06 ნოემბერი 2025 წელი
სიახლეები
06 ნოემბერი 2025 წელი
04 ნოემბერი 2025 წელი
საქართველოს საპატრიარქოს წმინდა ნინოს სახელობის მართლმადიდებლური სკოლის თეატრალურმა დასმა „რამპამ“ კიდევ ერთხელ დაამტკიცა, რომ შემოქმედება, ერთიანობა და პასუხისმგებლობით შესრულებული საქმე ყოველთვის შედეგს იძლევა.თეატრალური ფესტივალის „მზიანი საქართველო 2025“ ფარგლებში ჩვენი სკოლის თეატრალური დასი "რამპა" მაყურებლისა და ჟიურის წინაშე წარდგა სპექტაკლით „ერთი მუჭა მიწა“ და მოიპოვა შემდეგი ნომინაციები: საუკეთესო სცენარი – სპექტაკლი „ერთი მუჭა მიწა“ საუკეთესო სცენოგრაფია – სპექტაკლი „ერთი მუჭა მიწა“ ქალის მეორეხარისხოვანი როლის საუკეთესო შესრულება – მარიამ ანთიძე მამაკაცის მეორეხარისხოვანი როლის საუკეთესო შესრულება – დემეტრე ლიპარტელიანი ეს წარმატება თითოეული ჩვენი პატარა მსახიობის ერთობლივი შრომისა და შემოქმედებითი თავდადების შედეგია. სცენარის ავტორი და რეჟისორი: მარი თაბაგარიპროდიუსერი: ლალი მელივამუსიკალური ხელმძღვანელი: ნინო ბიბილური საქართველოს საპატრიარქოს წმინდა ნინოს სახელობის მართლმადიდებლური სკოლა გულწრფელად ულოცავს თეატრალურ დასს „რამპას“ ამ წარმატებას და მადლობას უხდის ფესტივალის ორგანიზატორებსა და ჟიურის პროფესიონალური შეფასებისთვის. გისურვებთ შემოქმედებით შთაგონებას, ახალ როლებსა და კიდევ მრავალ წარმატებას!
სრულად
03 ნოემბერი 2025 წელი
30 ოქტომბერს საქართველოს საპატრიარქოს წმინდა ნინოს სახელობის მართლმადიდებლური სკოლის XI კლასის მოსწავლეებმა თამუნა ლაცაბიძესთან (დამრიგებელი) და მარინა ტოხიშვილთან ( ქართული ენისა და ლიტერატურის მასწავლებელი) ერთად მოინახულეს ძველი და ახალი თბილისის ღირსშესანიშნავი და გამორჩეული ადგილები. შთამბეჭდავი აღმოჩნდა აბო თბილელის სახელობის ეკლესიისა და მეტეხის ღვთისმშობლის შობის ტაძრის მონახულება, რომლის უმთავრეს სიწმინდეს წარმოადგენს წმინდა შუშანიკის საფლავი. მოსწავლეებმა გაიხსენეს ორივე წმინდანის ცხოვრება, მოღვაწეობა და თავგანწირვა ქრისტიანობისთვის. ტაძრების მოლოცვის შემდეგ ისინი ეწვივნენ ილიასა და აკაკის ძეგლს რუსთაველის გამზირზე. მსგავსი აქტივობები ხელს უწყობს პატრიოტიზმის ამაღლებას, წარსულის პატივსაცემად, მეგობრობისა და სიყვარულის გაღრმავებას, რაც ასე მნიშვნელოვანია პასუხისმგებლიანი მოქალაქის ჩამოყალიბებაში.
სრულად
03 ნოემბერი 2025 წელი
მოსწავლეებმა წარმოადგინეს ორ მნიშვნელოვან და საინტერესო თემაზე მომზადებული პრეზენტაციები — „პირობითი და უპირებო რეფლექსები“ და „ძილი და ძილის ფენომენი“. პრეზენტაციის ფარგლებში მოსწავლეებმა განიხილეს, როგორ რეაგირებს ადამიანის ორგანიზმი გარეგან გამღიზიანებლებზე, რა განსხვავებაა რეფლექსების სახეებს შორის და რატომ არის მნიშვნელოვანი მათი სწორად გააზრება ყოველდღიურ ცხოვრებაში. მეორე თემის ფარგლებში კი ისინი შეეხნენ ძილის ფენომენს — რა პროცესები მიმდინარეობს ტვინში ძილის სხვადასხვა ფაზაში, რატომ გვჭირდება დასვენება და როგორ მოქმედებს ძილის რეჟიმი ადამიანის ჯანმრთელობაზე. პრეზენტაციები გამოირჩეოდა მოსწავლეთა კვლევითი ინტერესით, შემოქმედებითი მიდგომით და აქტიური ჩართულობით. გაკვეთილს უძღვებოდა ბიოლოგიის მასწავლებელი ლიკა სირანაშვილი.
სრულად
31 ოქტომბერი 2025 წელი
მე-8ბ კლასის მოსწავლეებმა წარმოადგინეს საინტერესო და შემოქმედებითი პრეზენტაციები თემაზე: „ცხოველური და მცენარეული უჯრედებისგან შექმნილი სამყარო და სიცოცხლის უმცირესი — ატომური დონიდან იერარქიის უმაღლეს წერტილამდე — ადამიანი“. მოსწავლეებმა დამსწრეებს გააცნეს ბიოლოგიური იერარქიის ეტაპები, უჯრედების სტრუქტურა და მათი მნიშვნელობა სიცოცხლის არსებობისთვის. პრეზენტაციები გამოირჩეოდა ცოდნის სიღრმით, ვიზუალური მასალების მრავალფეროვნებით და გუნდური მუშაობით. პროექტს ხელმძღვანელობდა ბიოლოგიის მასწავლებელი - ლიკა სირანაშვილი.
სრულად
28 ოქტომბერი 2025 წელი
მე-6 კლასის მოსწავლეებმა წარმოადგინეს საოცარი პრეზენტაციები თემაზე „ქიმიური ნივთიერებები“! გაკვეთილი სავსე იყო: საინტერესო აღმოჩენებით; სახალისო ექსპერიმენტებით; შემოქმედებითი აქტივობებით. პრეზენტაციას უძღვებოდა ბუნებისმეტყველების მასწავლებელი - ლიკა სირანაშვილი
სრულად
28 ოქტომბერი 2025 წელი
მე-5 კლასის მოსწავლეებმა წარმართეს საინტერესო და შემეცნებითი პრეზენტაცია თემაზე „ცხოველების საბინადრო გარემო“.მოსწავლეებმა წარმოადგინეს ნაშრომები და მაკეტები, მოუყვნენ თანაკლასელებს სხვადასხვა ცხოველის საცხოვრებელ გარემოზე, მათ ადაპტაციის თავისებურებებსა და ბუნების დაცვის მნიშვნელობაზე. პრეზენტაცია იყო ცოდნის, შემოქმედებისა და გუნდური მუშაობის შესანიშნავი ნიმუში — ბავშვები დიდი ინტერესითა და შემოქმედებით მიუდგნენ დავალებას და კიდევ ერთხელ წარმოაჩინეს, რამდენად მნიშვნელოვანია ბუნების დაცვა და ცხოველების სამყაროს დაფასება. აქტივობას ხელმძღვანელობდა ბუნებისმეტყველების მასწავლებელი - ლიკა სირანაშვილი. მადლობა მასწავლებელს და ყველა მოსწავლეს საინტერესო, შთამბეჭდავი პრეზენტაციისთვის!
სრულად
28 ოქტომბერი 2025 წელი
დღეს 1ბ კლასში გაიმართა საოცრად ემოციური და დასამახსოვრებელი ღია გაკვეთილი — „ანბანის შემობრძანება“, რომელსაც უძღვებოდა ქართულის მასწავლებელი თამარ თაქთაქიშვილი. პატარა მოსწავლეებმა დაწერეს თავისი პირველი სიტყვები – „აი ია“ და ასე გადადგეს პირველი ნაბიჯები ქართული ანბანის სამყაროში. ბავშვებმა ასოები არამხოლოდ დაწერეს, არამედ ქვიშაზე მოხაზეს, რაც გაკვეთილს შემოქმედებით და მხიარულ ელფერს სძენდა. გაკვეთილზე მასწავლებელმა მოსწავლეებს უამბო, რომ მსოფლიოში არსებობს 3 000-ზე მეტი ენა, მაგრამ დამწერლობა მხოლოდ 14-ს აქვს — და ქართული მათ შორის ერთ-ერთია: უძველესი, უნიკალური და ულამაზესი!ბავშვებმა გაიგეს იაკობ გოგებაშვილის „დედაენის“ მნიშვნელობა — იმ პირველი წიგნისა, რომელიც ენას ასოებით კი არა, წინადადებით აცნობს, რითაც კიდევ უფრო ხაზგასმულია მათი პირველი „აი იას“ მნიშვნელობა — ქართული წერა-კითხვის ნამდვილი აღმოჩენა. თითოეულ პირველკლასელის თვალებში იკითხებოდა აღტაცება, აღმოჩენის სიხარული და დიდი სურვილი, უკეთ გაეცნოთ საკუთარი ენის სილამაზე და სიღრმე. გილოცავთ თქვენს პირველ „აი იას“, პირველკლასელებო! ეს მხოლოდ დასაწყისია თქვენი დიდი და საინტერესო შემეცნებითი მოგზაურობისა.
სრულად
27 ოქტომბერი 2025 წელი
23-25 ოქტომბერს საგარეჯოში ფესტივალი ,,მზიანი საქართველო" გაიმართა, სადაც თეატრალებმა საქართველოს სხვადასხვა კუთხიდან მოიყარეს თავი და სპექტაკლები წარმოადგინეს. ჩვენი სკოლის თეატრალური დასი ,,რამპა" წელს მაყურებლისა და კომპეტენტური ჟიურის წინაშე წარსდგა სპექტაკლით ,,ერთი მუჭა მიწა", რომლის სცენარის ავტორი და რეჟისორი, დასის სამხატვრო ხელმძღვანელი, მარი თაბაგარი გახლავთ, პროდიუსერი - ლალი მელივა, მუსიკალური ხელმძღვანელი - ნინო ბიბილური. ემოციური, ცრემლითა და იმედით სავსე სპექტაკლის შემდეგ ხელმძღვანელები და მსახიობები დიპლომებითა და სპეციალური პრიზით დაჯილდოვდნენ. ასევე დასს გადაეცა, ივლისში გამართულ ფესტივალზე მინიჭებული, ნომინაციები: საუკეთესო ლიტერატურული კომპოზიცია - სპექტაკლი ,,ჩემო კარგო ქვეყანავ"; საუკეთესო მუსიკალური შესრულება; ქალის საუკეთესო როლი - მარიამ ანთიძე. საინტერესო სამმა დღემ ხელოვნების სურნელი დაატრიალა და შთაბეჭდილებებით სავსე დაგვაბრუნა სკოლის კედლებში.ისღა დაგვრჩენია, მადლობა ვუთხრათ ფესტივალის ორგანიზატორებს - თეა დავითაიასა და ხვიჩა ახალაიას და დაველოდოთ როგორც ნომინაციებს, ისე ახალ გამოწვევებს თეატრალური ფესტივალების სახით.
სრულად
27 ოქტომბერი 2025 წელი