24 მარტი 2022 წელი
სიახლეები
24 მარტი 2022 წელი
01 თებერვალი 2022 წელი
წმინდა ნინოს სახელობის სკოლაში დაიწყო პირველკლასელთა რეგისტრაცია 2022-2023 სასწავლო წლისათვის. დაინტერესებულ მშობლებს რეგისტრაციის გავლა შეუძლიათ მითითებულ ბმულზე: https://forms.gle/Nqms2GcNHS1ZEZBv5 დამატებითი ინფორმაციისთვის დაგვიკავშირდით შემდეგ ნომრებზე: 551 16 22 11; 577 415 789; 551 72 12 52. სკოლაში თქვენ გელდებათ: მაღალკვალიფიციური მასწავლებელთა გუნდი; ქართული ენისა და ლიტერატურის, მათემატიკისა და ინგლისურის გაძლიერებული სწავლება; ხატვის, მუსიკის, ჭადრაკის სპეციალური პროგრამა; ერთჯერადი ჯანსაღი კვება, გახანგრძლივებული; დამატებით იმუშავებს საგნობრივი წრეები; საგნობრივი სწავლება I კლასიდან. I კლასში მიიღებიან ბავშვები, რომლებსაც 2022 წლის 15 სექტემბრამდე უსრულდებათ 6 წელი. წლიური თანხა შეადგენს 3500 ლარს. გადახდა სემესტრულად. მისამართი: სოფ. დიღომი, აღმაშენებლის ქუჩა N52.ვებ-გვერდი: www.stnino-school.geელ-ფოსტა: st.ninoschool@gmail.com
სრულად
16 მარტი 2022 წელი
კიდევ ერთხელ გამოვხატავთ დიდ მწუხარებას უკრაინაში მიმდინარე მოვლენების გამო. ომს გამართლება არ აქვს!ომს ჰყავს დაღუპული და დაზარალებული მოსახლეობა. წმინდა ნინოს სახელობის მართლმადიდებლური სკოლა, გარდა იმისა, რომ ჰუმანიტარულ დახმარებას უწევს უკრაინელ ხალხს, სრულ მხარდაჭერასა და თანადგომას უცხადებს ლტოლვილ უკრაინელ ბავშვებსაც:ჩვენი სკოლის დაწყებით და საბაზო საფეხურის კლასებში მივიღებთ მოსწავლეებს, რომლებიც განთავისუფლდებიან სწავლის საფასურისგან. მივცემთ განათლებას, გავუნაწილებთ ჩვენს სითბოს, სიყვარულსა და მზრუნველობას. გელით კეთილი გულით!
სრულად
29 დეკემბერი 2021 წელი
საქართველოს საპატრიარქოს წმინდა ნინოს სახელობის მართლმადიდებლური სკოლა გილოცავთ დამდეგ შობა-ახალ წელს, გისურვებთ 2022 წელი ყოფილიყოს ხვავით, ბარაქით, სიკეთით, სიხარულით, სიყვარულით, ბედნიერებით სავსე წელი, გვქონდეს მშვიდობა და დღეგრძელობა, წარმატებები პირად და საზოგადოებრივ საქმიანობაში! მიუხედვად მძიმე პანდემიური რეჟიმისა, სკოლამ სრული რეგულაციების დაცვით, #covidუსაფრთხო გარემოში, მოახერხა 2021 სასწავლო წლის წარმატებით დასრულება და სხვადსხვა ტიპის ღონისძიებების ჩატარება. მთელი სემესტრის მანძილზე ყურადღება გამახვილებული იყო: მოსწავლეთა ინდივიდუალურ მიდრეკილებებზე, გამორჩეულობაზე, სასკოლო და საქალაქო ღონისძიებებში ჩართულობაზე;სხვადასხვა ტიპის წრეები, მათ შორის - ჭადრაკის, სახვითი ხელოვნების, მუსიკის შესწავლაზე;სხვადასხვა კონკურსებსა და ოლიმპიადებში მონაწილეობას და უპირობო გამარჯვებებზე. სკოლის ადმინისტრაცია და პედაგოგიური კოლექტივი გილოცავთ დამდეგ შობა-ახალ წელს, გისურვებთ დღეგრძელობას, მშვიდობას და ჯანმრთელობას.
სრულად
03 დეკემბერი 2021 წელი
,,შენიდან ჩემამდე’’ახალი დროების სენია, ერთმანეთისგან დაშორიშორება გვიწვევს... ამგვარი დისტანცია მოქალაქეობრივი ვალია, რათა ჟამიანობის დროს გავუფრთხილდეთ და დავიცვათ საკუთარი და სხვათა სიცოცხლე...საუკუნეთა გამოცდილებამ აჩვენა, რომ არის ,,ჟამი სიყვარულისა და ჟამი სიძულვილისა; ჟამი ომისა და ჟამი მშვიდობისა’’ და მიუხედვად ავბედითი დროებისა, ადამიანი, ცხოვრების ნებისმიერ ეტაპზე საჭიროებს სულიერი საზრდოს... დიახ, ამგვარმა განდეგილობამ წარმოშვა იდეა, რომელიც ქალბატონმა ლალიმ გამიმხილა. ვისთვისაც თაობების ეროვნულ ფასეულობებზე აღზრდა უმთავრესი პრიორიტეტია და სკოლაც ერგულად მიჰყვება ამ კეთილშობილურ მისიას.დავიწყე ფიქრი სცენარზე, სადაც მთავარი მოქმედი გმირი ჩვენი დროის ცოცხალი ლეგენდა, უზადო სიყვარულით და სიკეთით სავსე ადამიანი, მთის შვილი, თანამედროვეობის უხუცესი წევრი, ბრძენი, მრავალჭირგამოვლილი და კლდესავით უდრეკი ტარიელ ხარხელაური უნდა ყოფილიყო... შემდეგ იყო მსჯელობა სცენის დეკორაციაზე. დიზაინს შესანიშნავად გაართვა თავი კრეატიულმა და არაორდინალურმა მხატვარმა მარი მჟავიამ. კარგი ლექსი რომ იგივე მუსიკაა ეს შესანიშნავად და მთელი გრძნობით დააგვირგვინა ნინო ბიბილურმა წარმოდგენის მუსიკალურ ნაწილში. ქართულის მასწავლებლის ირინე კვანჭიანის შემართება გახლდათ, ის, რომ სკოლის რჩეულ მოსწავლეთა დასი შემოქმედებითი ნარატივით წარმატებით გააერთიანა და დაიწყო პროცესი...იყო ბევრი რეპეტიცია, ნერვიულობა... თვალნათლივ დავინახეთ, რომ დროის უკუღმართობამ ახალი თაობის ემოციები მკვეთრად გაცრიცა, მათგან მოვითხოვდით მეტს და მეტს - ლექსში სიმღერაში, გამომეტყველებაში...დადგა ჟამი შეხვედრისა... დღე იყო მზიანი და საოცრაოდ თბილი...- მას, შეიძლება წარმოდგენას დავესწროთ და ნამდვილი პოეტი გავიცნოთ? მკითხა მეშვიდე კლასელმა მოსწავლემ და ვერ წარმოიდგენთ, ამან რამხელა ძალა მომცა...პარტერი ელოდა ცოცხალ შემოქმედს...წარმოდგენა რომ დაიწყო, პირველიველივე სცენაზე სტუმრისკენ შიშით გავაპარე მზერა. მისი დარდით და სიკეთით სავსე თვალები ცრემლის გუბეებით ავსილიყო...დარბაზიც ტიროდა, სცენიდან ისეთი ენერგია მოდიოდა, მეგონა, კლდეს გასტეხდა მათი სიტყვის ძალა... ვხედავდი ადამიანებს, მომავლიდან ვისთვისაც შემოქმედი და შემოქმედება აქამდე მხოლოდ წიგნის ფურცლებზე განთავსებული ინფორმაცია იყო და ეს შეხვედრა გადაიქცა უდიდეს ინპირაციად იმ აზრისა, რომ ,,ხელოვნებაა თავად უკვდავება და მხოლოდ ოსტატს, შემოქმედს ვერ ეწევა სიკვდილი’’, ისევე როგორც ეს დღე გადაიქცა მათ ხსოვნაში პოეზიის უზადო ძალის განმსაზღვრელ ფაქტორად...,, ამ თაობასთან შეხვედრა მაძლევს უდიდეს ძალას, ენერგიას, რწმენას ხვალიდნელი დღის, სულ უნდა გემღერებოდეთ, თქვენზეა დამოკიდებული ქვეყნის მომავალი, - თქვა სიყვარულზე შეყვარებულმა პოეტმა, მარტო ეს კი არა, ბევრი რამ გვითხრა და ბევრი რამეზე დაგვაფიქრა, შეგვაჯანჯღარა, სინანულით აგვავსო... თავად წავიდა იმედიანი და ადამიანური სევდით სავსე... ჰო, კიდევ თან გაიყოლა მისი პორტრეტი, რომელიც ჩვენივე მოსწავლემ, ლიზი თათულიშვილმა შექმნა...,,არ ყოფილიყო მარტოობა– თავად შევქმნიდიო’’, - ამბობს ერთგან და სწორედ, ამ მარტოობაში შექმნილი შედევრებით ისე გაგვამთლიანა და გაგვაძლიერა, რომ მანძილი ,,შენიდან ჩემამდე“ მხოლოდ სიყვარულით სავალ ბილიკებზე გაკვალა. თავად კიი ჩვეული სიბრძნით დაიბუბუნა: ,,ბებერო მიწავ, ამოვდივარ შენი ქერქიდან,ეს მე ვარ,მე ვარ,ჟამი შენი მარტოსულობის.ბებერო მიწავ, დაეკარგა ხიბლი მნათობებს,არც ეს მზე მინდა,არც ეს მთვარე , ცაზე მცურავი.მხოლოდ მე და შენ,მხოლოდ ახლა,ან არასოდეს,როგორც სიცოცხლესდღეს სიკვდილსაც ვუთხარ უარი.მიდი ,ბებერო და დასძლიე შიშის სიფითრერაკი ვმოძრაობთ,რაკი ვბორგავთ,რაკი ვხმაურობთ.სადაც ჩემი გზადღეს შენი გზაც მიდის იქითკენ–უსასრულობის აბსურდისკენ სამოგზაუროდ.’’ სოფი გორგილაძე(ქართული ენისადა ლიტერატურის მასწავლებელი)
სრულად
23 დეკემბერი 2021 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში გაიმართა წარჩინებილ კურსდამთავრებულთა დაჯილდოება. სკოლის აღმასრულებელმა დირექტორმა, ლალი მელივამ საზეიმო ვითარებაში გადასცა ოქროსა და ვერცხლის მედლები. მილოცვისას უსურვა წარმატება მომავლ პროფესიებსა და კარიერაში. დაჯილდოებას ესწრებოდნენ მე-10 და მე-11 კლასის მოსწავლეები, რათა ამგვარი ჯილდოს შესაძლებლობა მათთვის გახდეს უკეთესი აკადემიური შედეგების ინსპირაცია და მოტივაცია. წმინდა ნინოს სახელობის სკოლის ადმინისტრაცია ულოცავს წარჩინებულ მოსწავლეებს ამ წარმატებას და ნათელ მომავალს უსურვებს.
სრულად
17 დეკემბერი 2021 წელი
საქართველოს საპატიარქოს წმინდა ნინოს სახელობის მართლმადიდებლურ სკოლაში ინგლისურის კათედრის ხელმძღვანელის, თეონა ბაიაშვილის ინიციატივით და მისივე სცენარით გაიმართა შარლ პეროს გათანამედროვებული ზღაპრის "წითელქუდას" ინსცენირება. მე-3 კლასის მოსწავლეებმა დიდი მონდომებით, პასუხისმგებლობით, გამორჩეულად კარგი მეტყველებით, არტისტულად გააცოცხლეს უკვდავი ზღაპრის პერსონაჟები. წარმოდგენამ ნათლად გამოავლინა სკოლის უპირატესობა გუნდური, კომპლექსური, შემოქმედებითი მუშაობის თვალსაზრისით. განსაკუთრებული მადლობა ინგლისური ენის პედაგოგებს, ელენე მიროტაძესა და ანა ხელაიას, რომლებმაც დაუღალავად იშრომეს ხელმძღვანელთან ერთად. წარმოდგენა მუსიკალურად გააფორმა სკოლის გუნდის ხელმძღვანელმა, მუსიკოსმა ნინო ბიბილურმა. სცენის დეკორაცია ეკუთვნის მხატვარ - მარი მჟავიას. კოსტუმები კიდევ უფრო შთამბეჭდავს ხდიდა შემოქმედებითი ჯგუფის ძალისხმევას
სრულად
30 ნოემბერი 2021 წელი
30 ნოემბერს, წმინდა ნინოს სახელობის სკოლაში ჩატარდა ტრენინგი, პროექტის - "#ახალგაზრდები მშვიდობისთვის სამხრეთ კავკასიაში" - ფარგლებში, საქველმოქმედო ფონდ "ლაზარეს" ორგანიზებით. თემა: ,,როგორ დავნერგოთ სამშვიდობო განათლება საგანმანათლებლო დაწესებულებაში". ტრეინინგს ესწრებოდნენ სკოლის პედაგოგები. ტრეინინგზე განხილული იყო სამშვიდობო განათლება, როგორც სასკოლო თემა და მისი მნიშვნელობა, პოზიტიური სასკოლო კულტურა, თემისა და ოჯახის ჩართულობა სასწავლო პროცესში, სამშვიდობო პროგრამის შედგენა სკოლისათვის და ბევრი სხვა საინტერესო თემა. პედაგოგებმა ერთმანეთს გაუზიარეს გამოცდილება და დაგეგმეს სამომავლო ღონისძიებები.პროექტი ხორციელდება შვეიცარიული ორგანიზაციის HEKS-EPER-ის ფინანსური მხარდაჭერით.
სრულად
15 ნოემბერი 2021 წელი
დღეს წმინდა ნინოს სახელობის სკოლაში გაიმართა ტრეინგ-სწავლება: ,,კონფლიქტების მშვიდობიანი მოგვარება სხვადასხვა სიტუაციაში". ტრეინინგს ესწრებოდნენ მე-10 და მე-11-ე კლასის მოსწავლეები . მოზარდები ხშირად ერთად აკეთებენ რაიმეს - თამაშობენ, მეცადინეობენ, ცეკვავენ, ფილმს უყურებენ, მუსიკას უსმენენ და სხვა. მათ, ერთსა და იმავე საგანთან ან ამბავთან დაკავშირებით, მსგავსი ან განსხვავებული აზრები აქვთ.ყველას აზრი მნიშვნელოვანი და საგულისხმოა. როდესაც რაიმეს ერთად გაკეთებას ვაპირებთ, მნიშვნელოვანია, ყველას აზრი მოვისმინოთ, გავითვალისწინოთ და გადაწყვეტილება ერთად მივიღოთ. ეს კი მსჯელობის და დათმობის შედეგად არის შესაძლებელი. ზოგჯერ განსხვავებულ აზრებს და სურვილებს გაბრაზება და ცხარე კამათი მოსდევს - ამას კონფლიქტს უწოდებენ. კონფლიქტი შეიძლება ჩხუბშიც გადაიზარდოს და მას ყვირილი, ხელის კვრა, დამამცირებელი სიტყვებით მიმართვა, ერთმანეთის-თვის შეურაცხყოფის მიყენება მოჰყვეს. საბოლოოდ, ყველა ზარალდება - შეთანხმება ვერ ხერხდება, ადამიანებს გულისტკენა, წყენა, შიში, სევდა ეუფლებათ. კონფლიქტმა და ჩხუბმა, შესაძლოა, მეგობარიც დაგვაკარგვინოს. დასასრულს შეთანხმდნენ, რომ კონფლიქტის და ჩხუბის თავიდან აცილება და საერთო გადაწყვეტილების მიღება შესაძლებელია მშვიდობიანი გზით.
სრულად
04 ნოემბერი 2021 წელი