21 თებერვალი 2025 წელი
სიახლეები
21 თებერვალი 2025 წელი
12 თებერვალი 2025 წელი
ინტელექტუალური თამაში „რა? სად? როდის?“ ცოდნის, ლოგიკური მსჯელობისა და გუნდური მუშაობის საუკეთესო კომბინაციაა წარმატებისთვის. საქართველოს საპატრიარქოს წმინდა ნინოს სახელობის მართლმადიდებლური სკოლა -ში ჩატარებული შიდასასკოლო ტური, რომელიც შემოდგომა-ზამთრის სეზონის ფარგლებში გაიმართა, გამორჩეული ინიციატივა აღმოჩნდა, როგორც მოსწავლეებისთვის, ასევე პედაგოგებისთვის. თამაშის ორგანიზატორი, პედაგოგი გუგა ბენდელიანი, შეუდარებელი ენერგიითა და მონდომებით ჩაერთო პროცესში, რამაც კიდევ უფრო საინტერესო და დინამიკური გახადა შეჯიბრი. ტურნირში მონაწილეობდნენ სხვადასხვა ასაკობრივი ჯგუფის მოსწავლეები, რაც კიდევ ერთხელ უსვამს ხაზს ინტელექტუალური თამაშების უნივერსალურ ხასიათს. თითოეულმა გუნდმა გამოავლინა მახვილგონიერება, ანალიტიკური აზროვნება და ლოგიკური კავშირების დანახვის უნარი. ზოგიერთი შეკითხვა მოსწავლეებმა ინტუიციით ამოხსნეს, ზოგზე კი სიღრმისეული მსჯელობა დასჭირდათ. აღსანიშნავია, რომ შეჯიბრში მონაწილეობამ არა მხოლოდ ინტელექტუალური გამოცდილება შესძინა მათ, არამედ განუვითარა გუნდური მუშაობის უნარი, სტრესულ სიტუაციებში გადაწყვეტილებების მიღების უნარი და კრიტიკული აზროვნება. თამაშის მსვლელობისას იგრძნობოდა მოზარდების აღტაცება და მოტივაცია, რაც კიდევ ერთხელ ამტკიცებს, რომ ასეთი ტიპის შეჯიბრებები განათლების პროცესში უმნიშვნელოვანეს როლს ასრულებს. სკოლაში ჩატარებული „რა? სად? როდის?“ კიდევ ერთი დასტურია იმისა, რომ ინტელექტუალური თამაშები საგანმანათლებლო პროცესის განუყოფელი ნაწილია. ისინი არა მხოლოდ ცოდნის გაღრმავებას უწყობენ ხელს, არამედ მოსწავლეებს უვითარებენ მნიშვნელოვან უნარებს, რაც მათ მომავალში აუცილებლად გამოადგებათ. სკოლაში მსგავსი ტურნირები სისტემატურად ჩატარდება და უფრო მეტ მოსწავლეს მიეცემა შესაძლებლობა, გამოავლინოს თავისი ინტელექტუალური პოტენციალი.
სრულად
12 თებერვალი 2025 წელი
სოციალური საწარმო „კუბი კონტექსტში“ სივრცეა, სადაც იდეები ცოცხლდება, ცოდნა იზრდება და გამოცდილება ახალ ფორმებს იღებს. საქართველოს საპატრიარქოს წმინდა ნინოს სახელობის მართლმადიდებლური სკოლი VIIა და VIIბ კლასის მოსწავლეები დამრიგებლებთან – ნინო ბიბილურთან, ირინე კვანჭიანთან და ისტორიისა და სამოქალაქო განათლების პედაგოგთან, ირმა კვანჭიანთან ერთად, დაესწრნენ შემეცნებით ლექციას კინოს ისტორიაზე. როგორ დაიბადა კინო?ეს კითხვა, რომელიც თითქოს მარტივი ჩანს, სინამდვილეში ბევრ უცნობ დეტალს მალავს. ლექციის განმავლობაში მოსწავლეები გაეცნენ იმ ექსპერიმენტებს, რომლებმაც სტატიკური ფოტოები მოძრაობაში მოიყვანეს, და აღმოაჩინეს, როგორ დაიბადა კინო, რომელსაც დღეს დიდი ინტერესით ვუყურებთ.ძმები ლუმიერები – პირველმა „ოპერატორებმა“, რომლებმაც სამყარო მოძრავ კადრებში გამოიხატეს.ჟორჟ მელიესი – ადამიანი-ორკესტრი, კინოს მაგიის ფუძემდებელი.ეადვერდ მაიბრიჯი – პიონერი, რომელმაც ფოტოები „გააცოცხლა“. ლექციას თან ახლდა დოკუმენტური ფილმის ჩვენება, სადაც მოსწავლეებმა ამ ისტორიული ფიგურების ნამუშევრები იხილეს. მათთვის განსაკუთრებით შთამბეჭდავი აღმოჩნდა პირველი ფილმების ნახვა, ანიმაციები და ის გასაოცარი ექსპერიმენტები, რომლებმაც კინემატოგრაფის განვითარებას ჩაუყარა საფუძველი. კინო – უდიდესი სათამაშო კაცობრიობის ხელშილექციის მსვლელობისას VII კლასელებმა არა მხოლოდ მოისმინეს საინტერესო ფაქტები, არამედ აქტიურად ჩაერთნენ დისკუსიაში. მათ შეძლეს, განესაზღვრათ კინოს სხვადასხვა ჟანრი, გაეაზრებინათ მისი განვითარების ეტაპები იყო შთაბეჭდილებები ემოციურად გაეზიარებინათ, რადგან კინო უბრალო გასართობი არ არის – ხელოვნებაა, რომელიც დროის, კულტურისა და ტექნოლოგიის სინთეზით იქმნება. ასეთი შეხვედრები მოსწავლეებს აძლევს შესაძლებლობას, ცოდნას ახალ პერსპექტივაში შეხედონ, გაიგონ, საიდან იწყება ის, რაც დღეს ჩვენი ყოველდღიურობის განუყოფელი ნაწილია, და, რაც მთავარია, მოტივაცია მიიღონ ახალი აღმოჩენებისთვის.„კუბი კონტექსტში“ – ადგილი, სადაც ისტორია ცოცხლდება!
სრულად
05 თებერვალი 2025 წელი
5 თებერვალი განსაკუთრებული დღეა – ეს არის წიგნის საჯაროდ კითხვის დღე, რომელიც მთელი მსოფლიოს მასშტაბით მკითხველებს აერთიანებს. უკვე რამდენიმე წელია ჩვენს სკოლაშიც აღნიშნავენ ამ მნიშვნელოვან ღონისძიებას. წიგნის საჯაროდ კითხვის დღის მიზანია წიგნის მნიშვნელობის გაძლიერება, მოსწავლეებში კითხვის სიყვარულის გაღვივება და მათთვის ლიტერატურის სამყაროს გახსნა. წმ. ნინოს მართლმადიდებლური სკოლა დიდი სიამოვნებით შეუერთდა „საქართველოს წიგნის გამომცემელთა და გამავრცელებელთა ასოციაციის“ მიერ ორგანიზებულ ღონისძიებას და განსაკუთრებული აქტივობები მოაწყო მოსწავლეებისთვის. ჩვენი სკოლის პედაგოგმა, ნინო გაგოევმა, სადამრიგებლო კლასში განსაკუთრებულად აღნიშნა ეს დღე. მან ბავშვებს წაუკითხა ცნობილი ქართველი მწერლის, რევაზ ინანიშვილის მოთხრობები – „ბიბო“ და „გოგონა, რომელსაც ღამე შეუყვარდა“.ინანიშვილის მოთხრობები საოცარი უბრალოებითა და სიღრმით გამოირჩევა – ისინი ბავშვებს ასწავლიან სიკეთეს, მეგობრობასა და ბუნების სიყვარულს. ბავშვები ყურადღებით უსმენდნენ მასწავლებელს, განიხილავდნენ მოთხრობების გმირებს და იმაზეც ფიქრობდნენ, რას ნიშნავს „ღამის შეყვარება“ და როგორ შეიძლება, წიგნმა შეცვალოს ჩვენი მსოფლმხედველობა. წიგნის საჯაროდ კითხვის დღე არა მხოლოდ ერთი დღის ღონისძიებაა – ეს არის პროცესი, რომელიც ბავშვებში წიგნის სიყვარულს და კითხვის კულტურას ნერგავს. პედაგოგი დარწმუნებულია, რომ ასეთ აქტივობებს უდიდესი მნიშვნელობა აქვს – ბავშვები, რომლებიც პატარაობიდან სწავლობენ წიგნის მნიშვნელობას, მომავალშიც აქტიური მკითხველები და მოაზროვნე ადამიანები გახდებიან. წელს წმ. ნინოს მართლმადიდებლური სკოლა წარმატებით შეუერთდა მსოფლიო დღეს, და ვიმედოვნებთ, რომ მომავალ წელს კიდევ უფრო მასშტაბურად ავღნიშნავთ ამ მნიშვნელოვან თარიღს!
სრულად
07 თებერვალი 2025 წელი
ქალაქში ერთ-ერთი გამორჩეული საქართველოს საპატრიარქოს წმინდა ნინოს სახელობის მართლმადიდებლური სკოლა, არაერთი შესანიშნავი მოსწავლის განათლებას ემსახურება. სწორედ აქ გაიმართა თანამედროვე ქართული ლიტერატურისადმი მიძღვნილი შეხვედრა. შეხვედრაზე სკოლას ესტუმრა თანამედროვე ქართველი მწერალი, გივი ჩიღვინაძე , რომელიც მეორე, მესამე, მეხუთე და მეშვიდე კლასის მოსწავლეებს შეხვდა. ბავშვებმა განსაკუთრებული სითბოთი და სიყვარულით მიიღეს სტუმარი. მეორეკლასელებმა მისი საბავშვო წიგნის, „მთებისა და ტყეების ამბები“, მიხედვით დადგმული პიესა წარმოადგინეს. აღსანიშნავია, რომ ზოგიერთი მოსწავლე ერთდროულად რამდენიმე პერსონაჟს ასრულებდა, რაც კიდევ უფრო ამდიდრებდა სპექტაკლის ეფექტს. შეხვედრის განმავლობაში მოსწავლეებმა სხვა ლიტერატურული ნაწარმოებებიდან ლექსები წაიკითხეს და მრავალი საინტერესო კითხვა დასვეს. ისინი განსაკუთრებული ინტერესით მოეკიდნენ თანამედროვე ქართულ ლიტერატურის გაცნობას, რაც მათ სიღრმისეულ ცოდნასა და წიგნებისადმი სიყვარულზე მეტყველებდა. მწერალმა მათ ახალი ნაწარმოებებიც წაუკითხა, გააცნო საავტორო წიგნები და საჩუქრებიც გადასცა, როგორც ბავშვებს, ისე მასწავლებლებს. ღონისძიების ორგანიზატორი სკოლის პედაგოგი, მარი თაბაგარი იყო. სწორედ მისი ძალისხმევითა და მონდომებით მომზადებული მოსწავლეები განსაკუთრებული ცოდნითა და შემოქმედებითი უნარებით გამოირჩეოდნენ. შეხვედრას ასევე ესწრებოდნენ სკოლის აღმასრულებელი დირექტორი ლალი მელივა და სხვა პედაგოგები. ღონისძიება სავსე იყო სითბოთი, სიყვარულითა და ლიტერატურისადმი ინტერესით. მსგავსი შეხვედრები კიდევ ერთხელ მოწმობს, რამდენად მნიშვნელოვანია ახალი თაობისთვის ქართული მწერლობის გაცნობა და წიგნებისადმი სიყვარული.
სრულად
02 თებერვალი 2025 წელი
საქართველოს საპატრიარქოს წმინდა ნინოს სახელობის მართლმადიდებლური სკოლის მასწავლებლები დაესწრნენ ინოვაციური სწავლების ტრენინგ-კურსს, რომელიც განკუთვნილი იყო მათემატიტიკის პედაგოგებისთვის. "Max მათემატიკა" არის სინგაპურის მოდელზე დაფუძნებული მათემატიკის სახელმძღვანელო დაწყებითი კლასებისთვის. სამომავლო პერსპექტივით, მათემატიკის სწავლების ამ მეთოდის დანერგვა, მოსწავლეებში საგნის დაუფლების ინტერესს გაზრდის. ძირითადი მახასიათებლები და უპირატესობები: სინგაპურის მოდელი: ეს მოდელი აღიარებულია, როგორც ერთ-ერთი ყველაზე ეფექტური მათემატიკის სწავლების მეთოდი მსოფლიოში. იგი ხაზს უსვამს მათემატიკური აზროვნების განვითარებას და პრობლემების გადაჭრის უნარების ჩამოყალიბებას. CPA მეთოდი (Concrete, Pictorial, Abstract): ეს მეთოდი გულისხმობს მათემატიკური ცნებების სწავლებას ჯერ კონკრეტული მაგალითების, შემდეგ ვიზუალური წარმოდგენების (სურათები, დიაგრამები) და ბოლოს აბსტრაქტული სიმბოლოების (რიცხვები, ფორმულები) გამოყენებით. ეს უზრუნველყოფს, რომ მოსწავლეებმა საფუძვლიანად გაიგონ მათემატიკური ცნებები და არა მხოლოდ დაიზეპირონ ისინი. 6-საფეხურიანი კურსი: კურსის საფეხმობრივი სტრუქტურა უზრუნველყოფს, რომ მოსწავლეები თანდათანობით და თანმიმდევრულად ითვისებდნენ მათემატიკურ ცოდნას. მასტიმულირებელი და ინტერაქტიული მასალა: სახელმძღვანელო შეიცავს სახალისო და საინტერესო აქტივობებს, რაც ხელს უწყობს მოსწავლეების მოტივაციას და ჩართულობას სასწავლო პროცესში. სკაფოლდინგ მეთოდით აგებული აქტივობები: ეს მეთოდი გულისხმობს, რომ აქტივობები თანდათანობით რთულდება, რაც მოსწავლეებს საშუალებას აძლევს, წარმატებით გაუმკლავდნენ გამოწვევებს და განავითარონ თავიანთი უნარები.ინტეგრირებული შეფასება: შეფასება არის სასწავლო პროცესის განუყოფელი ნაწილი და ხელს უწყობს მოსწავლეების პროგრესის მონიტორინგს. დამოუკიდებელი და გუნდური სწავლების სილაბუსი: სახელმძღვანელო მოიცავს აქტივობებს, რომლებიც ხელს უწყობს როგორც დამოუკიდებელ, ისე გუნდურ მუშაობას. "Story Based" კურიკულუმი: მათემატიკური ცნებები ისწავლება საყვარელი პერსონაჟების დახმარებით, რაც სასწავლო პროცესს უფრო სახალისოსა და მიმზიდველს ხდის ბავშვებისთვის. მიუხედავად იმისა, რომ "Max მათემატიკა" შეიცავს ბევრ ინოვაციურ და ეფექტურ მეთოდს, მნიშვნელოვანია გვახსოვდეს, რომ წარმატება დიდწილად არის დამოკიდებული მოსწავლეების ინდივიდუალურ შესაძლებლობებზე, სწავლისადმი დამოკიდებულებაზე და მასწავლებლის კვალიფიკაციაზე. სახელმძღვანელო, რა თქმა უნდა, მნიშვნელოვან როლს ასრულებს, მაგრამ ის არ არის წარმატების გარანტია. "Max მათემატიკა" არის თანამედროვე და ეფექტური სახელმძღვანელო, რომელიც დაფუძნებულია სინგაპურის მოდელზე და CPA მეთოდზე. იგი შეიცავს ბევრ საინტერესო და სასარგებლო აქტივობას, რაც ხელს უწყობს მათემატიკური აზროვნების განვითარებას და პრობლემების გადაჭრის უნარების ჩამოყალიბებას. თუმცა, მნიშვნელოვანია გვახსოვდეს, რომ წარმატება დიდწილად არის დამოკიდებული სხვა ფაქტორებზეც.
სრულად
01 თებერვალი 2025 წელი
საქართველოს საპატრიარქოს წმინდა ნინოს სახელობის მართლმადიდებლური სკოლის მოსწავლეებმა მნიშვნელოვან მოვლენას უმასპინძლეს. ახალგაზრდა სცენარისტი და სატელევიზიო შოუს "წიგნების თაროს" მონაწილე, ალექსანდრე გუნია, სკოლის მოსწავლეებს ესაუბრა წიგნებისა და ლიტერატურის სიყვარულზე. საინტერესო სტუმარმა შეხვედრაზე აღნიშნა, რომ ტექნოლოგიებით გაჯერებულ რეალობაში, ლიტერატურის მნიშვნელობა უდიდესია. ალექსანდრემ მოსწავლეებს გაუზიარა საკუთარი გამოცდილება: როგორ შეცვალა წიგნის კითხვის პროცესმა მისი ცხოვრება, რა როლი ითამაშა ინტელექტუალურმა პროექტმა - ,,წიგნების თარო"-მ მის პროფესიულ განვითარებაში და რატომ უნდა დარჩეს ლიტერატურა თანამედროვე ადამიანის ყოველდღიურობის ნაწილად. მოსწავლეებისთვის ეს იყო უდიდესი მოტივაცია – არა მხოლოდ იკითხონ მეტი, არამედ დაინახონ, როგორ შეიძლება წიგნებმა უკეთესობისკენ შეცვალოს მათი აზროვნება და მსოფლმხედველობა. შეხვედრის მსვლელობისას, ალექსანდრემ, დამსწრე აუდიტორიას, წიგნების შერჩევის, ლიტერატურული ანალიზისა და მწერლის პროფესიის სირთულეებზე ესაუბრა. გარდა იმისა, რომ მოსწავლეებს გაუჩნდათ შანსი პროექტში მონაწილეობის მიღების, ზოგადად სასკოლო თემთან ამგვარი შეხვედრები შეიძლება გადაიზარდოს უფრო მასშტაბურ პროექტად, თუ ახალგაზრდები, რომლებიც ლიტერატურით ან სხვა შემოქმედებითი სფეროებით არიან გატაცებულნი, თავიანთ გამოცდილებას მოსწავლეებს გაუზიარებენ. შესაძლებელია, მსგავსი შეხვედრების ციკლის ორგანიზება სხვადასხვა- საგნობრივი მიმართულებით, რაც ხელს შეუწყობს ახალი თაობის წიგნიერებისა და კრიტიკული აზროვნების განვითარებას. მოსწავლეების მონაწილეობა მსგავს ინიციატივებში არა კრიტიკულ აზროვნებას ავითარებს, არამედ მათ სოციალურ და პროფესიულ უნარებსაც აძლიერებს. ასეთ პროექტებში ჩართულობა რამდენიმე მნიშვნელოვანი ასპექტით გამოირჩევა: მსგავსი შეხვედრები აჩვენებს, რომ ლიტერატურა მხოლოდ სასწავლო მასალა არ არის, არამედ ცხოვრებისეული გამოცდილებებისა და ემოციების შემცველი ძალაა. მოზარდები ხვდებიან, რომ კითხვა თვითგანვითარების გზაა. წარმატებული ახალგაზრდების პირადი ისტორიების მოსმენა მოზარდებს აძლევს სტიმულს, დაინახონ ლიტერატურასთან, ჟურნალისტიკასთან, სცენარისტობასთან და სხვა შემოქმედებით დარგებთან დაკავშირებული კარიერული პერსპექტივები. მსგავსი შეხვედრები მოზარდებს ეხმარება თავისუფლად გამოხატონ აზრები, დაუსვან კითხვები და გაიღრმავონ ანალიტიკური უნარები. წიგნების განხილვა და დისკუსიები მათ ლოგიკურ და არგუმენტირებულ მსჯელობას უვითარებს. მოსწავლეთა აქტიური ჩართულობით შესაძლებელია ახალი პროექტების ჩამოყალიბება, როგორიცაა ლიტერატურული კლუბები, დისკუსიური ჯგუფები ან თუნდაც მოსწავლეთა მიერ შექმნილი მცირე მასშტაბის გამოცემები, ბლოგები და პოდკასტები. როცა მოსწავლეები ხედავენ, როგორ შეიძლება ლიტერატურამ და კითხვამ რეალურ ცხოვრებაში კარიერული ან პიროვნული წარმატება განსაზღვროს, ეს მათ დამატებით მოტივაციას აძლევს. ისინი იწყებენ წიგნებს არა მხოლოდ ცოდნის წყაროდ, არამედ საკუთარი ოცნებებისკენ სვლის ინსტრუმენტად. ამგვარი პროექტები განათლების მხოლოდ ფორმალურ მხარეზე არ არის ორიენტირებული – ისინი მოზარდებს უყალიბებს ღირებულებებს, ხსნის მათთვის ახალ გზებსა და აძლიერებს შემოქმედებითი აზროვნების უნარს. შედეგად, ასეთი ინიციატივები არა მხოლოდ მოსწავლეებს, არამედ საზოგადოებისთვის სარგებელის მომტანია, რადგან განათლებული, წიგნიერებაზე ორიენტირებული თაობა არის პროგრესის საფუძველი.
სრულად
29 იანვარი 2025 წელი
საქართველოს საპატრიარქოს წმინდა ნინოს სახელობის მართლმადიდებლური სკოლის სამოქალაქო განათლებისც პედაგოგმა ჯუბა თომაძემ თემაზე, „პოლიტიკა და პოლიტიკური კულტურა: რა არის და რას ეხება პოლიტიკა?ჩაატარა ინფორმაციული შეხვედრა, მოსწავლეებთან, რომელიც, შეეხებოდა პოლიტიკის მნიშვნელობას, ძირითად კონცეფციებსა და პოლიტიკურ კულტურას. შეხვედრაზე მოსწავლეებს განემარტათ შემდეგი საკითხები:1. პოლიტიკის არსის გაგება – რა არის პოლიტიკა, როგორია მისი როლი საზოგადოებაში და როგორ უკავშირდება ყოველდღიურ ცხოვრებას.2. პოლიტიკური კულტურის მნიშვნელობა – როგორ განისაზღვრება პოლიტიკური კულტურა, რა ფაქტორები აყალიბებს მას და როგორ მოქმედებს დემოკრატიულ პროცესებზე.3. თუ როგორ შეუძლიათ, როგორც მოქალაქეებს, გავლენა მოახდინონ პოლიტიკურ პროცესებზე.4. პოლიტიკურ პროცესებში ჩართულობის წახალისება – როგორ შეუძლიათ მონაწილეობა მიიღონ დემოკრატიულ პროცესებში, როგორ მუშაობს პოლიტიკური სისტემა და რა უფლებები და მოვალეობები აქვთ. ამგვარი შეხვედრები და საუბრები მოსწავლეებს დაეხმარება, უკეთესად გაიგონ პოლიტიკისა და დემოკრატიის მექანიზმები. გაუმარტივდებათ საარჩევნო პროცესების, პოლიტიკური გადაწყვეტილებებისა და მათი გავლენის გააზრება. განუვითარებათ მოქალაქეობრივი პასუხისმგებლობა და ჩართულობის სურვილი. დაეხმარება კრიტიკულად შეაფასონ პოლიტიკური მოვლენები და მედიის მიერ გავრცელებული ინფორმაცია. მოამზადებს მათ, მომავალი საზოგადოებრივი და პოლიტიკური ცხოვრებისათვის.
სრულად
06 იანვარი 2025 წელი
საქართველოს საპატრიარქოს წმინდა ნინოს სახელობის მართლმადიდებლურმა სკოლამ 2024-2025 სასწავლო წლის პირველ სემესტრში მნიშვნელოვანი ნაბიჯები გადადგა მოსწავლეთა მრავალმხრივი განვითარებისა და პიროვნული ზრდის მიმართულებით. დღეს, მთელი მსოფლიო რთული გამოწვევების წინაშე დგას, არც ჩვენი ქვეყანაა გამონაკლისი, სკოლამ შეძლო სასწავლო პროცესის სრული მობილიზაციით ჩართულიყო სრულფასოვან სასწავლო პროცესში. კვალიფიციური პედაგოგების ძალისხმევითა და ადმინისტრაციის სრული მხარდაჭერით, მრავალფეროვანი საგანმანათლებლო, სპორტული, კულტურული და შემეცნებითი აქტივობების მეშვეობით, შიექმნა ისეთი გარემო, სადაც თითოეულ მოსწავლეს ჰქონდა შესაძლებლობა გამოევლინა საკუთარი შესაძლებლობები. სასკოლო თემის ჩართულობას ჰქონდა, როგორც ინდივიდუალური, ასევე გუნდური მიდგომები. სემესტრის განმავლობაში განხორციელებული ყველა ღონისძიება წარმოადგენდა სკოლის მასწავლებელთა, მოსწავლეთა და მშობლების ერთობლივი მუშაობის შედეგს. მათ შეიმუშავეს საინტერესო და მრავალფეროვანი სასწავლო გეგმები, რომლებიც მოსწავლეებს აძლევდა საშუალებას, საფუძვლიანად შეესწავლათ სასკოლო საგნები, განევითარებინათ კრიტიკული აზროვნებისა და პრობლემის გადაჭრის უნარები. მოსწავლეები აქტიურად მონაწილეობდნენ სხვადასხვა პროექტებში, კონკურსებსა და შეჯიბრებებში. მათ გამოიჩინეს თავი შემოქმედებითი პოტენციალითა და თვითდაჯერებულობით. მშობლებიც აქტიურად უჭერდნენ მხარს სკოლის ინიციატივებს და ჩართულნი იყვნენ სხვადასხვა სასკოლო ღონისძიებებში. ჩვენი სკოლის 2024- 25წლის პირველი სემესტრის პრიორიტეტული აქტივობებიდან გამოვყოფ შემდეგ სეგმენტებს: საგანმანათლებლო სფერო: სკოლაში ხორციელდებოდა მრავალფეროვანი საგანმანათლებლო აქტივობა, რომელიც მიმართული იყო მოსწავლეთა ცოდნისა და უნარების გაღრმავებისკენ. ჩატარდა მასტერკლასები, სემინარები, დისკუსიები და სხვა ღონისძიებები, რომლებმაც მოსწავლეებს საშუალება მისცა, უფრო ღრმად შეესწავლათ სხვადასხვა საგანი და განევითარებინათ კრიტიკული აზროვნებისა და პრობლემის გადაჭრის უნარები. სპორტული აქტივობები: სკოლაში დიდი ყურადღება ექცევა მოსწავლეთა ფიზიკური აღზრდისა და ჯანსაღი ცხოვრების წესის ჩამოყალიბებას. სემესტრის განმავლობაში ჩატარდა სხვადასხვა სპორტული შეჯიბრებები, ოლიმპიადები და ტურნირები, რამაც მოსწავლეებს საშუალება მისცა, გაეცნობიერებინათ ჯანსაღი ცხოვრების არსი და განევითარებინათ გუნდური მუშაობის უნარები. კულტურული აქტივობები: სკოლა აქტიურად უწყობს ხელს მოსწავლეთა თვითშემოქმედებითი განვითარების ხელშეწყობას. მოქმედებს რამდენიმე წრე, კულტურის სფეროს მიმართულებით. ჩატარდა კონცერტები, თეატრალური წარმოდგენები, გამოფენები და სხვა კულტურული ღონისძიებები, რამაც მოსწავლეებს საშუალება მისცა, გამოევლინათ შემოქმედებითი პოტენციალი და გაცნობოდნენ სხვადასხვა ქვეყნების კულტურას. შემეცნებითი აქტივობები: სკოლა ახორციელებს მრავალფეროვან შემეცნებით აქტივობას, მოსწავლეთა სულიერი განვითარებისთვის, სასულიერო პირის მიერ ჩატარდა რამდენიმე საინტერესო ლექცია, დისკუსია, ექსკურსიები და სხვა ღონისძიებები, რამაც მოსწავლეებს საშუალება მისცა, გაეფართოებინათ ცოდნის არეალი და განევითარებინათ ინტერესი თეოლოგიური და სხვადასხვა სამეცნიერო სფეროს მიმართ. მასწავლებლებმა გამოავლინეს მაღალი დონის პროფესიონალიზმი და მზრუნველობა მოსწავლეთა ინდივიდუალური მოთხოვნილებების დასაკმაყოფილებლად. ამაზე მოწმობს, მათ მიერ, ინფორმაციის გადაცემის ინტელექტუალურ განვითარებაზე ორიენტირებული ინვესტიციური პროცესები. სასწავლო პროცესის განმავლობაში გამოვლინდა მნიშვნელოვანი გამოწვევები, რომლებიც ძირითადად ეხებოდა მოსწავლეთა ინდივიდუალურ განსხვავებებს. სკოლამ აამუშავა სისტემის რემედიაციის პროგრამები, რომლებიც უზრუნველყოფს ინდივიდუალურ, ფსიქოლოგიურ მიდგომებს და ამ კუთხით გაძლიერებულად მუშაობენ სკოლის ფსიქოლოგები. მადლობას ვუხდი სრულიად სასკოლი თემს მხარდაჭერისა და მაღალი პროფესინალიზმისთვის, რადგან მათი მუშობის პრინციპებიდან გამომდინარე, მთავარი აქცენტი გაკეთდა მოსწავლეთა განვითარებისა და ხელსაყრელი სასწავლო გარემოს შექმნისკენ. სიყვარულითა და პატივისცემით გილოცავთ შობის ბრწყინვალე დღესასწაულს.სკოლის აღმასრულებელი დირექტორი - ლალი მელივა .
სრულად
29 დეკემბერი 2024 წელი