15 მაისი 2023 წელი
სიახლეები
15 მაისი 2023 წელი
04 მაისი 2023 წელი
ფეხბურთი რომ გუნდური თამაშია ეს საყოველთაოდ აღიარებული თემაა. სპორტის ამ სახეობაში ქართველებს საამაყო ბევრი გვაქვს და... მოდით, დღეს კარგზე ვისაუბროთ. ჩვენი მოსწავლეები ფეხბურთის მიმართ დიდ ინტერესს იჩენენ. ამის დადასტურება სკოლაში ყოველწლიურად გამართული ჩემპიონატებია. წელსაც დიდი მოლოდინით ჩატარდა საფეხბურთო კვირეული, სადაც სხვადასხვა ასაკობრივი ჯგუფები მონაწილეობნენ. არ ცხრებოდა გულშემატკივართა სკანდირება, ყველას თავისი ფავორიტი ჰყავდა. საბოლოო გამარჯვება XI ბ კლასის გუნდს ხვდა წილად. კაპიტანმა ლუკა ინაშვილმა გუნდში პოზიციების სწორად გადანაწილებით საბოლოო გამარჯვება მოიპოვა. საბა კირკიტაძე, დათი დაშნიანი, ლუკა რივკინი, საბა გოგოლაშვილი და ლუკა მაჭავარიანი ოსტატურად ახერხებსნენ ღირსეულ მოწინააღმდეგესთან გამარჯვებისთვის ბრძოლას. II ადგილზე გავიდა X კლასი, III ადგილი კი VII ა კლასს ხვდა წილად. სკოლის დირექტორმა ლალი მელივამ და სპორტის პედაგოგებმა გამარჯვების თასით და მედლებით დააჯილდოვეს სამივე გუნდი. ვულოცავთ ჩვენს ნიჭიერ მოსწავლეებს გამარჯვებას, სულ გამარჯვებით გევლოთ.
სრულად
03 მაისი 2023 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში განსაკუთრებული ყურადღება ექცევა სახელოვნებო დარგის მიმართულებებს. სახვითი ხელოვნების პედაგოგები უდიდეს ძალისხმევას იჩენენ შემოქმედებითი აზროვნების მოსწავლეების მიმართ - შედეგიც უნიკალურია - ისინი არაერთი კონკურსის გამარჯვებულები და მედალოსნები არიან. ამ მიმართულებით გამოირჩევიან მოსწავლეები, რომლებსაც სახვითი ხელოვნება თითქმის პროფესიონალის დონაზე აქვთ ათვისებული. ტექნიკის სრულყოფაში კი მათი პედაგოგები მარიამ მჟავია და მარი დავითიძე უწევენ კონსულტაციებს. დღეს, საპატრიარქოსთან არსებულ ახალგაზრდობის სულიერი და ინტელექტუალური განვითარების ცენტრის დარბაზში გაიმართა კონკურსი: ,,ნახატები ბიბლიურ თემებზე". კონკურსანტებს წაუკითხეს ამონარიდები წმინდა წერილიდან (ძველი და ახალი აღთქმა), რომლის მიხედვითაც ადგილზე დახატეს ბიბლიური პასაჟები. საქართველოს საპატრიარქოს წმინდა ნინოს სახელობის სკოლის მოსწავლეებმა:ნინი ქარელიძემ, ანასტასია ციცქიშვილმა, მარიამ მეტრეველმა, კესო თორდიამ, ელისაბედ ჩხაიძემ და ყველაზე უმცროსმა, მესამე კლასელმა, თეკლა ჩარგეიშვილმა დიდი წარმატებით გაიარეს მეტად საპასუხისმგებლო შემოქმედებითი ტური და შესანიშნავი ნახატები წარმოადგინეს.
სრულად
01 მაისი 2023 წელი
სპორტი რომ ჯანსაღი ცხოვრების მთავარი გარანტია ეს კარგად იცის საქართველოს საპატრიარქოს წმინდა ნინოს სახელობის მართლმადიდებლური სკოლა -ის თითოეულმა მოსწავლემ. მოტივაციას კი სასკოლო გარემოში კვალიფიციური, პრაქტიკოსი პედაგოგები ქმნიან. დღეს დაიწყო საფეხბურთო ჩემპიონატის კვირეული, რომელშიც მონაწილეობენ VII - XI კლასის მოსწავლეები. დილიდან სტადიონზე მობილიზდნენ გულშემატკივრები და მხარდამჭერი პლაკატებით გულმხურვალედ ამხნევებდნენ რჩეულ გუნდებს. წარმატებებს ვუსურვებთ თითოეულ გუნდს და მათ გულშემატკივრებს.წინ კიდევ ბევრი საიტერესო თამაში გველის.
სრულად
28 აპრილი 2023 წელი
სახალისო და ადვილად დასამახსოვრებელია უცხო ენის ლექსიკური ერთეულების შესწავლა-დამახსოვრება პრაქტიკული სამუშაოს შესრულებისას. კერძოდ, ტკბილეულისა და სხვა ტიპის საკვების მოსამზადებელი რეცეპტები უცხო ენის შესწავლის კონტექსტში შესანიშნავი საშუალებაა. ფრანგული ენის შესწავლისას ამგვარ პრაქტიკას ხშირად იყენებს პედაგოგი რუსა კილაძე. ლექსიკის გაკვეთილის თემა იყო: საკვები და გრამატიკაში- I ჯგუფის ზმნები. კრეპის ფრანგულენოვანმა, რეცეპტმა კი საშუალება მოგვცა მარტივად გვემუშავა მოცემულ თემებზე. ძალიან საინტერესო და სახალისო იყო, როგორც რეცეპტის მიხედვით კრეპების მომზადების, ასევე ამ რეცეპტის პლაკატზე თვალსაჩინოდ გადატანის პროცესიც.
სრულად
30 აპრილი 2023 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლას მრავალი ნიჭიერი და გამორჩეული მოსწავლე ჰყავს. თითოელი მათგანი მრავალმხრივ ნიჭიერი და წარმატებულია. ისინი ხშირად მონაწილეობენ საქალაქო ტურებში და არაერთხელ მოუპოვებიათ გამარჯვება. ერთ-ერთი მათგანი თეკლა კვანჭიანია. გოგონაში ჰარმონიულადაა შერწყმული მთიელის მტკიცე ბუნება და საოცარი სინატიფე. ის დიდი მონდომებით და სერიოზულობით ეკიდება სასწავლო პროცესს და ამჯერად, მათემატიკის კონკურსზე, ღირსეულ და უნიჭიერეს პრეტენდენტებთან ერთად გადავიდა ნახევარფინალში - 100 მოსწავლიდან რჩეულ ოცეულში მოხვდა. თეკლას პედაგოგები - ლალი მელივა, ირმა წითაძე და ეკა ლომინაძე დიდი სიამაყით აღნიშნავენ გოგონას წარმატებას და უსურვებენ მრავალი მწვერვალის დაპყრობას, რომელც მომავალშიც განაცდევინებს უდიდესი სიამაყის გრძნობას.
სრულად
21 აპრილი 2023 წელი
22 აპრილს დედამიწის დღე აღინიშნება. საქართველოს საპატრიარქოს წმინდა ნინოს სახელობის მართლმადიდებლურ სკოლაში პირველკლასელებმა გარემოს დაცვის მხარდამჭერი ღონისძიება გამართეს. ქართულისა და ბუნების მასწავლებლები მარი თაბაგარი და ნათია ხუჭუა მათ დედამიწის მნიშვნელობაზე, ბუნების გაფრთხილებასა და ჯანსაღი გარემოს შექმნაზე ესაუბრნენ. ქართული ენისა და ლიტერატურის გაკვეთილზე ჯანსაღი გარემოს შექმნაში ადამიანის როლზე იმსჯელეს. მსჯელობის პროცესში მოსწავლეები თვითონვე მივიდნენ დასკვნამდე, თუ როგორ არ უნდა იქცეოდეს ადამიანი. მათ ერთმნიშვნელოვნად ჩამოაყალიბეს, რომ არ უნდა დაანაგვიანონ გარემო, არ დააბინძურონ მდინარეები, არ მოჭრან ხეები, ტყეში არ დაანთონ ცეცხლი, არ დახოცონ ცხოველები, არ ითევზაონ აკრძალულ ადგილებში. პირველკლასელებმა დედამიწასა და ბუნების თემაზე წაიკითხეს მზია გოგნიაშვილისა და მარი თაბაგრის ლექსები.დასასრულს, სახვითი ხელოვნების მასწავლებელმა მარი დავითიძემ მოსწავლეებს საინტერესო ნახატები შეაქმნევინა.
სრულად
16 აპრილი 2023 წელი
ქრისტე აღდგა!ჭეშმარიტად აღდგა! სიტყვები, რომელიც ცვლის მთლიანად სამყაროს. რა ბედნიერებაა, როცა ამ ყველაფრის თანამონაწილე ხარ და არა დამკვირვებელი შორიდან. მადლობა უფალს , ყოველი დღისთვის, ყოველი წამისთვის, რომელიც მასთან გვაახლოებს წმინდა ნინოს სახელობის სკოლა გილოცავთ ამ ბრწყინვალე დღესასწაულს. ჩვენთან არს ღმერთი!
სრულად
06 აპრილი 2023 წელი
უნიჭიერესი თაობა გვყვავს თავდაჯერებული, მოტივირებული, გაბედული, პრინციპული და ყველა სიკეთით შემკული.მომავალი მათია, აწმყოც... პედაგოგები ამაში კიდევ ერთხელ დავრწმუნდით, როცა სკოლის ადმინისტრაციამ #თვითმმართველობის კვირეული გამოაცხადა . კვირეულის ფარგლებში, სკოლის თვითმმართველობის ინიციატივით შემუშავდა სამოქმედო გეგმა და პროგრამა, სადაც მოსწავლეებმა შეითავსეს დირექტორის, მასწავლებლების, კლასის დამრიგებლების ფუნგციები და შესანიშნავად გაართვეს თავი საგაკვეთილო პროცესს. სასიამოვნოდ გაოცებული დავრჩით, როცა მათ მიმართ, დაწყებითი კლასების მოსწავლეთა პატივისცემით, ნდობითა და ინტერესით ანთებული თვალები ვიხილეთ. განწყობის შექმნა, ინტერესის გაღვივება, საკვანძო კითხვები, შენიშვნის მიცემის იშვიათი კულტურა, საგაკვეთილო დროის რაციონალურად გადანაწილება, თემასა და იდეაზე მსჯელობის ზუსტი ასპექტები. მეტყველების კულტურა,უცხო სიტყვებისა და ფრაზეოლოგიზმების განმატებისა და დამახსოვრების ასოციაციური წიაღსვლები, მოვლენათა კავშირი და მიზეზ-შედეგობრივი ანალიზი... გრამატიკული კატოგერიების ახსნა-განმარტებები , არგუმენტები, ზოგადი განათლების და პირადი გამოცდილების ბაზაზე და ეს ყველაფერი როდია... ადამიანური ურთიერთობების, საქმისადმი პასუხისმგებლობითა და გუნდური პრინციპებით გამოჩენილი აქტივობები ყველაფრის მთქმელი და უდიდესი იმედის მომცემია... ზოგადად, ცხოვრების არსი ხომ მოქმედების დრამატურგიაშია ... ამგვარი პრაქტიკა კი ცხადყოფს მიმდინარე პროცესების შედეგებსა და ხარვეზებს. მოსწავლეებმა ერთხმად აღიარეს, რომ მასწავლებლობა, რთული, საპასუხისმგებლო და საინტერესოა - ეს ფრაზა კი ყველაფერს ცხადყოფს !დროის განუწყვეტელი წრებუნვა კი დაამტკიცებს ამ თაობის განსაკუთრებულობას !
სრულად
01 აპრილი 2023 წელი