06 სექტემბერი 2022 წელი
სიახლეები
06 სექტემბერი 2022 წელი
10 ივნისი 2022 წელი
წმინდა ნინოს სახელობის მართლამდიდებლურ სკოლაში გაიმართა ინტელექტუალური თამაში რა? სად? როდის? მე-4 კლასის მოსწავლეების მონაწილეობით. შიდასასკოლო შეჯიბრი გაიმართა ქართული ენის და ლიტერატურის პედაგოგის მარი თაბაგარის ინიციატივით.მონაწილეობდა 5 გუნდი: ტვინიკოსები გონებამახვილები მოაზროვნეები ინტელექტუალები სწავლულები შეჯიბრის მსვლელობას აფასებდა სპეციალური ჟიური: ლალი მელივას, ირინე კვანჭიანის, ლეილა თვალაბეიშვილის, ნატა ფიცხელაურის, ნინო ბიბილურის და სოფიო გორგილაძის შემადგენლობით. მოსწავლეებმა გამოავლინეს არნახული სისწრაფე და გონიერება.გამოვლინდა გამარჯვებული გუნდი - ტვინიკოსები. ყველა მონაწილეს გადაეცა სერთიფიკატი, ხოლო გამარჯვებულებს სპეციალური დიპლომები და თასი.
სრულად
27 მაისი 2022 წელი
დღეს უმნიშვნელოვანესი დღეა. სევდანარევი სიხარულით სავსე...ყველა და ყველაფერი ისეთი ლამაზი და კაშკაშაა, რომ შეუძლებელია არ დატკბე ამ შესანიშნავი თაობის ცქერით..დღეს არის უკანასკნელი დღე - მერხებთან, მასწავლებლებთან, თანაკლასელებთან.ახლა და აქ ბავშვობასთან გამოთხოვების გარდაუვალი მომენტია, მაგრამ იწყება უფრო საინტერესო გზის , სანუკვარ მიზნების და ოცნებების განხორციელების ოქროს ხანა.თითოეული მოსწავლე პირველ კლასში შემოსვლისას ბოლო ზარზე ოცნებობს.აი, დადგა ეს მომენტი. მაგრამ იქამდე იყო სკოლის დაარსების დღე და ეს თარიღი განსაკუთრებულად აღსანიშნია, რადგან თქვენ ხართ პირველები, ვისთვისაც ჩვენს სკოლაში პირველი ზარი დაირეკა და პირველი გაკვეთილი ჩატარდა. იმ დღიდან მოყოლებული მაცოცხლებელი ძალით აახმაურეთ ეს კედლები, სული ჩაუდგით ყველაზე წმინდა კერას, რასაც საქართველოს საპატრიარქოს წმინდა ნინოს სახელობის მართლმადიდებლურ სკოლა ჰქვია. იყო ბევრი სიხარული, იმედგაცრუება, ხალისიანი და სევდიანი დღეები... ყველაფერი იყო, მაგრამ ამ სევდანარევ მოგონებებს აერთიანებს უდიდესი რამ, რასაც სიყვარული და ურთიერთპატივისცემა ჰქვია. სამწლიანმა დისტანციამ, ეპიდემიურმა განწყობებმა და დაძაბულობამ ვერ ჩააქრო ჩვენი სიყვარული, ურთიერთპატივისცემა, მონატრება, პასუხისმგებლობა და ზოგადად მადლიერების გრძნობა, რომელიც ყველაზე სანდო და სიცოცხლისთვის საჭირო უკუკავშირია, რაც მაცოცლებელი ძალად გვაერთიანებს მშვიდობიანი და დამოუკიდებელი ქვეყნის აღმშენებლობაში. ჩვენო ძვირფასებო, დაუვიწყარო მოსწავლეებო! ნურასდროს დაღონდებით, ნუ შეშინდებით, გქონდეთ საკუთარი თავის რწმენა და იმედი. ახალი საუკუნე ტექნიკური პროგრესის და ხელოვნური ინტელექტის ეპოქაა, თქვენი შესაძლებლობები ამოუწურავია და ამავდროულად დიდი პასუხისმგებლობაც, რადგან სიძულვილის ენის, აგრესიის, ომების სამყაროში ძნელია დარჩე ადამიანად და გქონდეთ ფასეულობები, რაც მთელი ცხოვრება გაგიწევთ მეგზურობას და ახალ შესაძლებლობებს აღმოგაჩენინებთ საკუთარ თავში.
სრულად
19 აპრილი 2022 წელი
პროექტის „პატრიორტი დიასპორელი“ იდეის ავტორი და განმხორციელებელია გერმანიაში მცხოვრები წარმატებული ქართველი ნინო ციბაძე ფონდთან „საქართველოს ემიგრანტები“, საქართველოს განათლებისა და მეცნიერების სამინოსტროსა და ქართულ გამორჩეულ სკოლებთან ერთად. პროექტი უპრეცენდენტოა, რადგან მის ფარგლებში დადგენილი პირობების გათვალისწინებით, ქართული წარმოშობის დიასპორელები პირველად შეძლებენ ქართულ სასწავლო პროცესში გარკვეული ხნით ინტეგრირებას, რომ მოხდეს მათი ქართული ენის ცოდნის პრაქტიკული გამოცდილებით გამდიდრება, დიასპორელების ქართული ენობრივ-კულტურული იდენტობის შეგნების ამაღლება და ზოგადად, საქართველოსა და მის ფარგლებს გარეთ მცხოვრები ქართველი მოზარდების ერთმანეთთან დაახლოება. საერთაშორისო-საგანმანათლებლო პროექტი „პატრიოტი დიასპორელი“ ითვალისწინებს ქართული წარმოშობის საზღვარგარეთ მცხოვრები მოზარდების საქართველოს სკოლებში გაკვეთილებზე დასწრებას მათთვის ხელსაყრელ კალენდარულ დროებში. პროექტის პარტნიორი საქართველოს განათლებისა და მეცნიერების სამინისტრო პროექტში ჩართულ დიასპორელებს მიანიჭებს „პატრიოტი დიასპორელის“ სტატუსს, ხოლო მასპინძელ ქართულ სკოლებს - „პატრიოტი სკოლის“ ტიტულს. პროექტი ოფიციალურად ამოქმედდა 2022 წლის 4 აპრილიდან. პროექტის ფინანსური მხარდამჭერია ციბაძე-მჭედლიშვილების ოჯახი გერმანიიდან. ფონდი „საქართველოს ემიგრანტები“ საერთაშორისო პროექტით „პატრიოტი დიასპორელი“ ზრუნავს შეუნარჩუნოს დიასპორელ ქართველობას ფესვები საკუთარ სამშობლოსთან და კიდევ უფრო გააღრმავოს მათი კავშირი საქართველოსთან. აღნიშნული პროექტი უდიდეს წვლილს შეიტანს ქართული ენისა და კულტურის პოპილარიზაციაში ქვეყნის ფარგლებს გარეთ და ამაში ლომის წილი ექნება საქართველოს განათლებისა და მეცნიერების სამინისტროს, საქართველოს საგარეო საქმეთა სამინისტროსა, სხვადასხვა ქვეყნების საელჩოებს და ჩვენი ქვეყნის საჯარო სკოლებს.
სრულად
14 აპრილი 2022 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში 14 აპრილი, ქართული ენის დღე, განსაკუთრებული სიყვარულით აღნიშნეს მე-2, მე-3 და მე-4 კლასის მოსწავლეებმა. მათ მსმენელსა და მაყურებელს, ენის მრავალსაუკუნოვან ისტორიასთან ერთად, ქართული ენის დღის დაარსების მიზეზზეც უამბეს. ფარნავაზ მეფიდან მოყოლებული, ყველა იმ წინაპრის ღვაწლი გაიხსენეს, ვინც ქართული ენის განვითარებასა და დამკვიდრებაში თავისი წვლილი შეიტანა და მნიშვნელოვანი სიტყვა თქვა. მოსწავლეებმა სცენაზე გააცოცხლეს სულხან-საბა ორბელიანის, ქართული ზღაპრისა და იოსებ ნონეშვილის ლექსის პერსონაჟები. ინსცენირებას ენაცვლებოდა ლექსი, გალობა, სიმღერა და ჩვენი მოსწავლეების გულიანი, იმედიანი შემოძახილი კიდევ ერთხელ გვარწმუნებდა, რომ ეს თაობაც წინაპრებივით გაუფრთხილდება, მოეფერება და თაობებს გადასცემს ამ ეროვნულ განძს - ქართულ ენას. ღონისძიების ,,ენა დედაა ერისა" ამოძახილი, რომ ,,ძალა ერთობაშია", თავის მიმართვაში ლამაზად დააგვირგვინა სკოლის დირექტორმა, ქალბატონმა ლალი მელივამ და ყველა პედაგოგს, კლასების დამრიგებლებს ( მზია თათარაშვილს, თამილა ჭიკაიძესა და ელენე მიროტაძეს) მადლობა გადაუხადა. ქართული ტკბილხმოვანებით გაჯერებული ღონისძიება მუსიკალურად გააფორმა სკოლის გუნდის ხელმძღვანელმა, მუსიკოსმა ნინო ბიბილურმა. ღონისძიების ორგანიზება, რეჟისურა, სცენარი, დეკორაცია ეკუთვნოდა ქართული ენისა და ლიტერატურის პედაგოგს მარი თაბაგარს.
სრულად
25 მარტი 2022 წელი
დღეს, 25 მარტს, თბილისის სასულიერო აკადემიისა და სემინარიის საზოგადოებასთან ურთიერთობის სამსახურის ორგანიზებით გაიმართა სასწავლებლის პედაგოგის - ირაკლი ორჟონიას შეხვედრა თბილისის წმინდა ნინოს სახელობის მართლმადიდებლური სკოლის მოსწავლეებთან. საუბრის თემა - ბიბლიური სწავლება სამყაროს შექმნის შესახებ - სურვილისამებრ, მოსწავლეებმა შეარჩიეს. ირაკლი ორჟონიამ აღნიშნული საკითხი განიხილა საეკლესიო და სამეცნიერო ლიტერატურაში არსებული შეხედულებების საფუძველზე, წმ. მამათა ეგზეგეტიკის, ბიბლიური არქეოლოგიის, ტექსტოლოგიური კვლევებისა და ისტორიულ-კულტურული მონაცემების გათვალისწინებით. მოხსენებამ დამსწრე საზოგადოების დიდი მოწონება დაიმსახურა, დაისვა მრავალი შეკითხვა, გამოითქვა საინტერესო მოსაზრებები. გიმნაზიის პედაგოგებისა და მოსწავლეების სურვილისამებრ, მსგავსი ფორმატის შეხვედრები მომავალშიც განხორციელდება.
სრულად
24 მარტი 2022 წელი
საქართველოს საპატრიარქოს წმინდა ნონოს სახელობის მართლმადიებლურმა სკოლის მოსწავლეებმა შემოქმედებითი ნარატივით მონაწილეობა მიიღეს 2022 წ. 20 მარტს, დაუნის სინდრომის საერთაშორისო დღის აღსანიშნავ გამოფენა-ფოლკლორულ კონცერტზე ,,მზის შვილები“. კონცერტი ჩაატარა „N studia“-მ საქართველოს საპატრიარქოსთან თანამშრომლობით, ახალგაზრდობის სულიერი და ინტელექტუალური განვითარების ცენტრში. ღონისძიებაზე წარმოდგენილი იყო სკოლის მომღერალთა გუნდის შემოქმედება, რომელსაც ხელმძღვანელობს მუსიკოსი, სკოლის პედაგოგი ნინო ბიბილური. საგამოფენო ექსპოზიციაზე დიდი მოწონება დაიმსახურა ჩვენი სკოლის სახვითი ხელოვნების სტუდიაში შექმნილმა მოსწავლეთა ნახატებმა, რომელსაც ხელმძღვანელობს მხატვარ-დიზაინერი მარი მჟავია. ღონისძიებას ესწრებოდნენ პრეზიდენტის აპარატის და საპატრიარქოს წარმომადგენლები.გამოფენილმა ნახატებმა და ხელნაკეთა ნივთებმა მაყურებლის დიდი მოწონება დაიმსახურა.ბავშვებმა შეასრულეს საგალობლები და ხალხური სიმღერები. კონცერტში მონაწილეობა მიიღეს დაუნის სინდრომის მატარებელმა ბავშვებმაც. ჩვენ არ ვითვლით ქრომოსომებს, ჩვენ არ ვირჩევთ მეგობრებს მათი შესაძლებლობების მიხედვით.დასასრულს თითოეულ მონაწილეს გადაეცა სიგელი. წმინდა ნინოს სახელობის სკოლის მომღერალთა გუნდის მიერ ღონისძიებაზე შესრულებული სიმღერები შეგიძლიათ იხილოთ შემდეგ ბმულებზე: https://youtu.be/UcLb0ue8ZaM https://youtu.be/FwtAw3_YhII https://youtu.be/Oy7SFkGnfmU
სრულად
01 თებერვალი 2022 წელი
წმინდა ნინოს სახელობის სკოლაში დაიწყო პირველკლასელთა რეგისტრაცია 2022-2023 სასწავლო წლისათვის. დაინტერესებულ მშობლებს რეგისტრაციის გავლა შეუძლიათ მითითებულ ბმულზე: https://forms.gle/Nqms2GcNHS1ZEZBv5 დამატებითი ინფორმაციისთვის დაგვიკავშირდით შემდეგ ნომრებზე: 551 16 22 11; 577 415 789; 551 72 12 52. სკოლაში თქვენ გელდებათ: მაღალკვალიფიციური მასწავლებელთა გუნდი; ქართული ენისა და ლიტერატურის, მათემატიკისა და ინგლისურის გაძლიერებული სწავლება; ხატვის, მუსიკის, ჭადრაკის სპეციალური პროგრამა; ერთჯერადი ჯანსაღი კვება, გახანგრძლივებული; დამატებით იმუშავებს საგნობრივი წრეები; საგნობრივი სწავლება I კლასიდან. I კლასში მიიღებიან ბავშვები, რომლებსაც 2022 წლის 15 სექტემბრამდე უსრულდებათ 6 წელი. წლიური თანხა შეადგენს 3500 ლარს. გადახდა სემესტრულად. მისამართი: სოფ. დიღომი, აღმაშენებლის ქუჩა N52.ვებ-გვერდი: www.stnino-school.geელ-ფოსტა: st.ninoschool@gmail.com
სრულად
16 მარტი 2022 წელი
კიდევ ერთხელ გამოვხატავთ დიდ მწუხარებას უკრაინაში მიმდინარე მოვლენების გამო. ომს გამართლება არ აქვს!ომს ჰყავს დაღუპული და დაზარალებული მოსახლეობა. წმინდა ნინოს სახელობის მართლმადიდებლური სკოლა, გარდა იმისა, რომ ჰუმანიტარულ დახმარებას უწევს უკრაინელ ხალხს, სრულ მხარდაჭერასა და თანადგომას უცხადებს ლტოლვილ უკრაინელ ბავშვებსაც:ჩვენი სკოლის დაწყებით და საბაზო საფეხურის კლასებში მივიღებთ მოსწავლეებს, რომლებიც განთავისუფლდებიან სწავლის საფასურისგან. მივცემთ განათლებას, გავუნაწილებთ ჩვენს სითბოს, სიყვარულსა და მზრუნველობას. გელით კეთილი გულით!
სრულად
29 დეკემბერი 2021 წელი