქრო ჩვენი სიყვარული, ურთიერთპატივისცემა, მონატრება, პასუხისმგებლობა და ზოგადად მადლიერების გრძნობა, რომელიც ყველაზე სანდო და სიცოცხლისთვის საჭირო უკუკავშირია, რაც მაცოცლებელი ძალად გვაერთიანებს მშვიდობიანი და დამოუკიდებელი ქვეყნის აღმშენებლობაში. ჩვენო ძვირფასებო, დაუვიწყარო მოსწავლეებო! ნურასდროს დაღონდებით, ნუ შეშინდებით, გქონდეთ საკუთარი თავის რწმენა და იმედი. ახალი საუკუნე ტექნიკური პროგრესის და ხელოვნური ინტელექტის ეპოქაა, თქვენი შესაძლებლობები ამოუწურავია და ამავდროულად დიდი პასუხისმგებლობაც, რადგან სიძულვილის ენის, აგრესიის, ომების სამყაროში ძნელია დარჩე ადამიანად და გქონდეთ ფასეულობები, რაც მთელი ცხოვრება გაგიწევთ მეგზურობას და ახალ შესაძლებლობებს აღმოგაჩენინებთ საკუთარ თავში.
სრულად
19 აპრილი 2022 წელი
პროექტის „პატრიორტი დიასპორელი“ იდეის ავტორი და განმხორციელებელია გერმანიაში მცხოვრები წარმატებული ქართველი ნინო ციბაძე ფონდთან „საქართველოს ემიგრანტები“, საქართველოს განათლებისა და მეცნიერების სამინოსტროსა და ქართულ გამორჩეულ სკოლებთან ერთად. პროექტი უპრეცენდენტოა, რადგან მის ფარგლებში დადგენილი პირობების გათვალისწინებით, ქართული წარმოშობის დიასპორელები პირველად შეძლებენ ქართულ სასწავლო პროცესში გარკვეული ხნით ინტეგრირებას, რომ მოხდეს მათი ქართული ენის ცოდნის პრაქტიკული გამოცდილებით გამდიდრება, დიასპორელების ქართული ენობრივ-კულტურული იდენტობის შეგნების ამაღლება და ზოგადად, საქართველოსა და მის ფარგლებს გარეთ მცხოვრები ქართველი მოზარდების ერთმანეთთან დაახლოება. საერთაშორისო-საგანმანათლებლო პროექტი „პატრიოტი დიასპორელი“ ითვალისწინებს ქართული წარმოშობის საზღვარგარეთ მცხოვრები მოზარდების საქართველოს სკოლებში გაკვეთილებზე დასწრებას მათთვის ხელსაყრელ კალენდარულ დროებში. პროექტის პარტნიორი საქართველოს განათლებისა და მეცნიერების სამინისტრო პროექტში ჩართულ დიასპორელებს მიანიჭებს „პატრიოტი დიასპორელის“ სტატუსს, ხოლო მასპინძელ ქართულ სკოლებს - „პატრიოტი სკოლის“ ტიტულს. პროექტი ოფიციალურად ამოქმედდა 2022 წლის 4 აპრილიდან. პროექტის ფინანსური მხარდამჭერია ციბაძე-მჭედლიშვილების ოჯახი გერმანიიდან. ფონდი „საქართველოს ემიგრანტები“ საერთაშორისო პროექტით „პატრიოტი დიასპორელი“ ზრუნავს შეუნარჩუნოს დიასპორელ ქართველობას ფესვები საკუთარ სამშობლოსთან და კიდევ უფრო გააღრმავოს მათი კავშირი საქართველოსთან. აღნიშნული პროექტი უდიდეს წვლილს შეიტანს ქართული ენისა და კულტურის პოპილარიზაციაში ქვეყნის ფარგლებს გარეთ და ამაში ლომის წილი ექნება საქართველოს განათლებისა და მეცნიერების სამინისტროს, საქართველოს საგარეო საქმეთა სამინისტროსა, სხვადასხვა ქვეყნების საელჩოებს და ჩვენი ქვეყნის საჯარო სკოლებს.
სრულად
14 აპრილი 2022 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში 14 აპრილი, ქართული ენის დღე, განსაკუთრებული სიყვარულით აღნიშნეს მე-2, მე-3 და მე-4 კლასის მოსწავლეებმა. მათ მსმენელსა და მაყურებელს, ენის მრავალსაუკუნოვან ისტორიასთან ერთად, ქართული ენის დღის დაარსების მიზეზზეც უამბეს. ფარნავაზ მეფიდან მოყოლებული, ყველა იმ წინაპრის ღვაწლი გაიხსენეს, ვინც ქართული ენის განვითარებასა და დამკვიდრებაში თავისი წვლილი შეიტანა და მნიშვნელოვანი სიტყვა თქვა. მოსწავლეებმა სცენაზე გააცოცხლეს სულხან-საბა ორბელიანის, ქართული ზღაპრისა და იოსებ ნონეშვილის ლექსის პერსონაჟები. ინსცენირებას ენაცვლებოდა ლექსი, გალობა, სიმღერა და ჩვენი მოსწავლეების გულიანი, იმედიანი შემოძახილი კიდევ ერთხელ გვარწმუნებდა, რომ ეს თაობაც წინაპრებივით გაუფრთხილდება, მოეფერება და თაობებს გადასცემს ამ ეროვნულ განძს - ქართულ ენას. ღონისძიების ,,ენა დედაა ერისა" ამოძახილი, რომ ,,ძალა ერთობაშია", თავის მიმართვაში ლამაზად დააგვირგვინა სკოლის დირექტორმა, ქალბატონმა ლალი მელივამ და ყველა პედაგოგს, კლასების დამრიგებლებს ( მზია თათარაშვილს, თამილა ჭიკაიძესა და ელენე მიროტაძეს) მადლობა გადაუხადა. ქართული ტკბილხმოვანებით გაჯერებული ღონისძიება მუსიკალურად გააფორმა სკოლის გუნდის ხელმძღვანელმა, მუსიკოსმა ნინო ბიბილურმა. ღონისძიების ორგანიზება, რეჟისურა, სცენარი, დეკორაცია ეკუთვნოდა ქართული ენისა და ლიტერატურის პედაგოგს მარი თაბაგარს.
სრულად
25 მარტი 2022 წელი