30 მარტი 2021 წელი
სიახლეები
30 მარტი 2021 წელი
15 მარტი 2021 წელი
საგანამანათლებლო პლატფორმა ,,კენწერომ“ ესეების კონკურსზე ,,ახალგაზრდული ხედვა - ახალგაზრდული ხმა’’ 14-18 წლის ასაკობრივი კატეგორიიდან, 300-მდე არაჩვეულებრივ ნაშრომს შორის გამარჯვება მიანიჭა სამ რჩეულ კონკურსანტს. მათ შორისაა ჩვენი სკოლის მე-11 კლასის მოსწავლე თიკა დარახველიძე. სკოლის დირექცია, ადმინისტრაცია და პედაგოგები დიდი სიხარულით ვუერთდებით თიკას წარმატებას, ვულოცავთ დამსახურებულ გამარჯვებას და ვუსურვებთ სამომავლო წარმატებებს პირად და პროფესიულ საქმიანობაში. გამარჯვებულები საგანმანათლებლო პლატფორმა ,,კენწეროს“ წარმომადგენლებმა დაასაჩუქრეს პლანშეტური კომპიუტერებით. 1
სრულად
13 თებერვალი 2021 წელი
წმინდა ნინოს სკოლის ადმინისტრაცია გაცნობებთ, რომ დაიწყო პირველკლასელთა რეგისტრაცია 2021-2022 სასწავლო წლისათვის. გთხოვთ რეგისტრაცია გაიაროთ მითითებულ ბმულზე: https://forms.gle/3cowtWXc4yUTfTo49დამატებითი ინფორმაციისთვის დაგვიკავშირდით შემდეგ ნომრებზე: 551 16 22 11; 577 415 789; 551 72 12 52. სკოლაში თქვენ გელდებათ მაღალკვალიფიციური მასწავლებელთა გუნდი; ქართული ენისა და ლიტერატურის, მათემატიკის, ინგლისურისა და ისტორიის გაძლიერებული სწავლება; საბუნებისმეტყველო საგნების გაძლიერებული პროგრამა; ხატვის, მუსიკის, ჭადრაკის სპეციალური პროგრამა; ერთჯერადი ჯანსაღი კვება, გახანგრძლივებული; დამატებით იმუშავებს საგნობრივი წრეები; საგნობრივი სწავლება I კლასიდან. I კლასში მიიღებიან ბავშვები, რომლებსაც 2021 წლის 15 სექტემბრამდე უსრულდებათ 6 წელი. წლიური თანხა შეადგენს 3500 ლარს. გადახდა სემესტრულად. მისამართი: სოფ. დიღომი, აღმაშენებლის ქუჩა N52.ვებ-გვერდი: www.stnino-school.geელ-ფოსტა: st.ninoschool@gmail.com
სრულად
11 თებერვალი 2021 წელი
ძვირფასო მშობლებო, წმინდა ნინოს სკოლის ადმინისტრაცია გაცნობებთ, ახალ კორონავირუსთან დაკავშირებით, ჯანდაცვის სამინისტრომ მიიღო გარკვეული სახის რეკომენდაციები მშობლებისათვის! გთხოვთ, გულდასმით გაეცნოთ და ერთად შევძლოთ სრულყოფილი სასწავლო პროცესის წარმართვა! მშობლის/კანონიერი წარმომადგენლის ვალდებულებები!დაიცავით წმინდა ნინოს სკოლის მიერ დადგენილი წესები! 1. ცხელების~რესპირატორული დაავადებების შემთხვევაში არ გაუშვათ მოსწავლე სკოლაში!!!2. ცხელების~რესპირატორული დაავადებების გამოვლენისას დროულად გაიყვანეთ მოსწავლე სკოლიდან და უზრუნველყავით ბავშვის მიმართვა ოჯახის ექიმთან, ან ცხელების ცენტრში შესაბამისი სამედიცინო მომსახურების მისაღებად და პჯრ-ტესტირების ჩასატარებლად!3. სახლის პირობებში ჯანმრთელობის მდგომარეობის გაუარესების შემთხვევაში შეატყობინეთ კლასის დამრიგებელს დაუყოვნებლივ!4. მხოლოდ აუცილებელი საჭიროების შემთხვევაში დაგეგემეთ ვიზიტი სკოლაში. შეხვედრები მასწავლებლებთან წარმართეთ მაქსიმალურად დისტანციურად.5. მოსწავლის სკოლაში მოყვანისას უმჯობესია არ გადმოხვიდეთ ავტომანქანიდან.6. მოსწავლეს მუდმივად ჰქონდეს პირბადე, სველი ხელსახოცი, სანტაიზერი, სასკოლო ნივთები: კალამები, ფანქრები, რვეულები, საშლელი, სათლელი და სხვა. (აკრძალულია ნივთების თხოვება, რათა მინიმუმამდე დავიყვანოთ ვირუსის გავრცელების საშიშროება). წყლის ჭურჭელი, რომელზეც იქნება ბავშვების სახელი დაწერილი!7. V-XII კლასის მოსწავლეები ვალდებული არიან ატარონ პირბადე სკოლაში! რაც შეეხება I-IV კლასს, ჯანდაცვის რეკომენდაციის თანახმად, თავად მშობელმა გადაწყვიტოს პირბადის გამოყენების აუცილებლობა. უმორჩილესად გთხოვთ, დავიცვათ ყველა მითითება, რათა ერთად შევძლოთ ჯანსაღი გარემოს შექმნა და მომავლი თაობის უძვირფასესი სიცოცხლის დაცვა და სრულფასოვანი განათლების მიცემის შესაძლებლობა!!! სკოლის ყველა თანამშრომელს ჩაუტარდა კვლევა ,,კოვიდ-19 „ და აბსოლუტურად ყველას უარყოფითი პასუხი დაუფიქსირდა, რისი ნახვაც შესაძლებელია ჯანდაცვის სპეციალურ პორტალზე! სკოლაში ზედმიწევნით იქნება დაცული სამედიცინო პროტოკოლი, სკოლის პერსონალი გეგმიურად გაივლის ტესტირებას და ყველაფერი გაკეთდება იმისთვის, რომ სკოლაში იყოს აბსოლიტურად უსაფრთხო გარემო. სკოლა მზადაა სასწავლო პროცესი საკლასო ოთახებში გაგრძელდეს!
სრულად
07 თებერვალი 2021 წელი
წმინდა ნინოს სკოლის ადმინისტრაცია გაცნობებთ, რომ ორშაბათს, 15 თებერვალს სასწვლო პროცესი სკოლის კედლებში გაგრძელდება. წარმატებულ 2021 წელს გისურვებთ. დამატებითი ინფორმაციისთვის დაუკავშირდით დამრიგებლებს, ან სკოლის ადმინისტრაციას შემდეგ ნომრებზე: 551 16 22 11; 577 415 789; 551 72 12 52.
სრულად
29 დეკემბერი 2020 წელი
,,2020 - ჩემთვის ძალიან ცუდი წელი იყო, რადგან მთელ მსოფლიოში მომაკვდინებელი ვირუსი გავრცელდა. COVID-19-მა სახლში ჩაგვკეტა და სასწავლებლად ვირტუალურ გარემოში, კომპიუტერთან მიგვაჯაჭვა. ძალიან მინდა, რომ გაკვეთილები საკლასო ოთახში, მასწავლებლებლებთან და თანაკლასეებთან ერთად მიტარდებოდეს. ჩემი აზრით, ეს ვირუსი იყო დედამიწისგან ერთგვარი ,,სამაგიერო“, რადგან ჩვენ არ ვუფრთხილდებით და ვაბინძურებთ გარემოს, არ ვიცავთ ჰიგიენის წესებს... მხოლოდ ერთი რამ მინდა, ნორმალური ცხოვრება და სკოლაში დაბრუნება. –ნამდვილად ასეა, ვეთანხმებით ლუკას და ვკითხულობთ ცოტნეს გზავნილს:,,წელს ყველაფერი ცუდად მიდის, სახლში გამოვიკეტეთ. გარეთ თავისუფლად ვერ გავდივართ, ვერ ვნახულობთ იმ ადამიანებს, რომლებსაც ყოველდღე ვნახულობდით. ახალი წლისგან ველოდები, მომაკვდინებელი ვირუსის განადგურებას და იმის დაბრუნებას, რაც ამ პანდემიის დროს აგვიკრძალეს.აკრძალვა მართლაც ცუდი რამაა, მაგრამ ჩვენმა მოსწავლეებმა მოწოდება #დარჩისახლში უმაღლეს მოქალაქეობრივ ვალდებულებად გაიაზრეს ... მთელი წელი არ წყდებოდა წერილები.ანასტასიამ ზუსტად იცის, რომ ესეც გაივლის...,,გამარჯობა მას, მე ძალიან მინდა ეს ყველაფერი სიზმარს ჰგავდეს. გავიღვიძო ადრიანად, საწოლოდან წამოვხტე და დიდი სიხარულით გავეშურო სკოლაში, სადაც ჩემი საყვარელი მასწავლებლები და თანაკლასელები მელოდებიან’’.ანამ კარგად იცის მეგობრების ფასი:,,გამოგიტყდებით და გეტყვით, რომ თავიდან ყველაფერი სიზმარი მეგონა, მერე დავფიქრდი და ამ განშორებამ მიმახვედრა, რაოდენ ძვირფასია ჩემთვის სკოლაში გატარებული ყოველი დღე’’...ანდრიამ ემოციები ვერ დაიოკა და მისთვის უჩვეულოდ, ლამის ცრემლები აღვარღვარა:,,სკოლა, სკოლა, მასწავლებლები და კლასელები მენატრებიან ყველაზე მეტად !!! იქ ყველაფეერი სხვაგვარადაა. იქ არის ჩემი სული და გული. მოუთმენლად ველი ახალ წელს, ეს საშინელი პერიოდი გაივლის, ჩვენ უწინდებურად ჩავეხუტებით ერთმანეთს და გავიზიარებთ ერთად ყოფნის სიხარულს’’. რამდენი ასეთი განუმეორებელი ემოცია, გაზიარებული და გაუზიარებელი აზრები მოვისმინეთ ჩვენი მოსწავლეებისგან, თითოეული ონლაინ ჩართვა , გაკვეთილი იყო ერთად ყოფნის სიხარულით გასხივოსნებული... კადრშიც და კადრს მიღმაც იგრძნობოდა ერთიანი, ძლიერი, გუნდის განსაკუთრებული მობილიზება ექსტრემალურ სიტუაციაში. რამაც მთელი მსოფლიოს ადამიანები კიდევ ერთხელ დაგვაფიქრა და გვაგრძნობინა, რაოდენ მნიშვნელოვანია ადამიანი ადამიანისთვის. სკოლა- მოსწავლესთვის, მოსწავლე -მასწავლებლისთვის... ისინი გადაშლილი წიგნებივით არიან. ჩვენი ვალია წავიკითხოთ მათი გულისნადები, ამოვიცნოთ თუნდაც მდუმარედ ყოფნის ყველაზე ხმაურიანი გულისცემა... პანდემიამ გაგვაერთიანა, გაგვაძლიერა, კიდევ უფრო მეტად შეგვაყვარა, მოგვანატრა ერთმანეთი. სევდიან 2020 წელს გაგვიჩინა იმედი, რომ მალე ყველაფერი გაივლის, როგორც საშინელი სიზმარი, ავადმყოფობა, როგორც საინტერესო წიგნის სიუჟეტი, სადაც ყველაფერი მშვიდობიანად მთავრდება და იმარჯვებს სიყვარული -ერთად ყოფნის იმედით. გილოცავთ დამდეგ 2021 შობა-ახალ წელს! გისურვებთ მშვიდობას, ჯანმრთელობას, დღეგრძელობას და წარმატებებს! რადგან თქვენი ბედნიერი სიცოცხლე პირდაპირ კავშირშია ჩვენი ქვეყნის ხვალინდელ დღესთან !
სრულად
13 დეკემბერი 2020 წელი
ძვირფასო მოსწავლეებო, კოლოგებო, მშობლებო! ძალადობის საწინააღმდეგო კვირეულის ფარგლებში საქართველოს საპატრიარქოს წმინდა ნინოს სახელობის მართლმადიდებლური სკოლის მოსწავლეებმა მონაწილეობა მიიღეს სასკოლო კონკურსში სახელწოდებით ,,არა ძალადობას! ძალა უფლებას!" კონკურსანტებმა საკონკურსო მოთხოვნის გათვალისწინებით შექმნეს ელექტრონული სახის საინფორმაციო ბუკლეტები/ფლაერები, რომელშიც ასახულია ბულინგის/ძალადობის გამოვლენის სხვადასხვა ფორმა და მასთან ბრძოლის მექანიზმები. ასევე შემოგვთავაზეს რჩევები მოსწავლეებისთვის, მასწავლებლებისთვის, მშობლებისთვის; წიგნები, ფილმები, რომლებიც ეხება ბულინგის თემას; სხვა სახის საინტერესო ინფორმაცია, მათ შორის ფოტოები, ნახატები და ა. შ. ჩვენმა მოსწავლეებმა წარმოადგინეს რამდენიმე ათეული ნაშრომი, რომელიც შესრულებულია ინდივიდუალური და კრეატიული მიდგომრებით. უღრმესი მადლობა ჩვენს ნიჭიერ, გონიერ მოსწავლეებს კონკურსში მონაწილეობის მიღებისთვის. თითოეულის ნაშრომი იმსახურებს საუკეთსო შეფასებას. თქვენ ხართ გამარჯვებული, რადან ბულინგს განიხილავთ როგორც უკიდურეს, დასაგმობ აგრესიის ფორმას, რომელიც საზოგადოებას ხელს უშლის მშვიდად თანაცხოვრებაში. სკოლის ადმინისტრაციამ სამოქალაქო განათლების პედაგოგის - ირმა კვანჭიანის უშუალო ხელმძღვანელობით განიხილა თითოეული ნაშრომი და წარმოადგინა მათ შორის, უპირატესი და ლიდერი ათეული: ნატალი ჩიტაიშვილი, ანა გულისაშვილი, ნიკოლოზ მაზანაშვილი, სანდრო კირკიტაძე, ანასტასია ციცქიშვილი, ლიზი ტვილდიანი, სოფია კლინკარიდუ, მარ ბუქური, ბარბარე გრიგალაშვილი, ანასტასია როგავა. საუკეთესოთა შორის საუკეთესო ნამუშევრად დასახელდა მე-5ბ კლასის მოსწავლის - ნატალი ჩიტაიშვილის ნაშრომი. ლიდერი ათეულის ნამუშევრები შეგიძლიათ იხილოთ შემდეგ ბმულზე: https://drive.google.com/drive/folders/1XgwISUeL6p8LaxuDbm85F7SyVCQDL7-r?usp=sharing
სრულად
30 ნოემბერი 2020 წელი
წმინდა ნინოს სკოლის ყოველდღიურ ცხოვრებაში ჩართულია სკოლის ფსიქოლოგი-ელენე არღვლიანი, რომელიც ყოველდღიურად ჩართულია ონლაინ საგაკვეთილო პროცესში და ეხმარება მასწავლებლებს ამა თუ იმ პრობლების აღმოფხვრაში. წმინდა ნინოს სკოლა გთავაზობთ დისტანციურ ფსიქოლოგიურ დახმარებას , როგორც თანამშრომლებს, ისე მოსწავლეებს და მათ მშობლებს. საჭიროების შემთხვევაში თქვენ შეგიძლიათ დაუკავშირდეთ ფსიქოლოგ - ელენე არღვლიანს შემდეგ ნომერზე : 599 366 824 (ორშაბათი და ხუთშაბათი 10:00-17:00 საათამდე).
სრულად
24 ნოემბერი 2020 წელი
ძვირფასო მშობლებო და მოსწავლეებო, ქვეყანაში არსებული ეპიდსიტუაციისა და დიდ ქალაქებში მობილობის შემცირების მიზნით უწყებათაშორისმა საბჭომ მიიღო გადაწყვეტილება საქართველოს შემდეგ ქალაქებში: თბილისში, რუსთავში, ქუთაისში, ზუგდიდში, თელავში, ზესტაფონში, გორში, გარდაბანში, ფოთსა და მარნეულში სასწავლო პროცესი 2020-2021 სასწავლო წლის პირველი სემესტრის დასრულებამდე ყველა კლასის მოსწავლეებისათვის, როგორც საჯარო, ასევე, კერძო სკოლებში, დისტანციურ რეჟიმში წარიმართება. სამწუხაროდ არც წმინდა ნინოს სკოლაა გამონაკლისი, ამიტომ ჩვენც პირველ სემესტრს ვისწავლით დისტანციურად. შეიცვალა დასვენების კალენდარი. მეორე სემესტრი დაიწყება 11 იანვარს, ნაცვლად 20 იანვრისა. თვალი გავუსწოროთ რეალობას, მსოფლიო უწინდებური ვეღარ იქნება. ყველაზე მნიშვნელივანია ჩვენი შვილების საკეთილდღეოდ შევინარჩუნოთ სიმშვიდე. ყოველი ბნელი გვირაბის ბოლოს არის სინათლე და ამ სიბნელიდან გასვლისას სჯობს, ფსიქოლოგიურად ძლიერი და გაწონასწორებული შთამომვლობა გავიყვანოთ. გისურვებთ ყველას ჯანმრთელობას. პატივისცემით წმინდა ნინოს სკოლის დირექტორი ლალი მელივა
სრულად
21 ოქტომბერი 2020 წელი