სასწავლო წლის

კალენდარი

2024 - 2025 სასწავლო წლის კალენდარი

2024-2025 სასწავლო წელი იყოფა ორ სემესტრად. მათ სემესტრებად ყოფს ზამთრის არდადაგები. სასწავლო კვირა ხუთდღიანია. საჭიროების შემთხვევაში, დასაშვებია კვირაში ექვსდღიანი სწავლებაც. კერძოდ, ექვსდღიანი სწავლება დასაშვებია, თუ:

ა) სკოლა გადაწყვეტს ყოველდღიური საათობრივი ბადის განტვირთვას;

ბ) გაუთვალისწინებელი მიზეზების გამო სკოლაში გაცდება სასწავლო დღე/დღეები;

გ) ობიექტური მიზეზების გამო სკოლა მიზანშეწონილად მიიჩნევს კვირის რომელიმე დღე განსაზღვროს დასვენების დღედ.

სასწავლო წელი ითვალისწინებს ორ სემესტრს. I სემესტრი იწყება 2024 წლის 16 სექტემბერს და მთავრდება 2024 წლის 30 დეკემბერს, II სემესტრი იწყება 2025 წლის 20 იანვრიდან და მთავრდება 2025 წლის 13 ივნისს. მე-12 კლასისთვის - 2025 წლის 20 მაისს.

2024 - 2025 სასწავლო წელს სწავლის ხანგრძლივობა მოიცავს:

I-XI კლასებისათვის:

პირველი სემესტრი - 73 სასწავლო დღე;
მეორე სემესტრი - 95 სასწავლო დღე;
სულ - 168 სასწავლო დღე.

XII კლასებისათვის:

პირველი სემესტრი - 73 სასწავლო დღე;
მეორე სემესტრი - 77 სასწავლო დღე;
სულ - 150 სასწავლო დღე.

ზამთრის არდადეგები იწყება 31 დეკემბრიდან და გრძელდება 20 იანვრამდე. სააღდგომო არდადეგები იწყება წითელ პარასკევს და გრძელდება რვა კალენდარული დღის განმავლობაში.

გაკვეთილების ხანგრძლივობა განისაზღვრება 45 წუთით. პირველ კლასში, გაკვეთილის ხანგრძლივობა 35 წუთია, ხოლო მეორე კლასში 40 წუთი. გაკვეთილების ხანგრძლივობასთან დაკავშირებით შესაძლებელია დაშვებულ იქნეს გამონაკლისი ექსტრემალური პირობების დროს (ყინვა, განსაკუთრებული სიცხეები, პანდემია და ა.შ), როდესაც სკოლამ, შესაძლოა, ხანმოკლე ვადით შეცვალოს გაკვეთილების ხანგრძლივობა სასწავლო პროცესის დროის შემცირების მიზნით.

პირველ კლასში შესვენება გაკვეთილებს შორის 15 წუთიანია, ხოლო მესამე და მეოთხე გაკვეთილებს შორის შესვენება არის 30 წუთიანი. მეორე კლასში შესვენება გაკვეთილებს შორის არის 10 წუთიანი, ხოლო მესამე და მეოთხე გაკვეთილებს შორის არის 25 წუთიანი. III-XII კლასის შესვენება გაკვეთილებს შორის არის 5 წუთიანი, ხოლო მესამე და მეოთხე გაკვეთილს შორის შესვენება არის 20 წუთიანი.

უქმე დღეებია:

14 ოქტომბერი - სვეტიცხოვლობა (შრომის კოდექსი)
25 ოქტომბერი - საქართველოს მთავრობის 2024 წლის 21 ოქტომბრის N359 დადგენილება
23 ნოემბერი - გიორგობა (შრომის კოდექსი)
31 დეკემბერი - 17 იანვარი - ზამთრის არდადეგები
19 იანვარი - ნათლისღება (შრომის კოდექსი)
3 მარტი - დედის დღე (შრომის კოდექსი)
8 მარტი - ქალთა საერთაშორისო დღე ( შრომის კოდექსი)
9 აპრილი - ხსოვნის დღე ( შრომის კოდექსი)
18 აპრილი - 25 აპრილი - სააღდგომო დღეები
9 მაისი - ფაშიზმზე გამარჯვების დღე (შრომის კოდექსი)
12 მაისი - ანდრია პირველწოდებულის ხსენების დღე (შრომის კოდექსი)
26 მაისი - საქართველოს დამოუკიდებლობის დღე (შრომის კოდექსი)