21 აპრილი 2023 წელი
სიახლეები
21 აპრილი 2023 წელი
16 აპრილი 2023 წელი
ქრისტე აღდგა!ჭეშმარიტად აღდგა! სიტყვები, რომელიც ცვლის მთლიანად სამყაროს. რა ბედნიერებაა, როცა ამ ყველაფრის თანამონაწილე ხარ და არა დამკვირვებელი შორიდან. მადლობა უფალს , ყოველი დღისთვის, ყოველი წამისთვის, რომელიც მასთან გვაახლოებს წმინდა ნინოს სახელობის სკოლა გილოცავთ ამ ბრწყინვალე დღესასწაულს. ჩვენთან არს ღმერთი!
სრულად
06 აპრილი 2023 წელი
უნიჭიერესი თაობა გვყვავს თავდაჯერებული, მოტივირებული, გაბედული, პრინციპული და ყველა სიკეთით შემკული.მომავალი მათია, აწმყოც... პედაგოგები ამაში კიდევ ერთხელ დავრწმუნდით, როცა სკოლის ადმინისტრაციამ #თვითმმართველობის კვირეული გამოაცხადა . კვირეულის ფარგლებში, სკოლის თვითმმართველობის ინიციატივით შემუშავდა სამოქმედო გეგმა და პროგრამა, სადაც მოსწავლეებმა შეითავსეს დირექტორის, მასწავლებლების, კლასის დამრიგებლების ფუნგციები და შესანიშნავად გაართვეს თავი საგაკვეთილო პროცესს. სასიამოვნოდ გაოცებული დავრჩით, როცა მათ მიმართ, დაწყებითი კლასების მოსწავლეთა პატივისცემით, ნდობითა და ინტერესით ანთებული თვალები ვიხილეთ. განწყობის შექმნა, ინტერესის გაღვივება, საკვანძო კითხვები, შენიშვნის მიცემის იშვიათი კულტურა, საგაკვეთილო დროის რაციონალურად გადანაწილება, თემასა და იდეაზე მსჯელობის ზუსტი ასპექტები. მეტყველების კულტურა,უცხო სიტყვებისა და ფრაზეოლოგიზმების განმატებისა და დამახსოვრების ასოციაციური წიაღსვლები, მოვლენათა კავშირი და მიზეზ-შედეგობრივი ანალიზი... გრამატიკული კატოგერიების ახსნა-განმარტებები , არგუმენტები, ზოგადი განათლების და პირადი გამოცდილების ბაზაზე და ეს ყველაფერი როდია... ადამიანური ურთიერთობების, საქმისადმი პასუხისმგებლობითა და გუნდური პრინციპებით გამოჩენილი აქტივობები ყველაფრის მთქმელი და უდიდესი იმედის მომცემია... ზოგადად, ცხოვრების არსი ხომ მოქმედების დრამატურგიაშია ... ამგვარი პრაქტიკა კი ცხადყოფს მიმდინარე პროცესების შედეგებსა და ხარვეზებს. მოსწავლეებმა ერთხმად აღიარეს, რომ მასწავლებლობა, რთული, საპასუხისმგებლო და საინტერესოა - ეს ფრაზა კი ყველაფერს ცხადყოფს !დროის განუწყვეტელი წრებუნვა კი დაამტკიცებს ამ თაობის განსაკუთრებულობას !
სრულად
01 აპრილი 2023 წელი
წმინდა ნინოს სახელობის სკოლაში მოსწავლეთა შემოქმედებითი უნარებსა და განვითარებას მნიშვნელოვანი ყურადღება ექცევა. სწორედ ამიტომ, სკოლაში სხვადასხვა სახის ღონისძიება იმართება. ამჯერად, სკოლაში მოსწავლეებმა სპექტაკლი - "იავნანამ რა ჰქნა" გაიტამაშეს, რომლის სცენარის ავტორი, რეჟისორი და დეკორატორი პედაგოგი მარი თაბაგარი გახლდათ. მოსწავლეებმა სპექტაკლზე მუსიკალური ნომრები შესანიშნავად შეასრულეს - იცეკვეს, სხვადასხვა მუსიკალურ ინსტრუმენტზე - სალამურსა და ფანდურზე დაუკრეს და ხალხური სიმღერები შეასრულეს. მათ სამსახიობო ნიჭი, შემოქმედებითი უნარები შესანიშნავად წარმოაჩინეს და დამსწრე საზოგადოების დიდი მოწონება დაიმსახურეს. ღონისძიებაში პედაგოგიც აქტიურად მონაწილეობდა. მან სხვადასხვა მწერლის სიტყვები ერთად შეკრა და ემოციურად წარადგინა. სპექტაკლის ქორეოგრაფი ნათია ხუჭუა იყო, ხოლო სპექტაკლის მუსიკალური ხელმძღვანელი - ნინო ბიბილური გახლდათ. სცენარის ავტორი - კლასის პედაგოგი მარი თაბაგარი აღნიშნული დღის ემოციებს გვიზიარებს და ღონისძიების თითოეულ მონაწილეს მადლობას უხდის. "მახსოვს, როცა პირველად, ბავშვობაში, იაკობ გოგებაშვილის "იავნანამ რა ჰქნა" წავიკითხე, ჯერ თვალებიდან კოკისპირული წვიმა წამოვიდა, შემდეგ კი ემოციის ელჭექი დიდხანს გამყვა. ჩემი მეხუთეკლასელების გულებამდეც დედის იავნანასავით მივიდა ამ ნაწარმოების ემოცია და შთაბეჭდილებების ერთად შეგროვებამ სცენისკენ გვიბიძგა. ისევ თავიდან დამიბრუნდა ბავშვობის ემოცია, როცა სცენაზე ჩემი პატარა მსახიობები ავიდნენ. არ ვაჭარბებ, თითოეული და ყველა ერთად იმ თეატრალურ დასს წარმოადგენდნენ, პლასტიკა, მეტყველება, სამსახიობო ოსტატობა რომ დახვეწილი და გათვითცნობიერებული აქვთ. მაყურებლის ემოცია თუ ოვაციაც ამასვე ადასტურებდა. სპექტაკლის სცენარის ავტორი, რეჟისორი და მხატვარ-დეკორატორი მე გახლდით. იაკობ გოგებაშვილის, ნოდარ დუმბაძისა და გიორგი ლეონიძის დიდებული, გულძარღვიანი სიტყვები სამშობლოსა და დედაზე ერთად, ლამაზ თაიგულად შევკარი და დიალოგში ჩავაქსოვე. ამიტომაც, რა ემოცია გაუძლებდა ჩვენი დიდი კლასიკოსების მომნუსხველ სიტყვებს. ამ ყველაფერს თან ახლდა ქართული "სამაია", "დაისი", "ილოური" და სპექტაკლის ქორეოგრაფის ნათია ხუჭუას შემოქმედებითი მუხტი. ცეკვას მუსიკა ცვლიდა, შეუდარებელი ქართული "იავნანა"გრძნობის სიმებს არხევდა და ხალხური სიმღერების, სალამურისა და ფანდურის ჟღერადობა სულში იღვრებოდა. სპექტაკლის მუსიკალური ხელმძღვანელის, უნიჭიერესი ნინო ბიბილურის შემოქმედებითი შრომის შედეგმა ჰარმონიით აავსო სცენაც და აყურებელიც. სპექტაკლის განმავლობაში ვღელავდი, ჩემი პატარა მსახიობების განცდებს დარბაზიდან ვპასუხობდი და, როცა ქეთო მაგდანთან დაბრუნდა და დედა იცნო, მხოლოდ მაშინ გავაპარე თვალი მაყურებლისკენ და არც გამკვირვებია, ნახევარი დარბაზი ცრემლს იწმენდდა. ამ ემოციური დღისთვის უღრმესი მადლობა სკოლის დირექტორს, ქალბატონ ლალი მელივას, რომელიც თითოეული პედაგოგისთვის დიდი მეგობარი და გულშემატკივარია. მისი ხედვის უნარი კი ჩემთვის უძვირფასესია. ალბათ დიდხანს გაგვყვება ეს ემოცია მე და ჩემს მსახიობებს, რომლებიც ხვალიდან ისევ კლასებში დამხვდებიან და ახალი სიცოცხლით ამავსებენ. სცენიდა ნათქვამს ისევ გავიმეორებ, "იავნანა" დედაშვილობის ჰიმნია, დედისა და შვილის ყველაზე უანგარო სიყვარულის ამოძახილი. იმ სიყვარულის, სამყაროს ღერძს რომ წარმოადგენს. აბა, ყური დაუგდეთ ქართულ "იავნანას", თითქოს დედის ხმაში ზეციური სინარნარე არხევს სიმებს. ვერცერთი ლოტბარი ამ გრძნობით ვერ იმღერებს, ვერცერთი მგალობელი მ ბგერად ვერ გამოსცემს... და ბოლოს, "დედა მარტო დედა არაა. ყველაფერია, რაც ამ ქვეყანასთან გვაკავშირებს, რასაც სიცოცხლე ჰქვია, რასაც სული უდგას და მზე უცქერის". სოფო მასწავლებელო მადლობა ფოტოებისათვის. მადლობა, ჩემო პატარა მსახიობებო, მშობლებო, კოლეგებო! კიდევ ბევრი სპექტაკლი გველოდება წინ",-ამბობს პედაგოგი. მსგავსი ღონისძიებები მოსწავლეებს სასწავლო პროცესში ჩართულობას ზრდის.
სრულად
23 მარტი 2023 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში გაიმართა ინტელექტუალური თამაში"ტვინების ბრძოლა", სადაც ერთმანეთს შეეჯიბრნენ სხვადასხვა ასაკობრივი კატეგორიის გუნდები. თამაში მიმდინარეობდა დიდი ინტერესით და მოსწავლეებმა პასუხი გასცეს არაერთ სხვადასხვა კატეგორიისა და სიძნელის შეკითხვებს.გამოვლინდნენ გამარჯვებული გუნდები.III-IV-V კლასების კატეგორია:I ადგილი - გუნდი "დედამიწელები"II ადგილი - გუნდი "ინტელექტუალები"III ადგილი - გუნდი "მოაზროვნეები" VI-VII-VIII კლასების კატეგორია:I ადგილი - გუნდი "გამარჯვება"II ადგილი - გუნდი "სხარტები"II ადგილი - გუნდი "ვიცი" IX-X-XI კლასების კატეგორია:I ადგილი - გუნდი "არწივები"II ადგილი - გუნდი "მიჟ"III ადგილი - გუნდი "მურყვამ"IIII ადგილი - გუნდი "ოვერთაიმი"
სრულად
14 მარტი 2023 წელი
საქართველოს საპატრიარქოს წმინდა ნინოს სახელობის სკოლის პედაგოგები მოსწავლეებს საინტერესო აქტივობებით გაჯერებულ გაკვეთილებს სთავაზობენ, რაც მოსწავლეთა სწავლის ხარისხსა და მოტივაციაზე დადებითად აისახება. სკოლაში წარმატების მიმდინარეობს კომპლექსური დავალებებით სწავლება. ამჯერად, საინტერესო კომპლექსურ დავალებაზე მე-7ა კლასის (პედაგოგები - ირმა წითაძე, ჩხაიძე ნათელიკო) მოსწავლეებმა ფიზიკის გაკვეთილებზე იმუშავეს. დავალების თემა იყო - "თანაბარი მოძრაობა". პედაგოგმა, ირმა წითაძემ მოსწავლეებს დავალების შესრულება შემოქმედებითი ნარატივით შესტავაზა. როგორც სკოლაში გვიყვებიან, კლასში მოსწავლეებმა პედაგოგის მითითებებითდავალების პრეზენტაციაორიგინალურად წარადგინეს. "მათ ასევე სხვადასხვა ფორმის მაკეტები მოამზადეს, რაც შემოქმედებითი თვალსაზრისით მნიშვნელოვანი, საინტერესო და საყურადღებო ფაქტია... ამგვარი ტიპის კოლაბორაციული სამუშაოები კომპლექსურ დავალებებზე მუშაობისას მოსწავლეებში კიდევ უფრო დიდ ინტერესს გამოიწვევს", - აღნიშნავს ფიზიკის პედაგოგი - ირმა წითაძე
სრულად
17 მარტი 2023 წელი
საქართველოს საპატრიარქოს წმინდა ნინოს სახელობის სკოლაში გაიმართა ლიტერატურული საღამო "გაზაფხულის დღესასწაული". მე-4ბ და მე-6ა კლასის მოსწავლეებმა წარმოადგინეს ქართველ კლასიკოსთა პოეტური და ლიტერატურული შედევრები. ღონისძიების ორგანიზატორმა, ფილოლოგმა სოფი გორგილაძემ წარმოადგინა კოლაბორაციული სცენარი სახვითი ხელოვნების პედაგოგ - მარი მჟავიასთან და მუსიკის მასწავლებელთან- ნინო ბიბილურთან ერთად. აღნიშნული პროექტის განხორციელებაში უცვლელი მხარდამჭერი სკოლის ადმინისტრაცია და დირექტორი ლალი მელივა გახლდათ.
სრულად
12 მარტი 2023 წელი
ვიდრე XVIII საუკუნის ამბებს უფრო ახლოს გაეცნობიან და ნიკოლოზ ბარათაშვილის ,,ბედი ქართლისას" ფაბულასა და სიუჟეტზე იმსჯელებენ, ვიდრე მტერთან შერკინებას ისევე აღიქვამენ, ,,ვითა ნადირთა მშიერი ლომი", ვიდრე მეფე ერეკლესა და სოლომონის დიალოგს ჩასწვდებიან და სოფიოს მეტაფორას, ,,რა ხელ-ჰყრის პატივს ნაზი ბულბული, გალიაშია დატყვევებული", გაითავისებენ, ვიდრე მეფის ვედრებას უფლის -კეთილი მწყემსისადმი ლოცვასავით შეისმენენ, საქართველოს ბედსა და უბედობაზე დაფიქრდებიან, მანამდე ბუნების იმ მშვენიერებას ეცნობიან, არაგვსა და მის შემოგარენს რომ ახასიათებს. რა დიდი ოსტატობითაა გადმოცემული ატეხილ ჭალებში მგზავრის (როგორც ფიზიკური, ასევე სულიერი) განტვირთვა და მშობლიური ბუნებით ტკბობა. პოემის ამ ეპიზოდმა არ შეიძლება მკითხველიც არ დაგატკბოს და თუკი შინაგანად ბუნების აღქმის შენეული უნარი გაქვს, ფურცელზე არ გადმოგატანინოს. ჰოდა, მეხუთე კლასში, როცა პოემის ნაწყვეტი ,,არაგვს" გავიარეთ, დავალებაც ასეთი იყო, დაეწერათ ლიტერატურული ნაწარმოები (ჩანახატი, მოთხრობა, ლექსი), სადაც ბუნებას თავიანთი მოქარგული ენით აღწერდნენ. დავალებამ ჟრიამული და ხალისი შემოიტანა. დღეს, მათი ნებართვით, პოეტურ ნაწარმოებებს გამოვიტანთ სამზეოზე. პ.ს. ერთი, რაც თვალში მოსახვედრია, არცერთს დაისზე არ დაუწერია. საქართველოს საპატრიარქოს წმინდა ნინოს სახელობის მართლმადიდებლური სკოლა ჩვენს ლაღ და ნიჭიერ ბავშვებს მზის ამოსვლა, დღე და ცხოვრება უხარიათ. ბედნიერი მომავალი მათ! მამული მშვიდი აისი, ჩიტების ხმა,გორაკები და მაღალი მთები,დაბლობში ლამაზ ყვავილთა ზღვა,ქართლ-კახეთისკენ ვენახის ზვრები.ფაფუკი ღრუბლის ფთილები ცაზედანარნარებენ, ლაღად და როკვით,მიდიან შორს და ქუხილის ხმაზეიწყებენ ტირილს ხმამაღლა, მოთქმით.ცვრიან მინდორზე ყაყაჩო ელავს,სოფლის სიღრმეში ყივის მამალი ...აქ საქართველოს ძარღვები ფეთქავსდა ვარ უზომოდ მხნე და თამამი.მარიამ ანთიძე-----------------------გაზაფხულიგაზაფხული მოდისლამაზი და ნაზი,ხეებს, ძილით დაღლილთ,ჩიტუნები აზით;აღარ შეაშინებთქარი ცივი, მკაცრი.ნანო ცეკვავა------------***მზე ამოვიდა, განათდა არე,ვაზი უცქერის ცხრათვალა მზეს,დაგვემშვიდობა დიდრონი მთვარედა ახლა ცაზე მზის სხივი წევს.შრიალი გააქვთ ხასხასა ფოთლებს,ეცეკვებიან ნარნარა სიოს,გზას გორაკები იმგვარად მოსდევს,იქვე წყაროც რომ გამოერიოს.სოფელში უვლის გლეხკაცი ნათესს,ღრუბელს უცქერის, ლოდინით წვიმის,მერე მოსავლით ბეღელსაც ავსებსდა ეს ცხოვრებაც უჩუმრად მიდის.ტასო ფორჩხიძე----------------დროღრუბლები ძალით გასწია მოოქროვილმა მზემ,განათდა და აბიბინდა მწვანედ ხასხასა ტყე;დაგვემშვიდობა, წავიდა მთვარე და დადგა დღე,ასე იცვლება წამები და ემატება წლებს.ელენე ერგემლიძე------------------***ჩემო ბუნებავ,ჩემო ალმასო,ჩვენი სიცოცხლისწყაროვ, ლამაზო,მინდა გიყურო, ხშირად გეფერო,ხასხასა ველოდა მზის ელფერო!ადრიანე აბესაძე-----------------აისიმამლის ყივილი გაისმისდა იზმორება მზის ლანდი;რა ლამაზია აისი,რა ფერებია, რა თარგი?!ცას შესცქერიან ირმები,და სურნელს აფრქვევს მაისი;მინდა, გაჩერდეს ციფრებიდა სულ დრო იყოს აისის.თეკლა შანიძე-----------------ალიონიმზე ამოგორდა ცისფერი მთიდანდა გაანათა ველი, მინდორი;თავამოყოფილ ენძელას, იას,სიომ დაჰბერა თბილი მინორით.ღრუბლები ნელა დალაგდნენ ცაზე,მზემ აიფარა ფაფუკი ჩადრიდა ბეღურებმაც ტკბილი ჭიკჭიკითგაახალისეს ხვიარა ვარდი.ანა მახარობლიძე
სრულად
03 მარტი 2023 წელი
ძვირფასო დედებო,სამყაროში ყველაზე საყვარელო ქალბატონებო,გილოცავთ დედის დღეს,სიხარული, სიყვარული და ბედნიერება გქონდეთ შვილებთან ერთად.
სრულად
02 მარტი 2023 წელი