26 ოქტომბერი 2023 წელი
სიახლეები
26 ოქტომბერი 2023 წელი
26 ოქტომბერი 2023 წელი
საქართველოს საპატრიარქოს წმინდა ნინოს სახელობის მართლმადიდებლური სკოლის მე-4 კლასის მოსწავლეები ვაჟა-ფშაველას შემოქმედებასა და ბიოგრაფიას გაეცვნენ. მოისურვეს, ამ დიდი გენიისათვის პატივი მიეგოთ და მთაწმინდაზე მისი საფლავი ყვავილებით შეემკოთ.ქართული ენისა და ლიტერატურის პედაგოგმა მარი თაბაგარმა ამაზე იზრუნა. მოსწავლეებს მთაწმინდის, მამა დავით გარეჯელის, მისი სახელობის ტაძრისა და პანთეონში დაკრძალული მოღვაწეების თაობაზე უამბო და სწორედ პანთეონშივე ჩაატარა შემეცნებითი გაკვეთილიც. მოსწავლეებმა აკაკის, ვაჟა-ფშაველასა და ილიას საფლავები ყვავილებით შეამკეს, ტაძარი მოილოცეს, სამახსოვრო ფოტოები გადაიღეს, საფლავებთან ლექსების წაკითხვაც მოისურვეს და ამ წმინდა წიაღში ააჟღერეს ვაჟა-ფშაველას, ილია ჭავჭავაძის, აკაკი წერეთლის, ნიკოლოზ ბარათაშვილის, გალაკტიონ ტაბიძის, იოსებ გრიშაშვილის, გიორგი ლეონიძის, ოთარ ჭილაძის, მუხრან მაჭავარიანის, ანა კალანდაძის, მერაბ კოსტავას, ზვიად გამსახურდიას, ნოდარ დუმბაძის ლექსები. ბოლოს კი თეკლა ჩარგეიშვილმა მარი მასწავლებლის ლექსი ,,ჩემი მთაწმინდა" წაიკითხა. სასიამოვნოდ დაქანცული მოსწავლეები, ემოციითა და შთაბეჭდილებით სავსე დაუბრუნდნენ სკოლას. ეს დღე დაუვიწყარი იქნება მათთვის. სულ მალე აკაკი წერეთლის ,,ჩემი თავგადასავალი" უნდა შეისწავლონ და გაიხსენებენ, რომ ეს ბუმბერაზი ადამიანი მთაწმინდაზე განისვენებს. და მართლაც, ,,უკიდეგანოდ მაღალია ჩვენი მთაწმინდა". როგორც ამას მარი თაბაგარი ლექსით გვეუბნება: ,,ვინ მოიგონაევერესტის დიდი სიმაღლე,ვინ გააოცაჯომოლუნგმის კალთის ციცაბომ?!ქართველი ვარ დაგამაჩნია სულ სხვა სიმართლე,არ შემიძლია,ეს სიდიდე როგორ ვიწამო.რა ევერესტი,რა ჩოგორი, რა კაჩეჯანგა,როცა სამშობლოსეხიდები როგორც ტარიგი.არ შეუქმნიაქვეყანაზე ჯერ გამჩენს სხვა მთა,ჩემს მთაწმინდაზემაღალი და უფრო ნატიფი.აქ მეგებებაჭავჭავაძის ნაზი ასული,დიდი ილიასმირონცხებულ სიტყვის გენია,ვაჟა-ფშაველა,ყველა მთაზე მაღალი სულის,ბარათაშვილიც,ყიფიანიც აქ ასვენია.აქ ქაქუცაა,იაკობი, დიდი აკაკი,,,მთაწმინდის მთვარეს"თითქოს გალობს გალა სტიქარში,შემოქმედებისგენია დუღს, თანაც რაკრაკითმიედინებაცისკენ, მაღლა, გალაქტიკაში.მთის მწვერვალზე დგასმადლიანი მამა დავითი,ტაძრის გუმბათიგვირგვინად აქვს მგოსანთ სავანეს,ფართოდ გაშლიაზეციური მხარი, ლავიწი,სულით ცის ახლოს,მაგრამ შორი როგორც სამარე...რა ჯომოლუნგმა,მე სიმაღლეს ვზომავ სხვაგვარად;უფალმა ჩემისაქართველო ნიჭით დაწინდა.ბუმბერაზებიდაიტია, ნეტავ, რაგვარად?!უკიდეგანოდმაღალია ჩემი მთაწმინდა!!!"
სრულად
25 ოქტომბერი 2023 წელი
წმინდა ნინოს სახელობის სკოლის მოსწავლეებმა პედაგოგებთან ერთად 26-27 სექტემბერს კიდევ ერთხელ გაიხსენეს აფხაზეთის ომში დაღუპული ყველა მონაწილე და პატივი მიაგეს მათ ხსოვნას. უფროსკლასელებს აჩვენეს უამრავი დოკუმენტური ვიდეომასალა, რაც, თავისთავად, საფუძველი გახდა მოსწავლეთა მიერ რამდენიმე ლიტერატურული ნაწარმოების შექმნისა. მოთმინებით ველოდებით იმ დროს, როდესაც ქვეყნის ძირძველი კუთხე დედასამშობლოს დაუბრუნდება!გვიყვარს და გვახსოვს აფხაზეთი!
სრულად
21 ოქტომბერი 2023 წელი
საქართველოს საპატრიარქოს წმინდა ნინოს სახელობის მართლმადიდებლური სკოლაში განსაკუთრებული სიხარულით ხვდებიან ხავერდოვან, ბარაქიან დროს - შემოდგომას. ტრადიცია, რომელსაც სკოლის დაარსებისთანავე ჩაეყარა საფუძველი, მოსწავლე - მასწავლებლებში დიდი ჟრიამულის და სიხარულის მომტანია. ამ დღეს, ეზოში იშლება ქართული ნაციონალური სუფრა, გამოიფინება სამოსი და ხალხური საკრავები. წელს, პირველკლასელებმა, უფროსების დახმარებით, დიდი ინტერესით, მოადუღეს თათარა და ამოავლეს ჩურჩხელები. სკოლის დირექტორმა ლალი მელივამ, პირველკლასელების დამრიგებლებმა : ნინო გაგოევმა და ეკა ბიბილურმა მოსწავლეებს აუხსნეს საშემოდგომო ტრადიციების მნიშვნელობა. მუსიკის მასწავლებელმა, ნინო ბიბილურმა ტრადიციული ხალხური სიმღერებით, პატარების მიერ მომზადებული ნომრებით გაალამაზა და გაახალის პროცესი. ამგვარი ღონისძიებები, მნიშვნელოვანია, როგორც ქართული ტრადიციების გაცნობის კუთხით, ასევე მოსწავლეები ბავშვობიდანვე ეჩვევიან გუნდური მუშაობის პრინციპს, შედეგებსა და მნიშვნელობას.
სრულად
19 ოქტომბერი 2023 წელი
საქართველოს საპატრიარქოს წმინდა ნინოს სახელობის მართლმადიდებლური სკოლის პირველკლასელებს ქართულ ანბანთან შეხვედრის ემოციური მომენტი არასდროს დაავიწყდებათ. პედაგოგმა ნინო გაგოევმა ბავშვების მიერ შესრულებული სხვადასხვა სახალისო აქტივობებით გამოავლინა მათი უნარები, რაც მნიშვნელოვანია მოზარდების შემეცნების, ინფორმაციის მიღების, გაანალიზებისა და დამახსოვრებისთვის. მუსიკის მასწავლებელმა, ნინო ბიბილურმა ანბანზე სიმღერით დიდი ხალისი შეიტანა საგაკვეთილო პროცესში. ქართულის მასწავლებლის აქტიური ჩართულობით მოსწავლეებმა იმსჯელეს და იმუშავეს ზეპირ და პრაქტიკულ სამუშაოებზე: ამოიცნეს ასოები და ამოკიკითხეს სიტყვები (ახალი სახელმძღვანელო სწორედ ამ მეთოდს გვთავაზობს). დამარცვლეს და გაიხსენეს წესი სიტყვაში ხმოვანებისა და თანხმოვნების თანაფარდობაზე. დაფაზე დაწერილი სიტყვები ხმამაღლა ამოიკითხეს და ხმოვნებს გაუსვეს ხაზი. გამოძერწეს ასოები და წაიკითხეს ლექსები.
სრულად
18 ოქტომბერი 2023 წელი
ფეხბურთი რომ გუნდური თამაშია ეს საყოველთაოდ აღიარებული თემაა. სპორტის ამ სახეობაში ქართველებს საამაყო ბევრი გვაქვს. ჩვენი მოსწავლეები ფეხბურთის მიმართ დიდ ინტერესს იჩენენ. ამის დადასტურება სკოლაში ყოველწლიურად გამართული ჩემპიონატებია. რაც კიდევ ერთხელ ადასტურებს მოსწავლეთა ჯანმრთელი ცხოვრების წესს და მასზე მოთხოვნილებას. წელსაც დიდი მოლოდინით ჩატარდა შიდა სასკოლო საფეხბურთო ტურნირი, სადაც სხვადასხვა ასაკობრივი ჯგუფები მონაწილეობნენ. არ ცხრებოდა გულშემატკივართა სკანდირება, ყველას თავისი ფავორიტი ჰყავდა. საბოლოო გამარჯვება მე-8კლასის გუნდს ხვდა წილად. კაპიტანმა გუნდში პოზიციების სწორად გადანაწილებით საბოლოო გამარჯვება მოიპოვა.სკოლის დირექტორმა ლალი მელივამ გამარჯვებულ გუნდს გარდამავალი თასი გადასცა და დააჯილდოვა მედლებით. ძვირფასო მოსწავლეებო, სულ გამარჯვებით გევლოთ
სრულად
18 ოქტომბერი 2023 წელი
საქართველოს საპატრიარქოს წმინდა ნინოს სახელობის მართლმადიდებლური სკოლის მოსწავლეები ყოველწლიურად იღებენ მონაწილეობას კინგსის ოლიმპიადაზე. მათ არაერთგზის მოიპოვეს სხვადასხვა ხარისხის ჯილდოები კონკრეტულ დისციპლინებში. ეს პროცესი მოსწავლეთა ცოდნის გარდა ავლენს პედაგოგის წლიური მუშაობის ხარისხსს. ამჯერად სხვადასხვა ასაკობრივი კატეგორიის მოსწავლეებს გადაეცათ სერთიფიკატები და დიპლომები გაზაფხული სეზონის ტურებიდან. მოსწავლეებს და მათ პედაგოგებს ვულოცავთ ღირსეულ გამარჯვებას მომავალი წარმატებების იმედით.
სრულად
17 ოქტომბერი 2023 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში ქიმიის მასწავლებელმა ელენე მელიქიძემ მე-11 კლასის მოსწავლეების აქტიური ჩართულობით ჩაატარა კომპლექსური სამუშაო თემაზე - ხსნარები . მოსწავლეებმა მოამზადეს სხვადასხვა ტიპის პროცენტული ხსნარები და ჩამოაყალიბეს ამ ხსნარების მნიშვნელობა.მოსწავლეებმა წარმოადგინეს შესასრულებელი დავალების მიზანი, განიხილეს უსაფრთხოების წესები ქიმიური რეაქტივების გამოყენებისას, გამოთქვეს ჰიპოთეზები, შეაფასეს ქიმიური რეაქციების მსვლელობის პროცესი, წარმოადგინეს შედეგები და გამოიტანეს დასკვნები.
სრულად
16 ოქტომბერი 2023 წელი
დეტალები ქმნის განწყობას.მხატვარ მარი მჟავიას სახელოსნოში ყველაფერი სიცოცხლის ფერებითაა შეფერილი...თითოეული დეტალი ერთი საოცარი ამბავია და ფერთა გამას თავად პედაგოგი ქმნის, უნიჭიერეს მოსწავლეებთან ერთად...ეს ურთიერთობა გახლავთ შეგირდისა და მოწაფის თანამედროვე, შემოქმედებითი ხედვის ტრენდული ვარიაციები
სრულად
13 ოქტომბერი 2023 წელი