02 მაისი 2024 წელი
სიახლეები
02 მაისი 2024 წელი
02 მაისი 2024 წელი
საქართველოს საპატრიარქოს წმინდა ნინოს სახელობის მართლმადიდებლური სკოლა დისციპლინათაშორისი კავშირის პრინციპით, სისტემატიურად მართავს ერთობლივ გაკვეთილებს. პედაგოგებმა, ნათია ხუჭუამ, ქეთი დევნოზაშვილმა და გუგა ბენდელიანმა ჩაატარეს აქტივობა. მე- 5 კლასის მოსწავლეებმა, სამ საგანში: ხელოვნებაში, ბუნებისმეტყველებასა და კატეხიზმოში მოამზადეს ერთობლივი პროექტი თემაზე ,,მზის სისტემა". მოსწავლეებმა პრაქტიკული კოლაბორაციით, პირადი რესურსით შეგროვებული (მაკულატურა) სხვადასხვა მასალის, ფაქტურისა და ტექნიკის გამოყენებით ახალი სიცოცხლე შესძინეს პლანეტებს. ციური სხეულების მოძრაობასა და გრავიტაციის ზეგავლენაზე მოამზადეს თემატური პრეზენტაცია და განიხილეს დოკუმენტური ფილმი ,,მოგზაურობა კოსმოსში”. გამართეს დისკუსია თემაზე: სამყაროს ბიბლიური და მეცნიერული წარმოშობის შესახებ.
სრულად
01 მაისი 2024 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში ფრანგული ენის პედაგოგების, რუსა კილაძისა და თეონა ჩაკვეტაძის ორგანიზებით, გაიმართა აქტივობა, რომელიც საფრანგეთში წინასააღდგომო რიტუალია.,,ნადირობა კვერცხებზე" - სახალისო აქტივობა/შეჯიბრი ინტერკულტურული განათლებისთვის. სააღდგომო ლექსიკის: სიტყვების, ფრაზების, ლექსების გამოკითხვის შემდეგ, მეხუთე კლასელების ორი ჯგუფი , სააღდგომო სიმღერების ფონზე , ერთმანეთს შეეჯიბრა სკოლის ბაღში დამალული შოკოლადის კვერცხების პოვნაში.
სრულად
26 აპრილი 2024 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში მამა ანდრია ჯაღმაიძემ, სკოლის მასწავლებისა და მოსწავლეებისთვის ჩაატარა შვიდგზისზეთისცხება. სასულიერო პირებმა დაწვრილებით განმარტეს სახარებისეული პასაჟები, რათა მოსწავლეებისთვის უფრო ნათელი გამხდარიყო, თუ რა მნიშვნელობა აქვს ადამიანისთვის ამ უდიდეს ქრისტიანულ რიტუალს.
სრულად
24 აპრილი 2024 წელი
დღეს ჩვენი სკოლის ეზოში პირველკლასელები აფუსფუსდნენ. თავიანთი პატარა ხელებით მარწყვისა და ჟოლოს ნერგები დარგეს. ასე აღნიშნეს დედამიწის დღე და თვითონაც იხალისეს. მათ ყველაზე მეტად ის ახარებთ , რომ ამ ნერგებზე თვითონვე უნდა იზრუნონ. მომავალში კი მოსავალს მოიწევენ და პირსაც ჩაიტკბარუნებენ. ჩვენს პატარა გარემოსდამცველებს სჯერათ, რომ ამით დედაბუნებას იცავენ და ჯანსაღი გარემო კი ჩვენს პლანეტას მეტად საიმედოს გახდის. ეს ნაყოფიერი დღე პირველკლასელებს არასოდეს დაავიწყდებათ , რადგან იციან , რომ “დედამიწა ჩვენი სახლია”.
სრულად
23 აპრილი 2024 წელი
საქართველოს იუსტიციის სამინისტროს ეროვნულმა არქივმა 2015 წელს საფუძველი ჩაუყარა საგანმანათლებლო პროექტს „საქართველოს პირველი დემოკრატიული რესპუბლიკა“. პროექტში მონაწილეობა მიიღეს ქალაქის VIII-XI კლასის მოსწავლეებმა. ვიქტორინა გაიმართა სხვადასხვა სკოლების მიერ წარმოდგენილ გუნდებს შორის. გუნდები ხუთ-ხუთი მოთამაშისგან შედგებოდა (კაპიტნის ჩათვლით). ნახევარფინალს დაესწრო და შეაფასა ჟიურიმ, რომლის მიერ ქულების შეჯამების პროცესი გამჭვირვალედ ჩატარდა. ვიქტორინის გამარჯვებულები სხვადასხვა ნომინაციაში (გამარჯვებული სკოლა, მეორე ადგილი, მესამე ადგილი და ა.შ.) გამოვლინდნენ, პრიზებითა და სიგელებით დაჯილდოვდნენ, მათ შორის, საქართველოს საპატრიარქოს წმინდა ნინოს სახელობის მართლმადიდებლური სკოლის მოსწავლეებიც, რომლებიც ფინალში ითამაშებენ. ნახევარფინალში გამარჯვებულებს სიგელები გადასცა სკოლის აღმასრულებელმა დირექტორმა - ლალი მელივამ და სამოქალაქო განათლებისა და კატეხიზმოს პედაგოგმა - გუგა ბენდელიანმა. კონკურსი ჩატარდა „რა? სად? როდის?“ ინტელექტუალური თამაშის პრინციპით. საგანმანათლებლო პროექტის მხარდამჭერია საქართველოს იუსტიციის სამინისტრო და საქართველოს განათლების, მეცნიერებისა და ახალგაზრდობის სამინისტრო.
სრულად
09 აპრილი 2024 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში, პროექტის - "რაც ჩვენი ნებით არ დაგვითმიაა - გვახსოვდეს აფხაზეთი" ფარგლებში, გაიმართა ლიტერატურული სპექტაკლი - "ერთი მუჭა მიწა". მოსწავლეებში ცნობიერების ამაღლების მიზნით, სკოლისსააქტო დარბაზში, ჩატარდა სოხუმის დაცემის 30-ე წლისთავისადმი მიძღვნილი ღეატრალიზებული წარმოდგენა. ქვეყნის მომავალი თაობის მიერ ჩატარებული აქტივობა ახალგაზრდებსა და მოზარდებში წარმოშობს კიდევ უფრო მეტ მოტივაციას, სამომავლო ინტერაქციის თვალსაზრისით, ოკუპირებულ ტერიტორიაზე მცხოვრებ თანატოლებთან. სწორედ ამ დიად მიზანს ემსახურებოდა, რომელიც შთამბეჭდავად წარიმართა და გულგრილი არავინ დატოვა. სამშვიდობო ინიციატივებისა და კოლაბორაციების გასაძლიერებლად, სკოლის ადმინისტრაციამ ითანამშრომლა დევნილი რეგიონების სასკოლო თემთან, რომელებიც ლიმიტირებული მუსიკალური ნომრებით ჩაერთნენ ღონისძიებაში. ღონისძიებას დაესწრნენ მიწვეული სტუმრები ქვეყნის პოლიტიკური, სასულიერო წოდების, კულტურული და მედიის წარმომადგენლები. ღონისძიების ორგანიზატორები არიან: სკოლის აღმასრულებელი დირექტორი: ლალი მელივა; დამდგმელი რეჟისორი და სცენარის ავტორი: მარი თაბაგარი; მხატვარ-დეკორატორი: ქეთი დევნოზაშვილი; მუსიკალური გამფორმებელი: ნინო ბიბილური; პროექტის ავტორი: სოფიკო გორგილაძე. ღონისძიების სცენარის ავტორი და დამდგმელი რეჟისორი მარი თაბაგარი შთამბეჭდავი ღონისძიების შესახებ გვესაუბრება. ადამიანი არ მეგულება, საქართველო უყვარდეს და დღეს აფხაზეთი არ სტკიოდეს. ეს ტკივილი და განცდა რომ მომავალი თაობის ცნობიერებამდე სწორად მივიტანოთ, კონფლიქტის მიზეზები თუ არსებული პრობლემის არსი გავაცნობიერებინოთ, უფროსების მოვალეობაა.საქართველოს საპატრიარქოს წმინდა ნინოს სახელობის მართლმადიდებლური სკოლის დირექტორი, ქალბატონი Lali Meliva ყოველთვის სათანადოდ ზრუნავდა და ზრუნავს ამ საკითხზე.ამასვე ემსახურება პროექტი ,,რაც ჩვენი ნებით არ დაგვითმია" და დღეს ჩვენს სკოლაში გამართული სპექტაკლი ,,ერთი მუჭა მიწა".სპექტაკლის მუსიკალური ხელმძღვანელი ნინო ბიბილურია, მხატვარ-დეკორატორი - ქეთი დევნოზაშვილი, პროექტის ხელმძღვანელი - სოფო გორგილაძე, პროდიუსერი - ლალი მელივა, სცენარის ავტორი და დამდგმელი რეჟისორი კი მე გახლავართ.სცენარში გამოყენებული მაქვს ციტატები და ლექსები გურამ ოდიშარიას, დარიკო ფიფიას, ეკა ქაჯაიას, შალვა ბაკურაძის შემოქმედებიდან.მოსწავლეები ენთუზიაზმითა და დიდი ინტერესით მოეკიდნენ ამ საფრთხილო თემას და შეძლებისდაგვარად, სიღრმისეულად გაიაზრეს ის ტკივილი, რაც მშობლიურ მიწასა და სასაზღვრო მავთულხლართს უკავშირდება.არცერთი სიტყვა, მოვლენა თუ ფაქტი გადაჭარბებული არ ყოფილა.სპექტაკლის ბოლოს საკუთარი აზრი გამოთქვეს ჩვენმა საპატიო სტუმრებმა: მწერალმა როსტომ ჩხეიძემ, საპატრიარქოს საზოგადოებასთან ურთიერთობის სამსახურის უფროსმა ანდრია ჯაღმაიძემ, აფხაზეთის ავტონომიური რესპუბლიკის კულტურისა და განათლების სამინისტროს წარმომადგენლებმა.მშვიდობის სურვილი და სიყვარულის გზავნილი (ენგურს გადაღმა) ჩვენმა მოსწავლეებმა ულამაზესი ფორმით გამოხატეს, სიმბოლურად, ღუნღულა მტრედი გაუშვეს იმ მხარის მისამართით, ,,სიყვარული რომ ჰქვია"...სპექტაკლის ბოლოს მაყურებლის წინაშე წარსდგნენ ჩვენი სტუმრები, ბოლნისის სკოლის უნიჭიერესი მოსწავლეები პედაგოგებთან და სკოლის დირექტორთან ერთად. ნინო დევნოზაშვილი-შაინიძე დიდი მადლობა მათ სტუმრობისა და უმშვენიერესი მუსიკალურ-ლიტერატურული ნომრისათვის.კიდევ ერთხელ, მობრძანებისთვის უღრმესი მადლობა მინდა ვუთხრა ბატონ როსტომ ჩხეიძეს, ქალბატონ ნინო ვახანიას, ქალბატონ დარიკო ფიფიას, ეკა ქაჯაიასა და ნინო ფილფანს, რომელმაც მოპატიჟება მიიღო და გადატვირთული დღის რეჟიმის მიუხედავად, ერთი საათი გაატარა დარბაზში..სპექტაკლი ბატონ გურამ ოდიშარიას ლექსით დავასრულეთ და ახლაც ეს ლექსი იყოს მცირე მიმოხილვის დასასრული:,,წყურვილო, ჩვენო მეგობარო,შეარიგე ადამიანები და მხეცები,ერთი მდინარისაკენ წარუძეხ,ერთი ხმით აღაღადე წყლის საგალობელი,წვიმავ, გააერთიანემგზავრები და ხეები.ყინვავ, შეამჭიდროვე ვარსკვლავებისიყვარულის კოცონთან", - გვიყვება საინტერესო ღონისძიების შესახებ დამდგმელი რეჟისორი. წყარო: www.etaloni.ge
სრულად
27 მარტი 2024 წელი
"21 მარტი დაუნის სინდრომის საერთაშორისო დღეა, რომელიც კიდევ ერთხელ ახსენებს ყველას, რომ ჩვენ გვერდით ცხოვრობენ ადამიანები, რომლებიც საზოგადოების თანასწორი, სრულფასოვანი და ღირსეული წევრები არიან.მათ აქვთ უნარი იმისა, საზოგადოების განვითარებაში მნიშვნელივნელოვანი წვლილი შეტანონ''. ასეთი შესავლით დაიწყო გაკვეთილი წმინდა ნინოს სახელობის სკოლის ბიოლოგიის მასწავლებელმა ნათია ხუჭუამ. მან დაწვრილებით აუხსნა მოსწავლეებს ამ სინდრომის განმაპირობებელი მიზეზები, პირველად ეს დაავადება, 1866 წელს, ინგლისელმა ექიმმა - ჯონ ლანგდონ აღწერა.დაუნოსსინდრომის დღესთან დაკავშირებით მე-9 და მე-5კლასის მოსწავლეებმა ერთანეთს გაუზიარეს ინფრმაცია ამ სინდრომის მექანიზმის,სიმპტომების, თერაპიის შესახებ და კლასის წინაშე წარადგინეს პრეზენტაციის სახით.
სრულად
25 მარტი 2024 წელი
საქართველოს საპატრიარქოს წმინდა ნინოს სახელობის მართლმადიდებლური სკოლის კინოკლუბში ტრადიციულად გაიმართა ქართული მხატვრული ფილმის - "ბაშიაჩუკის" ჩვენება. ფილმი გადაღებულია 1959 წელს, რეჟისორ ლეო ესაკიას მიერ. აკაკი წერეთლის ისტორიულ მოთხრობას, რომელიც ბახტრიონის ბრძოლას (აჯანყებას) ეძღვნება მე-8 კლასის მოსწავლეები პროგრამულად ეუფლებიან. შესაბამისად, ფილმის ეკრანულმა ვერსიამ მათზე დიდი შთაბეეჭდილება მოახდინა. მოსწავლეებმა სკოლის აღმასრულებელ დირექტორთან - ლალი მელივასთან, პედაგეგებთან: ლეილა თვალაბეიშვილთან, სოფიკო გორგილაძესთან და ანნა ხელაიასთან ერთად განიხილეს ისეთი აქტუალური საკითხები, როგორიც არის: ისტორიული სინამდვილე, გმირები, გამოგონილი პერსონაჟები, ქვეყნის მტერი და მეგობარი სახელმწიფოები. თანამედროვე გეოპოლიტიკური სამყარო, საინფორმაციო ომი, ხელოვნური ინტელექტი და ის ზოგადსაკაცობრიო ღირებულებები, რაც ადამიანის, ქვეყნის თავისუფლებასა და მშვიდობიანი გარემოს მშენებლობისთვის არის მიზანშეწონილი.
სრულად
21 მარტი 2024 წელი