12 აპრილი 2026 წელი
სიახლეები
12 აპრილი 2026 წელი
08 აპრილი 2026 წელი
საქართველოს საპატრიარქოს წმინდა ნინოს სახელობის მართლმადიდებლური სკოლის ეზოში შეკრებილი მოსწავლეები განსაკუთრებული მღელვარებით ესალმებოდნენ ერგმანეთს, თავსაბურავს უსწორებდნენ და საგალობლების ტექსტებს იმეორებდნენ. ამ ყველაფერს კი დიდი მოწიწება და იდუმალი სევდა ახლდა თან. ეს სევდა მდუმარებაში გადაიზარდა და სიონის საკათედრო ტაძრამდე თანამგზავრად გაჰყვა გოგონათა ფოლკლორულ გუნდ ,,იაკამს", მის ხელმძღვანელს - ნინო ბიბილურს, მასწავლებლებს ელა კვარაცხელიას, გუგა ბენდელიანსა და მარი თაბაგარს, სკოლის დირექტორ ლალი მელივას, ადმინისტრაციის წარმომადგენლებს თამთა ბუჩუკურსა და ქეთევან ვაჩიბერიძეს. ამ მოწიწებითა და პატივისცემით მიეახლნენ მოსწავლეები იმ ადამიანის საფლავს, რომლის სიტყვაცა და ლოცვაც მრავალი თაობისთვის გზის მანათობელი იყო, რომელმაც შექმნა ეპოქა, სადაც მხრებით ატარა საბჭოთა უღმერთობის, საქართველოს დამოუკიდებლობის აღდგენისა და თანამედროვე სახელმწიფოებრივი განვითარების წლები.,,იაკამის" წევრები მოკრძალებით მიეახლნენ პატრიარქის საფლავს, რომელიც ჯერ ყვავილებით შეამკეს, შემდეგ მუხლი მოიყარეს და ეამბორნენ. მამა გიორგი ნადარეიშვილმა პანაშვიდი გადაიხადა საფლავთან, ,,იაკამის " გუნდი კი ხმაშეწყობილი გალობით ახმიანებდა სიონის ტაძარში პატრიარქის მიერ შექმნილ თუ სხვა საგალობლებს. ხმები ნაზად ერწყმოდა ერთმანეთს — სუფთა, გულწრფელი და ღრმა ემოცია ავსებდა გულებს და როცა პანაშვიდი დასრულდა და გუნდმა ,,ჩემო პატრიარქო" იგალობა, მსმენელთა, მომლოცველთა თვალებში წმინდა და გულწრფელი ცრემლი აკიაფდა. ეს არ იყო მხოლოდ გალობა. ეს იყო მადლიერება, დიდი სიყვარული და პატივისცემა ახლადშესვენებული პატრიარქის მიმართ. მამა სვიმეონ დათუკიშვილმა დალოცა მგალობლები და ტაძარიც განსაკუთრებულმა სიმშვიდემ მოიცვა. ეს იყო იმ ღირებულებასთან ზიარება, რომელიც ადამიანს მარადიული ემოციით ავსებს. უკან გამობრუნებულებს საოცარი შეგრძნება თან გამოჰყვათ - პატრიარქისგან დალოცვის, უხილავი კურთხევისა და დიდი რწმენის!
სრულად
06 აპრილი 2026 წელი
ჩვენმა მესამეკლასელებმა ხელოვნების გაკვეთილზე ნამდვილი საოცრებები შექმნეს! თემა „ქანდაკება და რელიეფი“ მხოლოდ თეორიული მასალა არ აღმოჩნდა — ბავშვებმა პლასტელინის დახმარებით საკუთარი ფანტაზიები რეალობად აქციეს. ხელოვნების მასწავლებელ ნინო ცარციძის ხელმძღვანელობით, მოსწავლეებმა საუცხოო ნამუშევრები გამოძერწეს. პლასტელინთან მუშაობა, გარდა შემოქმედებითი თვითგამოხატვისა, საუკეთესო საშუალებაა ნატიფი მოტორიკის განვითარებისთვის, რაც ამ ასაკში განსაკუთრებით მნიშვნელოვანია. დაათვალიერეთ ჩვენი ნიჭიერი მოსწავლეების შემოქმედება!
სრულად
06 აპრილი 2026 წელი
გასულ კვირას ჩვენს სკოლაში 8-11 კლასის მოსწავლეებს შორის ფრენბურთის ჩემპიონატი ჩატარდა! ტურნირის განმავლობაში ვიხილეთ დაძაბული თამაში, გუნდური მუშაობის საუკეთესო მაგალითები და გულშემატკივრების წარმოუდგენელი მხარდაჭერა. განსაკუთრებით დაძაბული და სანახაობრივი აღმოჩნდა ფინალური შეხვედრა, სადაც ერთმანეთს 9ა და 10ა კლასები დაუპირისპირდნენ. ორივე გუნდმა ბოლომდე იბრძოლა, თუმცა წლევანდელი ჩემპიონის ტიტული 10ა კლასმა მოიპოვა! ცალკე აღნიშვნის ღირსია ჩვენი სპორტის მასწავლებლების, ქეთევან მიქელაძისა და ბექა კვარაცხელიას წვლილი. სწორედ მათი ორგანიზებითა და პროფესიონალიზმით ჩატარდა ტურნირი, რამაც მოსწავლეებს სპორტული შესაძლებლობების მაქსიმალურად გამოვლენის საშუალება მისცა. მადლობა მათ ჯანსაღი ცხოვრების წესის პოპულარიზაციისა და ასეთი მუხტის შექმნისთვის! ვულოცავთ გამარჯვებულებს ამ დამსახურებულ წარმატებას, ხოლო ყველა მონაწილეს მადლობას ვუხდით ასეთი საინტერესო და აზარტული თამაშებისთვის!
სრულად
27 მარტი 2026 წელი
დიდი მარხვის ამ სულიერ გზაზე, ჩვენი სკოლის ტრადიციული ერთობისა და სულიერი გაძლიერების მიზნით, დღეს ჩვენი სკოლის კედლებში შვიდგზის ზეთისცხების საიდუმლო აღესრულა. ლოცვითი კანონი ჩვენმა მოძღვარმა, მამა სპირიდონ მუმლაძემ აღავლინა. განსაკუთრებით ამაღელვებელი იყო იმის ხილვა, თუ როგორ ერთსულოვნად, მოკრძალებითა და რწმენით იდგნენ ლოცვაზე ჩვენი მოსწავლეები მასწავლებლებთან ერთად. რა არის ზეთისცხების საიდუმლო?ეს არის განსაკუთრებული მსახურება, რომლის დროსაც ნაკურთხი ზეთის ცხებით მორწმუნე ადამიანი იღებს საღვთო მადლს. იგი კურნავს სულიერ და ფიზიკურ უძლურებებს, გვანიჭებს ცოდვათა მიტევებას. უწმინდესი და უნეტარესი, სრულიად საქართველოს კათოლიკოს-პატრიარქი ილია II ბრძანებდა:„დიდი მეცნიერი და ფიზიოლოგი პავლოვი ამბობდა, რომ ადამიანს გააჩნია ორი გონება - მცირე და დიდი; მცირე გონება - ეს არის ჩვენი აზროვნება, ხოლო დიდი გონება - ეს არის სული. სწორედ ამიტომ ამბობს სოლომონ ბრძენი: „ღმერთო, მომეცი მე გული გონიერი!“ როცა ადამიანს გააჩნია გული გონიერი, იგი სხვებზე უფრო მეტს ხედავს. დღეს ჩვენ მოვედით ამ წმინდა ტაძარში, რათა შევთხოვოთ უფალს გული გონიერი, სული და ხორცი - ჯანსაღი... თავმდაბლად უნდა მივეახლოთ ამ საიდუმლოს და აუცილებლად 7-გზის უნდა ვიცხოთ წმინდა ზეთი და უფალი მოგვანიჭებს ჯანსაღ სულსა და ხორცს.“ გვიხარია, რომ ჩვენს სასკოლო სივრცეში გვაქვს შესაძლებლობა, ერთად დავდგეთ ლოცვაზე, განვიწმინდოთ სული და ასეთი შინაგანი მშვიდობით შევეგებოთ ბრწყინვალე აღდგომას. გვწამს, რომ სწორედ სულიერი სიმშვიდეა ის საძირკველი, რომელზეც ჩვენი შვილების მომავალი უნდა აშენდეს. მადლობას ვუხდით მამა სპირიდონს მზრუნველობისა და დალოცვისთვის. უფალმა დაგლოცოთ, გაგაძლიეროთ და მშვიდობა მოგცეთ თქვენ და თქვენს ოჯახებს!
სრულად
16 მარტი 2026 წელი
საქართველოს საპატრიარქოს წმინდა ნინოს სახელობის მართლმადიდებლური სკოლის მოსწავლეებმა წარმატებით მიიღეს მონაწილეობა კინგსის ოლიმპიადაში. ოლიმპიადა ჩატარდა სხვადასხვა საგანში – ქართულ ენასა და ლიტერატურაში, მათემატიკასა და ინგლისურ ენაში, სადაც ჩვენი მოსწავლეები I, II და III ხარისხის დიპლომებით დაჯილდოვდნენ. ვულოცავთ თითოეულ მათგანს ამ მიღწევას და მომავალშიც მრავალ წარმატებას ვუსურვებთ. აღსანიშნავია, რომ ოლიმპიადის ორგანიზატორების მიერ დაანონსებული წამახალისებელი ინიციატივის ფარგლებში წარმატებული მოსწავლეების მასწავლებლებს კინგსის პარტნიორი კომპანიებისგან სპეციალური პრიზები გადაეცათ. ამ ინიციატივის ფარგლებში ჩვენი სკოლის ქართული ენისა და ლიტერატურის პედაგოგს ლეილა თვალაბეიშვილს კომპანია „ალტას“ 100-ლარიანი ვაუჩერი გადაეცა. ვულოცავთ ლეიკო მასწავლებელს ამ სასიამოვნო აღიარებას.
სრულად
27 თებერვალი 2026 წელი
ჩვენი სკოლის მე-5 კლასის მოსწავლეებმა აღმოსავლეთ სლავური ხალხური ტრადიცია – „მასლენიცა“ – გააცოცხლეს მინი სპექტაკლით, ცეკვა-სიმღერითა და კოსტუმირებული სანახაობით. ღონისძიება მხიარულ და თბილ გარემოში ჩატარდა, სადაც მუსიკალური აკომპანიმენტები და კულინარიული პროდუქტი არავის დატოვებდა გულგრილს. მოსწავლეებმა ბლინებით, გაზაფხულის მოლოდინითა და სიხარულით გააცილეს ზამთარი. ღონისძიების ორგანიზატორმა, რუსული ენისა და ლიტერატურის პედაგოგიმა, ემილია ჭუჭულაშვილმა აღნიშნა, რომ ,,ეს აქტივობა სკოლისთვის სხვადასხვა ქვეყნების კულტურის გაცნობის მნიშვნელოვანი ტრადიციაა, რადგან გვჯერა, რომ მრავალფეროვანი ცოდნა დაეხმარება მოსწავლეებს მიღებული ინფორმაციის გააზრებასა და დახარისხებაში".
სრულად
27 თებერვალი 2026 წელი
წარმოგიდგენთ მათემატიკის ოლიმპიადა „ევერესტის“ საშემოდგომო სეზონის II–IV კლასის მოსწავლეთა სიგელებსა და სერტიფიკატებს. ჩვენი პატარა მათემატიკოსები ღირსეულად აგრძელებენ წარმატების ტრადიციას და კიდევ ერთხელ ამტკიცებენ, რომ შრომა და მონდომება ყოველთვის ფასდება. ვულოცავთ მათ ამ მიღწევას და ვუსურვებთ მომავალშიც მრავალ წარმატებას!
სრულად
26 თებერვალი 2026 წელი
ჩვენი სკოლის მეშვიდე კლასის მოსწავლეები გეოგრაფიის გაკვეთილზე გაეცნენ დედამიწის ერთ-ერთ ყველაზე შთამბეჭდავ და ძლიერ ბუნებრივ მოვლენებს – ვულკანებსა და გეიზერებს. მათ იმსჯელეს, როგორ წარმოიქმნება ვულკანი, რა იწვევს ამოფრქვევას, რა განსხვავებაა აქტიურ, ჩამქრალ და მიძინებულ ვულკანებს შორის და რა როლი აქვს ამ პროცესებს დედამიწის რელიეფის ფორმირებაში. განსაკუთრებული ყურადღება დაეთმო მსოფლიოში ცნობილ გეიზერს – Old Faithful, რომელიც მდებარეობს Yellowstone National Park-ში და ცნობილია თავისი რეგულარული ამოფრქვევით. მოსწავლეებმა გაიგეს, როგორ მუშაობს გეიზერი, რა პირობებია საჭირო მის წარმოსაქმნელად და რატომ არის იგი უნიკალური ბუნებრივი მოვლენა. გაკვეთილზე ასევე იმსჯელეს, როგორ იყენებს ადამიანი გეოთერმულ ენერგიას თანამედროვე სამყაროში: ელექტროენერგიის წარმოებაში საცხოვრებელი სახლებისა და საზოგადოებრივი შენობების გათბობაში სათბურ მეურნეობაში სამკურნალო-ბალნეოლოგიურ კურორტებზე თემის უკეთ გასაგებად და ცოდნის გასაღრმავებლად მოსწავლეებმა მოამზადეს საინტერესო და მრავალფეროვანი პრეზენტაციები. განსაკუთრებული ინტერესი გამოიწვია საკუთარი ხელით შექმნილმა ვულკანისა და გეიზერის მაკეტებმა, რომლებიც მოსწავლეებმა „გააცოცხლეს“ როგორც ვირტუალურად, ისე ხელოვნურად შექმნილი მოდელების საშუალებით. მათ შეძლეს ბუნებრივი პროცესების თვალსაჩინოდ და შემოქმედებითად წარმოჩენა. ამ აქტივობამ მოსწავლეებს შესაძლებლობა მისცა, თეორიული ცოდნა პრაქტიკულ გამოცდილებასთან დაეკავშირებინათ და განევითარებინათ კვლევითი, შემოქმედებითი და პრეზენტაციის უნარები. სწავლა ყველაზე შედეგიანია მაშინ, როდესაც ცოდნა ინტერესსა და შემოქმედებითობას ერწყმის!
სრულად
20 თებერვალი 2026 წელი