11 სექტემბერი 2020 წელი
სიახლეები
11 სექტემბერი 2020 წელი
10 სექტემბერი 2020 წელი
15 სექტემბერს, საქართველოს საპატრიარქოს წმინდა ნინოს სახელობის მართლმადიდებლური სკოლა იწყებს 2020-2021 სასწავლო წელს, COVID-19 დაკავშირებული რეგულაციების სრული დაცვით. ჩვენ მთელი ზაფხული ვემზადებოდით მოსწავლეების დასახვედრად, გისურვებთ წარმატებებს და ჯანმრთელობას
სრულად
01 ოქტომბერი 2020 წელი
საქართველოს საპატრიარქოს წმინდა ნინოს სახელობის მართმადიდებლურმა სკოლამ 1 ოქტომბერს საგანმანათლებლო დაწესებულებაში 2020-2021 სასწავლო წელი განაახლა მხოლოდ I-VI კლასის მოსწავლეებისთვის. VII-XII კლასები სასწავლო პროცესს კვლავ ონლაინ რეჟიმში გააგრძელებენ, ყოველდღიური ჩართვებით. მსოფლიოში არსებული პანდემიის გამო, ბევრ ქვეყანაში საგანგებო მდგომარეობაა, შეზღუდვები ყველა სფეროს, მათ შორის განათლებასაც შეეხო. კორონავირუსის გავრცელების პრევენციის მიზნით, სასწავლო დაწესებულებები და მათ შორის ჩვენი სკოლა, სხვადასხვა მექანიზმებს იყენებენ. სკოლაში ჯანმრთელობის უზრუნველსაყოფად რეკომენდებულია, რომ: ავადმყოფი მოსწავლეები, მასწავლებლები და სხვა თანამშრომლები სკოლაში არ უნდა მივიდნენ; სკოლებმა უნდა უზრუნველყონ, რომ ყველამ რეგულარულად დაიბანოს ხელი წყლითა და საპნით, გაიწმინდოს სპირტით / სადეზინფექციო ხელსახოცებით ან ქლორის ხსნარით და რომ სკოლაში, როგორც მინიმუმ ყოველდღე, მოხდეს ზედაპირების დეზინფექცია და წმენდა; სკოლებმა უნდა უზრუნველყონ წყლის, სანიტარული საშუალებების და ნარჩენების მართვის საშუალებების არსებობა და დაიცვან გარემოს წმენდისა და დეკონტამინაციის პროცედურები; სკოლებმა ხელი უნდა შეუწყონ სოციალურ დისტანცირებას (ეს ტერმინი გულისხმობს გარკვეულ მოქმედებებს, რომლებიც ძალზე გადამდები დაავადების გავრცელების შენელების მიზნით ხორციელდება, მაგალითად, ადამიანთა დიდი ჯგუფების შეკრების შეზღუდვას). თითოეულ მოსწავლეს ვულოცავთ ახალი სასწავლო წლის დაწყებას და ვუსურვებთ ჯანმრთელობას და წარმატებებს !
სრულად
20 აგვისტო 2020 წელი
გაგაცნობთ საქართველოს საპატრიარქოს წმინდა ნინოს სახელობის მართლმადიდებლური სკოლის მოსწავლეების შედეგებს 2019-2020 სასწავლო წლის მისაღებ ეროვნულ გამოცდებზე: 1. თათა თათულიშვილი ქართული ენა და ლიტერატურა - 57 ქულა (მაქსიმალური ქულა 70) ინგლისური - 74 ქულა (მაქსიმალური ქულა 80) მათემატიკა - 41 ქულა (მაქსიმალური ქულა 59) 2. ანა ჩხიკვაძე ქართული ენა და ლიტერატურა - 62 ქულა (მაქსიმალური ქულა 70) ინგლისური - 80 ქულა (მაქსიმალური ქულა 80) ისტორია - 57 ქულა (მაქსიმალური ქულა 60) 3. გიორგი მაისურაძე ქართული ენა და ლიტერატურა - 50 ქულა (მაქსიმალური ქულა 70) ინგლისური - 76 ქულა (მაქსიმალური ქულა 80) მათემატიკა - 40 ქულა (მაქსიმალური ქულა 59) 4. ნინო გრიგალაშვილი ქართული ენა და ლიტერატურა - 56 ქულა (მაქსიმალური ქულა 70) ინგლისური - 72 ქულა (მაქსიმალური ქულა 80) მათემატიკა - 38 ქულა (მაქსიმალური ქულა 59) საქართველოს საპატრიარქოს წმინდა ნინოს სკოლის ადმინისტრაცია ულოცავს ჩვენი სკოლის ყველა კურსდამთავრებულს შედეგს, რომელიც ერთობლივმა დიდმა შრომამ მოიტანა. ვულოცავთ მათ მშობლებს და ყველა მასწავლებელს, რომლებმაც თუნდაც მცირედი წვლილი შეიტანეს მათ აღზრდა-განათლებაში. გვიყვარხართ და გვეამაყებით, თქვენ ხომ ჩვენი ქვეყნის მომავალი ხართ.
სრულად
17 აგვისტო 2020 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში პირველკლასელთა რეგისტრაცია გრძელდება. ჩვნთვის ძალიან მნიშვნელოვანია ჩვენი მოსწავლეების უსაფრთხოება. წმინდა ნინოს სკოლის ადმინისტრაცია ითვალისწინებს განათლების სამინისტროს ყველა რეგულაციას და ახალ სასწავლო წელს 14 სექტემბერს განაახლებს. სკოლაში დაგხვდებათ უსაფრთხო გარემო, სადაც მოსწავლეები შეძლებენ ჩაერთონ სასკოლო ცხოვრების ყოველდღიურობაში. წინასწარ გილოცავთ 2020-2021 სასწავლო წლის დაწყებას. წმინდა ნინოს სკოლა მზად არის იზრუნოს ჩვენი სკოლის მოსწავლეების განათლებასა და უსაფრთხოებაზე.
სრულად
01 ივლისი 2020 წელი
IV კლასი მარკ ტვენი – "უფლისწული და მათხოვარი" იანუშ კორჩაკი – "მეფე მათიუშ პირველი" ასტრიდ ლინდგრენი – "ყაჩაღის ასული რონია", "ძმები ლომგულები" ანტუან დე სენტ–ეკზიუპერი – "პატარა უფლისწული" ჯონათან სვიფტი – "გულივერის მოგზაურობა" რევაზ ინანიშვილი – მოთხრობები – "უშიშა პაპას ამბავი", "ასი წლის პაპა", "მუხა"... ნუგზარ შატაიძე – "ძმები" V-VI კლასი ასტრიდ ლინდგრენი – "პეპი გრძელი წინდა" მერაბ ინანიშვილი – "ერეკლე მეფე და ანანურელი ულამაზოები" ოსკარ უაილდი – "ვარსკვლავბიჭუნა" ჯონათან სვიფტი – "გულივერის მოგზაურობა" მარკ ტვენი – "ტომ სოიერის თავგადასავალი" ჰარიეტ ბიჩერ სტოუ – "ბიძია თომას ქოხი" ანტუან სენტ ეგზიუპერი – "პატარა უფლისწული" ჟიულ ვერნი – "80 000 კილომეტრი წყალქვეშ", "დედამიწიდან მთვარემდე" ალექსანდრე დიუმა – "სამი მუშკეტერი" გიორგი ლეონიძე – "ნატვრის ხე" ვიქტორ ჰიუგო – "მოხუცი და ზღვა" მიხეილ ჯავახიშვილი – "პაპა დინო" ნოდარ დუმბაძე – "მე, ბებია, ილიკო და ილარიონი", "მე ვხედავ მზეს" ჩ. დიკენსი – "ოლივერ ტვისტის თავგადასავალი" მიხეილ ჯავახიშვილი – "პაპა დინო", "ტყის კაცი" ჯეიმს გრინვუდი – "პატარა მაწანწალა" VII კლასი დავით კლდიაშვილი – "სოლომონ მორბელაძე" ლ. რაზიკაშვილი – "მამაჩემი" გულქან რაზიკაშვილი – "მამამ ღმერთს ჩამაჰყარა სახელი" ნოდარ დუმბაძე – "მე ვხედავ მზეს" ვოლტერ სკოტი – "აივენჰო" გოდერძი ჩოხელი – "მგელი" ჩარლზ დიკენსი – "დევიდ კოპერფილდი" ანა ფრანკის დღიურები ალფონს დოდე – "ტარტარენ ტარასკონელის უჩვეულო თავგადასავალი" VIII-IX კლასი ალექსანდრე ყაზბეგი – "მამის მკვლელი", "ელგუჯა", "განკიცხული" დავით კლდიაშვილი – "ბაკულას ღორები", "შერისხვა", "მიქელა" გრიგოლ აბაშიძე – "ცოტნე ანუ ქართველთა დაცემა და ამაღლება" ცხოვრება ალექსანდრე ყაზბეგისა შარლოტა ბრონტე – "ჯეინ ეარი" ნუგზარ შატაიძე – მოთხრობები გიორგი ლეონიძე – "ნატვრის ხე" ოსკარ უაილდი – "ბროწეულის სახლი" ვასილ ბარნოვი – "ტრფობა წამებული", "ისნის ცისკარი" კონსტანტინე გამსახურდია – ნოველები, "ქოსა გახუ" სულხან–საბას "მოგზაურობა ევროპაში" მიხეილ ჯავახიშვილი – "არსენა მარაბდელი", "კვაჭი კვაჭანტირაძე", "ჩანჩურა" ჯეკ ლონდონი – "დიდი სახლის პატარა დიასახლისი" ნიკო ლორთქიფანიძე – ნოველები "ბედნიერება", "ტრაგედია უგმიროთ", "რაინდები", "ერთპერანგიანი" ფრანკ კაფკა – "წერილები მამას", "მეტამორფოზა" პროსპერ მერიმე – "მატეო ფალკონე", "შარლ IX–ის ქრონიკები" X-XI-XII კლასი გურამ დოჩანაშვილი – "სამოსელი პირველი" კ. გამსახურდია – "მთვარის მოტაცება", "ესეები" აკა მორჩილაძე – "სანტა ესპერანსა" ნაირა გელაშვილი – მოთხრობები: "დედის ოთახი", "ამბრნი, უმბრნი და არაბნი" ოლია ოკუჯავა – დღიურები და მიმოწერა გალაქტიონთან ჯემალ ქარჩხაძე – მოთხრობები ნიკო ლორთქიფანიძე – "კერიასთვის", "ჟამთა სიავე" მიხეილ ჯავახიშვილი – "კურდღელი", "თეთრი საყელო", "ლამბალო და ყაშა" ლევ ტოლსტოი – "მამა სერგი", "ივან ილიჩის სიკვდილი", "ანა კარენინა" ჰემინგუეი – "იქ სადაც სინათლეა", "კილიმანჯაროს თოვლიანი მთა", "მშვიდობით იარაღო" ვიქტორ ჰიუგო – "პარიზის ღვთისმშობლის ტაძარი" ოსკარ უაილდი – "დორიან გრეის პორტრეტი" ჰომეროსის – "ილიადა" ლერმონტოვი – "მწირი" ჩეხოვი – მოთხრობები: "მსუქანი და გამხდარი", "ქალი ძაღლით", "ალუბლის ბაღი", "რუდ შილდის ვიოლინო" დოსტოევსკი – "ძმები კარამაზოვები", "იდიოტი" გრიგოლ რობაქიძე – "გველის პერანგი", "ჩაკლული სული" გოეთე – "ფაუსტი" გურამ დოჩანაშვილი – "სამოსელი პირველი", "ორნი აქა–იქა" შექსპირი – "ვენეციელი ვაჭარი", "რომეო და ჯულიეტა", "ზაფხულის ღამის სიზმარი", "რიჩარდ მეორე", "ჰამლეტი" ბალზაკი – "შაგრენის ტყავი", "მამა გორიო", "ეჟენი–გრანდე" თ. ჭილაძე – "გზაზე ერთი კაცი მიდიოდა", "ყოველმან ჩემმან მპოველმან" დანტე ალეგიერი – "ღვთაებრივი კომედია" სტენდალი – "წითელი და შავი" მარკესი – "მარტოობის ასი წელიწადი"
სრულად
19 ივნისი 2020 წელი
ძვირფასო მოსწავლეებო, კოლეგებო, პატივცემულო მშობლებო ❤ როგორც მოსწავლეებისთვის, ისე მასწავლებლებისთვის უდიდესი გამოწვევაა სწავლების ონლაინ რეჟიმზე გადასვლა. გამომდინარე იქიდან, რომ სასწავლო პროცესი მასწავლებელ/მოსწავლის აქტიურ თანამშრომლობას გულისხმობს. მსოფლიოში შექმნილმა განსაკუთრებულმა ვითარებამ პანდეემიის დროს, მეტად მნიშვნელოვანი გახადა თითოეული თქვენგანის ჩართულობა გუნდურ მუშაობაში. მადლობა თქვენ ამისთვის ❤ მსოფლიოს წამყვანი ჯანდაცვის წარმომადგენლები, ექიმები, გვაფრთხილებენ, რომ მოგვიწევს ვირუსთან თანაცხოვრება. მიმაჩნია, რომ ჩემს კოლეგებთან ერთად დიდი პასუხისმგებლობით მოვეკიდეთ ამ რთულ გამოწვევას და ახალი სასწავლო წლისთვის, შესაძლო გართულებების შემთხვევაში, მეტად მნიშვნელოვანი გამოცდილებაც მივიღეთ. სკოლა ჩართულია თანამედროვე, ონლაინ პროცესებში, ახალი პლატფორმების მოძიებაში, სადაც უფრო დახვეწილი გახდება სასწავლო პროცესი. #COVID-19 ახალი რეალობის წინაშე დაგვაყენა. არ გადავაჭარბებ, თუ ვიტყვი, რომ მთელი გულისხმიერებით მოვეკიდეთ მეტად საპასუხისმგებლო მისიას. აქვე აღვნიშნავ, რომ სკოლის სამმა პედაგოგმა მონაწილეობა მიიღო ევროკავშირის სწავლებაში ,,ჰიბრიდული სწავლების მეთოდები" რაც საშუალებას მოგვცემს ონლაინსწავლება მეტად ინტერაქციული და შემოქმედებითად საინტერესო გავხადოთ. ამ პროცესის მთავარი შემფასებელი კი მოსწავლეა. ამგვარი ანალიზით, ჩვენ შევძლებთ, სასწავლო პროცესის შემდეგ ეტაპზე გადასვლას, რისი აუცილობელი პირობაც მსოფლიოში ჯერ არ გამოკვეთილა. ჩვენ, როგორც მსოფლიოს ნაწილი უდიდესი განსაცდელის წინაშე ვართ. ბუნებრივია, მეტად გამძაფრებულია ჩვენი ფსიქო-ემოციური განწყობები, მაგრამ მიუხედავად ამგვარი დაძაბულობისა გამოიკვეთა ერთი უმნიშვნელოვანესი რამ, რომ გუნდური და თანამიმდევრული მუშაობით ჩვენ შევძლებთ შეუძლებელს, მომავალი თაობის აღზდისა და განათლების საქმეში. მადლობა თითოეულ თქვენგანს, თანადგომისა და გონიერებისთვის, თანამშრომლობისთვის. მერწმუნეთ, როცა ყველაფერი კარგად იქნება, ჩვენ გავიღვიძებთ სულ სხვა რეალობაში, სხვა ადამიანური ფასეულობებით და სხვა შეგნებით... ამ სულისკვეთებით ვარ და ვურთიერთობ მომავლის გმირებთან, ჩვენს საამაყო მოსწავლეებთან. პატივისცემით ლალი მელივა
სრულად
17 ივნისი 2020 წელი
რა გამოწვევების წინაშე დააყენა სასწავლო დაწესებულებები ჩOVID19-მა, როგორ მიმდინარეობდა სასწავლო პროცესი დისტანციურად და რას სთავაზობს საქართველოს საპატრიარქოს წმინდა ნინოს სახელობის მართლმადიდებლური სკოლა მოსწავლეებს – ამ საკითხებზე „ფორტუნა“ აღნიშნული სკოლის დირექტორს ლალი მელივას ესაუბრა. -რა ისწავლება თქვენთან და რითია გამოჩეული თქვენი სკოლა კონკურენტებისგან? საქართველოს საპატრიარქოს წმინდა ნინოს სახელობის მართლმადიდებლური სკოლა 2009 წლიდან ფუნქციონირებს და მისი მისიაა, მოსწავლეებმა მიიღონ მაღალი აკადემიური განათლება, გამოიმუშავონ უნარები და ღირებულებები, რომლებიც დაეხმარება მათ საზოგადოებაში საკუთარი ადგილის დამკვიდრებასა და პოტენციალის რეალიზებაში. სკოლა ხელს უწყობს მოსწავლეს, რომ გამოუმუშავდეს ანალიტიკური აზროვნების უნარი, შეეძლოს გუნდური მუშაობის წარმართვა, განვითარდეს მრავალმხრივად და იყოს კანონმორჩილი, პატრიოტი და ტოლერანტი მოქალაქე. გარდა ამისა, ჩვენი სკოლა ზრუნავს, რომ მოსწავლეს შეეძლოს თანამედროვე, სწრაფად ცვლად და დინამიურ გარემოში ორიენტაცია და ადაპტაცია. სკოლა მოსწავლეს უქმნის შემოქმედებით და თანამშრომლობით გარემოს, ხელს უწყობს ურთიერთპატივისცემისა და თანასწორობის პრინციპების დაცვას. აღსანიშნავია ისიც, რომ ჩვენი სკოლა უზრუნველყოფს უსაფრთხო და წამახალისებელ გარემოს და იგი უვითარებს მოსაწავლეს კულტურულ ფასეულობათა, ოჯახის, საზოგადოების, სახელმწიფოსა და კანონის მიმართ პატივისცემას, ასევე ხელს უწყობს მის ფიზიკურ განვითარებას, რისთვისაც ორგანიზებას უწევს სპორტულ და სახელოვნებო აქტივობებს, როგორც მოსწავლეების, ასევე მშობელთა და მასწავლებელთა ჩართულობით. სკოლის ერთ–ერთი უმთავრესი ამოცანაა, მოსწავლემ შეძლოს, სწორად აირჩიოს განვითარების მომავალი მიმართულება. -სწავლების რა მეთოდს იყენებთ? სკოლაში სასწავლო პროცესი ფოკუსირებულია მოსწავლეების საჭიროებებზე, შესაძლებლობებზე, ინტერესებსა და სწავლის სტილზე. სწავლა რომ სახალისო, საინტერესო პროცესად და ნამდვილ ინტელექტუალურ გამოწვევად იქცეს, პედაგოგები სწავლების პროცესს სხვადასხვა სტრატეგიის გამოყენებით წარმართავენ. სტრატეგიის შერჩევისას მასწავლებელმა უნდა განსაზღვროს გაკვეთილის მიზანი და შერჩეული სტრატეგია უნდა შეესებამებოდეს მოსწავლეთა შესაძლებლობებს. მოგეხსენებათ, რომ სწავლების მეთოდები და სწავლის სტრადეგიები, მოსწავლეთა უნარების ჩამოყალიბება-განვითარებისათვის მეტად მნიშვნელოვანია. ჩვეულებრივი სასწავლო პროცესი ითვალისწინებს შემდეგს: პედაგოგმა მოსწავლეებს დაანახოს საკითხი, პრობლემა, რომელიც მრავალგვარი მიდგომითა და გზით შეიძლება გადაიჭრას,რომელზეც არ არსებობს ერთი სწორი ან არასწორი პასუხი, საჭიროებს ძიებას, ალტერნატივების დაშვებას და იდეების ჩამოყალიბება-განვითარებას. მოსწავლეებმა უნდა გამოიყენონ ნასწავლი მასალა, დამოუკიდებლად მოძიებული ინფორმაცია და პრობლემის გადაჭრის ხედვა უნდა მიუსადაგონ რეალური ცხოვრების მიზნებსა და მოთხოვნებს. შემოქმედებითი აზროვნების განვითარება, რაც გამოიხატება იდეათა ახლებური კავშირებისა და შეხამების პოვნაში. -როგორ ხდება თქვენს სკოლაში მოსწავლეთა მიღება? სკოლაში მოსწავლეთა მიღება ხდება დირექტორთან და ფსიქოლოგთან გასაუბრების შემდეგ. -რამდენად წარმატებულად გაართვით თავი პანდემიასთან დაკავშირებულ გამოწვევებს? პანდემიასთან დაკავშირებულმა ცვლილებებმა რადიკალურად შეცვალა სასწავლო პროცესთან არსებული ყველა ნიუანსი. მოსწავლეებისთვის და მასწავლებლებისთვის უდიდესი გამოწვევა იყო სწავლების ონლაინ რეჟიმზე გადასვლა, გამომდინარე იქიდან, რომ სასწავლო პროცესი მასწავლებელ/მოსწავლის აქტიურ თანამშრომლობას გულისხმობდა. არ გადავაჭარბებ, თუ ვიტყვი, რომ მთელი გულისხმიერებით მოვეკიდეთ მეტად საპასუხისმგებლო მისიას. აქვე აღვნიშნავ, რომ სკოლის სამმა პედაგოგმა მონაწილეობა მიიღო ევროკავშირის სტანდარტის სასერტიფიკატო ტრეინინგში ,,შერეული/ ჰიბრიდული სწავლების მეთოდები”, რაც საშუალებას მოგვცემს ონლაინსწავლება მეტად ინტერაქციული და შემოქმედებითად საინტერესო გავხადოთ. კიდევ ერთხელ მინდა აღვნიშნო, რომ ჩვენი სკოლა დიდი პასუხისმგებლობით მოეკიდა ამ რთულ გამოწვევას და ახალი სასწავლო წლისთვის, შესაძლო გართულებების შემთხვევაში, მეტად მნიშვნელოვანი გამოცდილებაც მივიღეთ. სკოლა ჩართულია თანამედროვე, ონლაინ სწავლების პროცესებში, ახალი პლატფორმების დანერგვაში, როგორებიცაა: ედუპეიჯი, ზუმი, თიმსი, რომლებშიც, შესაძლო გართულების შემთხვევაში, უფრო დახვეწილი გახდება სასწავლო პროცესი. წარმატებით გავიარეთ ონლაინ სწავლებასთან დაკავშირებული, ფაქტობრივად, ყველა სირთულე. ბავშვები აქტიურად იყვნენ ჩართული პროცესში და მასწავლებლებთან ერთად ცდილობდნენ, საკუთარი აზრი სლოგანების სახით გამოეხატათ. შევქმენით ვიდეორგოლი, რომელშიც მოსწავლეებმა ნახატებთან ერთად წარმოადგინეს საკუთარი დამოკიდებულება მსოფლიოში მიმდინარე პროცესზე. შემოქმედებითი თვალსაზრისით მეტად გააქტიურდნენ და მეტი მონდომებით ჩაერთნენ საგაკვეთილო პროცესში. 21-ე საუკუნის თაობისთვის ინტერნეტით ურთიერთობა ძალზე ადვილი, მოსახერხებელი და მისაღებია. მიუხედავად ამისა, მოსწავლე-მასწავლებელს შორის ურთიერთობა ცოცხალი პროცესია და უმჯობესია ის საკლასო ოთახში მიმდინარეობდეს, სადაც ემოციის ( სითბოს, სიყვარულის…) გამოხატვა უფრო ადვილად აღსაქმელია და რეაგირებაც ამა თუ იმ საკითხზე სწრაფი და შედეგიანია. წყარო: https://fortuna.ge/fortuna/post/gaicanit-skola-romelic-khels-uwyobs-moswavles-mravalmkhrivad-ganvitardes-da-sworad-airchios-profesia?fbclid=IwAR1QF9PfyOwqY2K-4aMtGKeZGXVxsjwagsNQzQxnviwaORpx4mZSKlN-2DI
სრულად
06 მაისი 2020 წელი
საქართველოს საპატრიარქოს წმინდა ნინოს სკოლის ადმინისტრაცია გაცნობებთ, რომ 2020-2021 სასწავლო წლისთვის პირველკლასელთა რეგისტრაცია, გასაუბრება გადავიდა ონლაინ რეჟიმში. ინფორმაციისთის დაგვიკავშირდით შემდეგ ნომრებზე: 551 16 22 11, 577 415 789, 551 72 12 52, 591 23 79 16. ✔️ სკოლაში თქვენ გელოდებათ მაღალკვალიფიციური მასწავლებელთა გუნდი; ✔️ ქართული ენისა და ლიტერატურის, მათემატიკის, ინგლისურისა და ისტორიის გაძლიერებული სწავლება; ✔️ საბუნებისმეტყველო საგნების გაძლიერებული პროგრამა; ✔️ ხატვის, ჭადრაკის, მუსიკის სპეციალური პროგრამა; ✔️ ერთჯერადი ჯანსაღი კვება, გახანგრძლივებული; ✔️ დამატებით იმუშავებს საგნობრივი წრეები; ✔️ საგნობრივი სწავლება I კლასიდან. I კლასში მიიღებიან ბავშვები, რომლებსაც 2020 წლის 15 სექტემბრამდე უსრულდებათ 6 წელი. წლიური თანხა შეადგენს 3500 ლარს. გადახდა სემესტრულად. მისამართი: სოფ. დიღომი, აღმაშენებლის ქუჩა N52. ვებ-გვერდის მისამართი: www.stnino-school.ge
სრულად
13 მარტი 2020 წელი