551 16 22 11; 577 415 789; 551 72 12 52 st.ninoschool@gmail.com

სიახლეები

Arrow Down Icon
Image 28 ოქტომბერი 2025 წელი

დღეს 1ბ კლასში გაიმართა საოცრად ემოციური და დასამახსოვრებელი ღია გაკვეთილი — „ანბანის შემობრძანება“, რომელსაც უძღვებოდა ქართულის მასწავლებელი თამარ თაქთაქიშვილი. პატარა მოსწავლეებმა დაწერეს თავისი პირველი სიტყვები – „აი ია“   და ასე გადადგეს პირველი ნაბიჯები ქართული ანბანის სამყაროში. ბავშვებმა ასოები არამხოლოდ დაწერეს, არამედ ქვიშაზე მოხაზეს, რაც გაკვეთილს შემოქმედებით და მხიარულ ელფერს სძენდა. გაკვეთილზე მასწავლებელმა მოსწავლეებს უამბო, რომ მსოფლიოში არსებობს 3 000-ზე მეტი ენა, მაგრამ დამწერლობა მხოლოდ 14-ს აქვს — და ქართული მათ შორის ერთ-ერთია: უძველესი, უნიკალური და ულამაზესი!ბავშვებმა გაიგეს იაკობ გოგებაშვილის „დედაენის“ მნიშვნელობა — იმ პირველი წიგნისა, რომელიც ენას ასოებით კი არა, წინადადებით აცნობს, რითაც კიდევ უფრო ხაზგასმულია მათი პირველი „აი იას“ მნიშვნელობა — ქართული წერა-კითხვის ნამდვილი აღმოჩენა. თითოეულ პირველკლასელის თვალებში იკითხებოდა აღტაცება, აღმოჩენის სიხარული და დიდი სურვილი, უკეთ გაეცნოთ საკუთარი ენის სილამაზე და სიღრმე. გილოცავთ თქვენს პირველ „აი იას“, პირველკლასელებო! ეს მხოლოდ დასაწყისია თქვენი დიდი და საინტერესო შემეცნებითი მოგზაურობისა.

სრულად
Image 27 ოქტომბერი 2025 წელი

23-25 ოქტომბერს საგარეჯოში ფესტივალი ,,მზიანი საქართველო" გაიმართა, სადაც თეატრალებმა საქართველოს სხვადასხვა კუთხიდან მოიყარეს თავი და სპექტაკლები წარმოადგინეს. ჩვენი სკოლის თეატრალური დასი ,,რამპა" წელს მაყურებლისა და კომპეტენტური ჟიურის წინაშე წარსდგა სპექტაკლით ,,ერთი მუჭა მიწა", რომლის სცენარის ავტორი და რეჟისორი, დასის სამხატვრო ხელმძღვანელი, მარი თაბაგარი გახლავთ, პროდიუსერი - ლალი მელივა, მუსიკალური ხელმძღვანელი - ნინო ბიბილური. ემოციური, ცრემლითა და იმედით სავსე სპექტაკლის შემდეგ ხელმძღვანელები და მსახიობები დიპლომებითა და სპეციალური პრიზით დაჯილდოვდნენ. ასევე დასს გადაეცა, ივლისში გამართულ ფესტივალზე მინიჭებული, ნომინაციები: საუკეთესო ლიტერატურული კომპოზიცია - სპექტაკლი ,,ჩემო კარგო ქვეყანავ"; საუკეთესო მუსიკალური შესრულება; ქალის საუკეთესო როლი - მარიამ ანთიძე. საინტერესო სამმა დღემ ხელოვნების სურნელი დაატრიალა და შთაბეჭდილებებით სავსე დაგვაბრუნა სკოლის კედლებში.ისღა დაგვრჩენია, მადლობა ვუთხრათ ფესტივალის ორგანიზატორებს - თეა დავითაიასა და ხვიჩა ახალაიას და დაველოდოთ როგორც ნომინაციებს, ისე ახალ გამოწვევებს თეატრალური ფესტივალების სახით.

სრულად
Image 27 ოქტომბერი 2025 წელი

26 ოქტომბერს, საგარეჯოს კულტურის სახლის დიდ დარბაზში, ჩვენი სკოლის ფოლკლორული ანსამბლი „მეგაკახი“ პირველად წარსდგა მსმენელის წინაშე — ტრადიციული ფოლკლორული ფესტივალის „მზიანი საქართველო 2025 – საგარეჯო“ ფარგლებში.ანსამბლის დებიუტური შესრულება განსაკუთრებული ემოციებითა და მაყურებლის თბილი აპლოდისმენტებით აღინიშნა. ფესტივალში მონაწილეობისთვის ანსამბლის წევრებს გადაეცათ სერტიფიკატები მადლობა ანსამბლის წევრებსა და ხელმძღვანელებს — ელა კვარაცხელიასა და ილია მახარაშვილს — შესანიშნავი დებიუტისთვის და ქართული სიმღერის სიყვარულის გაზიარებისთვის.

სრულად
Image 27 ოქტომბერი 2025 წელი

26 ოქტომბერს, საგარეჯოს კულტურის სახლის დიდ დარბაზში, ჩვენი სკოლის ანსამბლმა „იაკამი“ მონაწილეობა მიიღო ტრადიციულ ფოლკლორულ ფესტივალში „მზიანი საქართველო 2025 – საგარეჯო“. ფესტივალში მონაწილეობისთვის ანსამბლის წევრებს გადაეცათ სერტიფიკატები, რაც კიდევ ერთხელ ადასტურებს მათ აქტიურ ჩართულობასა და ერთგულებას ქართული ფოლკლორის მიმართ. გულითადი მადლობა ანსამბლის ხელმძღვანელს — ნინო ბიბილურს — და თითოეულ მონაწილეს შესანიშნავი შესრულებისთვის, ქართული სიმღერის სიყვარულისა და ტრადიციების შენარჩუნებაში შეტანილი წვლილისთვის

სრულად
Image 24 ოქტომბერი 2025 წელი

მე-8 ბ კლასის მოსწავლეები ესტუმრნენ საქართველოს ეროვნულ ბიბლიოთეკას, სადაც დაათვალიერეს ბიბლიოთეკის ისტორიული და თანამედროვე სექციები, გაეცნენ უნიკალურ გამოცემებსა და ხელნაწერებს და მოინახულეს ილიას დარბაზი წიგნის მუზეუმში. მოსწავლეებმა დიდი ინტერესით დაათვალიერეს ძველი წიგნები, ილუსტრაციები და ექსპონატები, რომლებიც ასახავს ქართული წიგნისა და ბეჭდვის მრავალსაუკუნოვან ისტორიას.   ექსკურსია იყო არა მხოლოდ შემეცნებითი, არამედ შთამაგონებელიც — ბავშვებმა უკეთ გაიაზრეს ცოდნის, წიგნისა და კულტურის მნიშვნელობა. ბიბლიოთეკაში შეხვედრა საინტერესო და თბილ ატმოსფეროში წარიმართა.  ვიზიტის ორგანიზება მე-8ბ კლასის დამრიგებელ - ირინე კვანჭიანს ეკუთვნის, რომლის ძალისხმევითაც მოსწავლეებისთვის დღე ძალიან დასამახსოვრებელი აღმოჩნდა.

სრულად
Image 24 ოქტომბერი 2025 წელი

მე-3ა და მე-3ბ კლასის მოსწავლეები გასვლითი საგანმანათლებლო აქტივობის ფარგლებში ესტუმრნენ ხელოვნების სახელმწიფო მუზეუმს, სადაც მონაწილეობა მიიღეს საინტერესო და შემეცნებით ღონისძიებაში — „სამეფო გვირგვინი“.აქტივობამ ბავშვები ისტორიისა და ხელოვნების შთამბეჭდავ სამყაროში მოავლინა. მათ იხილეს უნიკალური სიძველეები, გაიცნეს ბაგრატიონთა დინასტიის მემკვიდრეობა და მოისმინეს მრავალი საინტერესო ისტორია სამეფო გვირგვინებისა და ქართული სამეფო ტრადიციების შესახებ. ექსკურსიის შემოქმედებით ნაწილში მოსწავლეებმა საკუთარი ხელით დაამზადეს სამეფო სიმბოლო — გვირგვინი  , სადაც ფანტაზიამ, ფერებმა და ბავშვურმა შთაგონებამ ერთად შექმნა ნამდვილი მხატვრული სამყარო. მოსწავლეები იქ არამხოლოდ მსმენელები, არამედ ნამდვილი შემოქმედებიც იყვნენ — მათთან ერთად ისტორიაც გაცოცხლდა. კიდევ ერთხელ დავრწმუნდით, რომ წარსულის გაცნობა შეიძლება იქცეს ყველაზე მხიარულ, შთამაგონებელ და თავგადასავლებით სავსე დღევანდელობად! განსაკუთრებული მადლობა კლასის დამრიგებლებს — ეკატერინე ბიბილურსა და ნინო გაგოევს, რომლებმაც აქტივობა სიყვარულით, ენერგიითა და ინოვაციური მიდგომით წარმართეს.

სრულად
Image 22 ოქტომბერი 2025 წელი

22 ოქტომბერს ჩატარდა შიდა სასკოლო ფეხბურთის ჩემპიონატი VI–VII კლასებს შორის. ტურნირმა დამსწრეებს დიდი სპორტული ემოცია და გუნდური სულისკვეთება აჩუქა! ჩემპიონი გახდა 7ა კლასი, რომელმაც გამორჩეული თამაშით მოიპოვა პირველი ადგილი! მეორე ადგილი დაიკავა 7ბ კლასმა, რომელიც ასევე ღირსეულად ასპარეზობდა ტურნირზე. მოსწავლეებმა დიდი აქტიურობითა და გუნდური თამაშის სულისკვეთებით დაამტკიცეს, რომ სპორტი ჩვენი სკოლის ცხოვრების მნიშვნელოვანი ნაწილია.   ტურნირი წარიმართა სპორტის მასწავლებლების — ბექა კვარაცხელიასა და ქეთევან მიქელაძის — ხელმძღვანელობით.

სრულად
Image 21 ოქტომბერი 2025 წელი

მე-5 ბ კლასის მოსწავლეებმა ინგლისური ენის გაკვეთილებზე შექმნეს და წარმოადგინეს საკუთარი “შედოუბოქსები” (Shadow Boxes) — საინტერესო, ფერადი და წარმოსახვითი ნამუშევრები, რომლებიც ასახავს მათ საყვარელ თემებსა და იდეებს.პროექტის მიზანი იყო სიტყვებისა და ვიზუალური გამოთქმის შერწყმა, ინგლისური ენის გამოყენება შემოქმედებით კონტექსტში და საკუთარი ინტერესების პრეზენტაცია ინგლისურად. მოსწავლეებმა დიდი მონდომებით იმუშავეს, წარადგინეს თავიანთი ნამუშევრები კლასის წინაშე და გააზიარეს, თუ რას გამოხატავდა თითოეული „შედოუბოქსი“. პროექტს ხელმძღვანელობდა ინგლისური ენის მასწავლებელი მაკა საკანდელიძე, რომელმაც კიდევ ერთხელ აჩვენა, როგორ შეიძლება სწავლა იყოს ინტერაქტიული, სახალისო და შთამაგონებელი.

სრულად
Image 21 ოქტომბერი 2025 წელი

პირველ კლასში გაიმართა საოცრად ემოციური და დასამახსოვრებელი ღია გაკვეთილი — „ანბანის შემობრძანება“.პატარა მოსწავლეებმა თავიანთი პირველი „ია“ დაწერეს და ამით ქართული ანბანის სამყაროში პირველი ნაბიჯი გადადგეს.გაკვეთილი ჩაატარა ქართული ენის პედაგოგმა ლეიკო თვალაბეშვილმა, რომელმაც ბავშვებს ქართულ ასოებთან ერთად გააცნო ის ისტორიები, რომლითაც ბევრმა ჩვენგანმა დაიწყო წერა-კითხვა — „ია“, „ბომბორა“ და ძველი ქართული მულტფილმი, სადაც ბომბორა კითხვას სწავლობს და ეცნობა ასოებს. მასწავლებელმა მოსწავლეებს უამბო, რომ მსოფლიოში 3000-ზე მეტი ენა არსებობს, მაგრამ დამწერლობა მხოლოდ 14-ს აქვს — და ქართული მათ შორის ერთ-ერთია: უძველესი, უნიკალური და ულამაზესი! ისაუბრეს იაკობ გოგებაშვილის „დედაენაზეც“ — იმ პირველ წიგნზე, რომელიც ბავშვებს ენას ასოებით კი არა, წინადადებით აცნობს, რითაც კიდევ უფრო ხაზგასმულია ჩვენი „აი იას“ მნიშვნელობა — ქართული წერა-კითხვის ნამდვილი აღმოჩენა! გაკვეთილი გაფორმდა ლექსებითა და ანდაზებით. კლასში სუფევდა სიხარულის, ემოციისა და სიამაყის ატმოსფერო — პირველკლასელების თვალებში იკითხებოდა აღტაცება, აღმოჩენის სიხარული და დიდი სურვილი, უკეთ გაეცნოთ საკუთარი ენის სილამაზე და სიღრმე. როგორც ლეიკო მასწავლებელი ამბობს:„ყოველ ჯერზე, როცა პირველ კლასთან მაქვს შეხება, მეც პირველკლასელი ვხდები... ბავშვობაში მოგზაურობა საოცარი ენერგიით ავსებს ადამიანს.დედიკოს კალთას მოცილებულნი შენში ეძებენ სითბოსა და სიყვარულს...‘ერთხელ დაბადებული ქართველი კაცი მეორედ მაშინ იბადება, როცა იაკობ გოგებაშვილის „დედაენას“ ხელში პირველად აიღებს...’ასე თავიდან იბადები, როცა პატარებს ხმათა ხავერდების და ღმერთების ენა უნდა შეაყვარო — დედასავით რომ ჩაიკრან გულში და არ გაუშვან...ვისაუბრეთ ანისა და ბანის შეერთებით მიღებულ ანბანზე, ხმოვანთა და თანხმოვანთა მეგობრობაზე, იის სისპეტაკეზე — იმ პირველი კარის გასაღებზე, რომელიც ბავშვობასა და ცოდნის სამყაროს აერთებს.კეთილი იყოს თქვენი მობრძანება ცოდნის საუნჯეში, ჩემო პირველკლასელებო!  “ გილოცავთ თქვენს პირველ „აი იას“, პირველკლასელებო!ეს მხოლოდ დასაწყისია თქვენი დიდი და საინტერესო შემეცნებითი მოგზაურობისა!

სრულად
Image 20 ოქტომბერი 2025 წელი

15 ოქტომბერს წმინდა ნინოს სახელობის მართლმადიდებლურ სკოლაში გაიმართა ტრადიციული შიდა სასკოლო საფეხბურთო ტურნირი, რომელშიც მონაწილეობა მიიღეს VIII-XI კლასის მოსწავლეებმა. ტურნირის მიზანი იყო ჯანსაღი ცხოვრების წესის, სპორტული სულისკვეთებისა და გუნდური მუშაობის უნარების განვითარება. მთელი დღის განმავლობაში საფეხბურთო მოედანზე სუფევდა ნამდვილი სპორტული ემოცია, მეგობრობა და გულშემატკივრების მხურვალე ოვაციები.    მოსწავლეებმა განსაკუთრებული შემართებით იბრძოლეს გამარჯვებისთვის — თითოეულმა გუნდმა გამოავლინა პასუხისმგებლობა, თავგანწირვა და კოლექტიური თანამშრომლობის მაღალი დონე. თამაშები მიმდინარეობდა სამართლიანად და სპორტული ეთიკის სრული დაცვით. ტურნირის დასასრულს გამოვლინდნენ გამარჯვებული გუნდები: პირველი ადგილი — მე-9ა კლასი! მეორე ადგილი — მე-11ა კლასი!  დიდი მადლობა სპორტის პედაგოგებს, რომლებმაც უზრუნველყვეს ტურნირის წარმატებული ჩატარება და მხიარული ატმოსფერო. მსგავსი ღონისძიებები კიდევ ერთხელ უსვამს ხაზს ჩვენი სკოლის ერთ-ერთ მთავარ ღირებულებას — ჯანსაღი, აქტიური და მორალურად ძლიერი თაობის აღზრდას.

სრულად