04 ნოემბერი 2023 წელი
სიახლეები
04 ნოემბერი 2023 წელი
03 ნოემბერი 2023 წელი
დაიწყო "ტვინების ბრძოლა" შემოდგომის 2023 სეზონის პირველი ეტაპი 19 ოქტომბერიდან 19 ნოემრამდე“შიდა სასკოლო ჩემპიონატების” სერია. პროექტში ჩართულია კერძო და საჯარო სკოლები.საორგანიზაციო ჯგუფთან შეთანხმებული ფორმატით, საქართველოს საპატრიარქოს წმინდა ნინოს სახელობის მართლმადიდებლურმა სკოლამ ლოკალურად ჩაატარა ტვინების ბრძოლის შიდა სასკოლო ჩემპიონატი სამ ასაკობრივ კატეგორიაში. შიდასასკოლო ჩემპიონატის ფარგლებში გამარჯვებული გუნდები გამოირჩეოდნენ აზროვნების სისხარტით და ლოგიკური მსჯელობით.I ასაკობრივი გუნდები:Vა #მოაზროვნეები - I ადგილი Vბ #გენიოსები - II ადგილი IVა #ვარსკვლავები - III ადგილი II ასაკობრივი გუნდები:VIIIა #უნიკალურები - I ადგილი VIIIბ #პირველიმერცხალი - II ადგილი #გუნდი - III ადგილი III ასაკობრივი გუნდები:X #გალაქტიკო - I ადგილი XI #ფავები - II ადგილი IX #ირმისნახტომი - III ადგილი გამარჯვებულ გუნდებს აჯილდოვებს ბრეინსის ადმინისტრაცია. ასევე, საპრიზო ადგილებზე გასულ გუნდებს გადაეცემათ სკოლათაშორის ჩემპიონატზე ასპარეზობის უფლება: ეს არის ჩემპიონატის მეორე ეტაპი, რომელიც იმართებაქალაქის/მუნიციპალიტეტის მასშტაბით. მეორეეტაპისაქალაქო პირველობა 26 ნოემბერს 45 ქალაქში გაიმართება. ტვინიკოსთა შერკინება გამოავლენს ქალაქის ჩემპიონებსა და პრიზიორ გუნდებს, მუნიციპალიტეტის მასშტაბით საუკეთესო 50%-ში მოხვედრილ გუნდებს კი მიეცემათ შესაძლებლობა, იასპარეზონ რეგიონულ ეტაპზე. წარმატებები ნიჭიერ პრედენდენტებს.
სრულად
03 ნოემბერი 2023 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში მოსწავლეები დაწყებითი კლასებიდანვე იწყებენ საქართველოს ფლორისა და ფაუნის შესწავლას. მათი ინტერესი დიდია მწვანე საფარის და ეკოლოგიური საკითხების მიმართ. პედაგოგები აქტიურად არიან ჩართულები გასვლით ღონისძიებებში, რომელიც ითვალისწინებს მოსწავლეების მიერ მცენარეების დარგვას, მოვლას და ზოგადად მიწასთან მუშაობის მნიშვნელობას ადამიანისთვის. ამჯერად ქართული ენისა და ლიტერატურის პედაგოგმა მარი ჭიტაძემ მე-2 ბ კლასის მოსწავლეებს დაათვალიერებინა გარდენიას შესანიშნავი გარემო . მწვანე სახელოსნოში მოხტეს ქოთანები გაცრეს და შეაზავეს მიწა, თიხის ქოთნებში საკუთარი ხელით დარგეს მცენარე, ისწავლეს როგორ უნდა მოუარონ მას და დღის ბოლოს ახალი ჰობიც კი გაუჩნდათ- ყვავილების დარგვა.
სრულად
02 ნოემბერი 2023 წელი
თანამედროვე სამყაროში ინტერვიუ ყველაზე გავრცელებული და ინფორმაციის მიღების მარტივი საშუალებაა.ინტერვიუ ჩვენი ცხოვრების ნაწილად იქცა. ამ მეთოდით, შესაძლებელია ნებისმიერი მოვლენის შესწავლა. არსებობს ინტერვიუს უამრავი სახეობა, რომელიც მე-8ა კლასის მოსწავლეებისთვის მნიშვნელოვანი და საინტერესო აღმოჩნდა საყვარელი მწერლების ბავშვობის ეპიზოდების გასაცნობად. ქართული ენისა და ლიტერატურის მასწავლებელმა ლეილა თვალაბეიშვილმა სახელმძღვანელოში განთავსებული კითხვების დახმარებით წარმოსახვითი ინტერვიუს ექსპერიმენტი შეთავაზა მოსწავლეებს. ნინი ქარსელაძემ, სალომე გულისაშვილმა, ილია წიკლაურმა, კესო თორდიამ, ელისაბედ ჩხაიძემ, გიორგი ჩხიკვაძემ და მარიამ მეტრეველმა შესანიშნავად გაართვეს თავი ჟურრალისტის / ინტერვიუერის ამპლუას. მათ ორიგინალური და საინტერესო ვერსიები წარმოადგინეს, როგორც საგნის პედაგოგი აღნიშნავს: ,,შემოქმედებითი აზროვნება არის მოვლენათა ახლებურად ხედვის და პრობლემათა გადაჭრის ორიგინალური , მანამდე არარსებული გზის პოვნის უნარი. კრეატიული შაბლონური აზროვნების საპირისპირო ფორმაა. აუცილებელია, რომ სწავლების პროცესში ჩავრთოთ მოსწავლეების წარმოსახვა. განუვითაროთ ბავშვებს მოვლენათა და ფაქტების აღქმის სიღრმე და მრავალმხრივობა, როგორც კრიტიკული, ასევე შემოქმედებითი აზროვნება. მოსწავლე მაშინაა წარმატებული და მოქნილი აზროვნების მქონე, თუ მას შეუძლია ერთგვარ სიტუაციაში ნასწავლის სხვაგვარ, განსხვავებულ სიტუაციაში გამოყენება. ამას უწოდებენ ტრანსფერს".
სრულად
27 ოქტომბერი 2023 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში მოსწავლეების სულიერი განვითარებისთვის სხვადასხვა ტიპის ღონისძიება და სალონური საუბრები იმართება. სკოლის დირექტორის ლალი მელივასა და კატეხიზმოს პედაგოგის გუგა ბენდელიანის ინიციატივით სკოლაში მოწვიეს თეოლოგი, თბილისის სასულიერო სემინარიისა და აკადემიის ლექტორი, პროფესორი - გიორგი გვასალია. დარბაზში იმყოფებოდნენ უფროსი ასაკის მოსწავლეები. სტუმარმა საუბარი დაიწყო ბედნიერების შესახებ. რა არის ადამიანისთვის ნამდვილი ბედნიერება და სიყვარული. როგორ უნდა გაიმიჯნოს ეგოიზმი წრფელი ემოციებისგან. მოზარდები დაინტერესდნენ თუ რამდენად შეესაბამება სამყაროს წარმოშობის ბიბლიური ვერსია მეცნიერულ თეორიებს; არსებობს თუ არა ინფორმაცია უცხოპლანეტელებსა და დინოზავრებზე ბიბლიურ პასაჟებში. ისაუბრეს ადამიანზე, როგორც ღვთის ხატებაზე, ეკლესიურ ცხოვრებასა და მოძღვრის როლზე ადამიანის სულიერ განვითარებაში.
სრულად
26 ოქტომბერი 2023 წელი
საქართველოს საპატრიარქოს წმინდა ნინოს სახელობის მართლმადიდებლური სკოლის დირექტორმა ლალი მელივამ და პედაგოგებმა: მარი თაბაგარმა, ელენე მიროტაძემ და სოფიკო გორგილაძემ მონაწილება მიიღეს სამეტაპიანი პროექტის - „განათლება შერიგებისთვის“ დასკვნით, ღონისძიებაში, რომელიც მიმდინარეობდა ნაციონალიზმისა და კონფლიქტოლოგიის ცენტრისა და ნიდერლანდების საელჩოს უშუალო მხარდაჭერით სასტუმრო Radisson Blue Iveria. ამ აქტივობაში მონაწილე პედაგოგებმა პროექტის ფარგლებში განხორციელებული შიდა სასკოლო ღონისძიებებისპრეზენტაცია-ანგარიში წარადგინეს. შეხვედრას ესწრებოდნენ: ნაციონალიზმისა და კონფლიქტის კვლევის ცენტრის ხელმძღვანელები: ნინო კალანდარიშვილი, ელიკო ბენდელიანი, ნინო კობახიძე, როდამი ცომაია, ნიდერლანდებისა და შვეიცარიის საელჩოს წარმომადგენლები, განათლების ექსპერტები, აფხაზეთის ავტონომიური რესპუბლიკის განათლებისა და კულტურის, იუსტიციის მინისტრები: ნანა გაბელია და გიორგი გაბედავა. პროექტის პრეზენტაცია გახსნა ნაციონალიზმისა და კონფლიქტების კვლევის ინსტიტუტის გამგეობის თავჯდომარემ ნინო კალანდარიშვილმა, პროექტის მენეჯერმა ნინო კობახიძემ, ნიდერლანდების ელჩის მოადგილემ მორის პაულუსენმა. ღონისძიებას ესწრებოდნენ: კონფლიქტის ტრანსფორმაციის ექსპერტები და შესაბამის სფეროში მომუშავე სპეციალისტები. პრეზენტაციების წარდგენის შემდეგ, სკოლის დირექტორმა, ლალი მელივამ ნიდერლანდებისა და შვეიცარიის საელჩოს სამახსივროდ გადასცა მოსწავლეების მიერ, მშვიდობის თემაზე, შექმნილი მხატვრული ტილოები. გაიმართა დისკუსია სამშვიდობო განთლების დანერგვის თაობაზე სასკოლო სივრცეში, გამოითქვა მოსაზრებები. პედაგოგებმა მიიღეს ექსპერტების მიერ შემუშავებული რეკომენდაციები აღნიშნულ საკითხებთან მიმართებაში.
სრულად
26 ოქტომბერი 2023 წელი
საქართველოს საპატრიარქოს წმინდა ნინოს სახელობის მართლმადიდებლური სკოლის მე-4 კლასის მოსწავლეები ვაჟა-ფშაველას შემოქმედებასა და ბიოგრაფიას გაეცვნენ. მოისურვეს, ამ დიდი გენიისათვის პატივი მიეგოთ და მთაწმინდაზე მისი საფლავი ყვავილებით შეემკოთ.ქართული ენისა და ლიტერატურის პედაგოგმა მარი თაბაგარმა ამაზე იზრუნა. მოსწავლეებს მთაწმინდის, მამა დავით გარეჯელის, მისი სახელობის ტაძრისა და პანთეონში დაკრძალული მოღვაწეების თაობაზე უამბო და სწორედ პანთეონშივე ჩაატარა შემეცნებითი გაკვეთილიც. მოსწავლეებმა აკაკის, ვაჟა-ფშაველასა და ილიას საფლავები ყვავილებით შეამკეს, ტაძარი მოილოცეს, სამახსოვრო ფოტოები გადაიღეს, საფლავებთან ლექსების წაკითხვაც მოისურვეს და ამ წმინდა წიაღში ააჟღერეს ვაჟა-ფშაველას, ილია ჭავჭავაძის, აკაკი წერეთლის, ნიკოლოზ ბარათაშვილის, გალაკტიონ ტაბიძის, იოსებ გრიშაშვილის, გიორგი ლეონიძის, ოთარ ჭილაძის, მუხრან მაჭავარიანის, ანა კალანდაძის, მერაბ კოსტავას, ზვიად გამსახურდიას, ნოდარ დუმბაძის ლექსები. ბოლოს კი თეკლა ჩარგეიშვილმა მარი მასწავლებლის ლექსი ,,ჩემი მთაწმინდა" წაიკითხა. სასიამოვნოდ დაქანცული მოსწავლეები, ემოციითა და შთაბეჭდილებით სავსე დაუბრუნდნენ სკოლას. ეს დღე დაუვიწყარი იქნება მათთვის. სულ მალე აკაკი წერეთლის ,,ჩემი თავგადასავალი" უნდა შეისწავლონ და გაიხსენებენ, რომ ეს ბუმბერაზი ადამიანი მთაწმინდაზე განისვენებს. და მართლაც, ,,უკიდეგანოდ მაღალია ჩვენი მთაწმინდა". როგორც ამას მარი თაბაგარი ლექსით გვეუბნება: ,,ვინ მოიგონაევერესტის დიდი სიმაღლე,ვინ გააოცაჯომოლუნგმის კალთის ციცაბომ?!ქართველი ვარ დაგამაჩნია სულ სხვა სიმართლე,არ შემიძლია,ეს სიდიდე როგორ ვიწამო.რა ევერესტი,რა ჩოგორი, რა კაჩეჯანგა,როცა სამშობლოსეხიდები როგორც ტარიგი.არ შეუქმნიაქვეყანაზე ჯერ გამჩენს სხვა მთა,ჩემს მთაწმინდაზემაღალი და უფრო ნატიფი.აქ მეგებებაჭავჭავაძის ნაზი ასული,დიდი ილიასმირონცხებულ სიტყვის გენია,ვაჟა-ფშაველა,ყველა მთაზე მაღალი სულის,ბარათაშვილიც,ყიფიანიც აქ ასვენია.აქ ქაქუცაა,იაკობი, დიდი აკაკი,,,მთაწმინდის მთვარეს"თითქოს გალობს გალა სტიქარში,შემოქმედებისგენია დუღს, თანაც რაკრაკითმიედინებაცისკენ, მაღლა, გალაქტიკაში.მთის მწვერვალზე დგასმადლიანი მამა დავითი,ტაძრის გუმბათიგვირგვინად აქვს მგოსანთ სავანეს,ფართოდ გაშლიაზეციური მხარი, ლავიწი,სულით ცის ახლოს,მაგრამ შორი როგორც სამარე...რა ჯომოლუნგმა,მე სიმაღლეს ვზომავ სხვაგვარად;უფალმა ჩემისაქართველო ნიჭით დაწინდა.ბუმბერაზებიდაიტია, ნეტავ, რაგვარად?!უკიდეგანოდმაღალია ჩემი მთაწმინდა!!!"
სრულად
25 ოქტომბერი 2023 წელი
წმინდა ნინოს სახელობის სკოლის მოსწავლეებმა პედაგოგებთან ერთად 26-27 სექტემბერს კიდევ ერთხელ გაიხსენეს აფხაზეთის ომში დაღუპული ყველა მონაწილე და პატივი მიაგეს მათ ხსოვნას. უფროსკლასელებს აჩვენეს უამრავი დოკუმენტური ვიდეომასალა, რაც, თავისთავად, საფუძველი გახდა მოსწავლეთა მიერ რამდენიმე ლიტერატურული ნაწარმოების შექმნისა. მოთმინებით ველოდებით იმ დროს, როდესაც ქვეყნის ძირძველი კუთხე დედასამშობლოს დაუბრუნდება!გვიყვარს და გვახსოვს აფხაზეთი!
სრულად
21 ოქტომბერი 2023 წელი
საქართველოს საპატრიარქოს წმინდა ნინოს სახელობის მართლმადიდებლური სკოლაში განსაკუთრებული სიხარულით ხვდებიან ხავერდოვან, ბარაქიან დროს - შემოდგომას. ტრადიცია, რომელსაც სკოლის დაარსებისთანავე ჩაეყარა საფუძველი, მოსწავლე - მასწავლებლებში დიდი ჟრიამულის და სიხარულის მომტანია. ამ დღეს, ეზოში იშლება ქართული ნაციონალური სუფრა, გამოიფინება სამოსი და ხალხური საკრავები. წელს, პირველკლასელებმა, უფროსების დახმარებით, დიდი ინტერესით, მოადუღეს თათარა და ამოავლეს ჩურჩხელები. სკოლის დირექტორმა ლალი მელივამ, პირველკლასელების დამრიგებლებმა : ნინო გაგოევმა და ეკა ბიბილურმა მოსწავლეებს აუხსნეს საშემოდგომო ტრადიციების მნიშვნელობა. მუსიკის მასწავლებელმა, ნინო ბიბილურმა ტრადიციული ხალხური სიმღერებით, პატარების მიერ მომზადებული ნომრებით გაალამაზა და გაახალის პროცესი. ამგვარი ღონისძიებები, მნიშვნელოვანია, როგორც ქართული ტრადიციების გაცნობის კუთხით, ასევე მოსწავლეები ბავშვობიდანვე ეჩვევიან გუნდური მუშაობის პრინციპს, შედეგებსა და მნიშვნელობას.
სრულად
19 ოქტომბერი 2023 წელი