06 მაისი 2025 წელი
სიახლეები
06 მაისი 2025 წელი
03 მაისი 2025 წელი
მწერალთა სახლში, პროექტ "ახალი სახელების" ფარგლებში, გაიმართა საქართველოს საპატრიარქოს წმინდა ნინოს სახელობის მართლმადიდებლური სკოლის ქართული ენისა და ლიტერატურის მასწავლებლის, პოეტისა და მთარგმნელის მარი თაბაგარის, შემოქმედებითი საღამო. საღამოს მოდერატორი, ცნობილი მწერალი ბაჩო კვირტია, თბილი და საინტერესო საუბრით კიდევ უფრო მეტ ხიბლს მატებდა შეხვედრას. მან დამსწრე საზოგადოებას გააცნო მარი თაბაგარის შემოქმედების ძირითადი ასპექტები, წაიკითხა მისი რამდენიმე ლექსი, რამაც დამსწრე საზოგადოებაზე წარუშლელი შთაბეჭდილება მოახდინა. ლექსების კითხვის შემდეგ გაიმართა საინტერესო და გულწრფელი დიალოგი ავტორსა და აუდიტორიას შორის. მარი თაბაგარმა გულახდილად ისაუბრა შემოქმედებით გზაზე, იმ შთაგონებაზე, რომლებიც მის ლექსებს აცოცხლებს და უპასუხა სტუმრების შეკითხვებს. განსაკუთრებული აღნიშვნის ღირსია ჩვენი სკოლის მასწავლებლებისა და მოსწავლეების მხარდაჭერა. მარი თაბაგარის მოსწავლეებმა პუბლიკის წინაშე წაიკითხეს საყვარელი პედაგოგის ლექსები. ეს იყო არა მხოლოდ მისი შემოქმედების აღიარება, არამედ მათი ერთიანობისა და მხარდაჭერის გამოხატულებაც. მწერალთა სახლსა და "ლიტერატურულ გაზეთს" ეს მნიშვნელოვანი პროექტი, ხელს უწყობს შემოქმედთა პოპულარიზაციას. ვულოცავთ მარი თაბაგარს ამ წარმატებულ საღამოს და ვუსურვებთ მას კიდევ ბევრ ახალ შემოქმედებით მწვერვალს! მისი პოეზია კიდევ ბევრ მკითხველს გაახარებს და შთააგონებს.
სრულად
02 მაისი 2025 წელი
2025 წლის 1 მაისს კავკასიის საერთაშორისო უნივერსიტეტსა (CIU) და საქართველოს საპატრიარქოს განათლების ცენტრს შორის ურთიერთთანამშრომლობის მემორანდუმი გაფორმდა. ღონისძიებას ესწრებოდნენ საპატრიარქოს განათლების ცენტრის სკოლების დირექტორები, პედაგოგები, სასულიერო პირები და უნივერსიტეტის წარმომადგენლები. მათ შორის – ჩვენი სკოლის აღმასრულებელი დირექტორი, ქალბატონი ლალი მელივა და სკოლის ადმინისტრაციის წარმომადგენლებიც. მემორანდუმის ფარგლებში, CIU-ში ჩარიცხულ საპატრიარქოს განათლების ცენტრის სკოლების კურსდამთავრებულებს 40%-იანი შიდა უნივერსიტეტური გრანტი მიენიჭებათ. გარდა ამისა, თანამშრომლობა ითვალისწინებს: პროფესიული ორიენტაციის ტრენინგებს; ეროვნული გამოცდებისთვის მოსამზადებელ აქტივობებს; შემეცნებით-საგანმანათლებლო პროექტებს დამამთავრებელი კლასის მოსწავლეებისთვის. პროგრამით სარგებლობას შეძლებენ პედაგოგებიც – კავკასიის საერთაშორისო უნივერსიტეტი მათთვის გადამზადების სპეციალურ პროგრამებს განახორციელებს. მემორანდუმს ხელი მოაწერეს კავკასიის საერთაშორისო უნივერსიტეტის რექტორმა, ბატონმა კახაბერ კორძაიამ და საპატრიარქოს განათლების ცენტრის თავმჯდომარემ, მიტროპოლიტმა იოანე გამრეკელმა. ღონისძიების ფარგლებში მომხსენებლები იყვნენ გიორგი ფარეშიშვილი, მარინე უგულავა და დავით გვეტაძე. სემინარის – „კარიერული ორიენტაცია და აკადემიური მზაობა“ მონაწილეებს კი გადაეცათ შესაბამისი სერტიფიკატები. ეს შეთანხმება მნიშვნელოვან შესაძლებლობებს აძლევს როგორც მოსწავლეებს, ასევე პედაგოგებს და ხელს უწყობს განათლების სფეროში ხარისხის ამაღლებას.
სრულად
27 აპრილი 2025 წელი
"ცხოვრება კონფლიქტების გარეშე - გზა მშვიდობისაკენ" თანამედროვე ეპოქის აქტუალური საკითხია. სენაკის წმინდა ალექსი შუშანიას სახელობის მართლმადიდებლური სკოლა-გიმნაზიის დირექტორის - ნინო ჯანჯღავას ინიციატივით, 25 აპრილს, უკვე მეორედ, ჩატარდა მასწავლებელთა კონფერენცია: ,,კონფლიქტი და კონტრასტები ლიტერატურის, პროზისა და პოეზიის გზაზე“. კონფერენციას ესწრებოდნენ სასულიერო პირები - მეუფე იოანე გამრეკელი; საქართველოს საპატრიარქოს წმინდა ნინოს სახელობის მართლმადიდებლური სკოლის დირექტორის - ლალი მელივას წარდგინებით, ქართული ენისა და ლიტერატურის მასწავლებლები: სოფიკო გორგილაძე და მარი თაბაგარი ჩაერთნენ ამ აქტოვობაში. კონფერენციის მიზანი იყო მოსწავლეებში კონფლიქტის სწორად გაგებისა და მშვიდობიანი თანაცხოვრების უნარების განვითარება. საპატრიარქოს სკოლების პედაგოგების მიერ წარმოდგენილი ნაშრომები გამოირჩეოდა ორიგინალურობით, საინტერესო ხედვებით, პრაქტიკული რჩევებით და დეტალურად ასახავდა ლიტერატურული ნაწარმოებების მრავალფეროვან კონფლიქტურ სიტუაციებს. პიროვნულ კონფლიქტს, სოციალურ დაპირისპირებებს, რწმენისა და პიროვნული ,,მეს" ძიებას, ასევე ეთნიკურ და კულტურულ კონფლიქტებს. გადაუჭარბებლად შეიძლება ითქვას, რომ ნაშრომებმა ,,კონფლიქტი და კონტრასტები ლიტერატურის, პროზისა და პოეზიის გზაზე" ყოველგვარ მოლოდინს გადააჭარბა. თითოეული მოხსენება იყო ნამდვილი აღმოჩენა, სიღრმით სავსე!დამსწრე საზოგადოებამ მიიღო ფასდაუდებელი გამოცდილება და ახალი ხედვები იმის შესახებ, თუ როგორ გავუხსნათ მოსწავლეებს ლიტერატურაში არსებული კონფლიქტების სამყარო და დავეხმაროთ მათ რეალურ ცხოვრებაში სწორი არჩევანის გაკეთებაში. კონფერენცია პედაგოგებს აძლევს უნიკალურ შესაძლებლობას, გაეცნონ კოლეგების ინოვაციურ მეთოდებსა და მიდგომებს ლიტერატურული ნაწარმოებების ანალიზისას კონფლიქტური სიტუაციების სწავლების კუთხით. თითოეული მომხსენებლის პრაქტიკული გამოცდილება და ეროვნულ სასწავლო გეგმასთან შესაბამისობა ხელს უწყობს ეფექტური სწავლების სტრატეგიების გავრცელებას. გამოცდილების გაზიარებისა და სამომავლო თანამშრომლობის პერსპექტივით, კონფერენცია ქმნის პლატფორმას სხვადასხვა სკოლის პედაგოგებს შორის აზრთა გაცვლისა და პროფესიული კავშირების დასამყარებლად. ამგვარი კონტაქტები შეიძლება გახდეს სამომავლო ერთობლივი პროექტების საფუძველი, რაც ხელს შეუწყობს კონფლიქტების მართვის სწავლების ხარისხის გაუმჯობესებას. მონაწილე პედაგოგებმა: მარინა ტალახაძემ, ნანა ლომიძემ, შორენა ჯალაღონიამ, თამარ გვასალიამ, მაკა გამყრელიძემ, მზია დარასელიამ, მაკარ ლაგვილავამ, ბადრი პაპავამ, თებრონე საჯაიამ, რომანოზ კირტავამ, მაია ბეშიტაიშვილმა, ლილი დევნოზაშვილმა, თამარ ბაქანიძემ, სოფიკო გორგილაძემ, მარი თაბაგარმა, ნანა თავართქილაძემ, ნინო ტონიამ, ნატა ბუცხრიკიძემ, მანანა გრიგოლავამ, რუსუდან მურღულიამ და ლევან ქურდიანმა კონფერენციაზე წარმოდგენილი თემების პროექტის კონტექსტში აღნიშნეს, რომ შინაგანი კონფლიქტის გააზრება ეხმარება მოსწავლეებს საკუთარი ემოციების იდენტიფიცირებასა და მართვაში, რაც კონფლიქტური სიტუაციების პრევენციის ერთ-ერთი მნიშვნელოვანი ფაქტორია. სოციალური უთანასწორობისა და მორალური დილემების კონტექსტში კონფლიქტის ანალიზი ხელს უწყობს მოსწავლეებში სამართლიანობისა და თანასწორობის პრინციპების გააზრებას. ადამიანური ურთიერთობებისა და სოციალური პრობლემების ანალიზი ლიტერატურულ მაგალითებზე ავითარებს მოსწავლეებში კომუნიკაციის, თანაგრძნობისა და პრობლემის გადაჭრის უნარებს. რწმენისა და იდეოლოგიური კონფლიქტების ანალიზი ისტორიულ კონტექსტში ხელს უწყობს მოსწავლეებში ტოლერანტობისა და განსხვავებული შეხედულებების პატივისცემის ჩამოყალიბებას. კულტურათაშორისი დიალოგისა და ურთიერთგაგების მნიშვნელობის წარმოჩენა ამცირებს სტერეოტიპებსა და წინასწარგანწყობებს. ბუნებასთან, ტრადიციებთან და ადამიანურ ურთიერთობებთან დაკავშირებული კონფლიქტების ანალიზი ავითარებს მოსწავლეებში ეკოლოგიურ ცნობიერებასა და ეთიკურ მსჯელობას. ინდივიდისა და საზოგადოების დაპირისპირების ანალიზი ხელს უწყობს სოციალური პასუხისმგებლობისა და სამოქალაქო ცნობიერების ამაღლებას. საზოგადოების როლის გააზრება კონფლიქტების პრევენციასა და მოგვარებაში ხაზს უსვამს კოლექტიური ძალისხმევის მნიშვნელობას. სიყვარულის, როგორც კონფლიქტის დაძლევის უნივერსალური ძალის წარმოჩენა ამკვიდრებს ჰუმანისტურ ღირებულებებს.ამბოხის ანალიზი, როგორც არსებული წესრიგის გადახედვის მცდელობა, ავითარებს მოსწავლეებში კრიტიკულ აზროვნებასა და საკუთარი აზრის დაფიქსირების უნარს. ტოტალიტარული რეჟიმებისა და პიროვნების თავისუფლების შეზღუდვის კონტექსტში კონფლიქტის ანალიზი აძლიერებს დემოკრატიულ ღირებულებებს. ინდივიდუალური არჩევანისა და საზოგადოებასთან დაპირისპირების ანალიზი ავითარებს მოსწავლეებში ავტონომიურობისა და საკუთარი პრინციპების ერთგულების მნიშვნელობის გააზრებას. ემპათიისა და თანაგრძნობის განვითარება ლიტერატურული პერსონაჟების მიმართ ხელს უწყობს ჰუმანური დამოკიდებულების ჩამოყალიბებას. ამგვარი შეხვედრები და კონფერენციები არის სასიცოცხლოდ მნიშვნელოვანი პლატფორმა პედაგოგებისთვის, რათა გაიზიარონ გამოცდილება, გაამდიდრონ ცოდნა და შეიმუშაონ ეფექტური სტრატეგიები მოსწავლეებში კონფლიქტის სწორად გაგებისა და მშვიდობიანი თანაცხოვრების უნარების გასავითარებლად ლიტერატურის ძალის გამოყენებით.
სრულად
17 აპრილი 2025 წელი
დღეს განსაკუთრებული დღე ჰქონდათ წმინდა ნინოს სახელობის მართლმადიდებლური სკოლის მეექვსე და მეცხრე კლასის მოსწავლეებს. ისინი მასწავლებელთან ერთად ეწვივნენ წმინდა ლუკა მახარებლის ტაძარს, სადაც გულთბილად უმასპინძლა ტაძრის წინამძღვარმა მამა სპირიდონმა. მოსწავლეებმა მონაწილეობა მიიღეს ტაძარში ჩატარებულ ღვთისმსახურებაში, მოისმინეს მამა სპირიდონის ქადაგება და ისაუბრეს ქრისტიანულ ფასეულობებზეც - სინანულსა და სიყვარულზე. მომლოცველთათვის მთავარი და ამაღლებული ნაწილი იყო ზიარება — მოსწავლეები წირვის დასრულების შემდეგ წმინდა საიდუმლოს ეზიარნენ, საკურნებელად სულისა და ხორცისა, სადიდებელად უფლისა! მოსწავლეებისთვის ეს არ იყო მოლოცვისა და ზიარების პირველი შემთხვევა. ისინი ყოველთვის ზრუნავენ შინაგან სიმშვიდესა ღვთის მადლის მოპოვებისთვის. მადლობას ვუხდით ჩვენს სულიერ მოძღვარს, მამა სპირიდონს, ამ მადლიან გზაზე თანადგომისთვის.
სრულად
14 აპრილი 2025 წელი
საქართველოს საპატრიარქოს წმინდა ნინოს სახელობის მართლმადიდებლური სკოლა დედაენის დღეს ყოველწლიურად განსაკუთრებულად აღინიშნავს. მე-6 კლასის მოსწავლეები, SEU-ში, საქართველოს ეროვნულ უნივერსიტეტში, შემეცნებით ლექციაზე იმყოფებოდნენ კლასის დამრიგებლებთან და ქართული ენისა და ლიტერატურის პედაგოგებთან ერთად. მათ მოისმინეს საინტერესო მოხსენებები: დამწერლობის ისტორიაზე, უცნაურ წიგნებზე, გამორჩეულ ბიბლიოთეკებზე, იაკობ გოგებაშვილსა და „დედა ენაზე“. განსაკუთრებული აღფრთოვანება გამოიწვია საბეჭდი მანქანის გამოყენების ცდამ. ეს იყო არა მხოლოდ ინფორმაციული, არამედ ინტერაქტიული და სახალისო აქტივობა, რომელმაც მოსწავლეებს საშუალება მისცა, შეხებოდნენ წარსულის საგანძურს და უფრო ღრმად გაცნობოდნენ მშობლიური ენის მნიშვნელობას. აქტივობის მნიშვნელობა საგანმანათლებლო პროცესში უმნიშვნელოვანესია: მოსწავლეებმა არა მხოლოდ მოისმინეს ლექცია, არამედ თავად მიიღეს მონაწილეობა პრაქტიკულ აქტივობაში, რაც ხელს უწყობს ცოდნის უკეთ ათვისებას. სახალისო და ინტერაქტიული აქტივობები ზრდის მოსწავლეების ინტერესს საგნის მიმართ და აძლიერებს მათ მოტივაციას.მოსწავლეები გაეცნენ ქართული ენის ისტორიასა და მნიშვნელობას, რაც ხელს უწყობს მათში ეროვნული თვითშეგნების გაღვივებას. აქტივობა ხელს უწყობს მოსწავლეებს შორის თანამშრომლობასა და კომუნიკაციას, რაც მნიშვნელოვანია მათი სოციალური განვითარებისთვის. ლექციები, პრაქტიკული აქტივობები და დისკუსიები ქმნის მრავალფეროვან სასწავლო გარემოს, რომელიც აკმაყოფილებს მოსწავლეების სხვადასხვა საჭიროებას. შეხვედრის ბოლოს შეჯამებამ და შთაბეჭდილებების გაზიარებამ ხელი შეუწყო მიღებული ცოდნის განმტკიცებას. განსაკუთრებული აქტიურობით გამოირჩეოდნენ: იოანე აბესაძე, ნიკოლოზ მამედოვი, ერეკლე ბეგიაშვილი, დემეტრე რუსია, იოანე ბახტურიძე, კოტე კვანჭიანი და ტაისია ბუჩუკური.
სრულად
07 აპრილი 2025 წელი
საქართველოს საპატრიარქოს წმინდა ნინოს სახელობის მართლმადიდებლური სკოლის ბუნების, ქართულისა და ხელოვნების კომბინირებული გაკვეთილიდან, სადაც მოსწავლეებმა უხერხემლო ცხოველების მნიშვნელობაზე, პეპლის სასიცოცხლო ციკლზე ისაუბრეს და საკუთარი ხელით დამზადებული მაკეტები წარადგინეს, სწავლა კიდევ უფრო შთამბეჭდავი გახდა აბრეშუმის სახელმწიფო მუზეუმში ვიზიტით. საგანმანათლებლო პროგრამა - ,,4 სიცოცხლე" მოსწავლეები გაეცნენ აბრეშუმის მუზეუმის ისტორიას, აბრეშუმის ტრადიციული წარმოების მეთოდებს, ნახეს, როგორ იღებდნენ ძვირფას აბრეშუმის ძაფს და როგორ იყენებდნენ მას ტექსტილის წარმოებაში. განსაკუთრებული ინტერესი გამოიწვია მატერიის შესაღებად განკუთვნილმა ბუნებრივმა და ქიმიურმა საღებავებმა. გაკვეთილის სახალისო და შემეცნებითი ნაწილი იყო თუთის აბრეშუმხვევიას სასიცოცხლო ციკლის ვიდეო მასალის ჩვენება და ბუკლეტების დარიგება. მოსწავლეებმა თავად დაასურათეს სტიკერებით. მუზეუმისგან მიღებულმა საჩუქრებმა კი დღე კიდევ უფრო სასიამოვნო გახადა. ასეთი კომბინირებული და პრაქტიკული სწავლება საუკეთესო საშუალებაა მოსწავლეთა ცოდნის გასამდიდრებლად და სამყაროსადმი ინტერესის გასაღვივებლად. წმინდა ნინოს სკოლის პედაგოგები და დამრიგებლები: ნათია ხუჭუას, ლეილა თვალაბეიშვილი, ქეთი დევნოზაშვილი, თამარ თაქთაქიშვილი და ელენე მიროტაძე საინტერესო აქტივობის ინიციატორები იყვნენ.
სრულად
19 აპრილი 2025 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში სასულიერო პირების - დავით ციცქიშვილისა და სპირიდონ მუმლაძის მიერ ჩატარდა საეკლესიო მსახურება - შვიდგზის ზეთისცხება. საეკლესიო საიდუმლოს დაწყებამდე სკოლის მოძღვრებმა მოსწავლეებს განუმარტეს ზეთისცხების მნიშვნელობა ქრისტიანულ ტრადიციაში. მათ ისაუბრეს საეკლესიო მსახურების სიმბოლიზმზე, მის ისტორიულ ფესვებზე და წარმოადგინეს სახარებისეული ეპიზოდები, რომლებიც უკავშირდება ზეთისცხებას და მის სულიერ დანიშნულებას. განმარტებების შემდეგ სასულიერო პირებმა აღასრულეს შვიდგზის ზეთისცხების საიდუმლო, რომლის დროსაც სპეციალური ზეთი (ზეთი) სცხეს მოსწავლეებს შუბლზე, ხელებსა და სხეულის სხვადასხვა ნაწილზე. დასასრულს, წარმოთქვეს შესაბამისი ლოცვები. საეკლესიო მსახურების ჩატარებას სკოლაში რამდენიმე მნიშვნელობა შეიძლება ჰქონდეს, როგორც რელიგიური, ისე საგანმანათლებლო და სულიერი თვალსაზრისით: შვიდგზის ზეთისცხება ქრისტიანულ ტრადიციაში აღიქმება როგორც მადლის მომნიჭებელი და სულიერი განწმენდის პროცესი. მას განსაკუთრებული მნიშვნელობა აქვს მართლმადიდებლურ ეკლესიაში და უკავშირდება სულიერი და ფიზიკური განკურნების, ცოდვების შენდობისა და ღვთის წყალობის მოპოვების რწმენას. მოსწავლეებისთვის ეს არის რწმენის განმტკიცების, სულიერ ცხოვრებაში ჩაღრმავებისა და ღმერთთან დაახლოების საშუალება. საეკლესიო საიდუმლოს აღსრულების წინ მოძღვრების მიერ ზეთისცხების მნიშვნელობისა და სახარებისეული სწავლების განმარტება ხელს უწყობს მოსწავლეების რელიგიური ცოდნის გაღრმავებას. ისინი ეცნობიან ქრისტიანული ტრადიციის მნიშვნელოვან ასპექტს, სწავლობენ ბიბლიურ საფუძვლებსა და სიმბოლიკას. ეს ხელს უწყობს მათი მსოფლმხედველობის ჩამოყალიბებასა და რელიგიური კულტურის გააზრებას. მონაწილეობის პროცესში მოსწავლეებმა შესაძლოა განიცადონ განსაკუთრებული სულიერი და ემოციური მდგომარეობა. ლოცვები, ზეთისცხების შეგრძნება და საერთო საზიარო გამოცდილება შეიძლება იყოს დამამშვიდებელი, გამაძლიერებელი და შთამაგონებელი მათთვის. ეს ხელს უწყობს სკოლაში სულიერი გარემოს შექმნას და მოსწავლეების ემოციურ კეთილდღეობას. ზეთისცხების საეკლესიო საიდუმლოს ჩატარება ხელს უწყობს ახალგაზრდა თაობაში რელიგიური ტრადიციების გაცნობასა და შენარჩუნებას. მოსწავლეები უშუალოდ ეცნობიან საუკუნეების განმავლობაში არსებულ რელიგიურ პრაქტიკას და თავს მიიჩნევენ ამ ტრადიციის ნაწილად.
სრულად
26 მარტი 2025 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში გამართული მწვანე საფარის მოვლის ღონისძიება ნათელი მაგალითია იმისა, თუ როგორ შეიძლება ეკოლოგიური განათლება და გარემოსდაცვითი ცნობიერება პრაქტიკულად დაინერგოს მოსწავლეებში. აღნიშნული აქტივობა, რომელშიც მე-11 კლასის მოსწავლეები ჩაერთნენ, ხელს უწყობს პასუხისმგებლობის გრძნობას, გუნდურობასა და შრომის დაფასებას. მნიშვნელოვანია, რომ ღონისძიებას მუსიკის ფონზე ჩატარდა, რაც არა მხოლოდ პროცესს მეტად სასიამოვნოს ხდიდა, არამედ მოტივაციის ამაღლებასაც უწყობდა ხელს. მასწავლებელთა, განსაკუთრებით მარინა ტოხიშვილისა და თამარ ლაცაბიძის, ჩართულობა კი ხაზს უსვამს მათი პროფესიული და ადამიანური მიდგომის მნიშვნელობას. მათი მხარდაჭერა და ხელმძღვანელობა ქმნის ისეთი საგანმანათლებლო გარემოს, სადაც მოსწავლეები სიამოვნებით ერთვებიან სასარგებლო აქტივობებში. აღსანიშნავია, რომ მსგავსი ინიციატივები დადებითად მოქმედებს, როგორც სკოლის ესთეტიკურ იერსახეზე, ასევე მოსწავლეთა ემოციურ განწყობაზე. მცენარეებთან კონტაქტი ამცირებს სტრესსა და აუმჯობესებს კონცენტრაციას. ამდენად, ეს არა მხოლოდ ერთჯერადი მოვლითი სამუშაო იყო, არამედ ეკოლოგიური კულტურის გაძლიერების პრაქტიკული ნაბიჯიც. ეს აქტივობა იყო ეფექტური, სასარგებლო და შთამბეჭდავი. სასურველია, მსგავსი ღონისძიებები რეგულარულ ხასიათს ატარებდეს და სხვადასხვა კლასის მოსწავლეებსაც გაუჩნდეთ მსგავსი აქტივობის სურვილი, რათა სკოლის მწვანე გარემოს შენარჩუნება ყველა მოსწავლის საერთო პასუხისმგებლობაა.
სრულად
26 მარტი 2025 წელი