19 თებერვალი 2024 წელი
სიახლეები
19 თებერვალი 2024 წელი
15 თებერვალი 2024 წელი
საქართველოს საპარიარქოს წმინდა ნინოს სახელობის მართლმადიდებლური სკოლის პედაგოგები მოსწავლეებს მეტად საინტერესო და წარმტაც სასწავლო პროცესს სთავაზობენ, რაც მოსწავლეთა ჩართულობასა და მოტივაციაზე აისახება. ერთ-ერთი ასეთი გაკვეთილის შესახებ თავად პედაგოგი სოფო გორგილაძე გვესაუბრება, რომლისთვისაც მოსწავლეებთან ურთიერთობას და მათ ხარისხიან განათლებაზე ზრუნვას დიდი ბედნიერება მოაქვს. "მე-8 კლასელებმა სასიამოვნოდ გამაოცეს, ჩვენი სამწლიანი ურთიერთობის მანძილზე ფრაგმენტულ, მზაფრ ემოციებს მიტოვებენ და მგონია, რომ საკუთარი ბედნიერება მიწილადეს. ახლაც ასე მოხდა: ნოდარ დუმბაძე ხომ გენიალური მწერალი და მოაზროვნე იყო. მან ზუსტად იცოდა, როგორ მიეღწია ადამიანების ყველაზე ემოციურ ქარგამდე. ახლაც, ტექნოლოგიური პროგრესის ეპოქაში შობილი თაობის გულებში ისეთი ცეცხლს ანთებს, რომ არ წვავს და სინათლით ავსებს... რაღა ბევრი გავაგრძელო... აფხაზეთი ხომ ჩვენი ტკივილია, ბერძენი იანგულისთვისაც... "Hellados" - მა ისეთი შთაბეჭდილება მოახდინა მათზე, რომ ტექსტებზე მუშაობა შემდეგი დავალებით გავაგრძელეთ: მოერგოთ პერსონაჟების - იანგულის ან ჯემალის როლი და შეექმნათ დღიურები, სადაც უნდა აესახათ მოთხრობაში გადმოცემული, ძირითად ეპიზოდებთან დაკავშირებული განცდები და დამოკიდებულებები. ეპიზოდი 1: იანგულისა და ჯემალის ობლობის დაპირისპირება; ეპიზოდი 2: იანგულის რეაქცია ჯემალის ობლობის გაგების ეპიზოდში; ეპიზოდი 3: სამშობლოში დაბრუნებით გამოწვეული ფიქრები და ემოციები სიყვარული... ნაშრომში უნდა წარმოედგინათ დღიურისთვის დამახასიათებელი ჟანრობრივი მაჩვენებლები, გაეთვალისწინებინათ დრო და ეპოქა და პერსონაჟის საუბრის მანერა. გამოცდილება : ანა ფრანკის დღიური; ავტოპორტრეტი ქეთი ნიჟარაძე. ისეთი ინტერესით შეუდგნენ დავალების შესრულებას, სიხარულით მეცხრე ცაზე ვფრენდი... ანდრია გურაშვილის, ნუცა მელიქიშვილის, ნატალი ჩიტაიშვილის, ბარბარე ჩივაძის, ლაზარე კაპანაძის, ბარბარე ბროლაძის, მიშო ქორიძის (ტიპიური ზურიკელაა), სანდრო სვანიშვილის, ალექსანდრე ბენაშვილის, თამარ ჯაბნიძის ნაშრომებმა ჯერ გამაოცა და შემდეგ, სიცილნარევი ცრემლებიც მაღვრევინა, აი, ზუსტად ისე, ავტორმა რომ იცოდა მჯითხველის აღტაცებაში მოყვანა!!! - ნოდარ დუმბაძეს რომ ეს დღიურები წაეკითხა, უსათუოდ იამაყებდა თქვენით! სრულიად დამსახურებულად ვუთხარი მათ და ალბათ ქება დავაკელი კიდეც....",-გვიყვება პედაგოგი და გვიზიარებსამონარიდს ერთ-ერთი მოსწავლის - ნუცას დღიურიდან: "გუშინ სკრიპკა მცემე, ბრაზმორეული ვიყავი და ყველაფერი მაგ საცოდავზე გადავტეხე... მერე, რო დავფიქრდი მაგ საცოდავზე გადავტეხე... მერე, რო დავფიქრდი, მივხვდი, რომ მამაჩემს დავემსგავსე... და არ მინდა ეგ სინამდვილეში, არც არასდროს მომინდება... ერთი გოგო მომწონს, იმ დღეს დაველაპარაკე და მითხრა, რომ არ ვჩანდი ისეთი, როგორიც სინამდვილეში ვარ. ეგ კარგია თუ ცუდი არ ვიცი, რავი, რაც არ უნდა იყოს, მე მაინც ბედნიერი ვარ. საერთოდ, ხმა რომ გამცა, ვერ ვხვდები, ჩემნაირ ბიჭთან რა უნდა ეგეთ გოგოს?!..." "ყველა დღიური ერთმანეთზე უკეთესია, ბრავო, ვამაყობ თქვენით!" -დასძენს პედაგოგი.
სრულად
16 თებერვალი 2024 წელი
საქართველოს საპატრიარქოს წმინდა ნინოს სახელობის მართლმადიდებლური სკოლის მოსწავლეები ქართულ ლიტერატურას დიდი გატაცებით სწავლობენ. მათ მოტივაციაზე პედაგოგი ლეილა თვალაბეიშვილი ზრუნავს, რომელიც მოსწავლეებს საინტერესო აქტივობებს სთავაზობს. ახლახან, მე-8 კლასელებმა ნოდარ დუმბაძის - Hellados შეისწავლეს, ტექსტის უკეთ გასააზრებლად კი პედაგოგმა მათ იანგულის დღიურის შექმნა დაავალა. პედაგოგი საინტერესო აქტივობის შესახებ თავად გვესაუბრება. "შენ გუშინ უბანში შემარცხვინე, ერთი დარტყმით დამსვი... მე ამ უბნის ყოჩი ვარ და ყოჩად დავრჩები... შენ რომ ჩემზე დიდი იყო, დაგანებებდი, მაგრამ შენ ჩემზე ერთი წლით პატარა ხარ, ამიტომ ვერ დაგანებებ თავს, უბანში ორი ყოჩი არ შეიძლება, ან შენ უნდა იყო, ან მე... ამ სიტყვებზე დაყრდნობით, ვთხოვე ჩემს მოსწავლეებს იანგულის გულწრფელი განცდები, ფიქრები გადმოეცათ დღიურის სახით. როგორც ანა ფრანკი ამბობს: "ქარალდი ადამინაზე ამტანია". "იმედი მაქვს, შემიძლია განდო შენ ყველაფერი, განდო ისე, როგორც აქამდე არავის მივნდობივარ, იმედი მაქვს, შენ იქნები დიდი ნუგეში ჩემი", - ანა ფრანკი. ასე ვანდე ჩემს საოცარ ბავშვებს იანგულის დღიურის შექმნა, იმ გულწრფელი ფიქრებისა და განცდების შესახებ რომელზეც ნოდარ დუმბაძე ტექსტში ღიად არ გვესაუბრება, რადგან მკითხველს, თითოეულ ჩვენგანს მოგვანდო იანგული... ჩემი მე-8 კლასელები ამ საოცარ პერსონაჟად იქცნენ, მოირგეს მთავარი როლი და გულწრფელი ემოციები, ფიქრები პერსონაჟის დამახასიათებელი მანერით გადმოსცეს. ასე შევქმენით "იანგულის დღიური". საინტერესო აღმოჩნდა თითოეულის თვალით დანახული სოხუმელი ბერძენის ხრისტო ალექსანდრიდის შვილის განცდები", - გვიყვება პედაგოგი.
სრულად
10 თებერვალი 2024 წელი
წიგნის საჯაროდ კითხვის საერთაშორისო დღეს კიდევ ერთი აქტივობით შეუერთნენ საქართველოს საპატრიარქოს წმინდა ნინოს სახელობის მართლმადიდებლური სკოლის მე-5ბ კლასის მოსწავლეები. კლასის დამრიგებელმა, ნათელიკო ჩხაიძემ, მოსწავლეებს, მათთვის რჩეული მოთხრობებიდან, საინტერესო და დასამახხსოვრებელი ადგილები წააკითხა.ბავშვები დიდი ინტერესით იყვნენ ჩართულები. სწორი მეტყველებისა და მცირეოდენი არტისტიზმის უნარები წარმოაჩინეს.კითხვა-პასუხის ეპიზოდში გამოავლინეს მოსმენისა და კამათის ხელოვნების უდიდესი შესაძლებლობა, რაც საბოოლოოდ სასურველ შედეგამდე მივიდა : მოსწავლეებმა მათთვის უცნობი ლიტერატურული ტექსტის სრულად წაკითხვის სურვილი გამოიჩინეს .
სრულად
10 თებერვალი 2024 წელი
2 თებერვალიწიგნის საჯაროდ კითხვის მსოფლიო დღეა.გილოცავთ "ყოველი ნორმალური მოთხრობის წაკითხვის შემდეგ ხდები ოდნავ უკეთესი ვიდრე ხარ, უფრო ჭკვიანი ვიდრე იყავი.” გურამ დოჩანაშვილი
სრულად
10 თებერვალი 2024 წელი
რამდენიმე წელია საქართველო ,,წიგნის საჯაროდ კითხვის მსოფლიო დღეს" შეუერთდა. საქართველოს საპატრიარქოს წმინდა ნინოს სახელობის მართლმადიდებლურ სკოლაში კი იგი კვირეულად ვაქციეთ და წიგნის მოყვარულებმა სიამოვნებაც მივიღეთ. პირველი კლასის მოსწავლეებმა დიდი ინტერესით წაიკითხეს იაკობ გოგებაშვილის მოთხრობები: ,,მერცხალი და მეცხვარე", ,,ბაყაყი და თაგვი" , ,,ვანო და ქვევრი", ,,ცბიერი კაჭკაჭი". მოთხრობებში მიმობნეული დიდაქტიკური ელემენტები ერთად განვიხილეთ და თითოეულს ღრმად და სწორად ჩასწვდნენ პატარები. მერე მხიარულად იმეორებდნენ, ,,ერთი მერცხლის ჭიკჭიკი გაზაფხულს ვერ მოიყვანსო". არც იაკობის ლექსი დავიწყებიათ და ამაყად ყვებოდნენ:,,გადგიშლი წიგნსა პატარას,მეც მოგიჯდები გვერდსაო,გასწავლი წერა-კითხვასა,არაკებს გეტყვი ბევრსაო." IV ბ კლასში კი ახლახანს იროდიონ ევდოშვილის ,,ნაძვის ცრემლები" ვისწავლეთ. თხზულებებიც დავწერეთ და ის ახალი პერსონაჟებიც შევკრიბეთ ნაძვის ირგვლივ, ბუნების გაფრთხილების აუცილებლობაზე რომ გვიყვებოდნენ. ვისაუბრეთ საქართველოში გავრცელებულ აღმოსავლურ ნაძვსა და ახალი წლის ტრადიციაზეც. თემატურად დავუკავშირეთ და დოდო ვადაჭკორია-ხიმშიაშვილის საინტერესო მოთხრობა ,,ბროლის ციგა" წავიკითხეთ. აქაც ვიმსჯელეთ პერსონაჟების ხასიათსა და ბუნებისადმი დამოკიდებულებაზე, მათ კეთილშობილებასა და გულმოწყალებაზე. როლური თამაშიც მხიარული გამოგვივიდა. VI კლასში კი შარშან ,,ვეფხისტყაოსნიდან" როსტევანსა და თინათინს გავეცანით. წელს პროგრამულად ტარიელი და ავთანდილი უნდა ,,ვისტუმროთ". ამიტომაც საინტერესო და შთამბეჭდავი იყო პოემაში ,,უცხო მოყმის", ტარიელის უცნაური გამოჩენის ამბავი და მეფის მწუხარება, თინათინის სიბრძნე ( ,,კაცმან საქმე მოიგვაროს, ვეჭვ , ჭმუნვასა ესე სჯობდეს") და ,,ავთანდილის გაგზავნა მის ყმის საძებნად". იმდენად გაიტაცათ ,,ვეფხისტყაოსნის" აფორიზმებმა, მხატვრულმა ხერხებმა, ზუსტმა რითმებმა და რიტმის ჰარმონიულობამ, რომ ხალისით ენაცვლებოდნენ ერთმანეთს სტროფების წაკითხვისას. მერე კი ერთად განვმარტავდით ძველი და ახალი ქართულის უმშვენიერესი ნაზავით დაწერილი სტრიქონების აზრსა და მნიშვნელობას.წიგნის საჯაროდ კითხვის დღეები ასე ნაყოფიერად გავატარეთ.
სრულად
30 იანვარი 2024 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში დიდი ყურადღება ექცევა ზოგადი ჰიგიენის საკითხებს. გაეროს ბავშვთა ფონდის კვლევაში აღნიშნულია სკოლების სისუფთავის და ინფრასტრუქტურის გავლენა ჯანმრთელობაზე და ბავშვების აკადემიურ მოსწრებაზე. სკოლის ადმინისტრაცია ამ მიმართულებით ყოველწლიურ მონიტორინგს ატარებს. მოსწავლეებს, დაწყებითი კლასებიდან, სისტემატიურად უტარდებათ შესაბამისი სწავლება-ტრენინგები ასაკობრივი ჯგუფების მიხედვით. ჰიგიენის საკითხებთან დაკავშირებულ დელიკატურ თემებზე სწავლებას ატარებს, როგორც სკოლის ექიმი, ცირა მემანიშვილი, ასევე მოწვეული სპეციალისტები. ამჯერად მე-5, მე-6, კლასის მოსწავლეებს ტრენინგი ჩაუტარა ახალგაზრდა ექიმ -მეცნიერთა საზოგადოების წევრმა სოფიო გოგუამ . სასწავლო ვიდეორგოლის ნახვის შემდეგ მოსწავლეებსა და ექიმ სპეციალისტს შორის გაიმართა ინტერაქცია, დასმული იყო საინტერესო შეკითხვები ჯანმრთელობის საკითხებსა და სწორ კვებაზე.
სრულად
15 იანვარი 2024 წელი
მასწავლებლისთვის ყველაზე დიდი ჯილდო, მოსწავლის წარმატებაა - საქართველოს საპატრიარქოს წმინდა ნინოს სახელობის მოწაფეები კი პედაგოგებს სიამაყის საფუძველს ხშირად აძლევენ. ამჯერად , სკოლაში მეორეკლასელი დჩი გაგოშიძის მიღწევით ხარობენ. მოსწავლემ ბრწყინვალე წარმატება ქართული ენის ოლიმპიადაში მოიპოვა და ასახელა სკოლა, მასწავლებლები და მშობლები. მოსწავლის მიღწევა განსაკუთრებით საამაყოა მისი მასწავლებლის - ლეილა თვალაბეიშვილისთვის. ,, პირველი ადგილი ჩვენია, გავიმარჯვეთ , ლეიკო მას!"-ამ სიტყვების გაგონებისას ჩემი გულისცემა, ალბათ, ყველას ესმოდა...ყველაფერი კი დაიწყო ასე: მეორეკლასელმა დაჩი გაგოშიძემ პირველად მიიღო მონაწილეობა კინგსი საქართველო • Kings Georgia -ს ქართული ენის ოლიმპიადაზე . პირველსა და მეორე ტურში უმაღლესი 100 ქულით შეფასდა და სუპერფინალის ხუთეულში მოხვდა. წარმომიდგენია , რაც ხდებოდა პატარა დაჩის გულში, რამხელა პასუხისმგებლობაა , არ გაუცრუო იმედი მათ, ვისაც შენი სჯერა ასახელო სკოლა , გაახარო მშობლები და ახლობლები. სუპერფინალშიც გავიმარჯვეთ ...ამაზე დიდი ბედნიერება არ არსებობს, როცა შრომა გიფასდება მასწავლებლისთვის მოსწავლის წარმატებაა ყველაზე დიდი ჯილდო .დღეს უკვე ბანაკში გაემგზავრა დამოუკიდებლად... წარმატებები ჩვენს საოცარ ბიჭს... მიყვარხარ უსასრულოდ დარწმუნებული ვარ, კიდევ ბევრჯერ ასახელებ ჩვენს სკოლას". წყარო: www.etaloni.ge
სრულად
25 დეკემბერი 2023 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში ტრადიციისამებრ, გაიმართა2021-22 სასწავლო წლის კურდამთავრებულთა დაჯილდოება. მათ გადაეცათ კუთვნილი ოქროსა და ვერცხლის მედლები. სკოლის აღმასრულებელმა დირექტორმა ლალი მელივამ და კლასის დამრიგებელმა თათია მხეიძემმედლები გადასცეს შემდეგ მოსწავლეებს:1. თიკა დარახველიძეს;2. მარიამ გრძელიძეს;3. იოანე ჩხაიძეს;4. მარიამ ბუქურს;5. სანდრო შიხიაშვილს;6. ნია შანიძეს;7. ნიკოლოზ ბადალაშვილს. სკოლის ადმინისტრაცია და პედაგოგები კურსდამთავრებულებს ულოცავენ მნიშვნელოვან ჯილდოს და უსურვებენ კარიერულ წარმატებებს.
სრულად
24 დეკემბერი 2023 წელი