551 16 22 11; 577 415 789; 551 72 12 52 st.ninoschool@gmail.com
შეტყობინებები სიახლეებსა და მოსალოდნელ განახლებებზე

მიმდინარე სიახლეები

Image 10 დეკემბერი 2025 წელი

მე-2ა კლასის მოსწავლეები სტუმრად იყვნენ “Kiki Ceramics”-ში და მონაწილეობა მიიღეს საახალწლო თიხის ხელოვნების მასტერკლასში. ბავშვებმა საკუთარი ხელებით შექმნეს საოცარი ნამუშევრები — ჭიქები, ვაზები და ნაძვისხის სათამაშოები.    მოსწავლეებმა საკუთარ თავს ნამდვილი კერამიკოსის როლი მოარგეს: მოამზადეს და დაამუშავეს თიხა ფრთხილად ჩამოაყალიბეს სურვილისამებრ ფორმები მიანიჭეს დიზაინი და ამოჭრეს თავიანთი ნამუშევრები საოცარი ენერგიით შექმნილი ნამუშევრები მალე გამოიცხობა და დაახლოებით 2 კვირაში სკოლაში მოგვიტანს — ბავშვები კი მოუთმენლად ელიან საკუთარი ხელით შექმნილი ნივთების ნახვას!   კლასს აქტივობაზე ახლდა კლასის დამრიგებელი მაია ხელაძე, ასევე ჩვენი სკოლის პედაგოგი გვანცა ტალახაძე.   ასეთი შემოქმედებითი გამოცდილებები პატარა ხელოვანებს თვითგამოხატვის, დამოუკიდებელი მუშაობისა და შემოქმედებითი აზროვნების განვითარებაში ეხმარება.

სრულად
Image 09 დეკემბერი 2025 წელი

ჩვენმა მე-7 კლასელებმა შემოქმედებითად და დიდი პასუხისმგებლობით იმუშავეს ერთ ძალიან მნიშვნელოვან თემაზე — ბავშვთა უფლებებზე. გუნდებად გაერთიანებულმა მოსწავლეებმა შეისწავლეს ბავშვთა უფლებების კონვენცია, შეარჩიეს 5 ყველაზე მნიშვნელოვანი მუხლი და თანაკლასელებს აუხსნეს, რატომ მიიჩნევდნენ მათ პრიორიტეტულად. ასევე გაავლეს პარალელები კონსტიტუციასთან და ადამიანთა უფლებათა საყოველთაო დეკლარაციასთან. მათ მოიტანეს საინტერესო ისტორიული და ლიტერატურული მაგალითები, რითაც უკეთ წარმოაჩინეს, როგორ იცავს საზოგადოება ბავშვის უფლებებს და რატომ არის ეს ასეთი მნიშვნელოვანი. პროექტის ერთ-ერთი ყველაზე ლამაზი ნაწილი იყო მცირე მაკეტები — „ბავშვთა სამყაროები“, სადაც მოსწავლეებმა ვიზუალურად ასახეს უსაფრთხო, თავისუფალი და დაცული გარემო ბავშვებისთვის. პროექტის მთავარი მიზანი იყო, რომ მოსწავლეებს გაეღრმავებინათ სამართლებრივი ცოდნა და უკეთ გაეგოთ საკუთარი უფლებები. ვულოცავთ ჩვენს მე-7 კლასელებს პასუხისმგებლობითა და კრეატიულობით შესრულებულ დიდ საქმეს! პროექტის ხელმძღვანელი: ჯუბა თომაძე

სრულად
Image 09 დეკემბერი 2025 წელი

პლატფორმა „შეხვედრა მშობელთამ“ განსაკუთრებული საშუალებაა მოსწავლის, მშობლისა და მასწავლებლის გასაერთიანებლად. აღნიშნულმა აქტივობამ უფრო საინტერესო გახადა საქართველოს საპატრიარქოს წმინდა ნინოს სახელობის მართლმადიდებლური სკოლის ცხოვრება. 2025 წლის 5 დეკემბერს სკოლაში სტუმრად გვეწვია Vბ და VIIბ კლასის მოსწავლეების სოფია და ნიკოლოზ მამედოვების დედა - ქალბატონი ანა ნინუა. მასთან შესახვედრად დიდი მონდომებით მოემზადნენ Vა და Vბ კლასის მოსწავლეები. ქალბატონმა ანამ ბავშვებს საკუთარი ცხოვრებისეული არჩევანისა და პროფესიის შესახებ ბევრი მოუთხრო. აუხსნა, როგორ გადაწყვიტა იურისტობა, რატომ იზიდავდა მას ეს პროფესია და როგორ აღმოჩნდა პოლიციაში გამომძიებლად. ისიც უთხრა, რომ ადამიანთა უსაფრთხო ცხოვრებას დიდი ძალისხმევა და მონდომება სჭირდება, თუმცა, როცა კარგ საქმეს აკეთებ, საამაყოცაა და საპასუხისმგებლოც. ქალბატონმა ანამ მოსწავლეებს აჩვენა თავისი საქმიანობის ფოტო და ვიდეომასალა, რამაც დიდი ინტერესი გამოიწვია.ბავშვებმა უამრავი კითხვა დასვეს. მათ შორის დაინტერესდნენ ბავშვების მიერ ჩადენილი დანაშაულებით. კითხვები შეეხებოდა ქურდობას, ძარცვას, ოჯახურ ძალადობას, ნარკოტიკსა და სხვა უამრავ ფაქტსა თუ ვარაუდს. საუბრის შეჯამებისას ყველამ აღნიშნა, რომ ამ გზას არავინ უნდა დაადგეს და როცა ხედავ, რომ დანაშაული ხდება, სასწრაფოდ უნდა დარეკოს 112-ში. მადლობა ქალბატონ ანას საკუთარი პროფესიის ასე მიმზიდველად და საინტერესოდ წარმოჩენისთვის.

სრულად
© 2021 Copyright