11 ივნისი 2023 წელი
სიახლეები
11 ივნისი 2023 წელი
11 ივნისი 2023 წელი
საქართველოს საპატრიარქოს წმინდა ნინოს სახელობის მართლმადიდებლური სკოლა 2022-23 სასწავლო წელს არაერთმა მოსწავლემ ასახელა სხვადასხვა ოლიმპიადებსა და კონკურსებზე. კინგსის ოლიმპიადაზე, ქართულისა და მათემატიკის ლიგაში ბრწყინვალე გამარჯვება მოიპოვა, ოქროსა და ვერცხლის მედლის მფლობელი გახდა მე-3 კლასის უნიჭიერესი და უკეთილშობილესი მოსწავლე: დავით გოგიჩაშვილი. ვულოცავთ დავითს და მის პედაგოგებს: მზია მელივას და მარი თაბაგარს მოსწავლის ბრწყინვალე წარმატებას. დავითს კი დიდ წარმატებებს ქვეყნისა და ოჯახის გასახარად.
სრულად
11 ივნისი 2023 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში მრავალი ნიჭიერი მოსწავლეა. მიუხედავად ასაკისა, ისინი არ იშურებენ ძალისხმევას და ცდილობენ, კონკურსებსა და ოლიმპიადებზე - სხვადასხვა საგნებში, საკუთარი ცოდნის გამოვლენას. ამჯერად, ყველაზე დიდი მათემატიკის კონკურსის ევერესტის ფინალისტს, მე-4 კლასელ დემეტრე ნებიერიძეს წარმოგიდგენთ, რომელმაც ღირსეულად გაართვა თავი ურთულეს ეტაპებს. ასახელა სკოლა და მათემატიკის პედაგოგი ირმა წითაძე. ვულოცავთ პატარა ნიჭიერს ამ გამარჯვებას და ვუსურვებთ უდიდესი მწვერვალების დაპყრობას ცხოვრების ყველა ეტაპზე.
სრულად
05 ივნისი 2023 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში დიდი ყურადღება ექცევა საბუნებისმეტყველო საგნების შესწავლას. საგანი “ჩვენი გარემოს“ შესწავლაში მნიშვნელოვანი როლი ეკუთვნის ეკოლოგიის საკითხებს. მოსწავლეები დიდი ხალისითა და მონდომებით ერთვებიან სხვადასხვა ღონისძიებებსა და აქტივობებში, კერძოდ, ჩართულები იყვნენ გარემოს დაცვის დღესთან დაკავშირებულ ღონისძიებაში და აქტიური მონაწილეობისათვის გადაეცათ სიგელები. მოსწავლეებმა სხვადასხვა საგნების პედაგოგთა ჩართულობით და უშუალო მითითებით: მზია თათარაშვილი, ნათია ხუჭუა, თეონა ბაიაშვილი, მარი დავითიძე, მარი მჟავია, კლარა ღურწკაია შექმნეს სხვადასხვა პროდუქტი და ჩაატარეს აქტივობები. მოაწყვეს გამოფენა: პლაკატების, ბუკლეტების, კომიქსების, მაკეტებისა და ხელნაკეთი ნივთების. ასევე შექმნეს ,,მოლაპარაკე მაისურები საკუთარი სლოგანით“ და დარგეს ხე. ეს აქტივობა ინტეგრირებული გაკვეთილების გაერთიანების მოდელია, რომელიც აერთიანებს სამ საგანს: ბუნება, ინგლისური და სახვითი ხელოვნება. მსგავსი აქტივობა და მათ მიერ შექმნილი პროდუქტები მოზარდებს ეხმარება რეალური ეკოლოგიური პრობლემების გააზრებასა და მათი დაძლევის სხვდასხვა ხერხების შემუშავებაში.
სრულად
09 ივნისი 2023 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში ქართული ენის და ლიტერატურის გაკვეთელები შემოქმედებითი კუთხით, მრავალმხრივ და საინტერესოდ მიმდინარეობს. მსოფლიო კლასიკოსების შესწავლისას, ლეილა თვალაბეიშვილი გამოირჩევა ორიგინალური მიდგომებით. მასწავლებელმა მოსწავლეებსგალაკტიონ ტაბიძის სასიყვარულო ბარათები დაამზადებინა. მე-7ა კლასის მოსწავლეებმა: ნინი ქარელიძემ, კესო თორდიამ, ილია წიკლაურმა, სალომე გულისაშვილმა, გიორგი ჩხიკვაძემ, ელისაბედ ჩხაიძემ, მარიამ მეტრეველმა, ვატო ქერაშვილმა, გიორგი ანთიძემ, გიორგი ტალახაძემ, ანასტასია დარსაველიძემ, დიდი ინტერესით და ემოციით წაიკითხესგალაკტიონისა და ოლიას სასიყვარულო წერილები... ,,ამის შემდეგ ჩემს საოცარ ბავშვებს ვთხოვე, განმარტოებულიყვნენ და დაეწერათ სასიყვარულო წერილი ისე, თითქოს გალკი სწერდა ოლიას, ან ოლია გალკს... " გვიყვება ლეიკო მასწავლებელი და სიამაყით წარადგენს მოსწავლეების მიერ დიდი ენთუზიაზმით და პროფესიონალურად, დაძველების ეფექტით დამზადებულ სასიყვარულო ბარათებს.
სრულად
08 ივნისი 2023 წელი
საქართველოს იუსტიციის სამინისტროს ეროვნული არქივის საგანმანათლებლო პროექტში „საქართველოს პირველი დემოკრატიული რესპუბლიკა“ მონაწილეობის მისაღებად 85 საჯარო და კერძო სკოლის 510 მოსწავლე დარეგისტრირდა.კონკურსში მონაწილეობა მიიღო VIII-XII კლასის მოსწავლეებმა. თითოეულმა სკოლამ წარმოდგინა ერთი გუნდი, რომელშიც 5 ძირითადი და ერთი სათადარიგო წევრი იყო. ვიქტორინის ნახევარფინალური და ფინალური ეტაპები „რა? სად? როდის?“ ინტელექტუალური თამაშის პრინციპით 2023 წლის აპრილსა და მაისში ჩატარდა. გამარჯვებულები რამდენიმე ნომინაციაში გამოვლინდნენ და სხვადასხვა პრიზითა და სიგელით დაჯილდოვდნენ, მათ შორის ჩვენი სკოლის გუნდიც: მარიამ კაცაძე, ნინო პატარაია, თორნიკე კუტუბიძე, ნიკა ლელუაშვილი, საბა კირკიტაძე. სათადარიგო მონაწილე სალომე ზიბზიბაძე. გუნდი წარსდგა პედაგოგ გუგა ბენდელიანის ხელმძღვანელობით. საგანმანათლებლო პროექტს - საქართველოს პირველი დემოკრატიული რესპუბლიკა - 2015 წელს ჩაეყარა საფუძველი და მისი მიზანი ჩვენი ქვეყნის 1918-1921 წლების ისტორიით მოსწავლეთა დაინტერესებაა. პროექტი საქართველოს იუსტიციის სამინისტროს და საქართველოს განათლებისა და მეცნიერების სამინისტროს მხარდაჭერით ხორციელდება.
სრულად
05 ივნისი 2023 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში გაიმართა სპექტაკლი,,მარაბდის გმირები და ცხრა ძმა ხერხეულიძე". პროექტი ჩატარდა საპატრიარქოს საზოგადოებასთან ურთიერთობების სამსახურის ორგანიზებით, რომელიც უწმინდესისა და უნეტარესის ილია მეორეს საიუბილეო თარიღს მიეძღვნა. სკოლის დირექტორმა ლალი მელივამ და მოსწავლეებმა საკუთარი მოსაზრება გაუზიარეს ტელეკომპანია საპატრიარქოს ტელევიზია "ერთსულოვნება" -ს ერთსულოვნების გადამღებ ჯგუფს. https://www.facebook.com/ertsulovnebatv/videos/1394413614463987
სრულად
03 ივნისი 2023 წელი
2023 წლის 3 ივნისს გაიმართა პროექტ ,,ვიზიტი ანუ სვლა მშვიდობის მშენებლობისთვის’’, რომელშიც მონაწილეობას იღებდნენ საქართველოს საპატრიარქოს წმინდა ნინოს სახელობის მართლმადიდებლური სკოლის და წეროვანის N3 საჯარო სკოლის დევნილი მოსწავლეები. პროექტი წარმოადგენდა გაცნობა-დამეგობრების აქტს სხვადასხვა ტიპის კოლაბორაციებით ,,სამშვიდობო განათლების“ ფარგლებში. პროექტის ავტორი - სოფიკო გორგილაძე. პროექტის გენერალური სპონსორიანაციონალიზმისა და კონფლიქტების კვლევის ინსტიტუტი - Isnc. ნაციონალიზმისა და კონფლიქტების კვლევის ინსტიტუტი - Isncაქტიური მხარდამჭერი და განმხორციელებელი სკოლის პედაგოგები და უშუალოდ მისი დირექტორი ლალი მელივა. პროექტის ხელმძღვანელების მიერ შერჩეული პროფესიონალი პედაგოგების მხრიდან, ეს იყო კიდევ ერთი მცდელობა სხვადსხვა აქტივობებით დახმარებოდნენ მოსწავლეებს, როგორც ადგილობრივ, ასევე სტუმრებს სამოქალაქო ცნობიერების ამაღლებაში, ჰქონდეთ განსხვავებული და თავისუფალი აზრის გამოხატვის, პატივისცემისა და მიმღებლობის უნარი. ღონისძიება გახსნა და მისასალმებელი სიტყვა წარმოქვა სკოლის დირექტორმა ლალი მელივამ, სადაც ისაუბრა ამ პროექტის მნიშვნელობაზე. ნაციონალიზმისა და კონფლიქტების კვლევის ინსტიტუტთან საჭირო და მეტად სასარგებლო თანამშრომლობაზე. პროექტის ავტორმა სოფი გორგილაძემ დამსწრე საზოგადოებას აუწყა, რომ აღნიშნული შეხვედრა ტარდება პროექტ „განათლება შერიგებისთვის“ ფარგლებში, რომელსაც ნაციონალიზმისა და კონფლიქტების კვლევის ინსტიტუტი ნიდერლანდების საელჩოს მხარდაჭერით ახორციელებს. შემდეგი ეპიზოდი ლიტერატურული ნაწილი გახლდათ, სადაც ფილოლოგმა, პოეტმა, მთარგმნელმა მარი თაბაგარმა წარმოადგინა საკუთარი ლექსები და ამით დარბაზში მყოფი საზოგადოებას არაჩვეულებრივი განწყობა შეუქმნა. განსაკუთრებით სიამაყის მომგვრელია სკოლის ახალგაზრდა კოლეგების პროფესიონალური ჩართულობა სამოქალაქო განათლების, ისტორიისა და რელიგიის მიმართულებით. გური ბაბილოძემ საკუთარ თავზე აიღო და წარმატებით გაართვა თავი ყველაზე მნიშვნელოვან ეპიზოდს - მისი მითითებით მოსწავლეებმა ერთმანეთი წარმოიადგინეს როლური თამაშით:,,მე ვარ შენ“, რასაც მოჰყვა რამდენიმე აქტივობა. ამგვარმა ჩართულობამ კიდევ უფრო მეტად წარმოაჩინა ყველა თაობისთვის უმნიშვნელოვანესი მონაპოვარი - გამოხატვის თავისუფლების საოცარი მუხტი და ძალა; ასევე გუნდური და დამოუკიდებელი მუშაობის უმნიშვნელოვანესი პრინციპები და გარდაუვლად გასათვალისწინებელი დეტალები იმისათვის, რომ კონფლიქტურ სიტუაციებში მშვიდობიანი დიალოგით, მოსმენის კულტურით, სხვისი აზრის პატივისცემით მნიშვნელოვანი შედეგი დადგეს. ისტორიკოსმა გოგიტა ბარბაქაძე -მ თანამედროვე სამყაოში არსებული მშვიდობისა და კონფლიქტების საკითხები განიხილა ისტორიულ ჭრილში და ამ თემებზე მსჯელობით კიდევ ერთხელ შეთანხმდნენ სამი დროის უწყვეტ და გარდაუვალ კავშირებზე, მოვლენათა მიზეზ-შედეგობრივ დამოკიდებულებაზე და ყოველივე ამის გათვალისწინებით ახალი სამშვიდობო მისიების განხორციელებაზე. კატეხიზმოს პედაგოგმა გუგა ბენდელიანმა მოსწავლეებს წაუკითხა მცირე ლექცია ,,საღვთო მშვიდობა“ , სადაც განმარტა მცნების არსი და ზოგადად სიმშვიდის, მშვიდობის მნიშვნელობა პიროვნული განვითარებისთვის, სწორი მოქალაქეობრივი და ზნეობრივი პრინციპების ჩამოყალიბებაში. აქვე გაიმართა მინი დისკუსია კონფლიქტის მშვიდობიანი გზებით მოგვარების საკითხებზე. პროექტი - ,,ვიზიტი ანუ სვლა მშვიდობის მშენებლობისთვის’’. საინტერესო და სახალისო აქტივობებით გამოირჩეოდა.ისტორიკოსი, სამოქალაქო განათლების პედაგოგი ირმა კვანჭიანის მხრიდან ეს იყო კიდევ ერთი მცდელობა, სხვადსხვა ტიპის მასტერკლასებით სამზეოზე გამოეტანა ის ცოდნა და უნარები, რასაც წლის მანძილზე განიხილავდა მოსწავლეებთან ერთად. როგორც ადგილობრივმა, ასევე მოწვეულმა მოსწავლეებმა მასწავლებლის მიერ მიცემული დავალება ჯგუფური მუშაობის პრინციპით გენიალურად შეასრულეს და საქართველოს, უკრაინის, მშვიდობიანი რუსეთის (ასეთად წარმოვიდგინეთ) ... ევროკავშირის, ამერიკის წარმომადგენლებად გადანაწილებულებმა შექმნეს "მშვიდობის სახლი", სადაც მთავარი, სტრატეგიულად, ეკონომიკურად და კულტურად მნიშვნელოვანი პრიორიტეტები ფერად სლოგანებად და ნახატებად გამოიტანეს ,,შენობის ფასადზე."თითოეული ქვეყნის ჯგუფს ჰყავდა ბრმა კენჭისყრით არჩეული ლიდერი და სწორედ მათ გააჟღერეს იდეები, რომელიც მატერიალურად, შენობის მაკეტის სახით წარმოადგინეს. ,,მშვიდობის სახლის" ხურო კი თავად ქალბატონი ირმა გახლდათ და სიმბოლურად, მტრედებშეყუჟული, არაჩვეულებრივი, ორიგინალუი იდეებით ,,სავსე" სახლიც დაიდგეს... პროექტის მთავარი გზავნილი მშვიდობის მშენებლობა გახლდათ. სამწუხაროდ, თანამედროვე სამყაროში ომი და სისხლისღვრა აქტუალური ტერმინებია. ჩვენი ქვეყნისთვის ოკუპირებული ტერიტორიების დაბრუნება, ჯერ ისევ, გადაუჭრელ პრობლემად და მთავარ მისიად ითვლება. პატარა სახელმწიფოსთვის ძალადობრივი, ქმედება სიკვდილის ტოლფასია, ამიტომ მნიშვნელოვანია მოლაპარაკების გზით, დიალოგით გაყინული კონფლიქტების მოგვარება. პროექტის შემდეგი ეტაპი გახლდათ ,, კრეატივ ჯგუფი“ ინგლისურენოვანი სექციით. ორ გუნდად დაყოფილმა მოსწავლეებმა ინგლისურის პედაგოგ თეონა ბაიაშვილისგან მიიღეს 2 ტიპის როლური დავალება:ერთმა ჯგუფმა აფხაზ თანატოლებს მიწერეს წერილი. მეორე ჯგუფმა უკრაინელი თინეიჯერების როლი მოირგეს, მათ რუს თანატოლებს განუმარტეს, რატომ უნდა დასრულდეს ომი და რაოდენ დიდი მნიშვნელობა აქვს მშვიდობიან შერიგებას, მიუხედავად ამდენი უდანაშაულო მსხვერპლისა. სამუშაო ენად ინგლისური აირჩიეს, რადგან თითოეული გზავნილი გასაგები და ზუსტად აღქმული ყოფილიყო მოწინააღმდეგე მხარისთვის და ენობრივ ბარიერს არ შეექმნა აზრის გაბუნდოვანების პრობლემა.მოსწავლეებმა ამ ეტაპსაც იდეალურად გაართვეს თავი. გარდა წერილის მიწერისა, გუნდის წევრებმა ფლიპჩარტზე გამოიტანეს სამშვიდობო სლოგანები:1- "Achieving peace is a journey"- მშვიდობის მიღწევა მოგზაურობაა.2- Each of us are born for peace' თითოეული ჩვენგანი მშვიდობისთვის ვართ დაბადებული.3- Let's plant ideas that can grow peace-მოდი, დავრგოთ იდეები, რომლებიც მშვიდობას გაზრიან;4- Physically far away, spiritually close - ფიზიკურად შორს, სულიერად-ახლოს.5- Invisable thread is between us- ჩვენს შორის უხილავი ძაფია პროექტში სახელოვნებო მიმართულებით 2 სექცია გამოიყო:მუსიკალური გუნდის მუშაობას წარმართავდა სკოლის ხალხური შემოქმედების ანსამბლის ხელმძღვანელი ნინო ბიბილური. მან წარმატებული, კოლაბორაციული აქტივობა განახორციელა სკოლის შემოქმედებითი გუნდის და სტუმრად მოწვეულ მოსწავლეებთან. მუსიკის პედაგიგის დახმარებით, ერთიანი შემოქმედებითი ძალისხმევით, ადგილზე შეისწავლეს და შეასრულეს სხვადასხვა ჟანრის მუსიკალური ნაწარმოებები და საქართველოს ეროვნული ჰიმნი . მხატვართა გუნდის მუშაობას წარმართავდნენ სახვითი ხელოვნების პედაგოგები- მარი მჟავია და მარიამ დავითიძე. მათი დახმარებით მოსწავლეებმა შექმნეს ომისა და მშვიდობის თემაზე შესანიშნავი ნახატები. ამავე გუნდის მუშაობაში ჩაერთო ქართული ენისა და ლიტერატურის პედაგოგი მარი თაბაგარი, რომელმაც შექმნა ნახატი ,,დაკარგული სამშობლოს დაბრუნების იმედით“. მოსწავლეემა ორი ნახატი საჩუქრად გადასცეს წეროვანის N3 სკოლას. დასასრულს მთელი გუნდი სკოლის სტადიონზე შეიკრიბა და მეგობრული მატჩი გამართეს. სკოლის ადმინისტრაცია და პროექტის ხელმძვანელები უდიდეს მადლობას უცხადებენ ნაციონალიზმისა და კონფლიქტების კვლევის ინსტიტუტს - Isnc აქტიური მხარდამჭერისთვის. მის ხელმძღვანელებს - ელიკო ბენდელიანს, ნინო კალანდარიშვილს, მარუ მჭედლიშვილს. წეროვანის მე-3 საჯარო სკოლის პედაგოგებს - მანანა ჩოხელს, ნანა გიგაურს, ფერიდე გაგოევას. ჩვენი სკოლის პედაგოგებს, რომლებმაც სრულიად უსასყიდლოდ, დიდი გულისხმიერება, პროფესიონალიზმი, პასუხისმგებლობა და გუნდურობა გამოავლინეს პროექტის მიმდინარეობის პროცესში. მადლობა მოსწავლეებს არაჩვეულებრივი პრეზენტაციებისთვის, ნახატებისთვის და მუსიკალური შესრულებისთვის.
სრულად
03 ივნისი 2023 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში განსაკუთრებული ყურადღება ექცევა საბუნებისმეტყველო საგნების შესწავლას. პედაგოგი ელენე მელიქიძე უკვე მრავალი წელია ასწავლის ქიმიას და თამამად შეიძლება ითქვას, რომ არაერთი წარმატებული მოსწავლე აღუზრდია. მიმდინარე წლის დასასრულს პედაგოგმა კიდევ ერთ ექსპერიმენტულ კოლაბორაციაში ჩააბა VIII - IX და X კლასის მოსწავლეები.გაკვეთილის მიზანი იყო წლის მანძილზე მიღებული თეორიული ცოდნის ქიმიური ცდებით პრეზენტირება. გაკვეთილი საინტერესო და სანახაობრივად ესთეტიური გამოვიდა. ელემენტები დააჯგუფეს ,,გეოგრაფიულ", ,,ასტრონომიულ", ,,საქმიან", ,,სეხნიურ', ,,ჯერად", ელემენტებად. აღწერეს მათი აღმოჩენის, სახელების დარქმევის სახალისო ისტორიები. გაკვეთილი დასრულდა ,,უსინათლოდ კოცონის" ამოფრქვევით. დასასრულს უნდა აღინიშნოს, რომ ქიმიის პედაგოგმა და საჩვენებელ გაკვეთილში ჩართულმა მოსწავლეებმა გამოავლინეს შესაბამისი და კომპეტენტური ცოდნა ქიმიურ ნივთიერებებთან ურთიერთობებისას, რაც ყოველდღიურ ცხოვრებაშიც მნიშვნელოვნად გასათვსლისწინებელია. მადლობას ვუხდით სკოლის ხელოვნების პედაგოგს, მარიამ დავითიძეს თემატურად და კომპოზიციურად საინტერესო ფოტოების შექმნისთვის.
სრულად
02 ივნისი 2023 წელი