15 ნოემბერი 2023 წელი
სიახლეები
15 ნოემბერი 2023 წელი
12 ნოემბერი 2023 წელი
საქართველოს საპატრიარქოს წმინდა ნინოს სახელობის მართმადიდებლური სკოლის აღმასრულებელი დირექტორის, ლალი მელივას ინიციატივით, მოსწავლეები და პედაგოგები ესტუმრნენ ბოლნისის რაიონს, სადაც მეგობარი სკოლის,ააიპ "საქართველოს საპატრიარქოს წმ.იოანე ბოლნელის სახ. სკოლის მოსწავლეებთან ერთად ბოლნისის სიონში დაესწრნენ საკვირაო წირვას. საკვირაო წირვა ჩაატარა ბოლნელმა მთავარეპისკოპოსმა ეფრემმა. წირვის დასასრულს, მან იქადაგა ქართველ გმირებზე, რომელთა თავნგანწივის მაგალითები დღესაც დიდ აღტაცემას და იმედს აღძრავს ადამიანთა გულებში. ექსკურსია გაგრძელდა წუღრუღაშენის — XIII საუკუნის ქართული მართლმადიდებლური გუმბათოვანი ტაძარის მოლოცვით, რომელიც მდებარეობს ბოლნისის სიონიდან 2 კმ-ზე, მდინარე ბოლნისისწყლის მარჯვენა ნაპირას, მთის ფერდზე. მინიჭებული აქვს ეროვნული მნიშვნელობის კულტურის უძრავი ძეგლის სტატუსი. შემდეგი ეტაპი კი ისტორიულ სოფელ ტანძიაში გაგრძელდა, დიდი ქართველი მწერლისა და საზოგადო მოღვაწის, პირველი ქართველი ელჩის, სულხან-საბა ორბელიანის ლიტერატურულ მუზეუმში. საამაყოა ის ფაქტი, რომ, სწორედ ჩვენს ქვეყანაში დაიბადა ღვაწლმოსილი ქართველი სულხან-საბა ორბელიანი. ამ დიდებული მოღვაწის - მწერლის, პედაგოგის, დიპლომატის, პოლიტიკოსის, მთრგმნელის ძალისხმევით, ჯერ კიდევ მე-18 საუკუნეში იყო მცდელობა ევროპაში ჩვენი ისტორიული და კულტურული ადგილი დაგვებრუნებინა. სწორედ საბას უკავშირდება ქართული ენის მრავალფეროვნების წარმოჩენა, მემუარული და იგავ-არაკული ჟანრის ქართულ მწერლობაში შემოტანა. ახლა, როცა ასე ახლოს ვართ ევროპასთან, განსაკუთრებით მნიშვნელოვანია სულხან-საბა ორბელიანის ცხოვრების მისია და დაფასება. მან საკმაოდ გრძელი და ურთულესი გზა გაიარა ევროპამდე, რათა წარმატება მოჰყოლოდა მის პოლიტიკურ მოლაპარაკებას ევროპელ ლიდერებთან. სამწუხაროდ, საბას მცდელობას მაშინ შედეგი არ მოჰყოლია, თუმცა ქართველ ერს, არც ერთი დღე არ შეუნელებია სწრაფვა ევროპულ ფასეულობებთან დაახლოებისკენ.ასე ფიქრობდა სულხან-საბა ხელჯოხიანი.მხარდამხარ საბას ის პაწია ბიჭი მოსდევდა...მოგწყინდა განა უნაყოფოდ, ელჩო ყიალი?!გულს ნუ გაიტეხ! - მუხა კვლავაც შეიმოსება! დამეგობრებული სკოლის მუსიკალურმა გუნდებმა შეასრულეს ქართული ხალხური სიმღერები, ცეკვები და წაიკითხეს ქართველ კლასიკოსთა ლექსები.გუნდის ხელმძღვანელმა ნინო ბიბილურმა დიდი მოწონება და აპლოდისმენტები დაიმსახურა მომღერალთა პროფესიონალურად მომზადებისთვის .
სრულად
08 ნოემბერი 2023 წელი
საქართველოს საპატრიარქოს წმინდა ნინოს სახელობის მართლმადიდებლური სკოლა გამორჩეულია ხელოვანი მასწავლებლებით და მოსწავლეებით. ისინი გაწაფულნი არიან ხატვასა და ძერწვაში. ქართულის პედაგოგი, ლეილა თვალაბეიშვილი ლიტერატურული გმირების გამოქანდაკებით არის გატაცებული და გაკვეთილზე თვალსაჩინოდ წარუდგენს მოსწავლეებს მათ თოჯინურ ვარიანტს. ამჯერად მე-5ა კლასის მოსწავლეებთან ჩატარებულმა შემაჯამებელმა გაკვეთილმა, მოსწავლეთა აქტიურმა ჩართულობამ დიდი აღფრთოვანება გამოიწვია მასწავლებელში: ,,გერონტი, მირანდუხტი, ჯიხვა, კოწოწაშვილები, ცალფეხა სიკო, ნოდარა, ეთერი" _ ეს ის გმირებია , რომლებმაც კიდევ ერთხელ ჩაგვახედეს ადამიანების სულში და დაგვაფიქრეს ადამიანურ ღირსებებზე, თუ როგორი უნდა იყოს ნამდვილი ადამიანი. რევაზ ინანიშვილის მოთხრობები ხომ ნამცეცებად გაბნეული სიკეთის მარცვლებია, რომლებიც უნდა ვიპოვოთ და ამოვკენკოთ, რომ ადამიანებს ვუწილადოთ ,,სულის პური".დღეს გვქონდა შემაჯამებელი გაკვეთილი, სადაც მეხუთე კლასელებმა ინანიშვილის ,, სულის პური" გვიწილადეს . ბედნიერი და ამაყი ვუსმენდი მათ მსჯელობას.ბოროტება ჩვენთვის კოცონია, რომელიც წყლის დასხმით უნდა ჩავაქროთ.... ჯაჭვია, რომელიც უნდა გაწყდეს... თითოეული რგოლი ჩვენი უარყოფითია, რომელიც უნდა ვძლიოთ.. ჩვენთვის ღრუბელი ბოროტების სიმბოლოა , მზე კი - სიკეთისა. წვიმის წვეთები ის მანკიერი მხარეა, რომელსაც აფრქვევს ბოროტებით დაბრმავებული ადამიანი . მზე კი - თავისი სხივებით უპირისპირდება ბოროტებას ... ბოროტი ღრუბელი, ჩვენს მზეს ვერ დაჩრდილავს, ვერ დაიმონებს, როცა ასეთი სინათლითა და სიკეთით სავსე თაობა გვეზრდება...როგორც შეგვეძლო ამოვკენკეთ ნამცეცებად მიმოფანტული სიკეთე და ვუწილადეთ ერთმანეთს ,,სულის პური."მადლობა , ჩემს საოცარ, უნიჭიერეს ბავშვებს. თქვენთან ერთად უსასრულოდ შემიძლია ფრენა ისე, რომ არც კი დავიღლები."
სრულად
05 ნოემბერი 2023 წელი
შემოდგომა წელიწადის ყველაზე ბარაქიანი დროა. სწორედ, დროსთან და განწყობასთან შესაბამისი ღონისძიებები იმართება საქართველოს საპატრიარქოს წმინდა ნინოს სახელობის მართლმადიდებლურ სკოლაში. მე-2 კლასის მოსწავლეებმა ეზოში სახალისო აქტივობა გამართეს. არაჩვეულებრივი სანახავი იყო ნაირფერი ფოთლებით მოფენილი არემარე, იქვე წარმოდგენილი სხვადასხვა ჯიშის ხილი და ხალხური საკრავების გამოფენა ეგზოტიკურ სანახაობას ქმნიდა. პატარებისთვის კი ყველაზე დასამახსოვრებელი ჩურჩხელების ამოვლების პროცესი გახლდათ, სადაც დიასახლისების როლი მოირგეს და ოსტატურად გაუძღვნენ განუმეორებელი ნუგბარის მომზადებას. გოგოებს ბიჭებმაც არ დაუდეს ტოლი და სახალისო აქტივობა, მასწავლებლების, მარი ჭიტაძისა და ნინი კანტიძის დახმარებით მშვენიერი შედეგით დასრულდა, ისე, როგორც შემოდგომისას ხდება ჩვენს მშვენიერ ქვეყანაში. ამგვარი კოლაბორაციებით მოსწავლეები სწავლობენ გუნდურად მუშაობას, საინტერესო და სახალისო პროცესით საჭირო უნარ-ჩვევების დაუფლებას.
სრულად
04 ნოემბერი 2023 წელი
წმინდა ნინოს სახელობის მართლმადიდებლური სკოლის მე-10 კლასის მოსწავლეები, პედაგოგებთან, ქართული ენისა და ლიტერატურის მასწავლებლებთან: მარინე ტოხიშვილთან და ირინე კვანჭიანთან , ასევე ისტორიისა და სამოქალაქო განათლების პედაგოგებთან: გუგა ბენდელიანთან და გური ბაბილოძესთან ერთად (კომპლექსური გაკვეთილის დაგეგმვის შემდეგ) ეწვივნენ თბილისის სახელმწიფო მუზეუმს. მოსწავლეებს ისტორიული ექსპონატებსა და მათ უდიდეს მნიშვნელობაზე ესაუბრა ისტორიის პედაგოგი - გური ბაბილოძე, დაათვალიერეს ქვეყნის უნიკალური საგანძური და ვერ დამალეს აღფრთოვანება მუზეუმის დათვალიერების შემდეგ, მოილოცეს სიონის ტაძარი, ისეირნეს ძველი თბილისის ქუჩებში,შემდეგ კი კატეხიზმოს პედაგოგმა - გუგა ბენდელიანმა გაუწიათ ექსკურსიამძღოლობა და უამბოთ ამ დიდებული უბნის ტკივილიან თუ სიამაყის მომგვრელ ფაქტებზე. ასევე,ბავშვებმა , რომლებმაც სულ ახლახან ისწავლეს ჰაგიოგრაფიის უძველესი და ბრწყინვალე ტექსტები: ,,წმინდა შუშანიკის წამება" და ,,აბო თბილელის წამება", მოილოცეს წმინდა აბოს ტაძარი, რაც , როგორც ცნობილია, სწორედ წმინდა აბოს ცხედრის დაწვის მიმდებარე ტერიტორიაზეა აგებული, შემდეგ კი ეწვივნენ მეტეხის უძველეს ეკლესიას და მიეახლნენ წმინდა შუშანიკის საფლავს. ახლახან ნასწავლი ჰაგიოგრაფიული ძეგლები და მათი როლი ჩვენი ქვეყნის ისტორიაში კიდევ ერთხელ გადააფასეს და აღფრთოვანება ვერ დამალეს წმინდა ნინოს სკოლის მე-10 კლასის მოსწავლეებმა.
სრულად
03 ნოემბერი 2023 წელი
დაიწყო "ტვინების ბრძოლა" შემოდგომის 2023 სეზონის პირველი ეტაპი 19 ოქტომბერიდან 19 ნოემრამდე“შიდა სასკოლო ჩემპიონატების” სერია. პროექტში ჩართულია კერძო და საჯარო სკოლები.საორგანიზაციო ჯგუფთან შეთანხმებული ფორმატით, საქართველოს საპატრიარქოს წმინდა ნინოს სახელობის მართლმადიდებლურმა სკოლამ ლოკალურად ჩაატარა ტვინების ბრძოლის შიდა სასკოლო ჩემპიონატი სამ ასაკობრივ კატეგორიაში. შიდასასკოლო ჩემპიონატის ფარგლებში გამარჯვებული გუნდები გამოირჩეოდნენ აზროვნების სისხარტით და ლოგიკური მსჯელობით.I ასაკობრივი გუნდები:Vა #მოაზროვნეები - I ადგილი Vბ #გენიოსები - II ადგილი IVა #ვარსკვლავები - III ადგილი II ასაკობრივი გუნდები:VIIIა #უნიკალურები - I ადგილი VIIIბ #პირველიმერცხალი - II ადგილი #გუნდი - III ადგილი III ასაკობრივი გუნდები:X #გალაქტიკო - I ადგილი XI #ფავები - II ადგილი IX #ირმისნახტომი - III ადგილი გამარჯვებულ გუნდებს აჯილდოვებს ბრეინსის ადმინისტრაცია. ასევე, საპრიზო ადგილებზე გასულ გუნდებს გადაეცემათ სკოლათაშორის ჩემპიონატზე ასპარეზობის უფლება: ეს არის ჩემპიონატის მეორე ეტაპი, რომელიც იმართებაქალაქის/მუნიციპალიტეტის მასშტაბით. მეორეეტაპისაქალაქო პირველობა 26 ნოემბერს 45 ქალაქში გაიმართება. ტვინიკოსთა შერკინება გამოავლენს ქალაქის ჩემპიონებსა და პრიზიორ გუნდებს, მუნიციპალიტეტის მასშტაბით საუკეთესო 50%-ში მოხვედრილ გუნდებს კი მიეცემათ შესაძლებლობა, იასპარეზონ რეგიონულ ეტაპზე. წარმატებები ნიჭიერ პრედენდენტებს.
სრულად
03 ნოემბერი 2023 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში მოსწავლეები დაწყებითი კლასებიდანვე იწყებენ საქართველოს ფლორისა და ფაუნის შესწავლას. მათი ინტერესი დიდია მწვანე საფარის და ეკოლოგიური საკითხების მიმართ. პედაგოგები აქტიურად არიან ჩართულები გასვლით ღონისძიებებში, რომელიც ითვალისწინებს მოსწავლეების მიერ მცენარეების დარგვას, მოვლას და ზოგადად მიწასთან მუშაობის მნიშვნელობას ადამიანისთვის. ამჯერად ქართული ენისა და ლიტერატურის პედაგოგმა მარი ჭიტაძემ მე-2 ბ კლასის მოსწავლეებს დაათვალიერებინა გარდენიას შესანიშნავი გარემო . მწვანე სახელოსნოში მოხტეს ქოთანები გაცრეს და შეაზავეს მიწა, თიხის ქოთნებში საკუთარი ხელით დარგეს მცენარე, ისწავლეს როგორ უნდა მოუარონ მას და დღის ბოლოს ახალი ჰობიც კი გაუჩნდათ- ყვავილების დარგვა.
სრულად
02 ნოემბერი 2023 წელი
თანამედროვე სამყაროში ინტერვიუ ყველაზე გავრცელებული და ინფორმაციის მიღების მარტივი საშუალებაა.ინტერვიუ ჩვენი ცხოვრების ნაწილად იქცა. ამ მეთოდით, შესაძლებელია ნებისმიერი მოვლენის შესწავლა. არსებობს ინტერვიუს უამრავი სახეობა, რომელიც მე-8ა კლასის მოსწავლეებისთვის მნიშვნელოვანი და საინტერესო აღმოჩნდა საყვარელი მწერლების ბავშვობის ეპიზოდების გასაცნობად. ქართული ენისა და ლიტერატურის მასწავლებელმა ლეილა თვალაბეიშვილმა სახელმძღვანელოში განთავსებული კითხვების დახმარებით წარმოსახვითი ინტერვიუს ექსპერიმენტი შეთავაზა მოსწავლეებს. ნინი ქარსელაძემ, სალომე გულისაშვილმა, ილია წიკლაურმა, კესო თორდიამ, ელისაბედ ჩხაიძემ, გიორგი ჩხიკვაძემ და მარიამ მეტრეველმა შესანიშნავად გაართვეს თავი ჟურრალისტის / ინტერვიუერის ამპლუას. მათ ორიგინალური და საინტერესო ვერსიები წარმოადგინეს, როგორც საგნის პედაგოგი აღნიშნავს: ,,შემოქმედებითი აზროვნება არის მოვლენათა ახლებურად ხედვის და პრობლემათა გადაჭრის ორიგინალური , მანამდე არარსებული გზის პოვნის უნარი. კრეატიული შაბლონური აზროვნების საპირისპირო ფორმაა. აუცილებელია, რომ სწავლების პროცესში ჩავრთოთ მოსწავლეების წარმოსახვა. განუვითაროთ ბავშვებს მოვლენათა და ფაქტების აღქმის სიღრმე და მრავალმხრივობა, როგორც კრიტიკული, ასევე შემოქმედებითი აზროვნება. მოსწავლე მაშინაა წარმატებული და მოქნილი აზროვნების მქონე, თუ მას შეუძლია ერთგვარ სიტუაციაში ნასწავლის სხვაგვარ, განსხვავებულ სიტუაციაში გამოყენება. ამას უწოდებენ ტრანსფერს".
სრულად
27 ოქტომბერი 2023 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში მოსწავლეების სულიერი განვითარებისთვის სხვადასხვა ტიპის ღონისძიება და სალონური საუბრები იმართება. სკოლის დირექტორის ლალი მელივასა და კატეხიზმოს პედაგოგის გუგა ბენდელიანის ინიციატივით სკოლაში მოწვიეს თეოლოგი, თბილისის სასულიერო სემინარიისა და აკადემიის ლექტორი, პროფესორი - გიორგი გვასალია. დარბაზში იმყოფებოდნენ უფროსი ასაკის მოსწავლეები. სტუმარმა საუბარი დაიწყო ბედნიერების შესახებ. რა არის ადამიანისთვის ნამდვილი ბედნიერება და სიყვარული. როგორ უნდა გაიმიჯნოს ეგოიზმი წრფელი ემოციებისგან. მოზარდები დაინტერესდნენ თუ რამდენად შეესაბამება სამყაროს წარმოშობის ბიბლიური ვერსია მეცნიერულ თეორიებს; არსებობს თუ არა ინფორმაცია უცხოპლანეტელებსა და დინოზავრებზე ბიბლიურ პასაჟებში. ისაუბრეს ადამიანზე, როგორც ღვთის ხატებაზე, ეკლესიურ ცხოვრებასა და მოძღვრის როლზე ადამიანის სულიერ განვითარებაში.
სრულად
26 ოქტომბერი 2023 წელი