27 მაისი 2022 წელი
სიახლეები
27 მაისი 2022 წელი
19 აპრილი 2022 წელი
პროექტის „პატრიორტი დიასპორელი“ იდეის ავტორი და განმხორციელებელია გერმანიაში მცხოვრები წარმატებული ქართველი ნინო ციბაძე ფონდთან „საქართველოს ემიგრანტები“, საქართველოს განათლებისა და მეცნიერების სამინოსტროსა და ქართულ გამორჩეულ სკოლებთან ერთად. პროექტი უპრეცენდენტოა, რადგან მის ფარგლებში დადგენილი პირობების გათვალისწინებით, ქართული წარმოშობის დიასპორელები პირველად შეძლებენ ქართულ სასწავლო პროცესში გარკვეული ხნით ინტეგრირებას, რომ მოხდეს მათი ქართული ენის ცოდნის პრაქტიკული გამოცდილებით გამდიდრება, დიასპორელების ქართული ენობრივ-კულტურული იდენტობის შეგნების ამაღლება და ზოგადად, საქართველოსა და მის ფარგლებს გარეთ მცხოვრები ქართველი მოზარდების ერთმანეთთან დაახლოება. საერთაშორისო-საგანმანათლებლო პროექტი „პატრიოტი დიასპორელი“ ითვალისწინებს ქართული წარმოშობის საზღვარგარეთ მცხოვრები მოზარდების საქართველოს სკოლებში გაკვეთილებზე დასწრებას მათთვის ხელსაყრელ კალენდარულ დროებში. პროექტის პარტნიორი საქართველოს განათლებისა და მეცნიერების სამინისტრო პროექტში ჩართულ დიასპორელებს მიანიჭებს „პატრიოტი დიასპორელის“ სტატუსს, ხოლო მასპინძელ ქართულ სკოლებს - „პატრიოტი სკოლის“ ტიტულს. პროექტი ოფიციალურად ამოქმედდა 2022 წლის 4 აპრილიდან. პროექტის ფინანსური მხარდამჭერია ციბაძე-მჭედლიშვილების ოჯახი გერმანიიდან. ფონდი „საქართველოს ემიგრანტები“ საერთაშორისო პროექტით „პატრიოტი დიასპორელი“ ზრუნავს შეუნარჩუნოს დიასპორელ ქართველობას ფესვები საკუთარ სამშობლოსთან და კიდევ უფრო გააღრმავოს მათი კავშირი საქართველოსთან. აღნიშნული პროექტი უდიდეს წვლილს შეიტანს ქართული ენისა და კულტურის პოპილარიზაციაში ქვეყნის ფარგლებს გარეთ და ამაში ლომის წილი ექნება საქართველოს განათლებისა და მეცნიერების სამინისტროს, საქართველოს საგარეო საქმეთა სამინისტროსა, სხვადასხვა ქვეყნების საელჩოებს და ჩვენი ქვეყნის საჯარო სკოლებს.
სრულად
14 აპრილი 2022 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში 14 აპრილი, ქართული ენის დღე, განსაკუთრებული სიყვარულით აღნიშნეს მე-2, მე-3 და მე-4 კლასის მოსწავლეებმა. მათ მსმენელსა და მაყურებელს, ენის მრავალსაუკუნოვან ისტორიასთან ერთად, ქართული ენის დღის დაარსების მიზეზზეც უამბეს. ფარნავაზ მეფიდან მოყოლებული, ყველა იმ წინაპრის ღვაწლი გაიხსენეს, ვინც ქართული ენის განვითარებასა და დამკვიდრებაში თავისი წვლილი შეიტანა და მნიშვნელოვანი სიტყვა თქვა. მოსწავლეებმა სცენაზე გააცოცხლეს სულხან-საბა ორბელიანის, ქართული ზღაპრისა და იოსებ ნონეშვილის ლექსის პერსონაჟები. ინსცენირებას ენაცვლებოდა ლექსი, გალობა, სიმღერა და ჩვენი მოსწავლეების გულიანი, იმედიანი შემოძახილი კიდევ ერთხელ გვარწმუნებდა, რომ ეს თაობაც წინაპრებივით გაუფრთხილდება, მოეფერება და თაობებს გადასცემს ამ ეროვნულ განძს - ქართულ ენას. ღონისძიების ,,ენა დედაა ერისა" ამოძახილი, რომ ,,ძალა ერთობაშია", თავის მიმართვაში ლამაზად დააგვირგვინა სკოლის დირექტორმა, ქალბატონმა ლალი მელივამ და ყველა პედაგოგს, კლასების დამრიგებლებს ( მზია თათარაშვილს, თამილა ჭიკაიძესა და ელენე მიროტაძეს) მადლობა გადაუხადა. ქართული ტკბილხმოვანებით გაჯერებული ღონისძიება მუსიკალურად გააფორმა სკოლის გუნდის ხელმძღვანელმა, მუსიკოსმა ნინო ბიბილურმა. ღონისძიების ორგანიზება, რეჟისურა, სცენარი, დეკორაცია ეკუთვნოდა ქართული ენისა და ლიტერატურის პედაგოგს მარი თაბაგარს.
სრულად
25 მარტი 2022 წელი
დღეს, 25 მარტს, თბილისის სასულიერო აკადემიისა და სემინარიის საზოგადოებასთან ურთიერთობის სამსახურის ორგანიზებით გაიმართა სასწავლებლის პედაგოგის - ირაკლი ორჟონიას შეხვედრა თბილისის წმინდა ნინოს სახელობის მართლმადიდებლური სკოლის მოსწავლეებთან. საუბრის თემა - ბიბლიური სწავლება სამყაროს შექმნის შესახებ - სურვილისამებრ, მოსწავლეებმა შეარჩიეს. ირაკლი ორჟონიამ აღნიშნული საკითხი განიხილა საეკლესიო და სამეცნიერო ლიტერატურაში არსებული შეხედულებების საფუძველზე, წმ. მამათა ეგზეგეტიკის, ბიბლიური არქეოლოგიის, ტექსტოლოგიური კვლევებისა და ისტორიულ-კულტურული მონაცემების გათვალისწინებით. მოხსენებამ დამსწრე საზოგადოების დიდი მოწონება დაიმსახურა, დაისვა მრავალი შეკითხვა, გამოითქვა საინტერესო მოსაზრებები. გიმნაზიის პედაგოგებისა და მოსწავლეების სურვილისამებრ, მსგავსი ფორმატის შეხვედრები მომავალშიც განხორციელდება.
სრულად
24 მარტი 2022 წელი
საქართველოს საპატრიარქოს წმინდა ნონოს სახელობის მართლმადიებლურმა სკოლის მოსწავლეებმა შემოქმედებითი ნარატივით მონაწილეობა მიიღეს 2022 წ. 20 მარტს, დაუნის სინდრომის საერთაშორისო დღის აღსანიშნავ გამოფენა-ფოლკლორულ კონცერტზე ,,მზის შვილები“. კონცერტი ჩაატარა „N studia“-მ საქართველოს საპატრიარქოსთან თანამშრომლობით, ახალგაზრდობის სულიერი და ინტელექტუალური განვითარების ცენტრში. ღონისძიებაზე წარმოდგენილი იყო სკოლის მომღერალთა გუნდის შემოქმედება, რომელსაც ხელმძღვანელობს მუსიკოსი, სკოლის პედაგოგი ნინო ბიბილური. საგამოფენო ექსპოზიციაზე დიდი მოწონება დაიმსახურა ჩვენი სკოლის სახვითი ხელოვნების სტუდიაში შექმნილმა მოსწავლეთა ნახატებმა, რომელსაც ხელმძღვანელობს მხატვარ-დიზაინერი მარი მჟავია. ღონისძიებას ესწრებოდნენ პრეზიდენტის აპარატის და საპატრიარქოს წარმომადგენლები.გამოფენილმა ნახატებმა და ხელნაკეთა ნივთებმა მაყურებლის დიდი მოწონება დაიმსახურა.ბავშვებმა შეასრულეს საგალობლები და ხალხური სიმღერები. კონცერტში მონაწილეობა მიიღეს დაუნის სინდრომის მატარებელმა ბავშვებმაც. ჩვენ არ ვითვლით ქრომოსომებს, ჩვენ არ ვირჩევთ მეგობრებს მათი შესაძლებლობების მიხედვით.დასასრულს თითოეულ მონაწილეს გადაეცა სიგელი. წმინდა ნინოს სახელობის სკოლის მომღერალთა გუნდის მიერ ღონისძიებაზე შესრულებული სიმღერები შეგიძლიათ იხილოთ შემდეგ ბმულებზე: https://youtu.be/UcLb0ue8ZaM https://youtu.be/FwtAw3_YhII https://youtu.be/Oy7SFkGnfmU
სრულად
01 თებერვალი 2022 წელი
წმინდა ნინოს სახელობის სკოლაში დაიწყო პირველკლასელთა რეგისტრაცია 2022-2023 სასწავლო წლისათვის. დაინტერესებულ მშობლებს რეგისტრაციის გავლა შეუძლიათ მითითებულ ბმულზე: https://forms.gle/Nqms2GcNHS1ZEZBv5 დამატებითი ინფორმაციისთვის დაგვიკავშირდით შემდეგ ნომრებზე: 551 16 22 11; 577 415 789; 551 72 12 52. სკოლაში თქვენ გელდებათ: მაღალკვალიფიციური მასწავლებელთა გუნდი; ქართული ენისა და ლიტერატურის, მათემატიკისა და ინგლისურის გაძლიერებული სწავლება; ხატვის, მუსიკის, ჭადრაკის სპეციალური პროგრამა; ერთჯერადი ჯანსაღი კვება, გახანგრძლივებული; დამატებით იმუშავებს საგნობრივი წრეები; საგნობრივი სწავლება I კლასიდან. I კლასში მიიღებიან ბავშვები, რომლებსაც 2022 წლის 15 სექტემბრამდე უსრულდებათ 6 წელი. წლიური თანხა შეადგენს 3500 ლარს. გადახდა სემესტრულად. მისამართი: სოფ. დიღომი, აღმაშენებლის ქუჩა N52.ვებ-გვერდი: www.stnino-school.geელ-ფოსტა: st.ninoschool@gmail.com
სრულად
16 მარტი 2022 წელი
კიდევ ერთხელ გამოვხატავთ დიდ მწუხარებას უკრაინაში მიმდინარე მოვლენების გამო. ომს გამართლება არ აქვს!ომს ჰყავს დაღუპული და დაზარალებული მოსახლეობა. წმინდა ნინოს სახელობის მართლმადიდებლური სკოლა, გარდა იმისა, რომ ჰუმანიტარულ დახმარებას უწევს უკრაინელ ხალხს, სრულ მხარდაჭერასა და თანადგომას უცხადებს ლტოლვილ უკრაინელ ბავშვებსაც:ჩვენი სკოლის დაწყებით და საბაზო საფეხურის კლასებში მივიღებთ მოსწავლეებს, რომლებიც განთავისუფლდებიან სწავლის საფასურისგან. მივცემთ განათლებას, გავუნაწილებთ ჩვენს სითბოს, სიყვარულსა და მზრუნველობას. გელით კეთილი გულით!
სრულად
29 დეკემბერი 2021 წელი
საქართველოს საპატრიარქოს წმინდა ნინოს სახელობის მართლმადიდებლური სკოლა გილოცავთ დამდეგ შობა-ახალ წელს, გისურვებთ 2022 წელი ყოფილიყოს ხვავით, ბარაქით, სიკეთით, სიხარულით, სიყვარულით, ბედნიერებით სავსე წელი, გვქონდეს მშვიდობა და დღეგრძელობა, წარმატებები პირად და საზოგადოებრივ საქმიანობაში! მიუხედვად მძიმე პანდემიური რეჟიმისა, სკოლამ სრული რეგულაციების დაცვით, #covidუსაფრთხო გარემოში, მოახერხა 2021 სასწავლო წლის წარმატებით დასრულება და სხვადსხვა ტიპის ღონისძიებების ჩატარება. მთელი სემესტრის მანძილზე ყურადღება გამახვილებული იყო: მოსწავლეთა ინდივიდუალურ მიდრეკილებებზე, გამორჩეულობაზე, სასკოლო და საქალაქო ღონისძიებებში ჩართულობაზე;სხვადასხვა ტიპის წრეები, მათ შორის - ჭადრაკის, სახვითი ხელოვნების, მუსიკის შესწავლაზე;სხვადასხვა კონკურსებსა და ოლიმპიადებში მონაწილეობას და უპირობო გამარჯვებებზე. სკოლის ადმინისტრაცია და პედაგოგიური კოლექტივი გილოცავთ დამდეგ შობა-ახალ წელს, გისურვებთ დღეგრძელობას, მშვიდობას და ჯანმრთელობას.
სრულად
03 დეკემბერი 2021 წელი
,,შენიდან ჩემამდე’’ახალი დროების სენია, ერთმანეთისგან დაშორიშორება გვიწვევს... ამგვარი დისტანცია მოქალაქეობრივი ვალია, რათა ჟამიანობის დროს გავუფრთხილდეთ და დავიცვათ საკუთარი და სხვათა სიცოცხლე...საუკუნეთა გამოცდილებამ აჩვენა, რომ არის ,,ჟამი სიყვარულისა და ჟამი სიძულვილისა; ჟამი ომისა და ჟამი მშვიდობისა’’ და მიუხედვად ავბედითი დროებისა, ადამიანი, ცხოვრების ნებისმიერ ეტაპზე საჭიროებს სულიერი საზრდოს... დიახ, ამგვარმა განდეგილობამ წარმოშვა იდეა, რომელიც ქალბატონმა ლალიმ გამიმხილა. ვისთვისაც თაობების ეროვნულ ფასეულობებზე აღზრდა უმთავრესი პრიორიტეტია და სკოლაც ერგულად მიჰყვება ამ კეთილშობილურ მისიას.დავიწყე ფიქრი სცენარზე, სადაც მთავარი მოქმედი გმირი ჩვენი დროის ცოცხალი ლეგენდა, უზადო სიყვარულით და სიკეთით სავსე ადამიანი, მთის შვილი, თანამედროვეობის უხუცესი წევრი, ბრძენი, მრავალჭირგამოვლილი და კლდესავით უდრეკი ტარიელ ხარხელაური უნდა ყოფილიყო... შემდეგ იყო მსჯელობა სცენის დეკორაციაზე. დიზაინს შესანიშნავად გაართვა თავი კრეატიულმა და არაორდინალურმა მხატვარმა მარი მჟავიამ. კარგი ლექსი რომ იგივე მუსიკაა ეს შესანიშნავად და მთელი გრძნობით დააგვირგვინა ნინო ბიბილურმა წარმოდგენის მუსიკალურ ნაწილში. ქართულის მასწავლებლის ირინე კვანჭიანის შემართება გახლდათ, ის, რომ სკოლის რჩეულ მოსწავლეთა დასი შემოქმედებითი ნარატივით წარმატებით გააერთიანა და დაიწყო პროცესი...იყო ბევრი რეპეტიცია, ნერვიულობა... თვალნათლივ დავინახეთ, რომ დროის უკუღმართობამ ახალი თაობის ემოციები მკვეთრად გაცრიცა, მათგან მოვითხოვდით მეტს და მეტს - ლექსში სიმღერაში, გამომეტყველებაში...დადგა ჟამი შეხვედრისა... დღე იყო მზიანი და საოცრაოდ თბილი...- მას, შეიძლება წარმოდგენას დავესწროთ და ნამდვილი პოეტი გავიცნოთ? მკითხა მეშვიდე კლასელმა მოსწავლემ და ვერ წარმოიდგენთ, ამან რამხელა ძალა მომცა...პარტერი ელოდა ცოცხალ შემოქმედს...წარმოდგენა რომ დაიწყო, პირველიველივე სცენაზე სტუმრისკენ შიშით გავაპარე მზერა. მისი დარდით და სიკეთით სავსე თვალები ცრემლის გუბეებით ავსილიყო...დარბაზიც ტიროდა, სცენიდან ისეთი ენერგია მოდიოდა, მეგონა, კლდეს გასტეხდა მათი სიტყვის ძალა... ვხედავდი ადამიანებს, მომავლიდან ვისთვისაც შემოქმედი და შემოქმედება აქამდე მხოლოდ წიგნის ფურცლებზე განთავსებული ინფორმაცია იყო და ეს შეხვედრა გადაიქცა უდიდეს ინპირაციად იმ აზრისა, რომ ,,ხელოვნებაა თავად უკვდავება და მხოლოდ ოსტატს, შემოქმედს ვერ ეწევა სიკვდილი’’, ისევე როგორც ეს დღე გადაიქცა მათ ხსოვნაში პოეზიის უზადო ძალის განმსაზღვრელ ფაქტორად...,, ამ თაობასთან შეხვედრა მაძლევს უდიდეს ძალას, ენერგიას, რწმენას ხვალიდნელი დღის, სულ უნდა გემღერებოდეთ, თქვენზეა დამოკიდებული ქვეყნის მომავალი, - თქვა სიყვარულზე შეყვარებულმა პოეტმა, მარტო ეს კი არა, ბევრი რამ გვითხრა და ბევრი რამეზე დაგვაფიქრა, შეგვაჯანჯღარა, სინანულით აგვავსო... თავად წავიდა იმედიანი და ადამიანური სევდით სავსე... ჰო, კიდევ თან გაიყოლა მისი პორტრეტი, რომელიც ჩვენივე მოსწავლემ, ლიზი თათულიშვილმა შექმნა...,,არ ყოფილიყო მარტოობა– თავად შევქმნიდიო’’, - ამბობს ერთგან და სწორედ, ამ მარტოობაში შექმნილი შედევრებით ისე გაგვამთლიანა და გაგვაძლიერა, რომ მანძილი ,,შენიდან ჩემამდე“ მხოლოდ სიყვარულით სავალ ბილიკებზე გაკვალა. თავად კიი ჩვეული სიბრძნით დაიბუბუნა: ,,ბებერო მიწავ, ამოვდივარ შენი ქერქიდან,ეს მე ვარ,მე ვარ,ჟამი შენი მარტოსულობის.ბებერო მიწავ, დაეკარგა ხიბლი მნათობებს,არც ეს მზე მინდა,არც ეს მთვარე , ცაზე მცურავი.მხოლოდ მე და შენ,მხოლოდ ახლა,ან არასოდეს,როგორც სიცოცხლესდღეს სიკვდილსაც ვუთხარ უარი.მიდი ,ბებერო და დასძლიე შიშის სიფითრერაკი ვმოძრაობთ,რაკი ვბორგავთ,რაკი ვხმაურობთ.სადაც ჩემი გზადღეს შენი გზაც მიდის იქითკენ–უსასრულობის აბსურდისკენ სამოგზაუროდ.’’ სოფი გორგილაძე(ქართული ენისადა ლიტერატურის მასწავლებელი)
სრულად
23 დეკემბერი 2021 წელი