26 მარტი 2025 წელი
სიახლეები
26 მარტი 2025 წელი
23 მარტი 2025 წელი
,,ილია ჭავჭავაძე – სცენაზე გაცოცხლებული ეპოქა" საქართველოს საპატრიარქოს წმინდა ნინოს სახელობის მართლმადიდებლური სკოლის თეატრალური სტუდია ,,რამპა“-ს მოსწავლეებმა დაუვიწყარი სანახაობა წარუდგინეს მაყურებელს – სპექტაკლი, რომელიც ერთდროულად ისტორიული, მხატვრული და საგანმანათლებლო მნიშვნელობის ნიმუში იყო. ილია ჭავჭავაძის იდეები და მისი ცხოვრების ეპიზოდები სცენაზე გაცოცხლდა არა მხოლოდ ტექსტებით, არამედ სამსახიობო ოსტატობით, მუსიკით, ქორეოგრაფიით, შესანიშნავი კოსტიუმებით და ესთეტიკურად დახვეწილი დეკორაციით. სპექტაკლის დრამატურგია და რეჟისურა, რომელიც მთლიანად მარი თაბაგარის ნამუშევარია, უდავოდ დიდ შრომას მოითხოვდა. მასალების დიდი მოცულობის მიუხედავად, წარმოდგენა ლოგიკურ და ემოციურ მთლიანობად იქცა. რთული იქნებოდა ამხელა ინფორმაციის ერთ წარმოდგენაში განთავსება, თუმცა იგრძნობოდა, როგორც პროფესიონალიზმი, ასევე გულწრფელი სიყვარულით შესრულებული საქმე. ლალი მელივამ, როგორც პროდიუსერმა და სკოლის დირექტორმა, დიდი წვლილი გაიღო, რომ ეს ყველაფერი ერთიან, მაღალხარისხიან წარმოდგენად ქცეულიყო. განსაკუთრებული აღნიშვნის ღირსია მოსწავლეთა შესრულება –მათ მთელი სიცხადით გააცოცხლეს ის ეპოქას, რომელსაც წარმოადგენდნენ. მათი ხმის ტემბრი, ჟესტიკულაცია და სცენური ქმედება იმაზე მეტყველებდა, რომ თითოეულ მათგანს ნამუშევარი ჰქონდა პერსონაჟის როლზე, რომელსაც ასახიერებდა. თითოეულმა მათგანმა განსაკუთრებული შთაბეჭდილება დატოვა, დარწმუნებით, ემოციურად და შინაგანი სიღრმით წარმოადგენდნენ გმირთა სახეებს: ილია წიკლაური,სალომე გულისაშვილი, მარიამ ანთიძე, დემეტრე ლიპარტელიანი, გიორგი ანთიძე, ტაისია ბუჩუკური, დავით გოგოჩაშვილი, ტასო ფორჩხიძე, თეკლა ჩარგეიშვილი, დაჩი კუტუბიძე, ანა მახარობლიძე, ბარბარე ზიბზიბაძე, თეკლა შანიძე, ვატო რაზმაძე და გაბრიელ ჯიბლაძე. შთამბეჭდავი იყო სპექტაკლში მუსიკა და ქორეოგრაფია. ნინო ბიბილურის მუსიკალური ხელმძღვანელობით შესრულებული კომპოზიციები ქმნიდა სათანადო განწყობასა და ხაზს უსვამდა ეპოქის სულიერ მხარეს, ხოლო ნათია ხუჭუას ქორეოგრაფია ბუნებრივად ერწყმოდა სანახაობას. სპექტაკლის ერთ-ერთი ყველაზე ღირებული ელემენტი იყო ის, რომ აქ მოზარდები არამარტო თამაშობდნენ, არამედ თავადაც სწავლობდნენ. მათთვის ეს იყო არა უბრალოდ როლის შესრულება, არამედ ლიტერატურის, ისტორიის, ეროვნული იდეალებისა და ილიასეულ მსოფლმხედველობის გაცნობიერება. სპექტაკლი ,,ჩემო კარგო ქვეყანავ!" იმაზე მეტია, ვიდრე ერთი სასკოლო წარმოდგენა. ეს არის მაგალითი იმისა, როგორ შეიძლება თეატრმა ხელი შეუწყოს თაობების კულტურულ და სულიერ განათლებას. საქართველოს განათლების სივრცეში ასეთი ინიციატივები ნამდვილად უნდა გახდეს უფრო ხშირი. _ აღნიშნეს მოწვეულმა სტუმრებმა, რომლებიც აღფრთოვანებას ვერ მალავდნენ წარმოდგენის დასასრულს - ,,როგორც მაყურებელი, დარბაზში ყოფნისას გრძნობ, რომ ეს არ არის მხოლოდ სცენაზე გათამაშებული ისტორია – ეს არის ცოცხალი მესიჯი, რომელსაც ეს ბავშვები მომავალს გადასცემენ. ასეთი წარმოდგენები გვაძლევს იმედს, რომ ეროვნული კულტურის ფუნდამენტი მტკიცედ დგას და მისი გამგრძელებლები ღირსეული თაობაა.
სრულად
06 მარტი 2025 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში მე-10 კლასის მოსწავლეები ქართული ენისა და ლიტერატურის გაკვეთილზე განსაკუთრებული გამოცდილების მონაწილენი გახდნენ – მათ ნახეს ,,ვეფხისტყაოსნის" ანიმაციური ეკრანიზაცია, რომელიც შოთა რუსთაველის უკვდავი პოემის უკეთესად შესწავლაში დაეხმარებათ. ქართულის მასწავლებელმა, სოფიკო გორგილაძემ, სწავლების ამგვარი მეთოდი გამოიყენა, რადგან მოსწავლეები ანიმაციის, კინოსა და ქართული კულტურის ნიმუშებს ეზიარონ.IMDB რეიტინგი: 9.4ხანგრძლივობა: 1სთ 52წთტექნიკა: როტოსკოპია – პირველი სრულმეტრაჟიანი ქართული ანიმაცია ამ სტილში! ქართული ლიტერატურის სწავლება ყოველთვის მოითხოვს ინოვაციურ მიდგომებს, რათა მოსწავლეებისთვის ,,ვეფხისტყაოსანი" მხოლოდ პროგრამულ ტექსტად არ დარჩეს, არამედ ცოცხალ, ვიზუალურად აღსაქმელ და შთამაგონებელ ამბად იქცეს. მირზა პაპუნა დავითაიას ანიმაციური ფილმი ამის მაგალითია. როტოსკოპული ტექნიკის გამოყენება ამაღლებს ვიზუალური შთაბეჭდილების ხარისხსა და გმირებს რეალისტურ მოძრაობას ანიჭებს. განსაკუთრებით აღსანიშნავია ნიაზ დიასამიძისა და იზა ლილუაშვილის მუსიკალური გაფორმება, რომელიც პოემის სულისკვეთებას იდეალურად ეხმიანება.მოსწავლეებისთვის მსგავსი აქტივობები კულტურულ და ინტელექტუალურ ჰორიზონტებს აფართოებს – ისინი არა მხოლოდ კითხულობენ, არამედ ხედავენ, გრძნობენ და განიცდიან "ვეფხისტყაოსნის" სამყაროს. სასკოლო სივრცეში მსგავსი ინიციატივები წახალისებულია! რაც მოიაზრებს: კლასიკური ლიტერატურის სწავლების ინოვაციურ მიდგომას;ვიზუალური აღქმის გაძლიერებასა და ემოციური კავშირის გაღრმავებას;ხელოვნების მრავალმხრივი აღქმის უნარის განვითარებას.
სრულად
04 მარტი 2025 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში ქართული ენისა და ლიტერატურის მასწავლებლის მარინა ტოხიშვილის ინიციატივით ჩატარდა დედის დღისადმი მიძღვნილი ლიტერატურული საღამო - IV ბ კლასის მოსწავლეების მონაწილეობით. ღონისძიება იყო განსაკუთრებული და ემოციური. ბავშვებმა გამოხატეს უდიდესი სიყვარული და პატივისცემა დედებისადმი. შემოქმედებითი მიდგომა: მოსწავლეების მიერ ქართველი კლასიკოსების ლექსებისა და წერილების წაკითხვა იყო შესანიშნავი საშუალება, რომ გაეცნოთ და გაეანალიზებინათ დედის არსი ქართულ ლიტერატურაში. ნინო ბიბილურის აკომპანიატორობით შესრულებული მუსიკალური ნომრები საღამოს კიდევ უფრო მეტ სილაღესა და ემოციურობას მატებდა. ბავშვებმა შესანიშნავად წარმოაჩინეს დეკლამაციური ნიჭი, რაც განსაკუთრებული ემოცია გამოიწვია დარბაზში მყოფი დედების. ღონისძიება იყო ორგანიზებული, რაც აისახა გულთბილ და ამაღლებულ ატმოსფეროში. სკოლის დირექტორის, ადმინისტრაციის წარმომადგენლებისა და ქართული ენისა და ლიტერატურის კათედრის ხელმძღვანელის დასწრება ღონისძიებას განსაკუთრებულ მნიშვნელობას ანიჭებდა. ღონისძიების დასასრულს, მოსწავლეების მიერ შექმნილი ნამუშევრები სასაჩუქრე შეფუთვითა და ყვავილების თაიგულით გადაეცათ მშობლებს. მარინა ტოხიშვილის მიერ ორგანიზებული ლიტერატურული საღამო იყო წარმატებული და დასამახსოვრებელი ღონისძიება, რომელმაც აჩვენა მოსწავლეების სიყვარული და პატივისცემა დედებისადმი.
სრულად
01 მარტი 2025 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში „მასლენიცას“ დღესასწაული აღნიშნეს! მე-5 კლასის მოსწავლეებმა აღმოსავლეთ სლავური ხალხური ტრადიცია – „მასლენიცა“ – გააცოცხლეს მინი სპექტაკლით, ცეკვა-სიმღერითა და კოსტუმირებული სანახაობით. ღონისძიება მხიარულ და თბილ გარემოში ჩატარდა, სადაც მუსიკალური აკომპანიმენტები და კულინარიული პროდუქტი არავის დატოვებდა გულგრილს. მოსწავლეებმა ბლინებით, გაზაფხულის მოლოდინითა და სიხარულით გააცილეს ზამთარი. ღონისძიების ორგანიზატორმა, რუსული ენისა და ლიტერატურის პედაგოგიმა, ემილია ჭუჭულაშვილმა აღნიშნა, რომ ,,ეს აქტივობა სკოლისთვის სხვადასხვა ქვეყნების კულტურის გაცნობის მნიშვნელოვანი ტრადიციაა, რადგან გვჯერა, რომ მრავალფეროვანი ცოდნა დაეხმარება მოსწავლეებს მიღებული ინფორმაციის გააზრებასა და დახარისხებაში".
სრულად
24 მარტი 2025 წელი
საქართველოს საპატრიარქოს წმინდა ნინოს სახელობის მართლმადიდებლური სკოლის ფიზიკის მასწავლებლის ირმა წითაძის უშუალო ჩართულობითა და მითითებით, მე-7 კლასელმა მოსწავლეებმა, სასწავლო პროგრამის ფარგლებში შეასრულეს შემდეგი ტიპის აქტივიბა: საკვანძო შეკითხვა - როგორ შევქმნათ პოსტერი, სადაც აღვწერთ თოვლის პაპას მოძრაობის პროცესს, და წარმოვადგენთ მისი მახასიათებელი ფიზიკური სიდიდეების დამოკიდებულებას ცხრილებისა და გრაფიკების საშუალებით. დავალების მიზანი იყო: შექმნათ პოსტერი, სადაც აღწერდნენ თოვლის პაპას მოძრაობის პროცესს და წარმოადგენდნენ მისი მახასიათებელი ფიზიკური სიდიდეების დამოკიდებულებას ცხრილებისა და გრაფიკების საშუალებით. ზოგადად, სასწავლო აქტივობა ძალიან საინტერესოა და აერთიანებს, როგორც ფიზიკის, ისე შემოქმედებითი აზროვნების ელემენტებს. იგი ხელს უწყობს მოსწავლეების ანალიტიკური და პრეზენტაციის უნარების განვითარებას. 1. მულტიდისციპლინარული მიდგომის თვსლსაზრისით, აქტივობა აერთიანებს ფიზიკას, გრაფიკულ დიზაინს და შემოქმედებით აზროვნებას, რაც ხელს უწყობს ცოდნის გაღრმავებას სხვადასხვა მიმართულებით. 2.მოცემული სცენარი რეალურ სიტუაციაზეა დაფუძნებული, რაც ეხმარება მოსწავლეებს ფიზიკის კონცეფციების უკეთ გააზრებაში. 3.ცხრილებისა და გრაფიკების გამოყენება მოსწავლეებს აძლევს შესაძლებლობას, უკეთ აღიქვან ფიზიკური სიდიდეების (სიჩქარე, დრო, მანძილი) ურთიერთკავშირი. 4. მოსწავლეებს მიეცათ დავალება, რომელიც მოითხოვდა სტრატეგიული დაგეგმვის უნარს და ინფორმაციის ორგანიზებულად წარმოდგენას. 5. ის ხელს შეუწყობს მოსწავლეებს ურთიერთთანამშრომლობისა და იდეების გაზიარების უნარის განვითარებაშიმასწავლებელმა მოსწავლეებს, მიაწოდა დეტალური ინსტრუქციები, როგორ უნდა შეედგინათ გრაფიკები და რომელი ფიზიკური სიდიდეები უნდა წარმოედგინათ. ეს აქტივობა ეფექტურად აერთიანებს ფიზიკის კონცეფციებსა და შემოქმედებით მიდგომას. მისი შესრულება ხელს უწყობს, მოსწავლეებში, გააზრებით სწავლებას და მოტივაციას. გარკვეული დეტალების დამატებითა და ინსტრუქციების დაზუსტებით, აქტივობა კიდევ უფრო საინტერესო და სასარგებლო აღმოჩნდა.
სრულად
21 თებერვალი 2025 წელი
საქართველოს საპატრიარქოს წმინდა ნინოს სახელობის მართლმადიდებლური სკოლის მოსწავლეებმა მონაწილეობა მიიღეს ინტელექტუალური თამაში ,,წიგნების თაროს" შესარჩევ კონკურსში. შიდასასკოლო ტურის შედეგ უფრო რთული, გასაუბრებების ეტაპი გაიარეს და თაროულ ოჯახს, ჩვენი სკოლის მოსწავლეთა სამეულიც შეემატა: სანდრო კირკიტაძე, რეზი ახვლედიანი, თორნიკე კუტუბიძე. ზოგადად, ამგვარ პროექტებში მონაწილეობა არა მხოლოდ საგანმანათლებლო პროცესის ნაწილია, არამედ უნიკალური შესაძლებლობაა მოსწავლეებისთვის, რომ განვითარდნენ, გაიღრმავონ ცოდნა და შეიძინონ ახალი უნარები. სხვადასხვა თემაზე მუშაობა და კითხვა მოსწავლეებს ეხმარება, გახდნენ უფრო ინფორმირებულები და კრიტიკულად მოაზროვნეები. გუნდური მუშაობა უვითარებს კომუნიკაციის, თანამშრომლობისა და ლიდერობის უნარებს. პროექტში ჩართვა ნიშნავს კონკურენციას, ახალი გამოწვევების მიღებასა და პიროვნულ ზრდას. ასეთი გამოცდილება მოსწავლეებს აძლევს მოტივაციას და ხსნის ახალ პერსპექტივებს აკადემიური თუ პირადი განვითარებისთვის. ყველას, ვინც შეუერთდა XV სასკოლო სეზონს, ვუსურვებთ წარმატებებს საინტერესო და შემეცნებით გზაზე!
სრულად
12 თებერვალი 2025 წელი
ინტელექტუალური თამაში „რა? სად? როდის?“ ცოდნის, ლოგიკური მსჯელობისა და გუნდური მუშაობის საუკეთესო კომბინაციაა წარმატებისთვის. საქართველოს საპატრიარქოს წმინდა ნინოს სახელობის მართლმადიდებლური სკოლა -ში ჩატარებული შიდასასკოლო ტური, რომელიც შემოდგომა-ზამთრის სეზონის ფარგლებში გაიმართა, გამორჩეული ინიციატივა აღმოჩნდა, როგორც მოსწავლეებისთვის, ასევე პედაგოგებისთვის. თამაშის ორგანიზატორი, პედაგოგი გუგა ბენდელიანი, შეუდარებელი ენერგიითა და მონდომებით ჩაერთო პროცესში, რამაც კიდევ უფრო საინტერესო და დინამიკური გახადა შეჯიბრი. ტურნირში მონაწილეობდნენ სხვადასხვა ასაკობრივი ჯგუფის მოსწავლეები, რაც კიდევ ერთხელ უსვამს ხაზს ინტელექტუალური თამაშების უნივერსალურ ხასიათს. თითოეულმა გუნდმა გამოავლინა მახვილგონიერება, ანალიტიკური აზროვნება და ლოგიკური კავშირების დანახვის უნარი. ზოგიერთი შეკითხვა მოსწავლეებმა ინტუიციით ამოხსნეს, ზოგზე კი სიღრმისეული მსჯელობა დასჭირდათ. აღსანიშნავია, რომ შეჯიბრში მონაწილეობამ არა მხოლოდ ინტელექტუალური გამოცდილება შესძინა მათ, არამედ განუვითარა გუნდური მუშაობის უნარი, სტრესულ სიტუაციებში გადაწყვეტილებების მიღების უნარი და კრიტიკული აზროვნება. თამაშის მსვლელობისას იგრძნობოდა მოზარდების აღტაცება და მოტივაცია, რაც კიდევ ერთხელ ამტკიცებს, რომ ასეთი ტიპის შეჯიბრებები განათლების პროცესში უმნიშვნელოვანეს როლს ასრულებს. სკოლაში ჩატარებული „რა? სად? როდის?“ კიდევ ერთი დასტურია იმისა, რომ ინტელექტუალური თამაშები საგანმანათლებლო პროცესის განუყოფელი ნაწილია. ისინი არა მხოლოდ ცოდნის გაღრმავებას უწყობენ ხელს, არამედ მოსწავლეებს უვითარებენ მნიშვნელოვან უნარებს, რაც მათ მომავალში აუცილებლად გამოადგებათ. სკოლაში მსგავსი ტურნირები სისტემატურად ჩატარდება და უფრო მეტ მოსწავლეს მიეცემა შესაძლებლობა, გამოავლინოს თავისი ინტელექტუალური პოტენციალი.
სრულად
12 თებერვალი 2025 წელი
სოციალური საწარმო „კუბი კონტექსტში“ სივრცეა, სადაც იდეები ცოცხლდება, ცოდნა იზრდება და გამოცდილება ახალ ფორმებს იღებს. საქართველოს საპატრიარქოს წმინდა ნინოს სახელობის მართლმადიდებლური სკოლი VIIა და VIIბ კლასის მოსწავლეები დამრიგებლებთან – ნინო ბიბილურთან, ირინე კვანჭიანთან და ისტორიისა და სამოქალაქო განათლების პედაგოგთან, ირმა კვანჭიანთან ერთად, დაესწრნენ შემეცნებით ლექციას კინოს ისტორიაზე. როგორ დაიბადა კინო?ეს კითხვა, რომელიც თითქოს მარტივი ჩანს, სინამდვილეში ბევრ უცნობ დეტალს მალავს. ლექციის განმავლობაში მოსწავლეები გაეცნენ იმ ექსპერიმენტებს, რომლებმაც სტატიკური ფოტოები მოძრაობაში მოიყვანეს, და აღმოაჩინეს, როგორ დაიბადა კინო, რომელსაც დღეს დიდი ინტერესით ვუყურებთ.ძმები ლუმიერები – პირველმა „ოპერატორებმა“, რომლებმაც სამყარო მოძრავ კადრებში გამოიხატეს.ჟორჟ მელიესი – ადამიანი-ორკესტრი, კინოს მაგიის ფუძემდებელი.ეადვერდ მაიბრიჯი – პიონერი, რომელმაც ფოტოები „გააცოცხლა“. ლექციას თან ახლდა დოკუმენტური ფილმის ჩვენება, სადაც მოსწავლეებმა ამ ისტორიული ფიგურების ნამუშევრები იხილეს. მათთვის განსაკუთრებით შთამბეჭდავი აღმოჩნდა პირველი ფილმების ნახვა, ანიმაციები და ის გასაოცარი ექსპერიმენტები, რომლებმაც კინემატოგრაფის განვითარებას ჩაუყარა საფუძველი. კინო – უდიდესი სათამაშო კაცობრიობის ხელშილექციის მსვლელობისას VII კლასელებმა არა მხოლოდ მოისმინეს საინტერესო ფაქტები, არამედ აქტიურად ჩაერთნენ დისკუსიაში. მათ შეძლეს, განესაზღვრათ კინოს სხვადასხვა ჟანრი, გაეაზრებინათ მისი განვითარების ეტაპები იყო შთაბეჭდილებები ემოციურად გაეზიარებინათ, რადგან კინო უბრალო გასართობი არ არის – ხელოვნებაა, რომელიც დროის, კულტურისა და ტექნოლოგიის სინთეზით იქმნება. ასეთი შეხვედრები მოსწავლეებს აძლევს შესაძლებლობას, ცოდნას ახალ პერსპექტივაში შეხედონ, გაიგონ, საიდან იწყება ის, რაც დღეს ჩვენი ყოველდღიურობის განუყოფელი ნაწილია, და, რაც მთავარია, მოტივაცია მიიღონ ახალი აღმოჩენებისთვის.„კუბი კონტექსტში“ – ადგილი, სადაც ისტორია ცოცხლდება!
სრულად
05 თებერვალი 2025 წელი