551 16 22 11; 577 415 789; 551 72 12 52 st.ninoschool@gmail.com
შეტყობინებები სიახლეებსა და მოსალოდნელ განახლებებზე

მიმდინარე სიახლეები

Image 09 ოქტომბერი 2026 წელი

ჩვენი სკოლის მე-11 კლასის მოსწავლეები საქართველოს პარლამენტს ესტუმრნენ. ვიზიტის ფარგლებში მოსწავლეებმა დაათვალიერეს პარლამენტის სასახლე და ექვთიმე თაყაიშვილის სახელობის ქართული პარლამენტარიზმის მუზეუმი. გაეცნენ პარლამენტის შენობისა და ქართული პარლამენტარიზმის ისტორიას, დაათვალიერეს ისტორიული ფოტოები და დოკუმენტები, მოინახულეს პარლამენტში მდებარე ხარების სახელობის ტაძარი და საპარლამენტო დარბაზები. ვიზიტის ფარგლებში მოსწავლეებმა სამოქალაქო განათლების გაკვეთილებზე მიღებული ცოდნა განიმტკიცეს და თეორიული მასალა რეალურ გარემოს დაუკავშირეს. ვიზიტი საინტერესო და შემეცნებითი აღმოჩნდა ჩვენი მოსწავლეებისთვის.

სრულად
Image 18 მაისი 2026 წელი

გვინდა, სიამაყითა და სიხარულით კიდევ ერთი მნიშვნელოვანი ამბავი გაგიზიაროთ!საქართველოს ბავშვთა და ახალგაზრდული საგუნდო კოლექტივების X ეროვნულ კონკურსზე, ჩვენმა სკოლამ უდიდეს წარმატებას მიაღწია! სკოლის გოგონათა ანსამბლ „იაკამმა“, ნინო ბიბილურის ხელმძღვანელობით, ორივე წარდგენილ კატეგორიაში (B b-2 და C b-2) შესანიშნავად იმღერა და უმაღლესი შეფასებები დაიმსახურა. შედეგმაც არ დააყოვნა – მონაწილეებმა ბრინჯაოს მედლები მოიპოვეს! ვერ აღგიწერთ, რამხელა შრომა, მონდომება და ნიჭი დევს ამ აღიარების მიღმა. თითოეული რეპეტიცია და დაუღალავი მზადება ამ გამარჯვებად ღირდა. მთელი გულით ვულოცავთ „იაკამის“ თითოეულ წევრს, მათ საოცარ ხელმძღვანელსა და ყველა გულშემატკივარს ამ დიდ წარმატებას. ბავშვებო, თქვენ კიდევ ერთხელ დაამტკიცეთ, რა შეუძლია დაუღალავ შრომასა და საქმის სიყვარულს!წინ კიდევ ბევრი ლამაზი და შემოქმედებითი მწვერვალია თქვენი უბადლო ნიჭით დასაპყრობი!

სრულად
Image 27 აპრილი 2026 წელი

დიდი სიამაყით გვინდა გაგიზიაროთ კიდევ ერთი სასიხარულო ინფორმაცია: ჩვენი სკოლის მე-10 კლასის მოსწავლე, ნატალი ჩიტაიშვილი, ASSIST-ის სასტიპენდიო პროგრამის გამარჯვებულია! კონკურსის შედეგად, ნატალიმ მოიპოვა დაფინანსება და მომავალი სასწავლო წლიდან სწავლას ამერიკის შეერთებულ შტატებში, ჩრდილოეთ კაროლინაში, O'Neal School-ში გააგრძელებს. სკოლის ადმინისტრაცია და პედაგოგები მთელი გულით ვულოცავთ ნატალის ამ დიდ წარმატებას, ვუსურვებთ საინტერესო გამოცდილებას, ახალ შესაძლებლობებსა და წარმატებულ სასწავლო წელს!   გვჯერა, რომ ის კიდევ არაერთხელ გვასახელებს.  

სრულად
© 2021 Copyright