11 ნოემბერი 2024 წელი
სიახლეები
11 ნოემბერი 2024 წელი
09 ნოემბერი 2024 წელი
საქართველოს საპატრიარქოს წმინდა ნინოს სახელობის მართლმადიდებლური სკოლის მოსწავლეებმა მოინახულეს შუაგულის სანერგე მეურნეობა. სახალისო / შემეცნებით ტურს შუაგულის სანერგეში მოიცავდა: აქტივობის ინიციატორების, კლასის დამრიგებლების, ეკა ლომინაძისა და მარინა ტოხიშვილის თქმით, ბავშვებმა იდეალურად გაართვეს თავი სახალისო დავალებებს. პატარებმა გამოცდილება მიიღეს, ახლოდან გაცნობოდნენ მცენარეებს, შინაურ ცხოველებსა და ბუნების სილამაზეს. ამგვარი აქტივობა ხელს უწყობს ბუნებისადმი სიყვარულისა და მზრუნველობის განვითარებას. შემეცნებითი თვალსაზრისით, ექსკურსიის დროს, მოსწავლეებმა მიიღეს საინტერესო ინფორმაცია მცენარეების მოვლის შესახებ. ამით გაფართოვდა მათი ცოდნა ბოტანიკისა და ეკოლოგიის სფეროში. განივითარეს პრაქტიკული უნარებიც: საკუთარი ხელით დარგეს მცენარე და მიიღეს პოზიტიური ემოციები. აიმაღლეს განწყობა და მიეცათ საშუალება, განეცადათ წარმატების სიხარული. საჩუქრად მიღებული მცენარის მოვლა კი ბავშვებს ასწავლის პასუხისმგებლობასა და ზრუნვას.ასეთი აქტივობების ორგანიზება მნიშვნელოვანია, რადგან ადრეული ასაკიდან ბუნებისადმი სიყვარულის ხელს შეუწყობს მომავალში გარემოს დაცვის მიმართ პასუხისმგებელი მოქალაქეების აღზრდას.
სრულად
09 ნოემბერი 2024 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში გაიმართა შრომითი უსაფრთხოების სწავლება. თემატიკა:შრომის უსაფრთხოების ზოგადი მოთხოვნები; შრომის უსაფრთხოების საკანონმდებლო რეგულაციები და პრინციპები; ინდივიდუალური დაცვის საშუალებების გამოყენებისა და მოვლა/შენახვის წესები. (პოტენციური საფრთხეების შესაბამისად).ობიექტზე არსებული საფრთხეები, რისკები და მათი კონტროლის ზომები. სამუშაო ტექნიკისა და სამუშაო აღჭურვილობის (მათ შორის მათი შეკეთების), ელექტრო მოწყობილობებზე უსაფრთხო მუშაობისა და გამოყენების წესები; ინსტრუქტაჟები სამუშაო სპეციფიკიდან გამომდინარე , მათ შორის დიასახლისი, მძღოლი, ელ.ინსტრუმენტებთან უსაფრთხოდ მუშაობა,საოფისე საქმიანობა; შრომის უსაფრთხოების ნიშნები; ერგონომიკა, ტვირთის ხელით აწევა გადაადგილება; ელექტრო (მაღალი/დაბალი ძაბვა) უსაფრთხოებისა და უსაფრთხოდ მუშაობის წესები, სიმაღლეზე მუშაოაბ, კიბე და მასთან დაკავშირებული საფრთხეები.სახანძრო უსაფრთხოება, ხანძარსაწინააღმდეგო სისტემები, საგანგებო სიტუაციები და საევაკუაციო ღონისძიებები, გამაფრთხილებელი ნიშნები, ცეცხლმაქრის გამოყენების წესი, საგანგებო სიტუაციები; პირველადი სამედიცინო დახმარება,დასუფთავება-დალაგება, ქიმიური ნივთიერებების გამოყენება/შენახვა; ერგონომიკა, სამუშაო სივრცის უსაფრთხოება; სამუშაო სივრცეში მომხდარი უბედური შემთხვევები და მათი მართვის გზები.
სრულად
07 ნოემბერი 2024 წელი
საქართველოს საპატრიარქოს წმინდა ნინოს სახელობის მართლმადიდებლური სკოლის ქართული ენისა და ლიტერატურის მასწავლებლის მარინა ტოხიშვილის ინიციატივით XI კლასის მოსწავლეები ეწვივნენ კორნელი კეკელიძის სახელობის ხელნაწერთა ეროვნულ ცენტრს. დაათვალიერეს ხელნაწერები და ააწყეს თავსატეხი ვახუშტი ბაგრატიონის ევროპის რუკის მიხედვით. ვიზიტის მიზანი იყო: მოსწავლეებისთვის ქართული კულტურული მემკვიდრეობის შესახებ ცოდნის გაღრმავება, ხელნაწერთა მნიშვნელობის გააზრება და პრაქტიკული დავალების შესრულების გზით მიღებული ცოდნის გამოყენება. აქტივობები: მოსწავლეებმა დაათვალიერეს ცენტრში დაცული უძველესი ხელნაწერები, გაეცნენ მათი შექმნის ისტორიას, მნიშვნელობასა და შენახვის მეთოდებს. მოსწავლეებს დაევალათ ვახუშტი ბაგრატიონის ევროპის რუკის მიხედვით თავსატეხის აწყობა. ამ აქტივობამ მათ საშუალება მისცა, უფრო ახლოს გაცნობოდნენ ქართველი კარტოგრაფის შემოქმედებასა და გაეანალიზებინათ წარსული დროის უაღრესად ზუსტი რუკა. მარინა ტოხიშვილის თქმით, ,,მოსწავლეებმა მიიღეს საჭირო ინფორმაცია, ქართული ხელნაწერების მნიშვნელობის შესახებ, ისტორიასა და კულტურაში. გაეცნენ ხელნაწერთა შექმნის პროცესსა და მათი შენახვის მეთოდებს; ვახუშტი ბაგრატიონის ევროპის რუკისა და მის მნიშვნელობას კარტოგრაფიის ისტორიაში. მსგავსი ტიპის აქტივობები მოსწავლეებს განუვითარებს კრიტიკული აზროვნების, გუნდური მუშაობის, პრობლემის გადაჭრის უნარებს.გაუღრმავდებათ ინტერესი ქართული კულტურული მემკვიდრეობის მიმართ; ისტორიისა და გეოგრაფიისადმი." კორნელი კეკელიძის სახელობის ხელნაწერთა ეროვნულ ცენტრში ვიზიტი წარმატებული იყო. მოსწავლეებმა მიიღეს საინტერესო და სასარგებლო ცოდნა, გაიღრმავეს ქართული კულტურისადმი ინტერესი და განივითარეს მნიშვნელოვანი უნარები. შემდგომი გეგმები:კლასში განხილული იქნება ვიზიტის შთაბეჭდილებები და მიღებული ცოდნა.მოსწავლეებს დაევალებათ მცირე პროექტების შექმნა, რომლებიც დაკავშირებული იქნება ხელნაწერებთან ან ვახუშტი ბაგრატიონის რუკასთან.
სრულად
31 ოქტომბერი 2024 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში ლეილა თვალაბეიშვილისმიერ, ქართული ენისა და ლიტერატურის გაკვეთილზე წარმოდგენილი იყო შესასწავლი მასალის თემა: ,,და მე ვიგონებ” ქვესაკითხები: მოთხრობების ,,ხაზარულასა“ და ,,ჩვენი ჭერმის“ეპიზოდები, პერსონაჟების მოქმედების ადგილი დრო. არსებითი და არა არსებითი დეტალები. მსჯელობა ორივე ტექსტის მთავარ სათქმელსა და პერსონაჟების საქციელზე. გაკვეთილმა წარმატებით ჩაიარა. მოსწავლეებმა გამოავლინეს ღრმა ცოდნა და ანალიზის უნარი არსებული თემის ირგვლივ.მასწავლებელმა, ლეილა თვალაბეიშვილმა განსახილველ მასალასთან ერთად შეარჩია შესაბამისი აქტივობები და თვალსაჩინოებები, კერძოდ, ნაძერწი მასალა, რამაც მოსწავლეები სრულად ჩართო საგაკვეთილო პროცესში და სასურველ შედეგს მიაღწია. აღსანიშნავია ის ფაქტიც, რომ საგაკვეთილო პროცესში მოსწავლეთა ჩართულობა არ ყოფილა საგანგებოდ მომზადებული: კერძოდ, წინასწარ გაზეპირებული ფრაზებითა და შეფასებებით გაჯერებული. გამოკითხვის სტრატეგია იყო წინარე ცოდნასა და კრიტიკულ აზროვნებაზე დაფუძნებული, რასაც ამყარებდა არგუმენტებით მსჯელობა, განსხვავებული აზრის მოსმენის კულტურა, დებატების გამართვის სტრატეგია და ობიექტური დასკვნების გამოტანის უნარი. მასწავლებელმა მოახერხა თემის ღრმა და ყოვლისმომცველი გაშუქება. მოთხრობის ჟანრის ყველა მნიშვნელოვანი ასპექტის დაფარვა, დაწყებული სტრუქტურიდან, დამთავრებული მხატვრული ხერხებით. გაკვეთილის მანძილზე მოსწავლეები აქტიურად მონაწილეობდნენ მსჯელობაში, ანალიზში და საკუთარი აზრის გამოთქმაში.მასწავლებელმა გამოიყენა სხვადასხვა შემოქმედებითი აქტივობა, რამაც მოსწავლეებს საშუალება მისცა, თამამად გადმოეცათ მიღებული ცოდნა. გაკვეთილი სრულად შეესაბამებოდა ეროვნული სასწავლო გეგმის მოთხოვნებს. რაც ავითარებს მოსწავლეებში კრიტიკულ აზროვნებას, ანალიზისა და შემოქმედების უნარებს. გაკვეთილი შესანიშნავი მაგალითია იმისა, თუ როგორ შეიძლება ლიტერატურის სწავლება გახდეს საინტერესო და მოსწავლეთათვის სასარგებლო. მასწავლებელმა შეძლო რთული თემის მარტივად და გასაგებად წარდგენა, რამაც მოსწავლეებში ინტერესი გააღვიძა და მათ სწავლისადმი მოტივაცია გაზარდა.
სრულად
31 ოქტომბერი 2024 წელი
საქართველოს საპატრიარქოს წმინდა ნინოს სახელობის მართლმადიდებლური სკოლის სახვითი ხელოვნების პედაგოგმა, ქეთი დევნიზაშვილმა მოაწყო შემოდგომის ნუგბარის ექსპოზიცია,სადაც წარმოდგენილი იყო ამ სეზონისთვის დამახასიათებელი პროდუქტები და ნუგბარი. ექსპოზიციაზე სტუმრებს შეეძლოთ დაეგემოვნებინათ ისეთი პროდუქტები, როგორიცაა სხვადასხვა ჯიშის ვაშლი, მსხალი, ყურძენი, თხილი, ნიგოზი, ასევე ტრადიციული ჩურჩხელა. მსგავსი ღონისძიებები ხელს უწყობს ტრადიციების დაცვასა და პოპულარიზაციას. ასევე მხატვრული კომპოზიციების შექმნას, ფერთა შეხამებასა და შემოქმედებითი უნარების განვითარებას.
სრულად
31 ოქტომბერი 2024 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში, ტრადიციულად, პირველი კლასების დამრიგებლების, მარიამ ჭიტაძისა და ნინი კანტიძის ინიციატივით გაიმართა აქტივობა "ბარაქიანი შემოდგომა".სკოლის ეზოში დამხმარე რეკვიზიტებთან ერთად გამოიფინა საშემოდგომო ხილის ასორტი, რომელიც მშვენიერი სანახაობა იყო. შემოდგომის ზეიმზე თათარის მოდუღება და ჩურჩხელების ამოვლება ტრადიციული და შემოქმედებითი აქტივობაა. ნებისმიერი ასაკის ადამიანისთვის ჩურჩხელა ერთ-ერთი საუკეთესო ნუგბარია და ბავშვებისთვისაც საინტერესო გამოცდილებად გადაიქცა მისი მომზადება.
სრულად
29 ოქტომბერი 2024 წელი
საქართველოს საპატრიარქოს წმინდა ნინოს სახელობის მართლმადიდებლურ სკოლაში თეატრალურმა დასმა წარმოადგინა სპექტაკლი „ლამაზი ცრემლები“, რომელიც განხორციელდა რეზო ინანიშვილის ამავე სახელწოდების მოთხრობის მიხედვით. თეატრალურმა წარმოდგენამ, სამსახიობო დასთან ერთან, ნათლად წარმოჩინა მწერლის უნიკალური სტილი და ემოციური თხრობის უნარი. რეზო ინანიშვილი ცნობილია თავისი გულწრფელი და ადამიანური ისტორიებით, რომლებიც სავსეა ემოციური სიმძაფრითა და ცხოვრებისეული სიბრძნით. სპექტაკლში ,,ლამაზი ცრემლები" არა მხოლოდ ორიგინალურად წარმოადგინეს ნაწარმოების დრამატული ქარგა, არამედ ავტორის ემოციური ჩანაფიქრიც ავთენტურად გადმოცსცეს. დასის შესრულება ხშირად ხაზს უსვამს ყოფით სცენებს, მცირე დეტალებსა და ადამიანურ განცდებს, რაც ინანიშვილის შემოქმედებისთვისაა დამახასიათებელი.მოსწავლეები დიდი ინტერესით აკვირდებოდნენ გმირების ხასიათს, მათ ურთიერთდამოკიდებულებასა და ემპათიის მომენტებს. ამგვარი აქტივობები, სასკოლო სივრცეში, მნიშვნელოვან როლს თამაშობს მოზარდის სულიერი და შემოქმედებითი განვითარების თვალსაზრისით.
სრულად
29 ოქტომბერი 2024 წელი
საქართველოს საპატრიარქოს წმინდა ნინოს სახელობის მართლმადიდებლური სკოლა-ში გაიმართა შემეცნებითი სპექტაკლი "გრიგოლ ფერაძე". თეატრალიზებული წარმოდგენა ეპოქის შესაბამისი რეკვიზიტებით იყო გაფორმებული, რაც შთამბეჭდავს ხდიდა სასცენო დეკორაციას. დრამატურგიული ჩანაფიქრი ორ ეპოქაში: მე-20 და 21-ე საუკუნეში მიმდინარეობდა. წარმოდგენა გახორციელდა საქართველოს საპატრიარქოს მხარდაჭერით, კულტურულ-საგანმანათლებლო აქტივობების ფარგლებში. მსგავსი ღონისძიებების გამართვა, სასკოლო თემში და კერძოდ მოზარდებში, ხელს უწყობს ეროვნული ფასეულობებისა და პატრიოტული სულისკვეთების ჩამოყალიბებას.
სრულად
25 ოქტომბერი 2024 წელი