17 დეკემბერი 2021 წელი
სიახლეები
17 დეკემბერი 2021 წელი
30 ნოემბერი 2021 წელი
30 ნოემბერს, წმინდა ნინოს სახელობის სკოლაში ჩატარდა ტრენინგი, პროექტის - "#ახალგაზრდები მშვიდობისთვის სამხრეთ კავკასიაში" - ფარგლებში, საქველმოქმედო ფონდ "ლაზარეს" ორგანიზებით. თემა: ,,როგორ დავნერგოთ სამშვიდობო განათლება საგანმანათლებლო დაწესებულებაში". ტრეინინგს ესწრებოდნენ სკოლის პედაგოგები. ტრეინინგზე განხილული იყო სამშვიდობო განათლება, როგორც სასკოლო თემა და მისი მნიშვნელობა, პოზიტიური სასკოლო კულტურა, თემისა და ოჯახის ჩართულობა სასწავლო პროცესში, სამშვიდობო პროგრამის შედგენა სკოლისათვის და ბევრი სხვა საინტერესო თემა. პედაგოგებმა ერთმანეთს გაუზიარეს გამოცდილება და დაგეგმეს სამომავლო ღონისძიებები.პროექტი ხორციელდება შვეიცარიული ორგანიზაციის HEKS-EPER-ის ფინანსური მხარდაჭერით.
სრულად
15 ნოემბერი 2021 წელი
დღეს წმინდა ნინოს სახელობის სკოლაში გაიმართა ტრეინგ-სწავლება: ,,კონფლიქტების მშვიდობიანი მოგვარება სხვადასხვა სიტუაციაში". ტრეინინგს ესწრებოდნენ მე-10 და მე-11-ე კლასის მოსწავლეები . მოზარდები ხშირად ერთად აკეთებენ რაიმეს - თამაშობენ, მეცადინეობენ, ცეკვავენ, ფილმს უყურებენ, მუსიკას უსმენენ და სხვა. მათ, ერთსა და იმავე საგანთან ან ამბავთან დაკავშირებით, მსგავსი ან განსხვავებული აზრები აქვთ.ყველას აზრი მნიშვნელოვანი და საგულისხმოა. როდესაც რაიმეს ერთად გაკეთებას ვაპირებთ, მნიშვნელოვანია, ყველას აზრი მოვისმინოთ, გავითვალისწინოთ და გადაწყვეტილება ერთად მივიღოთ. ეს კი მსჯელობის და დათმობის შედეგად არის შესაძლებელი. ზოგჯერ განსხვავებულ აზრებს და სურვილებს გაბრაზება და ცხარე კამათი მოსდევს - ამას კონფლიქტს უწოდებენ. კონფლიქტი შეიძლება ჩხუბშიც გადაიზარდოს და მას ყვირილი, ხელის კვრა, დამამცირებელი სიტყვებით მიმართვა, ერთმანეთის-თვის შეურაცხყოფის მიყენება მოჰყვეს. საბოლოოდ, ყველა ზარალდება - შეთანხმება ვერ ხერხდება, ადამიანებს გულისტკენა, წყენა, შიში, სევდა ეუფლებათ. კონფლიქტმა და ჩხუბმა, შესაძლოა, მეგობარიც დაგვაკარგვინოს. დასასრულს შეთანხმდნენ, რომ კონფლიქტის და ჩხუბის თავიდან აცილება და საერთო გადაწყვეტილების მიღება შესაძლებელია მშვიდობიანი გზით.
სრულად
04 ნოემბერი 2021 წელი
წმინდა ნინოს სახელობის სკოლის მესამე კლასელებმა შემოდგომის დღესასწაულთან დაკავშირებით ჩაატარეს ტრადიციული აქტივობა ,,ბარაქიანი შემოდგომა". ყურძნის დაწურვის პროცესმა ხალისიანად და ჟრიამულით ჩაიარა. ბადაგის მომზადებას დიდი ინტერესით აკვირდებოდნენ. შემდგომ, ჩურჩხელების ამოვლების პროცესს მონდომებით და ფაქიზად ახორციელებნენ. აქტივობის დროს დასმული შეკითხები პროცესს კიდევ უფრო საინტერესო ელფერს აძლევდა. ითვალისწინებდნენ მითითებებს და ყოველი მომდევნო მცდელობა იყო უფრო დახვეწილი. ამგვარი აქტივობები ხელს უწყობს საინტერესო და სასარგებლო პროცესებთან სრულფასოვან ზიარებას, იმისათვის, რომ თითოეულმა მათგანმა სწორად გაიაზროს შრომის ფასი და გაეცნონ ქართული ნუგბარის მომზადების სპეციფიკას.
სრულად
12 ოქტომბერი 2021 წელი
საქართველოს საპატრიარქოს წმინდა ნინოს სახელობის მართლმადიდებლური სკოლამონაწილებდა PIRLS 2021 წიგნის საერთაშორისო კვლევაში. კვლევას საქართველოში ადმინისტრირებას უწევს შეფასებისა და გამოცდების ეროვნული ცენტრი.მოსწავლეებმა ყურადღებით შეავსეს შესაბამისი ბუკლეტები და მოსწავლის კითხვარი. წმინდა ნინოს სახელობის სკოლის ადმიისტრაცია მადლობასს უხდის მოსწაავლეებსა და მასწავლებლებს ამ მნიშვნელოვან საერთაშორისო კვლევაში მონაწილებისთვის, გაწეული თანადგომისა და უზადო კოლეგიალობისთვის
სრულად
30 აგვისტო 2021 წელი
სკოლის დირექციის და პედაგოგების სახელით გილოცავთ სტუდენტის სტატუსის დამსახურებულად მოპოვებას. ეს თქვენი ცხოვრების უაღრესად მნიშვნელოვანი ეტაპია, რომელიც გულისხმობს პროფესიული ცოდნის დაუფლებას მეცნიერების სხვადასხვა დარგში, რაც მრავალ სირთულესთან არის დაკავშირებული, მაგრამ მერწმუნეთ, თქვენი განსაკუთრებული მისწრაფებით სწავლისა და თვითგანვითარებისადმი ყველა გამოწვევას შესაძლებლობად გარდაქმნით და ამით კიდევ უამრავ სიხარულს მოგვანიჭებთ. თქვენ განსაკუთრებული თაობა ხართ, პანდემიის მძიმე და მოულოდნელმა ცვლილებებმა მკვეთრად შეცვალა ყოველდღიური ცხოვრების რიტმი. საყოველთაო გამოწვევებს თქვენ ღირსეულად გაუმკლავდით და სწავლა წარმატებით დაასრულეთ. ვგონებ, ეს უდიდესი გამოცდილება დადებით გავლენას იქონიებს თქვენს მომავალზე. იყო სტუდენტი ნიშნავს, საკუთარი თავის ძიებას მომავალ პროფესიებში, ახალ ურთიერთობებს, გუნდურ და ინდივიდუალურ მუშაობას საერთო მიზნამდე მისასვლელად. ეს არის შესაძლებლობა - აქ და ახლა დაიუნჯო ყველა საჭირო თვისება და ცოდნა, რასაც შენი ცხოვრების არსად და მისიად აქცევ, სადაც გამოავლენ საკუთარ თავს და დაიპყრობ ახალ მწვერვალებს. განსაკუთრებული მადლობა მშობლებს, ერთსულოვნებისა და თანადგომისთვის. მადლობა პედაგოგებს, უშურველი და თავგანწირული მუშაობისთვის! ძვირფასო კურსდამთავრებულებო! ღრმად მწამს, რომ ცოდნის გაღრმავების სურვილი არასდროს დაშრება თქვენში.გილოცავთ, გისურვებთ წარმატებულ და თავგადასავლებით აღსავსე სტუდენტურ წლებს, რადგან თქვენ ის ძალა ხართ, რომელიც სწავლობს, აშენებს მომავალს და ,,რარიგ დიდი წარსულიც არ უნდა ჰქონდეს ხალხს, ის მაინც მომავლით უნდა ცხოვრობდეს“(ილია ჭავჭავაძე) სიყვარულით და პატივისცემით საქართველოს საპატრიარქოს წმინდა ნინოს სახელობის მართლმადიდებლური სკოლის აღმასრულებელი დირექტორი ლალი მელივა
სრულად
29 ივნისი 2021 წელი
თანამედროვე სწავლება წარმოუდგენელია თანამედროვე ტექნოლოგიების გარეშე. წმინდა ნინოს სახელობის სკოლას დიდი დახმარება გაუწია "Representative Office in Moscow for the Taipei-Moscow Economic and Cultural Coordination Commission". მომავალი სასწავლო წლიდან სკოლა ზემოთაღნიშნული ორგანიზაციის ხელშეწყობით გააუმჯობესებს საგაკვეთილო პროცესს. ორგანიზაციის მიერ შეძენილი პროექტორები, პროექტორის დაფები, პრინტერი და ლეპტოპები მოგვცემს სასწავლო პროცესის ტექნიკურად გაუმჯობესების საშუალებას, რაც დადებითად აისახება ბავშვების განათლებაზე. ორგანიზაციის დახმარებით სკოლამ ასევე შეიძინა თერმო-სკრინინგის აპარატი, რაც პანდემიის პირობებში სკოლას ძალიან დაეხმარება. წმინდა ნინოს სახელობის სკოლა მადლობას უხდის ტაივანს პანდემიის პირობებში გამოჩენილი თანადგომისთვის და მატერიალური დახმარებისათვის. We can’t imagine modern teaching without modern technologies. Using contribution from Representative Office in Moscow for the Taipei- Moscow Economic and Cultural Coordination Commission school purchased projectors , laptops , printer , projector boards, these gadgets will help our school to improve learning process that have positive influence on students knowledge. With the help of this organization school also purchased thermal scanner that is crucial during this pandemic . St .Nino’s school is thankful for Taiwan for their support and material help.
სრულად
26 ივნისი 2021 წელი
IV კლასი მარკ ტვენი - "უფლისწული და მათხოვარი" იანუშ კორჩაკი - "მეფე მათიუშ პირველი" ასტრიდ ლინდგრენი - "ყაჩაღის ასული რონია", "ძმები ლომგულები" ანტუან დე სენტ-ეკზიუპერი - "პატარა უფლისწული" ჯონათან სვიფტი - "გულივერი მოგზაურობა" რევაზ ინანიშვილი - მოთხრობები - "უშიშა პაპას ამბავი", "ასი წლის პაპა", "მუხა" ნუგზარ შატაიძე - "ძმები" V-VI კლასი ასტრიდ ლინდგრენი - "პეპი გრძელი წინდა" მერაბ ინანიშვილი - "ერეკლე მეფე და ანანურელი ულამაზოები" ოსკარ უაილდი - "ვარსკვლავბიჭუნა" ჯონათან სვიფტი - "გულივერის მოგზაურობა" მარკ ტვენი - "ტომ სოიერის თავგადასავალი" ჰარიეტ ბიჩერ სტოუ - "ბიძია თომას ქოხი" ანტუან სენტ ეგზიუპერი - "პატარა უფლისწული" ჟიულ ვერნი - "80 000 კილომეტრი წყალქვეშ" ალექსანდრე დიუმა - "სამი მუშკეტერი" გიორგი ლეონიძე - "ნატვრის ხე" ვიქტორ ჰიუგო - "მოხუცი და ზღვა" მიხეილ ჯავახიშვილი - "პაპა დინო", "ტყის კაცი" ნოდარ დუმბაძე - "მე, ბებია, ილიკო და ილარიონი" იაკობ გოგებაშვილი - მოთხრობები - "ბიბლიური ისტორიიდან" არჩილ სულაკაურის "ჯადოსნური კაბა" ჩ. დიკენსის "ოლივერ ტვისტის თავგადასავალი" ჟიულ ვერნი - "დედამიწიდან მთვარემდე" ნ. დუმბაძე - "მე ვხედავ მზეს" ალექსანდრე დიუმა - "სამი მუშკეტერი" ჯეიმს გრინვუდი - "პატარა მაწანწალა" გოდერძი ჩოხელის მოთხრობები VII კლასი დავით კლდიაშვილი - "სოლომონ მორბელაძე" ლ. რაზიკაშვილი - "მამაჩემი" გულქან რაზიკაშვილი - "მამამ ღმერთს ჩამაჰყარა სახელი" ნოდარ დუმბაძე - "მე ვხედავ მზეს" ვოლტერ სკოტი - "აივენჰო" გოდერძი ჩოხელი - "მგელი" ჩარლზ დიკენსი - "დევიდ კოპერფილდი" ანა ფრანკის დღიურები ალფონს დოდეს - "ტარტარენ ტარასკონელის უჩვეულო თავგადასავალი" VIII-IX კლასი ალექსანდრე ყაზბეგი - "მამის მკველელი", "ელგუჯა", "განკითხული" დავით კლდიაშვილი - "ბაკულას ღორები", "შერისხვა", "მიქელა" გრიგოლ აბაშიძე - "ცოტნე ანუ ქართველთა დაცემა და ამაღლება", "ცხოვრება ალექსანდრე ყაზბეგისა" შარლოტა ბრონტე - "ჯეინ ეარი" ნუგზარ შატაიზე - მოთხრობები გიორგი ლეონიძე - "ნატვრის ხე" ოსკარ უაილდი - "ბროწეულის სახლი" ვასილ ბარნოვი - "ტრფობა წამებული", "ისნის ცისკარი" კონსტანტინე გამსახურდიას ნოველები "ქოსა გახუ" სულხან-საბას "მოგზაურობა ევროპაში" მიხეილ ჯავახიშვილი - "არსენა მარაბდელი", "კვაჭი კვაჭანტირაძე", "ჩანჩურა" ჯეკ ლონდონი - "დიდი სახლის პატარა დიასახლისი" ნიკო ლორთქიფანიძის ნოველები "ბედნიერება", "ტრაგედია უგმიროთ", "რაინდები", "ერთპერანგიანი" ფრანკ კაფკა - "წერილები მამას", "მეტამორფოზა" პროსპერ მერიმე - "მატეო ფალკონე", შარლ IX-ის ქრონიკები" X-XI-XII კლასი გურამ დოჩანაშვილის - "სამოსელი პირველი", "ორნი აქა-იქა" კ. გამსახურდია - "მთვარის მოტაცება", "ესეები" აკა მორჩილაძე - "სანტა ესპერანსა" ნაირა გელაშვილი - მოთხრობები: "დედის ოთახი", "ამბრნი, უმბრნი და არაბნი" ოლია ოკუჯავა - დღიურები და მიმოწერა გალაქტიონთან ჯემალ ქარჩხაძე - მოთხრობები ნიკო ლორთქიფანიზე - "კერიასთვის", "ჟამთა სიავე" მიხეილ ჯავახიშვილი - "კურდღელი", "თეთრი საყელო", "ლამბალო და ყაშა" ლევ ტოლსტოი - "მამა სერგი", "ივან ილიჩის სიკვდილი", "ანა კარენინა" ჰემინგუეი - "იქ, სადაც სინათლეა", "კილიმანჯაროს თოვლიანი მთა", "მშვიდობით იარაღო" ვიქტორ ჰიუგო - "პარიზის ღვთისმშობლის ტაძარი" ოსკარ უაილდი - "დორიან გრეის პორტრეტი" ჰომეროსის "ილიადა" ლერმონტოვი - "მწირი" ჩეხოვი - მოთხრობები: "მსუქანი და გამხდარი", "ქალი ძაღლით", "ალუბლის ბაღი", "რუდ შილდის ვიოლინო" დოსტოევსკი - "ძმები კარამაზოვები", "იდიოტი" გრიგოლ რობაქიძე - "გველის პერანგი", "ჩაკლული სული" გოეთე - "ფაუსტი" შექსპირი - "ვენეციელი ვაჭარი", რომეო და ჯულიეტა", "ზაფხულის ღამის სიზმარი", "რიჩარდ მეორე", "ჰამლეტი" ბალზაკი - "შაგრენის ტყავი", "მამა გორიო", "ეჟენი-გრანდე" თ. ჭილაძე - "გზაზე ერთი კაცი მიდიოდა", "ყოველმან ჩემმან მპოვნელმან" დანტე ალიგიერი - "ღვთაებრივი კომედია" სტენდალი - "წითელი და შავი" მარკესი - "მარტოობის ასი წელიწადი"
სრულად
18 ივნისი 2021 წელი
გასული წელი იყო რთული. ახალი კორონავირუსით გამოწვეულმა პანდემიამ მნიშვნელოვანი ცვლილებები შეიტანა ჩვენი და სრულიად მსოფლიოს ცხოვრებაში. მოგვიხდა დისტანციურ სასწავლო პროცესზე გადასვლა და სასწავლო პროცესის ხარისხის უზრუნველყოფა. ამ სრულიად ახალ ვითარებაში, სწრაფად ცვალებად გარემოში, სკოლის სიძლიერე და მზაობა მრავალმხრივ გამოიკვეთა. ჩვენ მოკლე დროში მაქსიმალურად შევძელით ურთულესი პრობლემების მოგვარება. უდიდესი მადლობა მინდა გადავუხადო ჩვენი დიდი ოჯახის თითოეულ წევრს: მოსწავლეებს, მშობლებს, პედაგოგებს იმისთვის, რომ თქვენი წვლილი შეიტანეთ სასწავლო პროცესის გამართულ და ეფექტურ მუშაობაში. გმადლობთ პროფესიონალიზმის, მოთმინებისა და კრიზისულ სიტუაციებში ახალი შესაძლებლობების აღმოჩენისათვის. გასული სასწავლო წელი თითოეული ჩვენგანისათვის იყო ოპტიმიზმის საფუძველი - ახალი წარმატებისა და მიღწევების დასაწყისი. რაც არ უნდა რთული ყოფილიყო სასწავლო პროცესი, მჯერა, რომ ჩვენი სკოლის სიყვარულითა და მომავლის რწმენით ერთად მივაღწევთ მრავალ ახალ წარმატებას და უფრო მეტად გავძლიერდებით! კიდევ ერთხელ გილოცავთ სასწავლო წლის დამთავრებას! ბედნიერებას, ჯანმრთელობას, წინსვლასა და უფლის მფარველობას გისურვებთ თქვენ და თქვენს ოჯახებს! პატივისცემითა და საუკეთესო სურვილებით წმინდა ნინოს სკოლის დირექტორი - ლალი მელივა.
სრულად
09 ივნისი 2021 წელი