02 ივნისი 2023 წელი
სიახლეები
02 ივნისი 2023 წელი
01 ივნისი 2023 წელი
საქართველოს საპატრიარქოს წმინდა ნინოს სახელობის მართლმადიდებლური სკოლა დიდი სიამაყით და სიხარულით ულოცავს მე-6ბ კალსის მოსწავლე - თეკლა კვანჭიანს ტელესკოლის მათემატიკის ონლაინ ოლიმპიადაზე ბრწყინვალე გამარჯვებას. საზეიმო დაჯილდოება გაიმართა, საზოგადოებრივი მაუწყებლის ეთერით, სადაც რჩეულ სამეულს გადასცეს გამარჯვების მედლები და სამახსოვრო საჩუქრები. მათემატიკის ონლაინ ოლიმპიადა წელს მეორედ ჩატარდა. ამ ორი წლის განმავლობაში მონაწილეობა7 000-მდე მოსწავლემ მიიღო. წელსაც და შარშანაც ოლიმპიადა ციფრულ სივრცეში 1TVplay-ზე მიმდინარეობდა. სკოლის ადმინისტრაცია ამ გამარჯვებას ულოცავს თეკლას მათემატიკის მასწავლებელს ირმა წითაძეს. სამომავლოდ უსურვებს მრავალი წარმატებული მოსწავლის აღზრდას.
სრულად
01 ივნისი 2023 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში გაიმართა სკოლის შემოქმედებითი ანსაბლის კონცერტი. კონერტის აკომპანიატორმა და ხელმძღვანელმა ნინო ბიბილურმა უდიდესი პროფესიონალური დონით, განსხვავებულ ასაკობრივ ჯგუფებთან ერთად წარმოადგინა სხვადასხვა ჟანრის მუსიკალური ნაწარმოები. ბავშვებმა ოსატურად შეასრულეს სიმღერები და დაუკრეს ქართულ-ხალხურ საკრავეზე. კონცერტს ესწრებოდნენ სკოლის ადმინისტრაცია, პედაგოგები, მოწვეული ექსპერტები და მშობლები .
სრულად
27 მაისი 2023 წელი
საქართველოს საპატრიარქოს წმინდა ნინოს სახელობის მართლმადიდებლური სკოლის 1ბ კლასის პედაგოგმა მარიამ დავითიძემ გაზაფხულის დღეებთან დაკავშირებით, პატარები სახალისო აქტივობაში ჩააბა. ფერადი ქაღალდისგან შექმნილმა მზემ შესანიშნავი განწყობა შექმნა და მეტი ინტერესი შეიტანა საგაკვეთილო მუშაობის პროცესში. პედაგოგის დახმარებით, მოსწავლეები დიდი რუდუნებით არჩევდნენ სხივთა ფერებს და ფაქიზად აწებებდნენ რიგითობით. ამგვარი კოლაბორაცია ამ ასაკის ბავშვებში მეტად საჭიროა, რადგან გამოუმუშავდეთ ფერების ზუსტი აღქმა და მათი სწორად შეხამების ესთეტიკა. საბოლოოდ, მარიამ მასწავლებელმა, საყვარელ ბავშვებთან ერთად მიიღო ის შესანიშნავი სანახაობა, რასაც დიდი ჟრიამული მოჰყვა.
სრულად
26 მაისი 2023 წელი
იუსტიციისა და სამოქალაქო ინტეგრაციის საკითხებში აფხაზეთის მინისტრის აპარატი და საქართველოს საპატრიარქოს წმინდა ნინოს სახელობის მართლმადიდებლური სკოლა 2022 წლიდან დღემდე უკვე მეორედ ახორცოელებს ერთობლივ პროექტს -,,ჩვენი დროის მშვიდობისმყოფელები“. პროექტის გენერალური სპონსორი და სრული მხარდამჭერი გახლავთ მინისტრი ნანა გაბელია, რომლის უშუალი ინიციატივით გაზაფხულის სესია ჩატარდა ეთნოგრაფიის მუზეუმში, ღია ცის ქვეშ. პროგრამის მიმდინარეობისას წმინდა ნინოს სახელობის მართლმადიდებლური სკოლისა და სსიპ მიხეილ გრუშევსკის სახელობის ქ. თბილისის N41 საჯარო სკოლის მოსწავლეებმა ერთობლივად იმუშავეს და 26 მაისისადმი მიძღვნილ თემატიკაზე საინტერესო მხატვრული ტილოები შექმნეს. ასევე, წმინდა ნინოს სახელობის მართლმადიდებულური სკოლის ხალხური შემოქმედების ანსამბლმა ნინო ბიბილურის ხელმძღვანელობით იმღერეს ჩვენი ქვეყნის სხვადასხვა კუთხეებისთვის დამახასითებული ფოლკლორის შედევრები. წმინდა ნინოს სკოლის მოსწავლეებმა სახვითი ხელოვნების პედაგოგების მარიამ მჟავიას და მარი დავითიძის კოორდინაციით შექმნეს ესკიზები ქვეყნის დამოუკიდებლობის თემებზე. ანასტასია ციცქიშვილმა, ნინი მახაშვილმა, ნია პაპაშვილმა, ლიზი პაპაშვილმა, ნატალი ქობელაშვილმა, სალომე გულისაშვილმა, ნინი ქარელიძემ, ელი ჩხაიძემ, მარიამ მეტრეველმა და კესო თორდიამ უკრაინელ თანატოლებთან კოლაბორაციით შექმნეს შესანისშნავი მხატვრული ტილოები. ღონისძიებას აფხაზეთის ფინანსთა და ეკონომიკის მინისტრი ლევან თევზაია, იუსტიციისა და სამოქალაქო ინტეგრაციის საკითხებში აფხაზეთის მინისტრის პირველი მოადგილე გიორგი გაბედავა, წმინდა ნინოს სახელობის მართლმადიდებლური სკოლის ფილოლოგი სოფიკო გორგილაძე, მუსიკალური გუნდის ხელმძღვანელი ნინო ბიბილური, სახვითი ხელოვნების პედაგოგი მარი დავითიძე, მინისტრის აპარატის თანამშრომლები და მოწვეული სტუმრები ესწრებოდნენ. #26მაისიგილოცავთ საქართველოს დამოიკიდებლობის დღეს
სრულად
20 მაისი 2023 წელი
დღეს წმინდა ნინოს სახელობის სკოლაში გაიმართა პოეტ მანანა ჩიტიშვილის შემოქმედებითი საღამო. ეს იყო პოეზიის დღესასწაული, მართალი, გულში ჩამწვდომი სიტყვის, სულიერების, დიდსულოვნების, ცხოვრების ქარტეხილებთან შეჭიდების და მარადიულ ფასეულობებთან თვალის გასწორების გულწრფელი ეპიზოდები. ქართული ენისა და ლიტერატურის პედაგოგებმა ირინე კვანჭიანმა და ლეილა თვალაბეიშვილმა მე-6 და მე-4 კალსის მოსწავლეებს ისეთი შთაგონება და პოეზიის სიყვარული შთაუნერგეს, რომ სხვაგვარად შეუძლებელი იყო. პოეტის რჩეული პატრიოტული ლექსები მოსწავლეებმა წაიკითხეს საოცარი დეკლამაციით, გულიდან გაჟღერებული სტრიქონებით. გრძნობებისა და ემოციების ტალღა არამხოლოდ პატარა მსახიობებს, მთელ დარბაზსს მაგიურად მოედო და მონუსხულ პუბლიკას გულწრფელი ცრემლები აღვრევინა. ცოტა მოგვიანებით, ქალბატონმა მანანამ დიდი ემოციით აღნიშნა:,, დასამახსოვრებელი, მართლა საოცარი ბავშვები და პედაგოგები, სკოლის დირექცია_ყველა ერთსულოვანი, მაღალი სულიერებით აღბეჭდილი, ერთად შეკრული... მთხრობლადაც საინტერესონი და მსმენელადაც საუკეთესონი, თვალებში არეკლილი ცრემლებით და მძაფრი ემოციებით....და იყო პოეზია... იყო სულის ზეიმი. იყო საქართველო ტკივილიანი სიყვარულით...ასეთი ბავშვები, ამგვარი განცდა, ასეთ უტკბილეს ხმებში შესრულებული საგალობლები..._ვერც გაოცებას ვმალავდი, ვერც სიხარულს. ეს ის ჟამი იყო, უნებლიედ რომ აღმოგხდება: ,,როგორი მშვენიერია ზოგჯერ მოდგომა ცრემლისა". ასე ერთიანი სულისკვეთებით შეკრული საუცხოო პედაგოგიური კოლექტივი, ამნაირად სულხორციანად "მწერლობით შეპყრობილი" ქართულის მასწავლებლები, ერთად არც მინახავს’’. ირინე კვანჭიანი კი ემოციურად აღნიშნავდა ,, ქალბატონი მანანას პოეზიის ყველა სიტყვა, ყველა -ფრაზა, ყველა- ბგერა, იმდენად დიდია და საქართველოს სიყვარულით გაჯერებული, ვთვლი, რომ ამ შემოქმედების ბავშვებამდე მიტანით ნახევარი აგურით მეც შევეწიე ჩემს ქვეყანას . დიდი მადლობა თქვენ, ქალბატონო მანანა,მადლობა რომ თქვენი პოეზია მაძლევს ძალას და იმედს იმისას,რომ საქართველოს ისტორიას დავიწყება არ უწერია!,,რა იქნებოდა, რომ ჩვენთა დედათსულიცა თქვენი გამოჰყოლოდათ?!ვინღა ჰყავს გულის შემატკივარიმამულს ასული ახლა თქვენგვარი?ქარმან ჩ რ დ ი ლ ო ს მ ა ნყველაზედ პირველგარდაუცვალა მათ გული ცხოველ!" სკოლის დირექტორმა ლალი მელივამ მოწვეული სტუმრის და მოსწავლეების მიმართ სიკეთით და მადლიერებით სავსე სიტყვები წარმოსთქვა. პოეზიის საღამოს მუსიკალური რედაქტორი გახლდათ ნინო ბიბილური, აქტიური მხარდამჭერი და ორგანიზატორი ირმა კვანჭიანი, დარბაზი მხატვრულად გააფორმა მარი მჟავიამ.
სრულად
18 მაისი 2023 წელი
საქართველოს საპატრიარქოს წმინდა ნინოს სახელობის სკოლაში მოსწავლეთა განვითარებასა და მომავალ წარმატებაზე პროფესიონალი პედაგოგები ზრუნავენ. ამჯერად , მე-6ა კლასის მოსწავლეებმა დავალება - "ჩემი უბანი თბილისში" შეასრულეს. მათ შესაძლებლობები გამოავლინეს, დრო ნაყოფიერად გაატარეს და არაჩვეულებრივი ნამუშევრები მოამზადეს. განხორციელებულ აქტივობაზე პედაგოგი სოფო გორგილაძე გვიყვება. "ეს ის თაობაა, რომელიც გულწრფელად და დაუფარავად გამოხატავს საკუთარ ემოციებს - სიყვარულს, სიხარულს, პატივისცემას, გაბრაზებას, აღტაცებას და რაც მთავარია, შემოქმედებითი აზროვნების დიდი ნიჭი აქვთ. "ჩემი უბანი თბილისში" ეს ერთ-ერთი რიგითი დავალება იყო მე-6ა კლასის მოსწავლეებისთვის. ზოგმა თავი არ დაზოგა - ქაღალდის საინფორმაციო ველი ვერ იტევდა მოძიებულ მასალას. ზოგმა ფანქრით მოხატა და ზოგმაც საწერი კალმით, უმეტესმა დახატა და რაც მთავარია, ქარლდზე გადატანილი ინფორმაცია ისე საინტერესოდ წარმოადგინეს, რომ აღტაცებული ვუსმენდი. წაკითხულის გააზრება, თხრობა, აუდიტორიის წინაშე ინფორმაციის საინტერესოდ წარდგენა, ისე მოახერხეს, რომ ერთი წუთთ არ გამნელებია ინტერესი. მახარებს თქვენი მონდომება და შემართება, წარმატებებს გისურვებთ, ჩემო ჭკვიანო ბავშვებო - ნანუკა, მარიამ, თუთა, თორნიკე, ლიზი, ანასტასია, ელენე, გიორგი, თემო, ტასო, მარიამ, მარი და ნია - მადლობელი ვარ ასეთი ფაქიზი დამოკიდებულებისთვის", წერს პედაგოგი სოფო გორგილაძე.
სრულად
19 მაისი 2023 წელი
ბოლო ზარი წმინდა ნინოს სახელობის სკოლაში.წარმატება ჩვენს მოსწავლეებს პირად და საზოგადოებრივ საქმიანობაში.
სრულად
15 მაისი 2023 წელი
ტელესკოლის მიერ ორგანიზებულ ოლიმპიადაში წელს სულ 3225 მოსწავლე მონაწილეობდა. წმინდა ნინოს სახელობის სკოლის VI კლასის მოსწავლე თეკლა კვანჭიანი კონკურსის 4 ტურის შემდეგ 108 ნახევარფინალისტის ოცეულში იყო, გუშინ ამ ნიჭიერ მოსწავლეებს #სეუ-მ უმასპინძლა. 2 საათში 15 ამოცანა უნდა ამოეხსნათ, მათგან საუკეთესო შედეგის მქონე 30 მონაწილე გადადიოდა ფინალში, აღმოჩნდა, რომ თეკლამ საუკეთესო ფინალისტების ათეულში გადაინაცვლა! წმინდა ნინოს სახელობის სკოლა ულოცავს თეკლას ღირსეულ გამარჯვებას, მან ურთულესი გზა ღირსეულად გაიარა და მომავალშიც მრავალი მწვერვალი დაეპყროს.
სრულად
04 მაისი 2023 წელი